البارت التاسع
اليسار- فعلا ردت اتغير ذبيت بناطيري المشككه كلها ورحت لساره بت عمي كعدت وياها معرفت شون ابدي حجي بس بديت كتلها اريد اتحجب كالت
كومي ويايه للسوك بقيت صافنه نوبات ماريد احجي والمقابل يفهمني ساره من احنا صغار تفتهم ومن اجفص بحجايه كدام الحبير يصفن ن عليه هي تعدلها تكولهم هيج جان قصدها تحجي اللي بكلبي تدري بيه اضوج احجي زايد تفتهمني بس ادري بيها ورايه تحجي على ماما لان كم مره سمعتها واني مااتحمل احد يحجي عليها رغم الاذى الشفته بغيابها بس احول حقعا بابا مريض انطيها العذر لان اتذمر شكد جنت احبها وتحبني ومتعلقه بيها كمت وياها لبست مانتو كلش راقي وحجاب ورصلنا زيد الخبل وطلعنا بالسياره نزلت يم محلات مال محجبات جبب اتذكر لحد هاليوم اسمه كايرا بالمنصور بقيت صافنه شنو من جبب تخبل بس اسعارها كله بالدولار بقيت افتر واختار صارت عيني على وحده كلش حلو قفلت عليها كالت كدريها لبستها استغربت بالبدايه ابو المحل كال هاي اخر قطعه وفوك قياسج باربع قياسات بقيت صافنه مشكلتي من اقفل على شي يعجبني بعد ماشوف غيره باوعت لساره
اريدها
شون جبيره
تصغرها الي ام غايب
يله كيفج اخذيها وتصغرها الج مدام عجبتج هسه امشي ناخذ قمصان عالبنطرون وشالات
اوك
طلعت وراها جنت هادئه وهي بس تحجي ساره اكبر مني 3سنين جبيره امها دائما تحس روحها ام البيت وابوها وامها مخليلها قدر افترينا واحذنا شالات واخذتلها شال هديه الها كيفت بي مردتني ورجعنا للبيت اكدر وانزع وام غايب تبالغ برده الفعل بكلامها
يخبل وكلش حلو
جنت شايله هم للبنات من يشوفوني بس ارجع وامول معليه من غيري المهم تصالحت وي ذاتي واني اعرف المن الفضل ورجمه الله والديه الولد مكذب طانياها من الاخير رغم وجع كلبي بس بعد ماابجي اني قويه ----الجبه جبيره ام غايب
يمه هاي متتقرم هيج لازم خياطه
اي شون
باعي موعد ام زمن مال دشاديشها ودشاديشي يك الخياطه بعد اربع ايام عود اخذج ويايه وتقرمها عليج
ماشي لزمت راسي حصعد انام
وين وين امشي نصلي داانتضرج صارت ب4
ها اي صح طبت قبلي وصلت صوت عالي شتكول اكول كملت وطلعت رجعت على موضع السجود لزمت طرف السجاده بايدي الاثنين وغمضت احس هنا تنتهي الماسات
املي بالله جبير وشيصير الحمد لله عليه ماراح امل من الدعاء ولا راح انقهر من يصيبني شي ابد اني يارب بيك قويه مراح اايس من رحمتك يوم واحب اللي يجيني منك باشكاله الحمد لله كملت وشلت السجاده جنت من اندعي اضحك وكلي امل ودعت الدموع وخلص بس ابجي على روحي فد مره مدرسه جانت تجينا بالكيميا كالت
اقسى انواع الدمار النفسي من تشفقين على حالج تدمرين روحج ماريد لحضه وحده اشفق على حالي اني برب العالمين قويه. شلت السجاده وكعدت اقره اتصلت بزمن كالت اتفقت وي الاستاذ بس عادي اقره وياج اني
اي تعاي علواه
