اليسار-حسيت الصبح بدلت ونزلت عدي امتحانين اليوم تشريح عملي طبيت للمطبخ منار كاعده جانت بالحجله اوف الله شلتها ضلت تاشرلي اشيلها فتريت بيها بالحديقه شوي وجتي خاله
ماما تعاي تريكي تاخرتي
خاله مو اختي خطيه ضايجه يمه فدوه لاختي يا الله شكد حلوه هالكلمه بستها لحد مبجت يله عفتها طبيت وي خاله بابا جان كاعد عالميز ياكل
صباحو بابا
مرد عليه باوعلي بعتب ونصه راسه عالاكل
بابا شبيك
كعدي كملي دتروحين لجامعتج تدرسين زين رايحه تدرسين انتي
اي لعد داالعب عمدت حاجبي مستغربه كعدت لكمتين وكمت انسدت نفسي دااطلع بابا كال
بعد لتروحين لعمج ترجعين للبيت ومتططلعين حا حال الطلاب جان يحجي وياشر بنتره بقيت صافنه
بابا شبيك ذبيت اللفكس والجنطه اكو شي شبيك وي عمو
مامو اييي شي مثل مداكولج سوي
والله بابا اني روحي صارت بالمشفى وجوه ايد عمو مااكدر مااداوم دروسي صارت سهله عليه كلش من وره العملي الدادرسه يمه
اي لعد لتداومبن كليه وكمل اكله
بقيت اباوعله نزعت حذائي وطبيت بابا باوعني رفع راسه
كليتي جبرتني عليها وهليتني كوه ادخل طب. وكتلي اريد اتبها بيج شنو الصار هسه
بابا اني حجايه كلتها متصير ثنين فاهمه لو لا
ليش غير اعرف تره عمري 20سنه مو زعطوطه اني
لان اكو شكولات زفره ميعجبني تختلطين بيهم
بقيت صافنه
بابا لو تفهمني عدل لو ماداوم واخلص
اي لتداومبن
بابا شبيك برطمت اكو شي احجيلي كلشي خل افهم صرخت خاله فضه باوعتلي اخذت الجهال وطبت لالا الموضوع جبير لعد كال
البارحه اكو دكتور زايعته الدنيا وجاي تقدم لعمج ياخذ موعد يكعد يحاجيني يطلبج مني
فكيت عيني كلبها كلبي وكف الا شوي جريت كرسي وكعدت بعدوء احم اي
اي وهالشكول متعجبني
وليش متعجبك
هاااا يعني تعرفي
اي اعرفه وصار سنتين الولد يساعدني ومودب ورزن صاح
وحافي ومتهجر ويبيعون جبن وكيمر بالعرب بالديوانيه وبيتهم هيكل وبعد البناء مخلصان وكاعدين بي وي كومه لحم وفوك كل هذا ويريد يرجع يلتحق داخل على طمع هذا بابا سمع انتي بتمنو وجاي ركض على كلبي
بابا اختنك صوتي ابو ذيبه مو هيج والله بابا عدهم املاك كومه بالموصل بس تهجرو
يابه اني شعليه بي الولد عصامي على روحه جاييني على طمع مكيف بروحه شون تجرا ماخجل مكال شون راح افك موضوع وهمه وين واني وين
بابا اني مقتنعه بي ومراح ارضى بغيره رجعت ليوره جر الميز وكلبه. وكام يغلط عليه تقدم عليه شال ايده يريد يضربني
بقيت صافنه عليه ارجف كال بصياح
وخري من وجهي امشي يللله
رجعت طبيت جوه للغرفه حتى مداومت مكدرت بعد خجلت احاجي الواوي خابرت ساره كتلها خطيه ابجي وتبجي ويايه رجعت نمت للعصر نزلت اشرب مي سمعت عمو يحاجي يكول
الولد لو مثل مدتكول مجان كعد بمدرسه وبت اخته عدهم بيت جان راح كعد عد بت اخته وبابا يصيح ماانطي وخلص ارفض
- هذا هو رفضت كتله يابه الاب مقابل يكول بعدها صغيره
اي هذا هو
وبتك
بتي وكفتها عد حدها ابجيها ولا ابجي كلبي. مخبل داانطيها لهيج واحد
