كمت باوعت عالساعه ب6ونص طبت خاله مدت راسها كالت
ها عروس كعدتي
اي خاله ههه فدوه لعينج
يله يمه حتى تتريكين وي ابوج
اوك جريت نفس اباوع عالكنتور اشوف الدنيا كلها الوان بدلت راسن مانتو الدوام ولبسته ونزلت اكمز عالدرج وي ملازمي طلع كركر من الغرفه يبجي شايل حفوضته بيده نازعها ويصيح
ماما ماما
عزززه خاله الحمي غرفتج انكلت تواليت مختلط ههه
ركضت خاله
لك خرب امك يا اين الزماله
هههه ليش الغلط خاله
برطم كروري وانكتل وطببته للحمام طلعت للمطبخ بابا منصي عالتلفون من ذبيت رفع راسه باوعلي ببرود ودار وجهه ورجع باوعلي يقره وجهي جتني الضحكه من افرح مااعرف اضم صحك لضحكتي كال ويهز راسه بالموافقه
دومج فرحانه بابا
تقربت عليه بداخلي اذا حضنني احضنه محضني ماحضنه بقيت قوجريبه وهو يباوعلي مبتسم ويهز رجله ذب التلفون عالميز وجر نفس كال
شتردين
ماريد شي توني اروح من يمه جرني حضنني بقيت سامته حضنته قوي كال
منا وهيج متحتاجين حضني بعد
بابا لتكول هيج انت الاول بحياتي
الله يوفقج بحياتج بابا باسني من راسي كال
سامحيني بابا من خوفي عليج والله يجي يوم تصيرين ام وتشوفين خوفج شنو من الشي على اولادج
ههه اوك بابا بسته من خده وكعدت شربت الجاي وسويت لفه جبن اكلت عالسريع ودك هورن ابو غايب
اي. عمو جيت
يله بابا بيباي
تعاي اكولج
نعم وكفت كال
وينه مهدي
ابتسمت نصيت اشرتله بيدي راح
وين للديوانيه
اي البارحه رجعوا وصلو بليل
شنو ماعدهم بس عزيزه هنا
لا مو شقته الهنا الباعها دياجروها. واجرها البارحه يومين علمود جيتهم بس اخوه صار عده شغل فرجعو مكدرو يتركون معملهم
شنو منيلهم معمل
مال البان بابا صغير بعده بس سبع مكاين بي هود اسال زيدو رايح وي حوده
اوك ماشي تعاي اخذتي سبوعيتج
لالا مااحتاج بباي تاخرت
الله وياج رجعي لهنا مو ترحين لعمج
ليش بابا
بابا اريد احجي وياج
اوك من اجي عود مو عدهم عمليه مال لوزتين وعمو اخذ موافقه من دمتوره ناديه اطب وياها
يله براحتج لعد عالليل
اوك بباي
هله بابا الله وياج
طلعت ركض داومت جان كلشي ماعدي امتحان بس واجبات كومه والبارحه كلشي مقريت. طبيت للمحاضرات واني صافنه وعين الدمتور عليه عليه كلسا يباوع شو هاي مصفطه واني انزل روحي لحد مكملت محاضرات رحت لعمو كملت عمليه وطلعت طبيت لعمو كال
ها عمي راح خطيبج
اي عمو راح ضحكت الكلمه من تنكال تهزني
عابت هالحلك كمل بناءه البارحه ودزلي صور العياده بقه التجهيز الداخلي تشوفين العياده
اي عمو حباب جيت وكفت يمه وصلتلي بنفس الوكت اربع صور من ابو ذيبه ابتعدت اادزها يمكن مااحتاج
هههه ملعونه
ههه فتحتها كاتب
حبيت تشاركين فرحتي اليوم ودز الصور العياده مرتبه صغيره و4غرف 2انتضار و2عيادات وحده لعباس والثانيه اله وحمام بقيت اكلب وافكر رجعت للبيت زيد جان يم بابا فاتح وياه تحقيقي كمل بابا واندار عليه
زيد- عدج شي
لا
تلعبين كيم
اي هسه اجيك بيت جدو كمزت بدلت ورحت وراه طبيت جان ناصب البلي كعدنا بالكع وجيبه ماجيبه كسرته بالطوبه وكمت كام يسب ويشتم
باوع زيدو سوال
ها جواب
