الطريق ازدحام فد نوب وسادين سايد وعايفين الثاني كامو يرجعون بالسيارات وابو التكسي وزيد حجه وياهم باوعت لساره
- ورطتكم
مستحيل ابقيج هناك وذاك موجود هذا شحبيتي منه حته عيونه تخوف بس يخزر عبالك ماخذين امه
حضي هذا شفتي طب زيد للسياره كال حنرجع
ليش
مامو طريق يكول اذا تريد ارجع بماطور اعبر عون واني وين اوديكم حرجع مو كتلكم لتجلبون بيه هسه زين
ساره- شبيك تصيح علينا انت مصار شي يله
اليسار- باوعت لساره وزيد هسه شنو راح نرجع
اي بابا خابر كال ضلو بالبستان لتضلو بالشارع خل تخلص الزياره ونرجع كلها يومين للعاشر
اوك
تاليسار- رجعت بطني تلويني وفعلا ديور ابو التكسي ورجعنا وساعتين ونص يله وصلنا مع العلم احنا ممشينا هواي بس ازدحام محمود خابر ميت مره وزيد يحاجي اول موصلنا محمود جان ينتضر وي نسيبه راسن فتح الباب كال يابه فوتو ارتاح. كومي ساره اخذي اليسار وروحي للقاطع مكتوبلكم تخدمون
ساره- اي ههه اخذت ساره الحانت تمشي منصيه تخاف الثوله تخاف تشوفه صدك والمحه من بعيد يباوعلنا عاكد حاجبه سويت روحي مشفته وطبينا القاطع امه لمحمود جان عدها علم راسن تلكتنا وصلو الاكل جنت ميته جوع اني واللو كعدنا اكلنا وراها كمت ساعدتهم بالشغل وساره نامت شوي وجتي يمها فاطمه انحشكت بالفراش تلعب بمداليه جنطه اللو باوعتلها ودرت وجهي
ام محمود- يمه ساره متعبتي من الصبح ليهسه لو طبخ لو تنضيف
خاله خليني اخدم والله منصدكه رجعت
كيفج يمه هاي بت خالج بس لا تسممت من مينا لان شفتها تشرب مي لوله
لا خاله مابيها شي هسه شوي وتكوم ويايه
يله يمه براحتها اما شون طرشانه ترد الروح سويتي حتى اخوي ونسيبي تخبلو عليه ومحمود طير ماعونين
ههههه بالعافيه خاله نشفت ايدي وكعدت وياهم جانو بجيسوون لفات للزوار بالعشه كص ويخلون طمامل وطرشي ويجيسوها ساعدتهم طبيتي حركه ايدي سريعه وصلت رساله عالفون فكيتها محمود عالخاص صوره ماعون الطرشانه فارغ ممسوح كاتب
حتى غسل مايحتاج ينغسل ادري انتي شنو من شي
هههه بالعافيه
اريد اشوفج
وين عزه دروح بابا
الله عليج تعاي وي ام فاطم للبستان هي كل ليله تقره الزياره تعاي وياها
ماشي هسه اشوف
انه كايللها عليج
شكتلها عزه بعينك
معليج انتي انه واخيتي ها من هسه تتدخلين
محمود دتسوي انت
ماحاي اسوي شي وروح ابوي عمي غلطت وياي بشي
لا محشوم رفعت راسي شفت اخته تباوعلي وتبتسم عزه بعيني
يله محمود روح دنشتغل
ديله رايح اصفي التمن لباجر
ههه ينطيك مرادك
اووووف امين ربييي
راح وذبيت التلفون جتي ام فاطم بصفي كالت
فاطمه جلبت ببت عمج نامت يمها
ههه اللو تموت عالحهال
امم انتم من وين اصلكم ليا عمام رادين
احنا بقيت اباوع بعينها احنا بيت ---
ها عالراس زين ابوج شيشتغل
اني بابا محامي
ماشاء الله ها وامج
امي ربه بيت ابتسمت
وانتي يعني دمتوره
لا اني محلله بس هالسنه اتخرج انشاء الله ابتسمت وكالت
يارب
رجعت نصيت عاللفات كعدت اليسار تعدل بحجابها وفاطمه مجلبه بطارف قميصها تحجي وياها وتجاوبها اللو تضحك باوعتلي كالت
اساعدكم