مااعرف شكولك والله يعني لو اني بمكانك مااعرف شسوي
لتكول شي هاي هي
يابه اليوم مداومت
ولتداوم يطبها الف طوب
جامعتها نعمان
اذا متجر عدل معناها مستقبلها متريده وهي بعد تختار لو الموضوع ينسد لو متداوم وتنحبس بالبيت اثاري اريي وادلل واسمر للعرب
زين ماشي يله اترخص
اليسار- عالدرج واسمع الهوسه وعيوني تجري صعدت فوك صافنه تالي لزمت التفون دكيت للواوي راسن يفصل شنوالسالفه مره مرتين يفصل بسع. يمكن نت ماعده
شون بيه دكتلي زمن
الو
ها اللو وينج اليوم
حجيتلها كلشي
كالت خرب حضج مااعرف شسوي
شسوين انتضري وسكتي
امتحانات عدي
اليسار لتخلين هالشي ياثر على مستقبلج
هو كل مستقبلي زوزو اشوفه كل حياتي
لج بابا محد مات وره احد
مو متت وراه من القهر
ميخالف اللو
مادري الله كريم بباي
هلو ديري بالج على روحج
ماشي
النوبه حتى محمود ماكو راح لاهله خلصت دورته ونت ماعده لليل صاحني بابا نزلت. شفت جدو كاعد يمه طبيت بست جدو من ايده وكعدت يمه بابا كال
شوفي بابا اذا تردين تكملين جامعه شيلي هالموضوع من بالج
بقيت ساكته برطمت باوعلي جدو باوعتله اريد العبره تروح كال جدو
جدي ميفيدج والله وجرني لحضنه اباوع بابا عيونه نار نصيت عيني ودموعي جرت باوعت لجدو باسني من راسي كال
جدو مو ثوبنا وتتعبين ابوج غير يخاف عليج
بابا اني اتحمل وياه
لج انتي متستحين
وكفت وابتعدت صحت بابا اني موافقه عليه انت معليك
معليه شووون
بابا تتذكر شون جنت جنت ولد اني جدو صاح بسسس
سكتت كال تعاي كعدي مو عركه هيه
كعدت كال
احجي على كيفج احترمي جدو احنا مو مدلليكم تالي تعلون صوتكم علينا
بلعت ريك جريت نفس باوع بابا اني جنت مثل الولد وتتذكرني جنت حتى تدخين ادخن من نراكيلك الباقيه وي جماعتك بالحديقه وهالولد خلاني ابطلها خلاني انتبه لروحي غيرني من الصفر بابا احجي ودموعي تجري بابا يباوعلي رافع تك حاجب وضاغط على سنونه
وفوك كل هذا حجايه زايده محجه ويايه كل الكاله اني لو بوكت الجانت الدنيا زهيتلي جان زفي للموصل بس هسه وضعيتي تلف وتركني لان يعرف الفرق الطبقي البيننا بس كرابته تقدم الي وهو تخبل غيرته متحملت فتحمل الاهانه وتقدم اني اريده واقبل اوكف وياه واتحمل كلشي
انتي وحده متخجلين
بابا انت علمتني عالصراحه والله يدري وداعت جدو اني غلطه وحده مغلطانه وياه حجايه زايده محاجيه منسويه اي شي تخجل مني بي
بقه يباوعلي بشك كملت كلام
بس انت اذا ماعدك ثقه ببناك هاي شي راجع الك بعد واني ماابقى بالبيت حروح بيت جدو
اكعدي بسس
كعدت مسحت دموعي منصيه كال
الموضوع ينسد لاانطيج للعرب ولا ابد ترديت تكملين دراستج باحترام اني حاضر وياج اكون بس والقران اذا سمعت شي يا اليسارلا انسى انج بنتي وللباب متوصلين بعد
بقيت اباوع بعينه كتله
مااقبل بغيره اني
منو كااااالج تزوجي بيج خير كملي دراسه تلحكين عالزواج انتي دكتوره بابا
هزيت راسي ماشي
اذا سمعت محاجيج لا اطيح حضه واخجله بنص الكليه واللله