اكولك اريد اسوي هذا الباج اليتخلى عالميز مال دكاتره
ها للج
اوي اوي كلبي انجطلت عالقنفه وجدو كاعد مرتجي يضحك
زيد-ووجعه اثكلي
اذا انت وكفت كلبي رجلي يمه كلبي راح
جدو- ههههه ملعونه
زيد- اي موجود
اريد منه
خوش هو جراحه قلبيه مو
اي
بسيطه هسه اوصي عدي ولد يسوي
اي اي وصيلي
جدو- كملها
اي جدو باوع كعدت بصفه شوفته الصور وراسي على كتفه يباوع ويكول ماشاء الله كال
يابه تجهيزها عليه حاله حال ابو شكريه
باوعت لجدو اضحك صدك جدو
اي يابه ليش لعد سبع هذا واني حيل احترمه شكد ابوج هانه بس مخربط بالحجي لان يريدج
اي فدوه لعينه
الله يحفضكم يابه شوكت كال تتاهلون
كال من اكمل هالسنه لان سنه اللخ بالديوانيه اداوم
ها والله يابه وحده لكربلا ووحده ديوانيه وبناتهم ببغداد
هههههه المهم الانسان جدو مو مهم المكان
صح يابه صح بس انتي لتكوليله هسه
اي خوش لا ماكوله عود اني مادري
زيد- باعي هاي النماذج
الله يخبلن اريد على المانتو هم مثل الدنبوس
خوش بعد
ووقلم هم
شطلعت هاي طاك وقراصه متسويله
انجبب هاي الك مو اله هذا الواوي
دير بالج ليعضج
تره اهده عليج
لا عمي ماريد
عفتهم ورجعت للبيت. ادرس بواهس قوي وفرحه سبحان الله الدروس تركض ركض لبالي وتنخزن بي صليت ورجعت كملت شوي ورسل
اول عمليه الي بالديوانيه ادعيلي
حبيبي الله يوفقك
كوليها بعد حبيبي
حبيبي هههه دزيتها برساله صوتيه حبيبيي
دز افيييش
فايت انه
اوك رجعت لكتابي الوكت طار خابرت ماما حجينا شوي وراحت لليل تعبت كلش مكدرت بعد نمت واني اباوع عالحلقات عالميز تخبل شوكت البسها حتى تجربه تكدير مكدرتها الا بيده ونمت حسيت الصبح كاتب
نمتي شنو
اليسار
يله نوم العافيه عبالي اسمع صوتج قبل لانام،
قريتها وغميت روحي عاااااااا دكيتله ترميش راسن دك
الو
يااحلى صباح نوم العافيه يابا
ههه محسيت والله غفيت
يابويه هيج وتغفين علي وتكوليلي ماحسيت بالعباس فلا اوعيج ولا اتحرك للصبح حتلو يجبن جسمي لحد ما توعين ببحيدج
هههه
يله بويه كومي اي يمه جيت كومي تريكي وراج دوام
اوك كمت كال
ديري بالج على حالج اليسار الحجاب
هياته قطعت كلامه لابسته
عفيه عليج
هههه احبك
جر نفس ساكت كال هاي امي تسلم عليج
هاا هههه الله يسلمها بوسيالي
وانه
ها شنو
وانه
شنو انتسكت وكمت اخفي لوجهي نار صار خدي ضحك لسكوتي وارتباكي كال
هههههوصل اليساربويه ديري بالج على لبسج
حبيبي من اطلع اشوفك شلابسه
لا بويه انه بس دااذكرج واثق بيج انه
اووف شكد احبك
امم جا زين ياله بويه روحي لا تتعطلين على دوامج
اوك باي
يكولون في امان الله مهونه بالله الله يسهلها عليك مايكلون باي يبت بغداد يحنيه بهيه ياروح الواوي
ههه اوك مهونه بالله
ييحفضج ربي الي اله وياج موفقه
اوك سديته منه بدلت ركض ونزلت اكل بسع بابا مبتسم لخيواي ونشاطي وفرحتي كملت اكل وطلعت وعدت الايام بليل كمنا منحجي اني وياه لان ثنينه تعابه من الدراسه نتخابر الصبح قبل الدوام شوي ونروح ونوبات تطك روحي من الدراسه والشوق واخابره حتى لو بالمستشفى واضل اكوله
احبك احبك احبك