كعدت بصفي شوي وجتي ام محمود بيدها كلاص عصير زبيب قدمته لالو
خاله شنو هاي
يمه هاي محمود كال خلي تشربه لا تتخربط علينا واهلها مو هنايا
ها شكرا خاله تعبتج لزمت الكلاص باوعت لساره جريته وخليته عالسنك غسلته ورحعت كعدت يمها وفاطمه مجلبه بيه سوينا اللفات واخذوها مجرد شعوري هو بره يخليني انتفض اصير اعصاب حاولت الهي روحي قدر المستطاع وماافمر بي بس بداخلي هواي امور تغيرت قررت من صدك اتغير ارجع لقوه يسر القديمه محد هامني ويكسرني ونفس الوكت احافظ على حجابي لان ميستاهل علموده اترك الصح وارجع اخربط لان ممهتم هو كملنا شغل لليل اجه محمود صاحنا عالحمامات ويا نسيبه ويا ولد لخ جان يصيح وينتر لان صوت النسوان عالي ضل ساعه يرزل وهمه حسهم مطلع
محمود- حيل بيهم والله صار ميت مره ادز فاطم واحولها صوتهن واصل للبيت الضحك مالتهن شوي يسكتون ويرجعون يضحكون حيل والله
ساره- باوعتله عكدت حاجبي هذا نسيبك
لا يابا هذا اخو نسيبي حنين وحباب وهاديء هذا خبل امشن انتن معليجن يله يوم وينها ام فاطم دزيلي نرجس خل تنضف وي البنات الحمامات
اليسار- عدلت هدومي منصيه رفعت راسي شفت واحد طويل يباوعلي عاكد حاحبه مستغرب مني من بعيد درت وجهي. مشيت وي ساره ومحمود ونرجس وام فاطم وثنين من بنات خالته لنسيبهم يمشون ويحجون ومحمود يمشي كدامنا خاف الزلم يلمحونا وذنه صوتهن عالي يحجن ويضحكن وكلسا محمود يندار يخزر بيهن يخجل يرزلهن لان بنات خاله نسيبهم هناك واسمع عيطه
انتتت هيييي همه خرسو
ماتكلولي وين جايات تجيبن النا حجايه باوع خويه ابو فاطم دجذنه اليوم يرحن لبيوتهن
لالا والله راح نسكت
امشن من اللبارحه اكولن واعيد حسجن لا يطلع خزيتنا عمي مانريد خدمتجن
اليسار- يرزلهم واني وساره واكفين محمود بعد مترتين عننا وام فاطم ويانا واكف بصف زوج ام فاطم بقيت اباوعله مستغربه وكلسا يباوعلي ويدير وجهه يكمل رزاله ختمها
مو ذنه بنات بغداد شو حسهن ماطلع يعرفون قيمه الزياره احسن منجن بقيت اباوعله محمود ابتسم ونصه راسه كال
ياله يابا الناس تريد تسبح ولا مناشف ولا صابون والحمامات وصخه فضنها وراي كوم شغل
اليسار- مشينا وفاطمه ويايه اباوع البستان شكد حلو يخبل صاير وره القواطع بقينا نمشي وره القواطع للحمامات مامو ناس هنا ابد بس حرس الكيعان كاعدين. واللي متكددعالحشيش تعبان من شغل الخدمه كلهم كبار بالعمر ملكيت شباب بالبستان الضاهر ببدايه البستان. يم البيت الجبير لان محمود كال هناك الزلم وهنا بالقواطع النساوين امشي واتفرج السما صااافيه جاني صوت ام فاطم
اليسار انتي اسمج مو
اي خاله
واج يا خاله كبرتيني ههه
العفو اي اسمي اليسار
انه سندس ام فاطم مرت ابو البستان عجبج البستان الليله نطلع اقره الزياره بي واخذج وياي شتكولين
اي ياريت الهوا يرد الروح
لعد لو تشوفين يم النبع منايا شونه بليل اخذج
انشاء الله كملنا طريق طبينا لاحمامات كالعاده محمود قفل الباب وبدينا نجلف تذكرت قبل يومين من لكيت المحبس كملت شغل انعل ابو اليفكر بيك بعد بقينا نجلف ونرجس تعلك بالمناشف والصابون تخلي جديد مثل كل مره لمعنا وعطرنا ودكت ام فاطم الباب فتحها النا مومحمود اخو نسيبهم بقه يباوعلي عاكد حاجبه وكال يله فضنها وانت هي حسجن مايطلع-- جاوبوه
