لبسها همام لزمن واحسه ابرد منها لا ضحكه لاكلمه ولاحتى نضره جانت طالعه مدامه بس مدامه حزينه كمر زعلان تمنينجت اشوفها لمحمود واحس بالفرق الهوسه تركص يمها واني وساره مبوزين. وهمه يباعون عالهوسه بالغط امه لهمام داست على رجله عاط بيها
يوم شبيج متشوفين خرب هالقسمه السوده
نتر بيها ولان جننه قريبين عليهم سمعتها باوعت لساره
يعني ثنين مجلجبورين هاي شون حتعيش فهميني
الها الله طلع همام معصب كملت الحفله ورجعو سافرو بيومها بتت زمن الحانت بس صافنه بالسكف حاجبتها
زوزو
همم
جريت حسره همام كلش جنتل
امم
حباب حيل
ماعدي شي وياه عادي
عادي حتتزوجين بعد سبوعين
وشنو يعني كلو محصل بعضو
همم بقيت اباوعلها البرود البي هي ماره بي اني بس هي قاطات اذا اني كم لقاء همه يوميه لقاء وخب وتلفونات وغزل الله يساعدج رجعت الصبح جانت نايمه تركتها ورجعت. خاله جانت تعزل بالحديقه
خاله لتاذين روحج موزين التعب
ماما اني اتونس بهالشغل ها شونها الحفله
زينه حلوه ساره جتي
لا مجتي
طبيت غسلت وبدلت ونزلت علما اكلنا وشربنا اني وخاله التهيت وياها لليل خابر محمود وساره وبقينا نسولف ابد مجاب سيرتها ولا احنا الجبنا بقينا نسولف ونضحك وهو يسكت بس يحشش ميضحك عدت ايام وزمن ابتعدت عني واني هم كمت قليل اروحلها احاول اعود روحي ابتعد حتى اتعلم على فراكها بس مكالمات يوميه نتخابر مااكدر اذا متنطيني الموجز خطوبتها اقرب للي ينتضر حياته مامو كلضيتها شون مجان اهلها واهل الولد يحضرون للعرس وحايرين والعرسان مو يمهم مرت الايام بسرعه وعدت واجه موعد عرسها ورحنا اني وساره قبل يوم بتنا عدهم نضفنا جسمها ونسولف ونضحك واني كلسا مختنكه بعبرتي وهي ساكتتتته باااارده دمرني سكوتها لو تكرب تنضف بتعب عبالك بنغلادش تلزم البيت تكربه من فوك ليجوه جلف جلف وتكعد حتى تنام راسن وسكوتها خوفني اخذناها صالون ورجعنا بوكتها مسوو حنه لان عرسها بقاعه وحرامات الصرف والله اجه اخذها للقاعه وي اهله والمزايق والطلق وهو مثل الدينفذ امر ليش ضحك ليش ابتسم اخذها من ايد ابوها وبوسه وطلع وراحو للقاعه. الناس تركص ومتخبله وهي كاعده ابتسامه مبتسمت وهو هم كذلك ادري الزم ايدها كذب عالعالم ابد انتبهت عينه على وحده كاعده بسرانه سافره وحلوه وهي عينها عليه هالبنيه نص الحفله واخذها زوجها انتبهت عالحلقه البيدها انها متزوجه راحت وي رجلها واراقب عيونه رافقتها لحد باب القاعه باوعت لساره ساره راسن كنكت كالتلي قبل لا احجي
اكيد هاي اليحبها
خرب ببليسج توني اكولج خلص العرس بيومها باتو ليله بالفندق وثاني يوم الصبح يطلعون لدهوك من طلعت من القاعه روحي طلعت رحتلها ثاني يوم الصبح جتي لبيت اهلها من الفتدق تودع اهلها شافتني اجيت وي ابو غايب حضنتني قوي باوعت بعيني كتجالت
اللو مراح نفترق
ابجي واكلها ابدد
لتبجين همست باذني كرهي بيه باوعت لساره كالت
ساره تقربت حضنتها وشاورتها محمود امانه بركبتج ساره بس ساكته. وتهز براسها باوعت لاهلها ودارت وجهه حضنت امها وابوها وابوها يوصي برجلها ورجلها يرد