وهو يضحك من كلبه واروح مرت شهر واني مشايفته حتى كام بس من يدخل لصاله العمليات يمول فلان عمليه داخل ادعيلي واني ادعيله مرت شهر وصادف اعياد نوروز يوم خميس وراه جمعه يعني نومه مرتبه وانامها من الاربعاء الضهر لحد الخميس الفجر حسيت على رجه الفون باوعت
سبع الموصل يتصل بك
رديت الو
احلى صباح
هلاوو
شون عيونج يابا
زينه ههه شبعت نوم
ممم جا زين لعد تهيري
شنو وين
راح امرن عليج تنه وابو شكريه وساره
وين
نروح كربلا
صددوك كمزت اكلب بالكنتور مادري شداسوي كال
ام بله حضري المحابس بويه واستاذني من ابوج واذا تردين خلي امج تجي وياج
اوك
يله نص سلعه احنا يمكم تره اتخبل من اتاني مره
لالالا مااتاخر سديته وبقيت اكلب بالهدوم ركض ركض لبست باوعت لروحي محبيته رجعت نزعت لبست ثوبي الاوف وايت احب الرصاصي وكرايبه على عناد ساره مكيجت خفيف واللهفه كتلتني اكلت لكمه وطلع بابا كتله كال
منو وياكم ساره ومحمود
اي بابا وزيد هسه خابر كال اجي
اي هاهي بابا روحي
اوك حضنته مااعرف ليش كال ديري بالج عروحج وادعيلي
اوك ببا طلعت بالطرمه انتضر اندك هورن ركضت طلعت يمه مطلع جتافه من الشباك مبتسم تك خد والمناضر لابسها الشمسيه والساعه يابويه ياضييييم كلبي ركضت اضحك نزل من السياره مد ايده يصافح مديت ايدي لزمها وكال ياله صعدي وجهه مورم مال نوم
حتى صلاتي صليتها قضى هلو حوده
احممم هلو اليسار
هاي شنو بله بوست ساره غمزتلي ونغتني
شنو اليسار وينها اللو لعد يباوع بالمرايه محمود ويدير وجهه يعض شفته نتر بي ابو ذيبه كال
امشي عدل لا تضربنا نط زيد
اسوق بمكانج حوده
لاع يابا شني السالفه داعمكم قبل
اليسار - بصفي كاعده ساره شاورتني كالت رزله لمحمود يكوله لاتاخذ ميانه ولا تمول اللو انه ماصايها اللو انت شني تدلعها
يمه كلبي حبيبي يغار
والله اني خفت منه مو بس رجلي
هههه طلعت المحابس باوعلي من الجامه الجانبيه غمز نصيت اضحك مديت ايدي وره كتفه التفت ويخاف لا ينتبهون شال ايده اخذ العلبه عرف المحابس جر نفس وخلاها بجيبه وبقه يباوعلي من الجامه الجانبيه وايدي بعدها عالكشن تلمست بطرف اصبعي اذنه بالغلط صارت جمد غمض عينه وجر راسه عن ايديراسن وخرتها خجلت خرب خضي اي والله بقيت ماباوعله قريب مدنوصل كال حوده
يبنات عبيكم وياكم
عزززه نسيت كلتها وخليت ايدي على حلكي كال
انه جايب عبايه الج
عكدت حاحبي جر نفس كال بعدين افهمج
ماشي بقينا ساكتين وصلنا ونزلنا بالكراج ساره نفضت عباتها وابو ذيبه نزل بيده علاكه كال لبسي ويباوعلي من حوه ليحوه مبتسم وصام الضحكه
فتحت الحيس بعدها جديده وريحه امه بيها باوعتله
هاي جديده
بويه عدنا المره اول نيشانها عباه واني خيطتها قبل يومين كملت
حبيبتي فدوه لكلبها
ها وانه
هههه نصيت رفعها وفتحها وخلاها على راسي التفتت عليه كال مضبوط على طول ضفاف قاستها باوعلي ابتسم كال
الناس تلبس عباه حتى محد يباوع وتنستر عروضها وانهرالبس عباه النوب تضوي العيون ازيد بعد والوجه يضوي وين اوديج انه كليلي
نصيت راسي كال امشينا بويه ينتضرون بره الكراج طلعنا ومشينا للامام وصلنا لحضره العباس ونزل عالعتبه باسها واندارعلى حوده كاله