اي والله نسكت
ام فاطم
ابو شكر وين
راح يجيب غاز خلصنا امشن بساع العالم تريد تسبح وتصلي
اي خويه مابيه حيل امشي بسع ارحم بطني
دمشي يابويه لايشوفج واحد من الزلم عيبه بحقنا
اليسار- واكفه وره ساره وكلسا يحاحي مرت اخو ويندار عليه يباوعلي ويدير وجهه وصلنا للقاطع شفت فاطمه شايلها رجال ضهزه علينا هياه ضهره عينن ضهر الواوي كلبي رجف يبوس بيها ويشم رفعها على ركبته صاحت اجت امي التفت ونصه
الواوي باوعلي بخزره من جوه ليجوه يمكن لان ويانا اخو نسيبهم مباوعتله نصيت راسي لزمت ايد ساره مشينا سريع قبلهم تعديناهم صاح اخو نسيبهم
وين وين مهتمينا دخلنا قبلهم وطبو ورانا
طبت ام فاطم باوعتلي كالت
حبيبه ميصير تتعدينه انتم ويانا جاي تمشون ومن يشوفون ويانا واحد من الزلم محد يشيل عينه ويباوع لازم تضلون وره الزلمه الماشي وياكم
ساره- اعتذر والله مااعرف هالسوالف
تتعلمين حبيبه
يله شنسوي بعد
خيه ساعه 1روحي ارتاحي ماكعدتي من الصبح لسه ساعه ونخلي الجاي يتهده وبراها نطلع للبستان نقره الزياره
اي والله ياريت كلتها واستغفر الله تذمرت محمود كرهت نفسي اني جايه للخدمه مو جايه اشوف صاحبي سكتت ورحت تمددت
اليسار- شنو متجين
لا تعبانه
اروح اني وياها
كيفج روحي دااحجي ودك زيد
ها زيد
اكولج دزيلي فلوسي بالمحفضه
شتسوي بيها
ددزيلياها بيد فاطم محتاج جكاير
عزه بعينك باكيتك خلص
اي والله ددزيلي بسع
اي هسه
ساره- وينها هاي الطفله
ياطفله
فاطمه بت سندس اخت محمود
ها مادري
طلعت فلوس من محفضته طيتها لالو شوفيها وين وكوليلها وديها لمحمود ينطيها لزيد واذا سالت عليه اخته كوليلها نامت
اوك. كمت مشيت بالغرفه مال خدم شفت جوكه نسوان طبو زوار وحارو بيهم يوكلوعم ويفرشولهم ويغسلون هدومهم باوعت سندس
اكولج وين فاطم
مادري توها جانت هنايا خاف طلعت
مديت راسي بباب القاطع لمحتها بعيد يم محمود اذا اصيحها متسمع دزيت رساله لمحمود دزلي فاطم كال صار شوي وجتي كالت
ها عمه
حبيبي ودي هاي لخالو محمود كوله طيها لزيد
اي صار
باوعتلها لابسه ثوب اسود مدنفش وحجاب الاميره وجهه مصخم من الجدوره مال طبخ تخبل عيونها تشبه امها من انتبه لابسه الحجاب مال واوي وبي الحلقه مالته وجعني كلبي لزمته
هذا منيلج فطومه
هذا مالج
فكيت عيني كلها منو كالج مالتي
عمو ابو ذيبه ههه كال هذا مال خاله اليسار
وليش منطيتينيا
لان انتي ماتردي هو كالي ماتردي بعد
ها بقيت صافنه احس راسي حيطك منا شي لابسته صارلي سنه او اكثر احس صار جزء من حياتي ومنا كلامه وي هالطفله بقت تباوعلي نزعته كالت
عمه البسي بركبتج حتى الحسين يحفضج
فدوه لا الله حضنتها قوي لبستني الحجاب وراحت تصيح
اودي هاي لخالي وارد لامي