لالا بابا والله برطمت ادري بالواوي وعزه نفسه عفتهم وصعدت ابجي من صدك تدمرت رجعت لصلاتي وكانه الله اشتاق لصلاتي الطويله الجنت مختصرتها بالفرض فقط لان ملتهيه بالدراسه وبقيت لليل اصلي واندعي حلم مسلوب مني ساره كالت اصبري متدرين ربج شكاتب
ساره مااتزوج غيره لو اموت
حبيبه ماداكولج تزوجي غيره داكولج صبري يجوز ابوج يفك من وحده
الله كريم
تحضري لباجر بله تسخت
اوك سديته منها حتى واهس ماعدي للدراسه طبكت ونمت وارجع اتذكر روحي وي غزله واغمض خلص كلبي من البجي غفيت وكعدت الصبح بدلت ببرود داانزل الدرج صاح بابا
ترجعين لهنا دكتوره مامو مستشفى
اوك بابا طلعت ورحت وي ابو غايب وجتي زمن بس شافت وجهي شهكت
لج ماما حتموتيها لروحج
مووتهم وين الله واموت
اشش جبي
جريت حسره وصلت للجامعه بس ردت اشوفه بقيت اتلفت وانتضر جيته طبيت كم محاضره كلشي مجاوبت وطلعت لزمت راسي انسطرت رفعت السي لمحته فات للقسم لحكته ركض صحت
مهدي
مهدي التفت باوعلي فك عينه وعكد حاجبه
شبيج شبيها عيونج
راسن بجيت
كال متلفت خاف احد يشوفني شششش لحكيني للمكتبه
مشه كدامي وصعدت وراه كعد راسن بمكان فارغ وجرلي الكرسي اكعد باوعلي
شبيج منو وياج
ابو ذيبه بابا
جارغير رفض
اي كلتها ومتت بجي
كافي عههه كافي عيوني انتي لاتبجين
انت دتضحك مداير بال اني داموت
بويه لا يهمج حقه انه لو ببكانه هم ماانطي
ليش اني مااكدر اعيش بلياك كلتها وسكتت اباوعله مبتسم يباوعلي ذايب جر نفس كال
ولا انه الاستغنه عنج بعد
نصيت ااسي ودموعي تنزل عالميز
بويه كافي شليت حالي
شون
اصبري يابا انه بس خل ارتكز لا يهمج بعدنا صغار تونا بادين بسم الله
واوي لتعوفني بعد وداعتك اموت
اوف ربي جاانه الاعيش بويه لاتحجي هيج انه مااتحمل باعي يابا انه بس اتخرج سنه الامتياز اداومها بكربلا. بالمستشفى مال الكفيل قبلوني البارحه انه ومحمود
هزيت راسي اسمع كمل كلامه كال
انتي هم تكملين دراستج هالسنه وسنه التجي
اي
وبعدها اتقدم لان من اداوم مستشفى راتبي زين واكدر ااجر وافتحلج احسن بيت،بقيت اباوع بوجهه جريت نفس سكتت باوعلي مبتسم كال
تصبرين وياي يبت بغداد هاي انه حالتي ماتكدرين تصبرين هم الج العذر
اضل طول العمر اصبر بس لتعوفني
هههه وياج للوحه تبجين لاجلي يابويه ياسعدك يمهدي
هههه
بقه يباوعلي ذايب وكف كال
بويه عدي معامله لزوم اكملها حتى اامنلج احلى حياه ويابا ابوج حقه
هزيت راسي اوك نزل وراح ورحت لقسمي اخذت محاضرتين للاربعه خلص دوامي طبيت للبيت بابا تلكاني من باب المطبخ سد الباب ورايه والتفت صاح
ليش كاعده وياه وحدكم
ها
سمعتييييييني
بابا شبيك ليش هيج انت ويايه اني بس حاجيته دااكوله
شال ايده وضربني راشدي رجعت ليوره صافنه عليه عيوني احس نار مو دمع تطلع منها راسن انهزمت فوك وحلفت ماابقى حتى لبيت جدو حضرت هدومي وخابرت ماما وكتلها راح اجيج وفعلا رجت تلكتني ماما بالاحضان واني ببرود اسلم عليها للعصر خابرني بابا مرديت قفلت التلفون كرهته لابويه لاول مره بحياتي هابرني عمي سلمان
