اليسار- جانت ب7ونص الصبح طلعت السيارات وصلنا تقريب ال9وربع نزلنا وتلكانا نسيبهم ابو فاطم ولو صار عده حسين. سلم عليه جدو وعمو وزيد كال خلي الحجيه ام زيد تدك الباب بعدهم لسه ماصحو العرسان تفضلو لبيتي انتم
استحيت اروح وي خاله ام زيد بقيت وي جدو وزيد وعمو امشي واباوع عالبستان صحت بيه العواطف خاف ناسيتها ذيج الكابينات والقواطع وهايزالحكامات وهناك كعدنا اني وياه يربي شكد مشتاقه اله طبيت ام فاطم مخليه الجاي والريحه مال هيل تسطر ومصفطه الكاهي بس مدور ويمه دولكه حليب زيد باوع حليب باوع لبو فاطم والله شتاقيت للحليب مال الزياره
زيد بويه بعد مانستغنه عنك اختك وخذيناها هله هله بينا بالزياره
مو تدلل عد عيناك
صبله كلاص حليب وجره وعمو هم شرب كلا ص بس خفت على جدو يشرب لان ةلش دسم مال جاموس موزين على كلبه اباوع عالبيت واكول بداخلي وين نام الواوي من بات هنا ططبونا بغرفه جبيره كالت ام فاطم تفضلو للديوان توني اطب شفت عباس يفرك بعينه ويعدل دشداشته وشعره شافني ابتسم ومد ايده لعمي وجدي وزيد واندار عليه كال
شونج دكتوره
ههلو درت وجهي كلشي بيه يذكرني بالواوي احس روحي بنضره اخونه ماريد يتامل وجهي لو يشوف حتى لون عيوني. مااتحمل بقيت منصيه كال تفضلي طبيت كعدت بص جدو شوي وجاب السفره وفرشها وكام زيد وياه يساعدهم ويجيب الغراض ويعدل وهناك طلت عروستنا كمت بوستها تباوعلي بقلق واني اباوعلها نفس النضره
شونج
زينه انتي وجدو شونكم
زينين الحمد لله باوعت لمحمود خجلان وطب سلم وجرت خاله ام زيد ساره للمطبخ بقيت بمكاني خجلت اروح وهناك سمعنا هلاهل ام فاطم وامها كمت باوعلي عباس يتامل طولي كشت روحي من نضرته رحت للمطبخ بوستني خاله ام محمود ورجعت هلهلت وطب للصاله وتهلهل ضحك محمود كام باس امه من راسها حضنته وبجت خطيه كالت
يمه يافرحتي هم يجي يوم اشوف جهالك
انشاء الله يمه بس ادعيلي
ولك يمه لو ماادعيلك تاخذ هالكمر
سلمت علينا كلنا وكعدنا عمو كال
يابه ابو حسين اني كلت الكيمر اخذه من يمكم لتخجلني
عمي صدك حذب انت اليوم نورت المزرعه كلها
يابه لتخجلني كتلك الريوك على اهل البنيه وزيد الليل كله اكل راسي بكيمركم وجبنكم. فاخذ مني حسابهم بس هالمره
جا زين لعد بيها شرط وكولي تم
تم يابه
انتم اليوم تباتون هنايا شتكولون
لايابه عدي شغل وساره تدري
ماي يخالف ساره هم عزيزه كلبك فد اليوم حتى تشوفون مزارعنا وتشوفون مزرعه شيخ عباس بعد
اليسار- جان يحجي ويباوعلي ويباوع لعباس عباس ماشال عينه واني تضاايقت حيل وحتى محمود انتبهت عليه متضايق المهم قبل عمو نبات واني كابلت ساره وكعدت. نسولف اني وياها خطيه حضرو الغده شوت ام فاطم وخاله ام زيد كيفت وياهم تساعدهم نرجس وساره واني كليتنا ساعدناهم شوو بتنو الطين لحم ودجاج مشوي واني بالي يم جدو شحياكل وتالي شفت ساره تسوي شوربه كالت هاي لجدو ارتاحيت للضهر افتريت اني وساره ومحمود وزيد نفس قبل وبقينا نسولف ومحمود يسولف ويباوع لساره وعيونه تلمع ضلينا نحشش مثل قبل ونضحك رغم ضحكتي بس ابتسامه بس حيل مرتاحه. هناك لمحت بابا وعمو وابو فاطم وعباس ديفترون وابو فاطم ياشر على مزرعه لخ ويحجي التفت عباس علينا مبتسم وتقدم يعدل بربطه راسه العكال الرابطه مثل الخليج وصل يمنا كال