عمو ليضل بالك بعيوني مصطفى اقترب يحضنها تركته وصعدت بقه واكف باهت صعدت السياره ورجلها ديسد الباب نصه شال الصايه الطالعه من باب السياره وسدها التفت كال
يله يابه فيماللا
اباوع لمصطفى عيونه صارت نار تباوعلها وابوها يباوعها بغضب انفال وامي يبجون دارت وجهه عننه زمن وطلعت السياره مبقه بيه نفس اختنكت سمعت صوت مصطفى كال
اليسار اريد احاجيج
اي اوك باوع لساره ونصه كال اخابرج من توصلين
ماشي سلمت على اهله وطلعت بقيت صافنه دكلي مصطفى رديت الو
ها اللو شونج
هله توفي
اكولج من الاخير
ها
زمن شعدها وي محمود
ماعدها شي بعد انتو حبرتوها وتزوجت مو جنك متاخر تسال
بس جأوبيني وهاهي
ماكو شي كتلك بس مجوجرد شافت الولد ميت عليه مخله شي مسواه علمود يتزوجها وانتو رفضتو فرق عن ولد مجبور مو صح
منو مجبور
باوع لتسوي روحك متدري مبين حي هالصلاه همام مجبور
ممم عادي ابن عمها مو مجبور بس عادي عده الحب يجي وره الزواج
اي هذا هو لعد ليش تسال
يابه اختي طلعت من دون متودعني حسيت محملتني ذننبها متت قهر تقربت احضنها عافتني اليسار تدرين شصار بيه
اذا الك متحمل ذنبها المن تحمل لعد جبرتوها عليه وهو مرايدها شون حتعيش وياه نترت
همام سبع اليسار وعده ابويه روحه من الدنيا لو شكد مجان مجبور عليها حيشيلها بعينه لان بت عمه واذا غلط بحقها اوكف بوجهه لان ابن عمي مو انطيها لمادري وين ومن تصير مشكله اتخاجل
اي هاهي
ماشي يعني ماعدها شي وياه
لا ابد
مشكور اللو عود مري دائما عمود امي
الله كريم اي امر انشاء الله
ديله مع السلامه
الله وياك
سديته منه وتمددت ودك حوده اباوع على رقمه اخاف اردوداك على ساره هم رديت وصارت مكالمه جماعيه
الو حوده
ها يبنات شونكم
زينين ردينا كال
شكو ماكو
لا ماكو شي ردت راسن ساره
كال شنو اللو وينج يابا
ها حوده شونك
زين
شونك وي المرضى
هه الحمد لله
شبيك
مادري شو اليوم مخنوك فد نوب
كالت ساره سلامتك وجرت حسره بقينا ساكتين كال
شونها
بقيت ساكته جر حسره كال لتكولولي عرست
همست امم
خرب---- اليوم مو صرخ
امم دمعت عيني
سد التلفون بوجهي بقيت ساكته مادري شسوي
ساره شون
والله مادري روحي خل احاجي روحي انتي من تبجين يتخبل وياج
مااكدر
دروحي خرب يومج
سديته وبقيت متمدده. صافنه شون الدنيا فرتنا وفركتنا
وتذكرت من اول يوم لقاءنا وشون تعرفنا على بعض وشون تعلقت بيها وامها كيفت بيه جننا منصادق بنات غيرنا نخاف نامن باحد مدااصدك راح نتفارك متمدده افكر بيها واغفي واسمع صيحه فزيت هاي شنو من هاي تبعتها صيحه لخ كمزت هاي خاله تصيحني طبيت للغرفه مالتها ركض لكيتها مقرفصه يم الجربايه بالكع
خاله شبيج
فدوه اليسار صيحي ابوج بيت جدج اخخ يمه
اي خاله هسه هسه ركض جوه على بابا وكتله كلهم اجوي حتى عماتي ولبسوها واخذوها تصرخ عزه بعدهم بالسابع صغار شون يربي رحت وي بابا للمستفى وعمو عبد الرحمن وعمو سلمان وصلنا ودخلوها فحصوها وحالوها راسن عمليات ساعه الا ربع وطلعوها وي النونوات تخبلت كماجت اكمز اباوع لبابا وابجي بابا نصه راسه يباوع عليهم بيد المنرضه يردد الحمد لله ربي اخذوهم حاضنات وطلعو خاله بابا يباوعلها نايمه ويتلمس وي مشيه السديه بشعرها ويضم بي واني كابلت غرفه الحاضنات وكعدت يمه حبايبي ذوله اخوتي مو بيدي من تدمع عيوني نسيت كلشي موذي بحياتي واباوع عليهم ناعمين كلش ويخبلون من يتحركون اجه بابا يمي باوعتله