وفعلا بدت الدروس الاستاذ كام يجينا للبيت وزمن تجي ويايه يوميه ساعتين لان متاخره كمت احب الدراسه واقره واكول ماالحك مرت كم يوم وام غايب كالت رايحه للخياطه ها تجين نصغر الجبه
ماشي كمت لبست بنطرون وشي طويل عليه من الشتريناه اني وساره ولفيت الحجاب مثل معلمتني يا الله شكد حبيت روحي جان الحجاب بلون عيني سمائي عبالك برزها اكثر لبست وطلعت الداده تبتسملي بهاللحضه بابا فوت السياره من شافني بقه يباوع مو راسن عرفني بعدها ابتسم ونصه راسه دمعت عينه اذاني حيل تقربت منه
بابا شنو هاي
طالعه حلوه بابا تي
شكرا ههه
الله يهديج
جرني باسني من راسي وطلعت صعدت السياره ام زمن وزمن ليوره وام غايب بالصدر وصلنا كالت ام غايب
هاي العماره نزلنا كاالت ام زمن
ابو غايب مصطفى يجي علينا الله وياك راح ابو غايب
وطبينا اني وزمن نحجي وتعدل بحجابي طبينا للخياطه دكت الباب خاله ام زمن وطلعتنا مره طويله لافه الحجاب مرتب ودشداشه سوده جانت مو كلش جبيره بالعمر بس وجهه متعوب كالت
هله تفضلو
طبينا كعدنا هول حلو كعدنا كلنا جتي بنيه شعرها كلش طويل حلوه منصيه قدمت جاي وراها جتي مره عجوز بس شكد حلوه هاي من جانت صغيره شون جانت طلعت الخياطه اللي فتحتنا الباب الاولجي واني اباوع عالمره الجبيره كالت لام غايب
ام غايب هاي بتج
ها لا والله بت عمي ومثل بنتي
باوعتلها ابتسم والخياطه تاخذ القياسات اندكت الباب مال الشقه اللي بس تنفتح اللي يدخل اول ميدخل يطب عالهول باوعت على زمن ورجعت باوعت للخياطه كالت
شكدوته خصرج
ابتسمت طبو بنات 3 من رفعت راسي بنات اخته كلبي راد يوكف وصوته يكول
تعالو اخذو المسواك يا الله
انداريت على زمن وكفت فكت عينها باوعتلي عزيزه وضحكت تقربت كالت بفرح
هله بيج هذا بيتنه
هزيت راسي مااحجي. راح صوتي وراها طب منصي راسه كال
يمه بهيه
ها يوم فوت عدنا نسوان طب راسن اباوعله طب للحمام امهم تباوع على مكان نضري اني محاسه على روحي مبنجه اباوع لزمن شكد اني ماعدي حظ شوي وطلع من الحمام فات للغرفه اللي بصفه واخته تاخذلي القياس وصار وصوت ركع بالباب فزيت محد كال منو طلع كال
يا الله
اطلع يمه شوف مني جاينا مفزوع
طلع منصي راسه وصل للباب طلع وسدها كملت قياسات تحاسبو عالخياط واني وزمن وحده صافنه بوجه اللخ طلعنا تمنيت يرجع يشوفني مرجع رجعت حمدت الله لان مشافني بس ضليت صافنه عالحظ والفرص اللي تبعدني وترد تشمرني ليمه رجعنا بالبيت لازمن التحجي ولااني بس صافنين باهتين مصطفى مااجه علينا رجعنا وحدنا بقت يمي زمن لليل بس محجينا اي شي بقينا ندري وكلما تباوع بعيني تتنهد تعرف طبعي من انقهر مااحجي ولااحب احجي راحت زمن بعدما تعشينا همبركر لان ادري بيها تحب مال مطعم وامكانيتهم مو كلش واذا رادت هي الكل يريد فتصير هواي فمن تجي يمي احاول قدر الامكان اللي تحبه اجيبه الها والي هم جننا هادئين والتهينا بالدراسه لليل وراها نمت مرت الايام صح اول