اليسار- بديت احلف واسمع صوت البنات يصيحون خلو صابون وخلو مناشف جدد غسلت حمامين ولمعته وعطرته بالديتول وطلعت عالثالث دااغسل مكان وضع الصابون لكيت محبس كلبي رجف وين شايفته لبسته بيدي جبير حيل واجتنيدالصوره براسي من رسللي صوره ايده ديقره وبيها نفس المحبس بقيت اتفرج عليه خليته بجيبي وطلعت كملت غسل الحمامات واني رجفه بكلبي بحيث كمت مااسمع اليحجي صاحت ساره
اللو
مرديت اصلا مسمعت جتي يمي هزتني فرحزين
هاي شبيج
ها
يله خلصنا
اي اني خلصت باوعت نرجس اخت محمود توزع المناشف عالتعلاكات والصابو بمكان الصابون اللي خلص دكينا الباب فتحه محمود باوع لساره ابتسم ونصه كال يله امشن باوع لبنات خالته لزوج اخته كاللهن روحن للقاطع افر البنات عالبستان
ساره- اكولك خاف عيب
منيش عيب امشن يابه شو متكبعات ودنيا ليل امشن انه مواعدجن اشوفجن البستان،دتعالن شوفنرالهدوء شونه
اليسار- جنت فاصله عنهم من يحجون ومحمود يحجي وياشر بيده عالزرع ويوصف التعب التعبو بالحوض من بنو والزرع من زرعو. وحصدو واني ايدي بجيبي اتلمس المحبس صافنه محمود صاح
هييي شبيج
باوعتله ها
صار ساعه اصيح اللو معوده حبوبه خايبه انتي مو هنايا
بقيت اباوع بعينه ساره ابتعدت تتفرج عالزرع وكفت يم بنيه لخ كرايبهم جانت تقره الزياره باوعلهم محمود وباوعلي كال
شبيج اللو
محمود تعال ويايه خل احاجيك
وين بويه تعاي لا يشوفوج الزلم وين مناك تعاي هنايا
اوكف بس داحاجيك خاف ساره تسمعني وكفتجنا مكان بعيد عن ساره وهو كلسا رافع راسه يباوع ورايه خاف يجي احدكال
شكو
محمود مديت ايدي بجيبي محمود هذا المحبس جان بالحمامات بقه صافن على ايدي جر نفس ورفع راسه تنهد همس سبحانك ربي فرك وجهه
محمود هذا مال واوي مو بقه منصي راسه سمعت صوت ورايه صاح
ابو شكريه
اني سمعت الصوت حيل مبقه بيه رفع راسه محمود راسن فك عينه كلها كال انه بعد مو بيدي شي
محمود- اني بعد مابيدي شي حاولت اجنبج هاللقاء بس ربج رايد هالشي وقسما بالله انه مادري بي جاي قبل شهرين اتصلت بي اخر نوبه احجي والواوي يقترب واليسار مغمضه عينها وصل الواي تقريب المتر عني عباله داحاجي وحده من اهلي نصه راسه للكع
اليسار انه حتركج اكيد اكو عتاب بينكم بس خليها ببالج هالايام ايام سوده على امامج لا تخلين كلبج ياثر على عقيدتج باوعت للواوي
ها ابو ذيبه تقدمت تجاهه كال
يابا المحبس مال ابوي خليت ايدي على كتفه قاطعته جريت نفس
المحبس يم البنيه اخذه منها عفتهم ورجعت يم ساره واختي تقره الزياره ابتعدت وره الشجر اسمع صوت اختي واردد وراها
ابو ذيبه- شنو يم البنيه شنو اخذه منها شبي هذا بقيت صافن على مشيته من راح مفهمت مدري تعبان مال سهر التركيب. ودياثر علي انداريت على البنيه ضهرها علي لابسه عباه توني التفت اروح صاحت
مهدي جمدت بمكاني رجلي تبسمرت نصيت راسي هالصوت بي خذلان وتعب شهور وعتب التفتت اشوفها هي لو انه توهمت
اليسااار!!