بابا حبيبي شكوجرا على هاي الهديه الحلوه اخوتي احلى هديه
ههه حبيبتي صرتي اخت جبيره ديري بالج عليهم
حددلهم واخليهم بعيوني
فدوه لعيونج بابا شفتي البنيه عيونها ملونه والولد جوزي
اي حبيبي يخبل بابا اني اسميهم وكف عمو عبد الرحمن بصفي كال يابه غير امهم تسميهم
راح استاذن منها
يله امشي رحت كدامهم طبيت لخاله حضنتها خاله حبيبتي
اليوم طيتيني احلى هديه
ياعمري انتي احلى اخت محضوضين بيج
خاله حبابه خل اني اسميهم
هاهي انتي اختهم الحبيره انتي سميهم. شتريدين
بابا حسميهم منار وكرار
نعمان- ها يله هاهي خوش اسماء
فرحت حيل مرت كم يوم التهيت وياهم رجعنا خاله واجرنا حاضنتين للبيت واني لا ليلي ليل ولا نهاري نهار اكمز من منار لكرار خاله ترضع واني اسوي حليب من صدك حرت بيهم فتره اسبوع وعزلناهم غرفه وحد بصف غرفه بابا جهزناها على دوقي نص ازرق ونص وردي. واني وزيد وساره حهزناها ورتبناها صارت تجنن اكضي الوكت كله بيها وام غايب رجعتنا هالشهر. نسيت روحي الحزينه انترست حماس حتى زمن نسيتها ولا هي الخابرت جنت اخجل اخابرها اكول عروس ومااعرف اخبارها بقيت بالغرفه اباوع عالجهال لحد ماغفيت وخاله راحت لغرفتها من نامو حسيت الباب انفتحت
شفت بابا طب وكف يم مهد كرار يحاجي همس ويبجي
هواي انتضرتك ترفع راسي وتكص لسان اليحجون باباتي هواي انتضرت وتحلمت اتباهه بيك وامول هذا ابني السبع اكبر بسرعه وارفع راسي ودير بالك على خواتك من اليوم تحزمت بيك بعد منا وهيج ماخاف من باجر بعد
بقيت اباوع عليه ومسويه روحي نايمه وهاي دموعي تجري حبيبي شكد مرت ايام عليه عاش بخزي وهموم الناس وكلامهم اوف يربي الحمد لله شكد حلو عطائك سبوع ممحاجيه احد بس ساره يمي رحت لغرفتي بعدما طلع بابا شلت التلفون جان عالشحن دخلت عالفايبر
13مكالمه زمن ومكالمه محمود وره 3ايام من ولاده خاله دخلت عالدردشه لكيته كاتب
فد وحيده صارت اخت كبرى
وراده ساره
والله لو تموت مترد عليك
رديت ههههه ولكم هااا شوي وكتب
منوين طلعت هالشمس راسن دزيت صوره الحهال،كال
اه شحيخلصها بعد،عوفني فرحانه
عساج دوم
وانت شعجب ممبوز
عدي ساره وابوز
هيهي هالاسبوع شصار من ورايه بله
والله انتي لا بستنا وكعدنا ندردش سوه على عنادج
اممممم يعني هواي فاتني مو ساره افندي
لا والله بقينا نسولف الولد تعلم يطبخ ويايه اون لاين هههه
شون يعني
يعني امه رايحه لبيت نسيبه وي اخته وعايفته وحده والولد ميت جوع كال علميني اطبخ واني داسوي غده فتحت كام ولبست حجابي وشاسوي يسوي ونصنف
الله الله
محمود- والله فد تمن سويت اله بشده
اليسار- امشي يمعود معجن شحاله
انتي ضكتي
عمي انت قدمتلي ومااضوكه
والله هو معجن بس يخبل بس هي تغار
اليسار- بعد بعد تعاركو اي وبعد شسويت شيف حوده
والله شون حلاوه شعريه علمتني صارت تخبل
سلره- اي اني اشهد منضرها يشهي
حلووو حلوو
محمود- شبيج لج مضغوطه فوك معايفتنا
هههه ولك عيني اخذوني من الدنيا يخبلون حوده