مااكعد الصبح اول شي يجي على بالي هو وقبل مانام اضل احارب دمعتي تالي تنزل يله ارتاح مشتاقه اله هواي بقه ببالي مو كال مااكدر اكعد بالشقه لان بيها بيت خالتي وي امي وخواتي زين شون هسه يضل يطب ويطلع يا الله تذمرت البنيه ام شعر الطويل كلش الحلوه كلبي دك سريع هاي بت خالته شون خاف يكوم يحبها حسيت بضيق بصدري وغيره قويه بعدها تعودت مرت الايام واني وكتابي وزمن وياي واجه موعد الخياطه
ام غايب حروح اجيب الخياط واجي ضلي وانتي وزمن رايحه وي امج
لالا اني اجي وياج
ها شعدج بس اجيبه واجي
لا خاف بعده مو على كدي ووواريد شي من الصيدليه
ها موليلي وانه احيبه
لا داده اريد اجي،ها كيفج امشي
طلعت بعدما لبست وطلعت كلش حلوه هالمره زمن اعتنت بيه وهي هم لبست ووصلنا مصطفى الخبيث بقه يصنف
جنج محمد اخويه من يلبس ربطه
واني خربانه ضحك وكلبي ينفض من انتضار شوفته نزلنا بالباب مال عماره شفت عزيزه تمشي وحدها راجعه من المدرسه بس شافتني ضحكت سرعت مشيتها تجاهي تفاجات بوستني وبوست زمن اني وزمن صافنين جننه مطايه نزل مصطفى كال
هاي ام المرايه
التفتت عليه خزرته سكت هي باوعتله ارتبكت وطبت دكت باب الشقه اندارت علينا وباوعت لباب العماره كالت بصوت ناصي،عفيه اليسار كولتي للولد هي اسفه
اي اي معليج منه هو يحب يتشاقى
شون خفت
مابتسمت باوعت لزمن حتى هاي مسلمت من اخوج الشفيه
شسويله دهري
التفت على عزيزه رجعت دكت الباب صاح صوته وكلبي رجف
جاك جاك
رجعت خطوه ليوره فتح الباب باوع لعزيزه كال علكيفج خال ورفع راسه شافني فك كل عينه كلها هد البابباوعني من فوك ليجوه اريد اتنفس عدل مااكدر لزمت ايدي قوي ورجعت فتحتها بقه صافن ام غايب كالت
ااعفيه بس صيحنا ام علي
احم دقيقه
باوعت لزمن دمعت عيني رفعت حاجبها كالت دير بالج ها
هزيت راسي اوك لزمت اعصابي كالت المره،تفضلو تفضلو
طبينا رجلي ثكلت كلش وزمن تسحل بيه اباوع بباب الغرف مموجود ولا بت خالته موجوده البنات كاعدين بالكع ديقرون كامو لملمو كتبهم مبتسمين ضحكتلهم وطلعت العجوز باوعتلي تضحك
هاي شون حديثه عدكم ام غايب تجيب الهوه بضحكتها
نصيت راسي ابتسمت
ينطيج العافيه حجيه جاوبتها ام غايب لبست المانتو واباوع لزمن انفتحت الباب البعيده شوي درت وجهي لمحته يباوع وراها طلع منصي صاحت العجوز
يمه واوي جيب وياك خبز بالفين
صار جاوبها بدون ميباوع ناحيتنه ولا يكطع طريقه كمل مشيته وكالها طلع وسد الباب رجعت باوعت لزمن جرت نفس كملنا تحاسبو وطلعنا رجلي كوه تمشي طلعت مصطفى بالباب واكف شفته واكف بصفه يحجي وياه عبالك يعرفه صعدت بالسياره وسلم مصطفى وتركه صعد بالسياره درت وجهي باوعتله يباوعلي عاكد حاحبه داروجهه وطب للعماره رجيت راسي زمن سالته
مصطفى منين تعرف هالولد
وياي بالجامعه ليش تسالين خاتون
هذا حارس مدرستنا
وانتي وين شايفته هااا
يابه غير بمدرستنا اووو