اي روحي همست رجعت لبست الحجاب واشم بيه جان يمه بقيت صافنه اخذه لو لا خلي يمي ماانطي خلي اخر ذكرى اله حتى انساه وكل ماباوع عليه اتذمر شون اذاني بكلامه. كملنا شغل والنسوان نامو غسلت الاستكانات مال جاي وحضرتهن بالصواني وخليت شكر مثل معلمتني ساره بقيت وحدي بالمطبخ طلعت ام فاطم باوعتلي كالت
لعد وين ساره
نامت
ياخطيه تعبت
اي
انتي هم بسج يوم عوفيها
بس افرغ الزبل
لالا هسه عباس ياخذهن مايصير تطلعين
ها بقيت صافنه اوك
كالت
روحي لبسي حتى. افرج البستان كله
اوك ابتسمت عليت ايدي وشديت جيس الزبل كلهم نايمين طفينا الضوايات ولبست عباتي طلعت لكيت اخو نسيبهم واكف يحاجيها وهي تعددله
عيني عباس كنينس خلص وصابون هم خلص جاي وكعك وطماطا والطرشي كمل
صار ساعه واطرشه ام محمود وينها ها السلام عليكم
رديت بلعت ريك عليكم السلام
عيباس هاي خطارنا دمتوره من بغداد وي محمود بالجامعه
كل الهله بي وبخطاره يله بويه بعد شتردون كولي جاي نتسوك
اليسار- يحجي ويسجل مخلي دفتر عالسنك ولابس الغتره مثل الربطه النسائيه وعينه كلسا تندار عليه يباوعلي وينصي وكفت وره ام فاطم هي طويله مثل محمود بس ناعمه مكام يباوع عليه من ضميت روحي
ام فاطم- اي دجاج جيبه من هسه نموعه حنجتى الباجرتصفه عالسخ
اي بعد مسجل الدجاج انه زين ريوك انه سجلت بس الجبن لان اليوم كيمر
لاجيب بيض نسلك وياه
صار
لا تنسى البصل
بويه ادري ميواك كامل هذا بس فهميني البقيه اللي ماتجي بالبال
لزمت ربطتها لام فاطم التفتت عليه
ها اليسار
تره جياسه مال زبل خلصت
ها صدك جياسه للزبل
جا خوش لو ما البنيه جان خليتيني ارد اطلع الباجر اجيبهن بعد بويه تذمري خوما ناسيه شي
لا ماناسيه اووو الزاهي مال مواعين
هاهي بعد مامحتاجين شي
سندس- لا هاي هي
عباس- ديله فيماللا مامحتاجه شي خطارنا
اليسار- بقيت صافنه همست لا شكرا كال
هذا زيد شيصيرلج
بلعت ريك يباوع رافع تك حاجب مبتسم نص ابتسامه باوعت لسندس ورجعت باوعتله جاوبت
ابن عمي كال
والله شون وليد سبع ماخلانا من الصبح لليل يشتغل الله يحفضه لشبابه
ابتسمت بقه يباوعلي بحيره وطلع باوعت لسندس كالت
والله ورفعتو راسي كدام عيالي امشي خيه امشي
صاحت بنيه ورايه
اكفي سندس اخذيني وياج
لج نرجس امشي نامي ياباجر برانا شغل
لالافدوه ماجاي اكدر انامن اقره وياج الزياره
جاخوس دمشي لعد
طلعنا وره القواطع وبقينا نمشي هواي وكعدنا بعيد عن العالم وبدت سندس تقره جانت امو ضوايات خفيفه بالبستان تبين معالم الزرع بس الهدوء يخبل وصوت القرايات بعيد مال قصايد مشغلين سمعت صوت ورانا ها الله يساعدهم
التفتت حوده
هلاو ودرت وجهي
لعد رينها ساره
نامت باوعت لستندس تبتسمله كالت
خطيه تعبت اليوم ماكعدت خلها ترتاح
باوعتله تضايق عكد حاجبه هز راسه ماشي ورجع كال رايح انه لاتضلون هواي هنا وهاي فاطم لاتكرب صوب الحطب خبلتني
صار خويه
بدت تقره واني دموعي من اول بدايه الزياره نزلت احس اشكيله همي واني شعدي هموم غير انه امي تركتني وغير انه جنت مااعرف شنو بداخلي من مشاعر جنت احس احساس القوه بس للولد لذلك جنت متقمصه شخطيه الولد ومن شفته لليوم غيرتني تالي عافني وراح بحجه انج عدج ماضي رجعت اختنكت ورجعت خنكتني الكلاده نزعتها فاطم بصفي كامت تغفي نزعتها ولبستها الها تحجي ام فاطم واردد وراها لحد ماكملت واندعت كالت اندعي وطلبي مراد وحق هاي دموعج ميردج اني مااعرف شندعي كتلها ونصيت