الله يحفضهم لابوج ولج والله فرحتله خطيه
اي والله بابا خطيه الحمد لله ربي بقينا نسولف وراها نمت كعدت الصبح بعد يومين دوامي واني كلشي منمراجعه وصوت بجي الجهال اجبس اسمعه اكمز مااتحمل الى ان خاله رزلتني كالت حترسبين من وراهم بس الحمد لله طلعت ناجحه بتقدير جيد بنص السنه
داومت كالعاده بس هواي فرغ زمن ياذيني ادور بالوجوه وين اكعد وريامن وين عفتيني كعدت بمكاننا القديم حتى بجي بجيت بالتسلسل صارت واوي حوده وهسه هيه الفراك مكتوب عليه الضاهر كلت بس ارجع اخابرها وماريد اقطع علاقتي بيها ابد ولا يوم نفترق وفعلا بس رجعت دكيت عليها رد عليه صوت رجال خشن
الو
الو سلام عليكم
اهلا منو
ااني اليسار صديقه زمن بلكن احاجيها
والله بصراحه نايمه
ها اوك توقعت ديصرفني لان وكت عصريه -- شكرا جزيلا من تكعد كوللها خابرت
اي ماشي
مع السلامه
الله وياج
سديته اختنكت كلش صار عشر ايام على زواجها البنات يكولون نقلت نفوسها لدهوك لجامعه من الحامعات هناك. توني اصفن ودك التلفون
زوزه رديت راسن
الو كالت بلهفه
الو اليسار
خبيبي كلبي وينج بس سمعت صوتها بجيت كالت
انتي وينج لا تسالين لا تمولين اختي مريضه وسوت عمليه
ولج شبيج عزه سوده عليه اخيتي
اسكتي وخليها احجيلي انتي انتي شونج
زينه ولج خاله جابت
جذب اووي حبيبي صرتي اخت جبيره
اي منار وكرار يخبلون تمنيتج يمي ونبات سوه يمهم ونلعب بيهم طوبه لج زمن وين عفيني اليوم داومت مثل اليتيمه افتر ماادري ويامن اكعد متدرين بيه حقنه مااتالف وي اي احد
شبيدي يعني جرت حسره كال بس وصلت تصيخت
شون
اي والله وركض مستشفى طلع مصران اعور مفجور وسوولي عمليه اليوم يله كمت شفتي
يااا زين شونج هناك حبابين
اي عاديين يعني مثل اهلي بس اني كوه امشي
زين شسمه ااا شسمه
انجبي ولحد هسه كلشي ماكو اليسار حبيبه تره اني مجرد عايشه هي دنيا ومكضيه وبس اطيب اكيد ياخذني. هاهي بعد
زين هو حباب
امم ماعدي شي وياه
زين من تمرضتي بقه يمج
شعده يمي هاي شبيج اللو قابل هو عاشكني احجيلي ساره شونها
زينه الحمد لله والامانه هم زين ودايرين بالنا عليها
بقت ساكته كالت الله يهنيه سكتنا كالت حروح ساعه واتصل بيج
اوك سدته وكمت اراجع دروسي سمعت الحهال بجو كوه تركتهم مدرت بال كملت دراسه ودكت زوز
الو حبيبي
ها لولو
شونج احجيلي
لج بابا شبيج زينه عادي الولد سافر لتركيا عده بضاعه باحر جاي
يا عزه شوكت
هو رابع يوم سافر
زين شنو مجبور
كالت يابه يطبه طوب مجبور ممجبور
لعد منو رد عليه
حمايه هذا جان فوني عالشحن بره وكال حرد كتله رد لا يمولي وحدها صوتها كروان
هاا ههه زين يعني اخلاقه حلوه
اي زين اول يوم بالزفه كال ارتاحي واني هم حنام تعبان اني هم نمت وراها سافرنا وصار عدي مصران اعور وهمزين صارت سالفه سفره حتى اطيب ماريد اشوف جهرته
الحمد لله بس مبين حباب هو بس عبالك مجبور
يابه هي دنيا وكاضيه
الله يسهل ويكوم يحبج
ميهمني بعد وداعتج اي سولفيلي شون كضيتي الجامعه دوني و وين الجهال اريد اشوفهم
اسكتي صعبه حيل عفيه زوز لتفاركيني بعد ابقي على اتصال وهسه اشوفج الجهال فكي كام----