ها يابا خوش لمه
زيد - اي والله نرجع الذمريات احنا صارلنا 3سنين اصدقاء
ها الله لايحرمكم هاللمه -- التفت عليه ابتسم تك خد كال اي دكتوره شونج وي الدراسه
جريت نفس درت وجهي على محمود باوعت بعينه اكوله انقذني جاوب عني كال
سبعه اليسار مينخاف عليها كومي ساره اخذيها وروحي وي ام فاطم
اي اوك
كمت راسن خلصت وطبينا راسن وكفت اسوي زلاطه وخاله تسوي اللبن وام فاطم وامها يصبون مبتسمين. وفرشو الغده بالبستان وجوي بعد ناس كرايب ابو فاطم اهله وصارت لمه حلوه وعباس مشال عينه ماعوني مابي لحم مو ذاك الكد ارغبله بس احب الدجاج ومحمود يعرف لان كم مره طلعنا سوه كال
اللو هاج عيعو
عدي خلتلي ام فاطم
يول دكلي وراج دراسه شمرلي فخذ مكسب مبينه بي الحموضه شفت عباس شال لحمه من فخذ الخروف اني اباوع لايده كانما عرفت حيجيبها يمي كام افتر وخلاها يمي كال
بويه لا تخجلين صرنا اهل اكلي لحم وشوفي حلالنا شمطيبه
همست شكرا ماحبه باوع لمحمود ايس مني جر نفس كال
خويه ابو شكر ماتحاجيها جي مني ماتريد تاكل
محمود- ابا الفضل اهي ماتحب اللحم بس الدجاج تاكل حتى السمج ماترغبله خيتي واعرفها
كملنا اكل ولملمنا الهوسه وياهم وكفت اليسار يمي نغسل بالمواعين وحده تغسل واللخ تعلي نشتغل ونسولف ونضحك حجت على بيت عباس شون صاير وحجت عالمواقف المضحكه الصارت بليلتها وحجت عالشغلات الناويه عليها وي محمود جنت اسمع بتمعن اريد اشبع من طريقه كلامها صار الليل وعمو وجدو يفترون وي ابو فاطم وراحو زارو بسياره عباس المهم هو راح وياهم مليت من نضراته. مردت اجيب طاري الواوي كدام محمود خاف ينقهر وهو عريس اباوعله شون يباوع لساره شون حلوين الله يحفضم رجعو جدو وعمو نامو خاله وام فاطم وام محمود يسولفون زيد وعباس كابلو البلي واني واللو رحنا نفترجتي نرجس ويانا نرحوسه صف خامس اعدادي هالسنه صارت شكل كلش حلوه بيضه مثل امها وعيونها نرجسيه عدهم بس حوده اسمر و ام فاطم سمره كاعدين سوه نسولف حسينا حركه بالزرع وحمحمه كلت بكلبي اهووو وكف بصفنا كال
ها وحيدكم
سلره- اي الولد ديلعبون بلي جابه وياه زيد
ها جا خوش
اليسار- خله ايده على جذع الشجره كال
شونج بدراستج مدبرتها لا
اي الحمد لله جاوبت بملل انتبهت على نرجس عيونها قفلت عليه تباوعله تبتسم وتنصي باوعت لساره هم انتبهت ابتسمت نصيت بقه واكف يحجي عالزرع ويسولف عالبناء الجديد البنو عبالك بالموه ديطلع حجي وساره تتجاوب وياه عيب تفشله نرجس ترفع راسها تباوعله وتدير وجهه عليه يمكن لان ديباوعلي هناك عاطت كامت ركض التفتت شبيها هاي هو عكد حاجبه وايده عالشجره ونرجس شالت بيدها حيه خضره من راسها ومردتها بالشجره بقينا صافنين باوع لنرجس كال