روح شوي اخذهم وروح بعيد
بقيت كال روحي وياهن اشر بركبته رحت مبتعده
وصاح لبعلو صوته بشعر ماكصرت يسبع الكنطره
طبيت انه وروحي الذليله لداخل الحضره
وطلعت رافع راسي لا شك عدوي تسطره
لكيتك حاضر وفرحي تحضره
شعر طويل يقشعر الابدان وبيه هواي كلمات مااعرفها بلغتهم جان صوته يرج ويلقي بالباب وفات شوي واجينه يمه اني دموعي موكفت لخد ماصارت عيني بعينه زرنا وكملنا والتقينا بين الحرمين كال
انه نادجذر هنايا البسج حلقتي
نصيت راسي كال،لا تدنكين الاخذها ماتدنك ترفع راسها وراسي رفعت راسي طلع القوطيه مبتسم وعيونه بعيني دجزيد ومحمود اشتغلونا صور عدل عباتي وطلع الحلقه لبسها الي ايدي ترتعش وصل لتص الاصبع وباوعلي بعيني كال
يااول فرح دخل كلبي بعد موته
برطمت رفع حاحبه محذر همس ولادمعه بعد يكفي الذبيناه
هزيت راسي اوك لبسني المحبس وباس ايدي وبقاها بيده باوعتله وانت لعد متلبس
انه ماجايب
لا اتي جايبته ههه نزعت الحجاب وطلعت الخلقه من حبله كال
البس هاي
اممم ههه انت مافد يوم صرت لغيري لبسته حلقته ونصيت بست ايده وخليتها بكصتي رفعت اسي كتله
يااحلى نعمه من الله بقه منيل راسه يبتسم همزين الولد بعيدين يطكون صور وميسمعون كلامنا بقينا شابكين ادينا وصلنا للسيد كال محمود
ها تعقدون
كال ياله
باوعتله خاف ميصير
بويه شهود ثنين موجودين خلي نعقد
ماالبس السيت وهاي السوالف
جر نفس همس بين سنونه دسدي حلكج بويه انه شون بفاطريتها هاااي زلم كدامج ضغط على ايدي
اوك هزيت راسي كال لمحمود
لا نرجع غير يوم انه اريدن مهر
رجعنا للبيت بعد متغدينا بيت حوده وشفنا عيادتهم تخبل تذمرت الباج السويته اله اشرتله اريد احاجيك جان ديحجي وي نسيب حوده رفع راسه وهزه اي شوي وطلع اجاني للمطبخ
ها يابا
سويتلك فد شي
شني مسويه
طلعت من جنطتي الباج والدنبوس والقلم فك عينه ورفع راسه جر نفس يبتسم كال
ليش كلفتي روحج
لا اريد افتخر بيك واتباها لتنزع الدنبوس
يبعد بهيه يبعد روحي شون انزعه وهو بي ريحتج اااخ ربي يله بويه نروح هم ياله اروح وارجع
اوك طلعنا وي زيد بكروه ورجعنا وهو طلع للديوانيه وصل ب12خابر
حبيبه اني توني فتت
اوف الحمد لله احبك
ماتنزع حلقتي ابد
هههه كل عقلك انزعها
يله بويه روحي ارتاحي يومنا حان متعب
اوك
االيسار
نعم
الخميس المهرلكيت امي مكمله الحهاز كله تكول بس نسوي بسيط يعني بيننا
بقيت صافنه هزيت راسي اوك
شنو ببالج عاجبج كولي
انت عاجبني وخلص بس خلي اصير مرتك وهاهي ماريد شي
احبج
اموتن بيك ههههه
يبعد روحي
مهونه حبيبي
الله وياج
سديته منه ابتسم واباوع للحلقات واجه الخميس وسوينا مهر بسيط هو احنا بس بيت جدو عشيره. فرع كامل خطيه مقصر هواي صرف ولبست السيت وكلتها واخيرا نعم انت وكيلي. وكمل العقد والهلاهل وصعدت البس بدلتي وساره وياي على غفله صعدت ماما تركض كالت اجاهم تلفون وكلهم راحو متعذرين مدري منو عدهم تصوب
يايابه روحي غابت عفيه فرحه متعرف تكمل تعبت واني اتخيله يلبسني ويباوع طول شعري وجسمي بالبدله الزركه-------