ما تردين تتزوجين وماتردين تنجحين
بقيت صافنه عرفت روحي كلشي ماريد من هالدنيا بعده. بقيت سامته كالت
يجي يوم تشوفين الدنيا بعيون جهالج تحجي وتمسد بشعر فاطم كملت كلام وتتمنين تعيشين هواي حتى تشوفيهن باحسن حال وتشوفين بزرتهن
بقيت اباوع لفاطمه مبتسمه كامت نرجس كالت
اكلني البرغش
دتعاي شيلي وياج فاطم مااكدر اشيلها
اي صار شالتها ووكفت ام فاطم كالت ابقي تانيني اروح اشوف زلمتي خذجطيه ماشفته من امس الفجر خاف رايد شي كلشي مايندل ببيتي وهسه صاير البيت فلم لان هوسه تطب وهوسه تطلع والولد ينضفونه مانكدر نفوت احنا
هزيت راسي اوك
شالت تلفونها خابرته وراحت كالت شوي واجي هزيت راسي ماشي بقيت كاعده صافنه رجيت راسي على شجره نارنج واتذكر من جنت صغيره من بابا جان يسفرنا شون جنت افرح من كلبي ماما وبابا جنت اشوف الحب بعينهم هيج احسهم بس بينت الوحوه من بابا تمرض اول كسره الي جانت من وراج اضل طول عمري شايله عليج لانج امي انتي الوصلتيني لهالمرحله محد رايدني سمعت صوت ورايه
شعدج هنايا يابا روحي ارتاحي
التفتتفازه اعدل بهدومي اباوعله عباس درت وجهي كمت امتمت جاوبت
ااا ام فاطم كالت هسه ارجع
جا خوش
جر نفس كال مرتاحه يمنا لو تعبوج
لا عادي واكف محزم بسلاحه بغرور كلسا يباوع وراه ويرجع يباوعلي كال
انتي ياسنه
اني صرت ثاني
همم طريقج طويل
امم درت وجهي ورجعت كعدت كال جنها طولت ام فاطم ماترحين للقاطع من تجي تعاي وياها
لالا هسه تجي سمعت صوت محمود صاح
ابا الفضل
ها يابا
تعال اكلك
التفتت على محمود وجهه زنبر دزلي رساله
ادفنه بكاع اخوه هساع ?
هههههه خرب يومك بقيت كاعده شوي وحسيت احد كعد ورايه جمدت مكدرت اندار بس شميت ريحته عرفته مهدي التفتت شفته منصي من التفتت رفع راسه باوعلي
وكفت
كال
اكفي احاجيج
ماريد احجي بعد
بويه دكعدي انه الفجر طالع اكعدي
كعدت شوي ولمحت محمود من بعيد عرفته هو المخليلنه مجال باوعتله شتريد بعد باوعلي بعتب وتوسل واني نار بكلبي صارت
اليسار رحمه لابوج رحميني
اي مو كتلك هاي هيه
اليسار لا تخبليني
متكولي شتريدددد مو تكولي منتوالم هاهي
وروح ابوي انه مكطم انه واحد الدنيا زاعته تعرفين شني زاعته. يحجي ويلزم بزيكه ويشمر بي. اباوع على زيك دشداشته والشعر الطالع نصيت راسي كال
انه مااكدر اعيشج عيشه هلج بويه ارحميني
اي هاهي برطمت اوك ماعاتب بعد راح انساك باوع بعيني جر نفس نصه راسه ورجع رفعه كال
اليسار مااكدر اتحمل ذنبج بركبتي ماتعرفين الجاي يصير بيه
بقيت اباوعله رديت
والله مردت شي بس ردت تكولي اصبري ويايه واصبرلك العمر كله تالي تكولي استعر منج تعيرني بلبسي واوي
بويه انتي ماتدرين نص جماعتي يعرفوج من يفترون مولات هذا المول العشارع يم بيت اهلج الي كلما اختنكتي مريتيله كلها شايفتج بي بوكفتنا ذيج النوبه من شفتيني وي جماعتي ومحمود واكف صوب صاحبتج تتذكرين
