زمن- لعد اني شكول كلما اتذمر كلبي يروح
اليسار- صدمتيني وصدمني الحيوان ولج شقه شقه حته وحده
يابه غير من وره توفي وكلي اخر مره نتشاوف كتله لازم مكان محد موجود بي لان كلها تدري بيه اخت مصطفى
كال نروح لبيت صاحبي نتريك ونطلع بس ملحكت اتريك وياه ولج لو تشوفي شون فز من صرت بحضنه اني غير ثوله ولج شون عثرت بالزوليه ماادري صار جتفي بصدره وهو شمرني عبالك اني جربه
-هههههههه
والله. وبقه صافن واني ميته خجل راسن كام يرجف كال
يله يله خل نروح ماريد اتزيك واني رحت وراه شاف ماكو احد والشقه طابق ارضي طلع كدامي وطلعت رحت وره العماره اكو كراج بي محل مال ساعات اشتريت باتري وراها رجعت للكليه
- بقيت صافنه عليها -- تدرين زمن محمود اخو خيته بس سوه هالشي وغلط بي حرامات وحده عليه
لا والله خطيه حتى من يتغزل بيه وراها شاف مصطفى كال كرهت روحي بعد توب يحجي حجايتين ويروح يدز رسايل نوبات يكلي انتي لمحمود
ههه فدوه لكلبه يمه وتتزوجون غير اردح للصبح والله ماافرح لاحد كد ماافرحلكم
الله كريم باوعتلها والعله العدي
منو همام
اي قنادر
باعي هذا من يمه هسه ينسحب لان ميحبج ومطايقج
اي صخونه كرفته عبالك ماخذه ورث ابو
خههههه. لج بابا هذازعده وحيده
بلكن الله واخلص منه واتزوج محمود تمددت عالجربايه هم صدك واصير اله
وترحين لكربلا
اي عمي عسى ما بعرعر المهم وياه
هههه الله كريم كومي اريد اقره كومي يضرب الحب شو بيذل
ههه يله حروح
وين لج
داروح لبيتنا عدي امتحانات مااعرف اله بغرفتي اقره
يله براحتج راحت ورجعت لدراستي مبقه بس امتحانين ياترى الواوي ديمتحن همه امتحاناتهم ورانا يعني الاستضافه بذي قار يعني شنو ميجي بعد زين ليش تحول دم تلفوني حوده
ها محمود شونك احجي واتذمر كلام زمن
هله اليسار اليوم مادكيتي شني زعلانه
لا يابه بس جاي ادرس ههه خرب ببليسك كمت احجي مثلك
ههه جا خوش بس ردت اكلج تره ابو ذيبه يم هله. وسوه استضافه لجامعه القادسيه. وجاي يمتحن الامتحانات الفاتته لا يضل بالج
بقيت مبنجه من جاب اسمه صوتي راح
الو اليسار يابا
محمود
ها
اكلك يعني شنو حيبقى هناك
بويه هله هناك والباجر مصطفى يوديهم لاهله اللي ببغداد ويبيع الشقه ويشتروح كع لخ ببكانها ادعيله بالخير اليسار
زين مسال عني بقه ساكت كال
كال كوللها الله يوفقج بحياتج
بقيت صافنه اختنكتتت --
الو
يعني شنو محمود بعد ميخابر
اليسار تره الولد كاضي فد نوب وحالته تكسر الخاطر صاير مايحجي ولا يسولف ساعه انه احجي وهو بس يكلي اممم
يعني ميريد بعد احاجي بس اسمع صوته
مانصحج بويه تره حتى ماتعرفي ادعيله بالخير والحمد لله هالوكت اللي ابتعدتو بي شوي يهون عليج
بقيت فاكه حلكي شديكول هذا صدك يحجي يابعد ويا وكت ليش هو اني نسيته مرديت اصلا مكدرت ضل محمود يردد
الو اليسار بويه ردي لا تخلين بالي عدج اليسار
الو
وينج بعد اخوج ما تكليلي
اني حروح اقره
اليسار بس لحضه
هممم مسحت دموعي
باعي يابه لا تخلين هالشي ياثر عليج بقه امتحان واحد لا تروحين تحملي على سنه التجي تره كل سنه اصعب من اللي قبلها
اي
ديله بويه موفقه
الله وياك سديته وشعدي بجي بجيته وكره كرهته هيج يعني هيج من صفنت وي روحي اصلا هو اني شعشت وياه كم شوفه وكم تلفون هاهي بعد نساج انسي طلعي من راسج وارجع وامول لنفسي الدنيا صغيره ويجي يوم نلتقي --
مصطفى- بيوم الطببتهاا للصف جيت عليها ارجعها واشوفها معصبه نار صعدت وركعت الباب بداخلي اشتعلت صفحتج راحت الباب باوعتلها بالمرايه تباوعلي وتخزر ها هاي دتباوع عليه عكدت حاحبي
بيج شي عزيزه سالت بتردد واباوع عيونها فاكتها ملها جنها ساعات جتني الضحكه
شبيج ههه شو تخزرين