فكيت عيني كلها لابسه ربطه سوده ولافتها على ركبتها وقميص طويل اسود وجواه بنطرون وفوكاهن عباه مفتوحه بقيت جامد وعيونها غركانه بلعت ريكي نضرات العتب اللي بعينها اذت كلبي مدت ايدها بجيبها وفتحتها محبسي بيدها اخاف اقترب اكثر البعد بيننا متر او اكثر نسيت الدنيا بدموعها المستقره بعينها جان نفسها يرجف
اليسار- شنو من شفته شنو من وحع بكلبي جان فاتح كل عينه وحلكه صافن اباوع ملامحه اكو شخط بوجهه اثر طايب بس موجود باقي وصاير اسمر عن قبل لحيته اطرافها مشيبه والاقوى حجابي لافه على ركبته وي دشداشته السوده عني كلبي نزلت دموعي شهكت بحسره اريد اصرخ صرخه واشكيها يم الحسين من شهكت غمض عينه ودار وجهه ورجع باوعلي كال
شون جيتي شجابج
بقيت صافنه علبه باوع لحجابي الطالع من القميص وي حلقته عكد حاحبه لزمت الحجاب بيدي قوي تقربت طيته المحبس يخاف يمد ايده بس عاكد حاجبه يباوعلي ويباوع للحجاب والحلقه بركبتي
همست مخنوك صوتي
محبس ابوك فتح ايده خليته بايده يباوع لايدي من اخلي رفع نضره باوعلي احس خايف لزمت الحجاب اللي بركبتي عتيته بعصبيه وبيدي عاصره الحلقه والحجاب نتر بعصبيه
لالا لاتنزعينه
مااحتاجه بعد وهاي حلقتك بكتها من بيت اهلك خليتها بيده عكد حاحبه ماحتاجه بعد جريت نفس مخنوك احس ميكفي الحجي حجيت
ليش بس كولي وهذا هو ماعاتب بعد بس طيني سبب
اليسار خللي الحجاب بركبتج
ماريدك بعدد حجيتها وصوتي يكطع ملامح وجهه تعبانه حيل كال
انه مااكدر اعيشج براحه هذا السبب
لا مو هذا السبب صير رجال واحجي باوعت بعينه خزرني
طيني حجابي اللي بركبتك
رفع راسه لزم حجابي كال
تعذريني مااكدر اعيش دونه
انت واحد كذاب تدري
بس عاد اخترمي
مردت منك غير سبب وابتعد متشوفني بعد جنت احجي بنتره وعصبيه مااعرف منين جبت القساوه بلع ريك كال
مانتوالم احنا وياج
ها شون بله ابو ذيبه اني جنت مو بنيه جنت مجرد انسان ناقص جسمي انثوي وضامته حتى محد يعرف اني بنيه بس وياك طلعت حوه الداخلي انثويتي واحاسيس بعمري محسيته تالي تتركني ليش مو والله مشيت وياك صح في سبيل اكون بنضرك احسن وحده احجي وااشر على روحي بقسوه اباوعله يخزر بيه بغضب مقابل اعلي صوتي بس فقدت بعد كال
- انتي كامله والكامل الله وبدليل انه الداشوفه هسه حجابج ووقارج الله يستر عليج
ماريد تحجي هيج كلي ليش
بويه احنا عيشتنا غير عنكم
هالحجي مو حجي رجال اريد الواوي يجاوب مو مره
احترمسي روحج تره تجاوزتي حيل
لعد احجي عدددل ضغطت على سنوني ---جنت فشلانه من بيت محمود خاف يجوجي احد يشوفنا بس الضاهر مخله احد يفوت ورهرالسندويش علمود نحجي براحتنا ولان هو. يعرف ابو ذيبه شنو من شي مامن جاوب ابو ذيبه والغضب يطفر من عينه
انه مااكدر ارتبط بوحده غيري شايف محاسنها
بقيت صافنه كلبي ذاب من الالم
بويه انتي لبسج المشكك ورجليج الطالعه بمولات بغداد شنو انه ماعدي غيره انه مااكدر ارتبط بيج لان انتي وحده عدج ماضي فاهمههه مااكدر اوديج لاهلي شكولهم جانت تفتر بالشارع بهدوم محدد مبينه كل معالم جسمهااا انه جنت اتعذب بحبج اليسارر
يحجي بعصبيه وياشر على صدره حاني ضهره ويحجي ويتلفت بعصبيه يمشي خطوه ويرجع يقترب يكمل كلامه بقيت اباوعله ذبلت عيني اريد ابجي مااكدر اكثر شي اذاني حجاه بقه يباوع بوجهي كال
الف من يتمناج وهاي انه ساعدتج وساعدتيني خلص لهنايا انتهت بيننا
هزيت راسي بالم صعدت راسي احس روحي جسمي كله ياذيني هذا جان سببه مستعر مني بلعت ريك
بس طيني حجابي
عوفيه شجلبتي بي
ماريد اي شي يمك ويمي انتهت شلت ايدي نزعت العلك العاكدته اللي بيدي مالته طيتهيا بقه يباوع بعيني هز راسه كال