الو
ها عمي انتي ويم صدك عد امج وداج ابو غايب
اي عمو
ليش عمي ليش
عمو ضربني واني منسويه شي
ميخالف يبقى ابوج
عمو اني مغلطانه بشي وبيتنا ماريد اروح بعد شنو شبي انكلب هيج عليه
بابا الاب من يحس اولاده ممسيطر عليهم يفقد اعصابه
عمو اني شنو ذبنبي كمت احجي وابجي ليش شسويت مو كلشي يريده مشيت بي وياه
خوش عمو روحي ارتاحي
اوك سديته منه حجيت وي ساره ومحمود يقنعون بيه ارجع واني قفلت كرهته حيل والاكثر اداني اريد اخابر الواوي مييحصل عرفت مسوي بلوك انقهرت حيل تحز بكلبي كعدت اقرا فرغت راسي من الهوسه بيبي خطيه ام امي ضلت كلسا جايبتلي شغله مكيفه بيه بس الوضع الاني بي ممتحمله احد ذبيت قهري بدراستي ثاني يوم داومت وطبيت امتحن طلعت لكيت ابو ذيبه بالسنتر ديحجي وي ولد صاحبه من بغداد باوعتله باوعلي ودار وجهه وطلع وجهه نار ومخنوك بقيت صافنه شبي هذا لحكته امشي وراه واصيح مهدي وهو يسرع بمشيه طلع لبره الجامعه التفت بالشارع كال
يابا شتردددين يحجي بين سنونه
بقيت صافنه بلعت ريك
شبيك واوي
لا تجين صوبي لا تحاجيني ولا تكربين مني بعد فاهمه
بقيت صافنه عليه
انه تالي وكتي يصير بيه هيج كالها وعافني وصعد تكسي رجليه رخت وعيوني تخشبت بالربع ساعه واكفه اتذمر كلتمهرواشوف الفرق وي نضرته حسيت روحي دادوخ اخذت تكسي ورحت لامي دكيت على ساره ايجي وهي ساكته
ساره احجي
شحجي شكول
شكو احجي تعرفين شي محمود كالج شي
اليسار البارحه ابوج وعمومتج دزو عالواوي وكعدو وياه ومحمود اجه وياه وكلمن سمعه حجايه تاذي اللي يكوله ماعدك غيره واللي يكوله انت داخل على طمع وختمها جدج يكوله خاف جيف ساعدنا بنت اختك شفت عدنا امكانيه كلت اصعد براسهم
والولد ساكت منصي كملو حجي تصافح وي عمو عبد الرحمن اللي كلشي محجه بس يدافعله ويسكتو
بقيت صافنه صدك وجعني كلبي خجلت من اهلي سديته من ساره لزمت راسي بيدي حلفت ماارجع لبيت ابويه بعد والواوي راح من ايدي الحب ضاع كله الحسيت بي كله راح بقيت كاعده بزويهزالغرفه بضلمه وقافله الباب عليه
رافعه راسي ليفوك ربي هديتني بصوت سمعته باذني يصرخ اله واكبر ووكفت على حيلي بيك دخيلك ربي دخيل اسمك اذا حبيت احد بحياتي فحبيته لهالشخص يارب اجعله من نصيبي راضيه بكل العذاب اللي راح اتحمله وياه بس ساعدني دخيلك بجاه صلاتي عدك وبنفس الضلمه بمكاني رددت
بالصلاه على محمد وال محمد ودموعي تجري لحد ماحسيت روحي اغفه وماما تروح وتجي تدك الباب ماارد عبالها نايمه بس حسيت وجع بكلبي وخجل منه شصار بي خبيبي وبقه ساكت لخاطري ادري بي عصبي وميتحمل ربي هونها عليه وساعدنا ننجمع بالحلال والله يدري بحياتي مدايسه حرام غفيت وحسيت الصبح ميته برد ------
يتبع
الاب من يحس بنته راح تضلم روحها بزواج يهدم حباتها يفعل المستحيل لا نقاذها
عن تجربه 😔😔