دسدي حلكج احسنلج هاي متعبر عليه
يابه شبيك اوي
باوعتلي زمن كالت بعد منجي
لا مااجي بعد غمضت عيني تمنيت ابتسامه بس وهذا هو مرايده شي بس كل الشفته منه عبالك نضره اتهام رجعت للبيت وره شوي جتني رساله فايبر فكيتها من عده كلبي انقبض كاتب
طلعيني من راسج بويه واطلعي من راسي
رديت
منو اجه صوبك
ليش جايه لبيتي
اخيط والله العضيم ماادري بي بيتك-- مرد شي وره شوي كتب
وجهج يضوي وي الحجاب الله يكملج بعقلج مااعرف شحاي يصير بيه من وراج لا ليلي ليل ولا نهاري نهار ابتعدي عني يبنت الناس احلفج بالله
بقيت اباوع عالرساله مااعرف شكتب رجع رسل
انه متعوب وزماني جار علي ووراي كومه لحم ودراسه ووراي حرب شتترجين مني كلهاي وانه معكل بمره لان ابوها استشهد وماضللها احد حتى امها مواته ارحميني
اني قريت اخر شي ودموعي كذبت عليه ونزلت قفلت الباب كمت اشهك كتبت
ام شعر الطويل
ياهو
اللي تريد تتزوجها
ماشايف شعرها وحق ايامي وياج
كلش حلوه
مو احلى من بياض كلبج
واوي اسمك-- مرد شي شوي واتصل رديت والشهكه بصدري بقه ساكت واني ساكته كال بصوت ناصي
اليسار
بس كال اسمي بجيت
بويه شككتي كلبي لاتبجين عيونج راحن
اممم سكتت كال
هلكد لايك عليج الحجاب بس انه مااستاهل تتحجبين لاجلي
لا مو علمودك كوه طلع صوتي
شون صارت احجي اريد اسمع صوتج يابا
اني تحجبت لان صار صوت وذان باذني وردت اتخبل ثاني يوم قررت اتقرب من رب العالمين
الله واكبر ماحان ناقصج بس حجابج وديانتج وهسه انتي كامله
بقيت ساكته
جاهزه للامتحان
امم
الله يوفقج
شكرا كحيت العفو
سلامتج زردومج مجرح
اي
اخذي علاج مضاد التهابات
اي
اليسار لاتشيلين بكلبج علي حوبتج اخاف ماتتعداني وانتي كلبج صافي
مشايله واللهرو الك الفضل عليه
الفضل لله ماسويت شي انتي عجينه بحجايتين تشكلتي نيال اهلج عليج
امم جريت نفس بقه ساكت جر نفس كال
بدي مااسده منج
بقيت ساكته قربت التلفون
انه مو لهالدنيا واخاف تسمعين فد يوم خبري ترحميلي حلليني واوهبيني
ممسويلي شي انت
انه اخاف من كسر الخواطر وانه كلبي مكسور لان ماحاي اكدر اتركج بس هالشي انفرض علي ماريد اعلقج بيه واهدج
اوك
ماتردين تكولين شي قبل لاروح
اا اني اشكرك هواي
جر نفس اخ يابويه الشكر لله مامسوي شي
وواتمنى وسكتت
شنو التتمنى كولي يبت بغداد
اتمنى الوكت يرجع جان الدروس كلها كضيتها يم الحديقه حتى لو انت مموجود اباوع لمكانك وهذا هو بقه ساكت كال
خو منزعتي الحجاب
ها ياحجاب
اللي لبسته الج
لالا لا
ههههه الله يستر عليج لا تنزعينه
ماشي
ديري بالج على روحج
ماشي ووانت هم دير بالك عروحك
الله كريم فيماللا
الله وياك سديته وحسيت بروحي مرتاحه اكثر من قبل عبالك صفيت وياه كلشي بس بقت حرگه بگلبي بت خالته خابرت زمن حجيتلها كالت
هذا هسه يروح يحارب داعش
اي اكيد
اي الله يخلي لاهله بس صوتج مرتاح
اي الحمد لله
يله باجر من الصبح يمج
ماشي
بباي
هلو----