اليسار بس عاد
اي اي والله هاهي بس عاد بس طيني حجابي
هاجيا عبالك ماعرف شنو جره من ركبته وطانيا اخذته ونصيت بقه واكف اسمع زفير نفسه ليمي كال
انه راجع لولايتي ماتكوليلي شجابج صوبي عود جاي اندعي انساج
والقران واللي نزله من اول مطلعت باول خطوه خطيتها كلت ربي طلبي بس اشوفه واموله ليش وهسه عرفت ليش منا وجاي مامو بحياتي لا واوي ولا ابو ذيبه ولا مهدي
عساج مرتاحه
هسه ارتاحيت جريت نفس ابتعدت عنه خطوتين لحكني صاح
اليسار بس انتضري
مهتميت رجلي كوه تخطي كال
اكفي بس كلمه
التفتت عليه كال
انه مااستاهلج ولا استاهل الوجع اللي بكلبج
لا متستاهل لهذا راح اعيش حياتي تدري ليش لان الخلقك خلق غيرك ويمكن احسن منك واني واثقه بالله حيعو ضني بس والله وحق هذا يوم العاشر مراح تلكه وحده تحبك وتوفيلك كدي بقه يباوعلي ويباوع على اصبعي من ااشر للسما ورجع باوع لوجهي فاك حلكه احس خايف ابتعدت ومشيت بعصبيه وصلت السندويش انداريت لكيت واكف بنفس مكانه طبيت وساره لكفتني
وين جنتي
شسش خلي انام فدوه
بس كوليلي همست وين رحتي كلهم سالو عليج رفعت راسي كالت هاله ام محمود
يمه وينج جننا ندورهليج
ااخاله نسيت نفسي بالزره وقريب الزياره لكيت المكتاب بالبستان وقريت بي كالت اخته لمحمود
هذا مالتي الكتاب جان رجعتي ببكانه
اي رجعته عفتهم وطبيت للغرفه الللي الخدم ينامون بيها تمددت وعيون ساره تلحكني وين ماروح بس نمت جتي يمي كالت احجي
ماريد ساره عوفيني
اوك تردين نرجع باجر
اي اريد ارجع
اوك هسه اكول لزيد
اوك غمضت عيني اباوع عالربطه مالتي بيدي جريتها يم خشمي وجريت نفس يابويه ياريحتك يابووويه غفيت بسهوله حسيت الصبح نرجس اخت محمود وابنت اخته لمحمود اسمها فاطمه عمرها 7سنين صف اول ابتدائي جانت لابسه حجابي الاسود ابتسمتلها كالت
خاله عادي اخذه
اي اخذي عدي غيره شحلوه هاي شوي وجتي ساره كالت بس يمعد زيد نروح
اوك
كمت لبست حجابي الثاني وضميت حجابي الابيض الطفله بنت اخت محمود طلعت امها صاحتها
وين فاطمه
ماما داروح يم خالو وصديقه دزني
بقيت صافنه ممعقوله اخذت حجابي توديه اله مابيه حيل حتى افكر بي بعد يطبه طوب الحجاب من صدك قفلت عليه ماريد افكر بعد اسبابه جانت السبب بدمار الجزء الجان ساكن بي بكلبي دمره ولجم جرح حسيته طيبه بيده شوي وصاحت ام محمود
كالت يمه اخوجن يريدجن
يله ساره تقربت من امهم لزمتني بوستني وبوست ساره هواي كالتلها
يعلم الله شكد حبيتج دائما تعاي طلعت وره ساره كوه امشي زيد جان ماجر سياره اشرلنا اصعدو هناك صعدنا وهو راح للولد باوعت الواوي جان منصي عالبريمزات فاطمه الطفله بصفه ولاف حجابي الاسود على ركبته من تقدم زيد تقرب عليه صافحه التفت عالسياره باوعلي عاكد حاحبه درت وجهي وتقرب محنود سلم علينا باوع بعيني كال
ديري بالج على روحج اللو
هزيت راسي بتعب وغمضت كال
انه اسف طلعت بوجهي
لا والله تونست هنا
واضح رفع راسه باوع لساره كالها
ماوصيج بيها
اوك يله روح للخدمه واصل انشاء الله تمنيت ابقى هالايام كلها هنا بس الضاهر ممكتوبلي
هههه يجي يوم تملين منايا روحي الله وياج هسه التفتت اجه زيد ابتعدت عنهم تحركت السياره حاجيت التكسي
يابا بامانتك ضلو خطاري
لا يابه بعيني
الله وياكم
ساره- طلعنا بالسياره واشوف عيون اليسار عالواوي عرفته هو من عيونها تباوعله عبالك تودعه وهو عيونه عليها بالم عاكد حاجبه انتبهت من طارف اللفه الرابطها بركبته هذا حجاب اليسار واللي اكدلي اكثر لزمه وشمه يشوفها تره حجابج باوعتله ودارت وجهه تبجي بهدوء اشرتلها لينتبه زيد يمعوده استغفر الله طلعنا والطريق ازدحام حيل مسدود فد نوب