والله سبعه مصدوم بيج
ردت عليه كالت
معوده عليها ببستاننا القديم يم بيت ابو صالح علمتني وسن جون اكرخ راسها بس تدري هاي تموت سمها منين اجت
يابا زرع وبينهن تصير بس والله عاشت ايدج
اندارت علينا نرجس واحنا مصدومات فاكين حلكنا كالت
امشن بنات لايصيبكم شي انتن امانه والدنيا ليل لولا ستر الله جان انثبرنا بشيخ عباس
اليسار- اباوع عباس مصدوم يباوعلها يابه كلبي طار حب من اول حيه ههه تباوعله تبتسم بقه كلسا يمشي كدامنا ويلتفت ويسالها
جا شون شفتيها
لمحت حركه بالغصن توقعتها صل
مشكور يابا
لاعادي قابل اهدج تتسمم انت هم حمه اختي
هم صح التفت عليه
اليسار لو متسمم جان داويتيني
باوعتله كلت بداخلي لو متسمم جان عفتك تموت جاوبت نرجس كالت
لااعرف شون اطلع السم
جا حتى هاي تعرفيها
ام بله علموني علي
شون ماتكليلي اخافن فرد يوم وتعضنا حتى اعرف
تمص بكانها قوي وتبصقه تحجي وتاشر بهدوء بقه صافن عليها فاك حلكه ابتسم هز راسه كال
عاشت اديج سبعه
كملنا مشي وصلنا للبيت بتت يم النسوان وعمو ونسيبهم وزيد يم الزلم ساره طردتها ام محنود. مقبلت تبات يمنا وطردو محمود هم
اليسار- تمددت افكر باوعت لنرجس صافنه انداريت عليها نرجس
نعم
اكولج احجيلي عن بيت ابو صالح
ههه من وين تعرفينهم
لا اعرفهم بيت الواوي مو
ام بله
احجيلي عنهم
انه كضيت احلى ايامي هناك وي ابوي الله يرحمه وابوهم الله يرحمه ابوي مات وره سنه صار التهجير
الله يرحمه
جانو كلش صحبان مايتفاركون ابوي جان حسب ماتكول امي يعوفها بالبصره ويسافر الديوانيه يبقى 13يوم ويرد ينزل يومين ويرد يسافر لان هناك وضيفته ببراها رادو بالموصل هو وابو صالح وابو صالح هد ولايته وراح صوب الموصل وبقه اتصالات وي ابوي تالي كاله لكيتلك خوش شغله واننقل يم ابو صالح بس ابوي ماكدر يبقى يسافر للبصره ويرد للموصل حيل بعيده والوضع صار موزين بالطريق الخارجي تالي اخذ امي واختي جانت فد سندس عده اخذهم سافر الموصل استقرينا هناك وابو صالح كعده ببيت من بيوته بعدها ابوي اشتراه لان تكول امي كمنا نلعب بالفلوس وببراها اشتره ابوي مزرعه صغيره بصف مزرعه بو صالح وهناك هم بساتينهم وحلالهم خطيه مسوين لمه بفد كاع بيت بصف بيت كلهم خوات متزوحات واخوه وعمام كوم ناس عدهم واحنا هم صرنا بصفهم اذكر ايام ابوي جنت حيل مدلله ولو اخويه محمود مامقصر بس حيل اشتاق لابوي
الله يرحمه شون توفى
ابوي وكف كلبه على غفله منه وبي كلشي مابي جان
خطيه الله يرحمه زين الواوي تتذكري
ها تعرفينه
اامو نفس الجامعه ويايه
هاا ام بله تذكرت اي الواوي ماجننا نشوفه على طول يدرس ويزامخ بالبنات اذا علن صوتهن مو مثل صالح ابو صاحب فد حباب جان
اي
اي وجان بس يسافر بغدادانذمر من يجي ويريد يرد لبغداد يمه بهيه تحمل السياره العاليه مالته اكل وطرشي كوام وجداري
- هي كالت يمه بهيه وروحي غابتاي