اي هزيت راسي عاكده حاجبي شنو الخلاه هيج يعصب ويصير نار وعيونه دم وصوته يشحط من يحجي كمل كلام كال
- اجيتي اخذتي صاحبتج وطلعنا رحنا يم ولد جماعتنا نصهم من اهل النوصل ولد اعرفهم تدرين شيكلوون
يكلون هاي المحجبه شعدها وي هاي التمشي مشلحه وبدو يحجون بيج هذا اليمول ذاك اليوم هيج جانت لابسه وذاك يكول انه شفتها لابسه مشكك افخاذها طللعه وذاك يرد عليه جسمها محدده الهدوم عليه بس عليها جسم يخبل ولج نص جماعتي مخيله عليج شون تردين اضل وياج فهميييني شون اجيبج لاهلي شون
بقيت صافنه ودموعي تجري هيج الناس حقراء بعمري مشلت غيبه احد احجي بداخلي صدك لو كال بابا الناس بيت بله بقيت اسمع ساكته وهو يحجي متخبل
شوكت هالحجي
كال قبل لاروح بسبوع من انجمعنا اودعهم
بقيت اباوعلها مسحت دموعي حقك همست رفع راسه متفاجا ورجع نزله كال
انه هواي اشكرج على وكفتج وي هلي
مسويت شي والفلوس رجعتهن وكفت كال
اكفي
هاهي بعد بس تدري ارتاحيت من حجيتلي لان حسيت اكو سبب وهسه اقتنعت انه انت تخجل مني لان جماعتك كلهم حاجين عليه هاهي واوي محلل وموهوب والله لو اني بمكانتك هم اسوي هيج
بقه يباوعلي متفاجا من برودي كال الناس ماترحم
اي صح تدري رجعت كعدت تدري ابويه عاجز حجيتلك عنه اني
اي رفع راسه مستغرب من الدااحجي كملت كلام
والناس من يمشي بالشارع يتبشبشون والشمات يتبسمرون كدامه والله مره سمعت ولد بعرس من اعراس جماعتنا كله للعريس فوت لتفشلنا وتطلع عاطل بابا راسن اخذ على روحه صعد للسياره وساق سريع بوكتها اندعم يعني شبع حجي
من غير ماما عافته وهو يموت عليها
الله يعينه همس ونصه راسه
بس هسه الحمد لله طاب وتزوج ومرته احسن من ماما واحلى منها وتحبه اكثر من ماما من حانت وصاروعده اببتسمت صارو عده منار وكرار شوف ربك شون يعوض
بقه يباوع بعيني يريد يعرف قصدي
اني الي ايمان بالله صح ذليت روحي هواي الله يشهد عليه حبيتك بكل جوارحي بكل سجود جنت موجود وبكل فجريه. بس الله مكاتبلنا نكمل سوه يجوز الله يعوضني احسن منك رفع راسه خزرني وكف بنتره بقه يخزر يباوعني حتى من بتنفس ساد حلكه بس من خشمه ابتسمت
الله يهنيك بحياتك بس اشكرك هووواي
اليسار لا تامنين باحد
اني اعرف بيمن اامن كلبي بعد امنته عد عالم متستحق جنت اشوفهم اشرف من الشرف بس خذلوني بعدما انخلقت روحيا على ايدهم نصه راسه ودار وجهه عالبستان كال
ديري بالج عروحج بس الحجاب لاتذبي
خليت لجبركبه فاطم الي الله يحميني محلل وموهوب واوي. مشيت خطوتين صاح
اكفي بس اكلج شغله
نعم
انه مانسيت لحضه الله يشهد انتي وياي بغفوتي وبصحوت
الله يساعدك كلتها بشماته ودرت وجهي شفت محمود واكف يراقب باوعتله مبتسمه
كال ها
روح بامحمود يا ابن ام محمود الله يريحك هالراحه المرتاحتها اني
ها هههه شكو
هاهي طلع من عيني وكلبي راحت ابتسامته واندار عالواوي كال بصوت ناصي
من طاح حضك خسرتها والله
توني اكمل مشي جتي ام فاطم
ياسوذه عليه تاخرت عليج بس محمود دزني. راد غيارات من ابو فاطم وجبتهن
لاعادي حرجع نعست
جا خوش