درت وجهي عالشباك كتفت ايدي وكمت افاف
عزيزه
باوعتله رفعت حاجبي تعرف سرور عادل
منو هاي سرور مدري بعرورهههه
لتضحك ماحاي اضحك انه سالتك رد علي
لا والله والنبي ههههه بقيت اباوعلها تخبل يمه فدوه للتغاركلت بداخلي والفرحه تارستني
سرور كالت صديق اخويه نترت
عكدت حاحبي اخوها اسمه شداد
شمعرفني
وين بيتهم هاي شبيها نترت عصبت
شو صرت عصبي
اهووو درت وجعي كلبي هلصان اني حاير بفلوس البانزين شون خشلعها وهاي تتمضيك كلت
بابا شكالتلج فهميني وهيج صرتي عصبيه نترت
كالت تحبك خطيه وتضل تخبص امها حتى تخابرك توصلهم وتباوعلك بالمرايه وتضحكلك وانت تضحكلها ماتروحلها لعد
بقيت عاكد حاجبي تذكرتها هزيت راسي وفعلا جنت اضحكلها درت وحهي عالشباك كالت
لعد هاي ياهو الاجت تضحكلها برطمت شني البيه معرفته باوعلي بالمرايه مغضب وعاكد حاحبه ودار وجهه عالشباك جر نفس كال
ماانكر ضحكتلها لان هي خفيفه
بس انه موخفيفه تره والي همات ضحكت يعني ساويتني وياها صاح بنتره
بس عاد لتخربطين بالحجي تعرفيها انتي هاي شنو من الشي
لعد الوش جاي تضحكلها
بابا اني شاب واكيف وحده تسويلي حركات واذا ضحكتلها مو معناه حبيتها لو معجب بيها اني اضحك على سوالفها مموته روحها
بقيت اباوعله وعيوني مدمعه
وبعدين ليش تحاسبيني لازم غرتي
لاع ماغرت بس ضجت خاف تجيلي حجايه شيكلون علي
هااااه يعني اني من ورايه تجيج حجايه نترت صدك صرت مخبل تعدينا عمارتهم مرتين واطلع كبل اريد افهم شبيها
ام بله وماعاد اصعد وياك بسيارتك
عزيزه لتخربطين بحجيج اني خفت عليج من الشارع بقه بس الامتحانات من تخلصيها
اي بلي من نخلصها نروح لاهلنا بعد لا تشوفني ولاشوفك عودك اشبع من سرور وغطيت وجهي ابجي
بقيت صافن تبجي واني استعر كلبي بقيت صافن
شوكت ترحون
بعد سبوعين الامتحانات
اممم هزيت راسي جريت نفس درت وجهي عالشباك رجعت باوعتلها
كافي مسحي دموعج لتبجين متستاهل دمعه
ماجاي ابجي على شكولها الزفره
ضحكتني كتمت الضحكه اخاف تزعل بقيت اباوعلها بالمرايه كامت متباوعلي
شو باوعيلي
مااريدن
بس شوي ابتسمت شو مردت بقت تباوع عالشباك نترت بعصبيه شوووووملتفتت يايابه شكد عناديه وصلت للعماره كالت اوكف صار ميت مره فوتتني منايا وكفت جريت نفس رجعت شعري ليوره نزلت بعد مباوعتلي شون خاف تسويها صدك وبعد متصعد اتخبل والله رجعت للبيت حجيت وي امي فاتحتها بموضوع الزواج كالت
يمه بعد وكت خل تطلع سنه خالك
ماشي يمه تنهدت بتعب صعدت وكلسا اتذكر من برطمت روحي تنلبج ---
اليسار- كملنا امتحانات ورجعت للاشيء للفراغ. الخمول والكابه الصارت عدي فضيعه ضايعه كانما ومضيعه شي وياي زمن كالتلي حيروحون اهله بقيت صافنه شون ادز شي وياهم اله لالا مثل ماهو تركني وشالني من راسه لازم اشيله خلص خلصت الحكايه عدت كم يوم وبابا كال نسافر ايران اني استقبلت الخبر بلا موبالاه تحضرنا بعد يومين سفرتنا واني مشتته تعبانه احس روحي ضايعه محمود مشه لاهله. وباجر مصطفى يودي اهل الواوي مداصدك هنت عليه وارجع اتذمر محمود من مال
تره الولد كاضي صاير مو هو الانسان من يخسر عزيز يخسر جزء من كلبه عاد هو راحوله كومه عزاز مبقه شي بي ولو مو اني لو امه متكدر ترد الفرحه بكلبه صار مثل بتول ميحجي وحابس روحه يعني وهسه يجمعوهم سوه واحزانه على احزانها. يكوم يحبها وتحبه ويتوالمون مجرد الفكره خلتني اكل بروحي واملخ بنفسي حتى الحجاب خنكني ردت انزعه مكدرت مكدرررت يا الله شيله من كلبي شجلب بكلبي.
--
مصطفى- ثاني يوم بعد مازعلت صعدت بالسياره بس رجعت ابد متحجي واني هم اخاف احجي وبعد متصعد اوصلها وارجعها بهدوء وعيوني تراقبها وهي متباوعلي لحد اخر يوم روحي اختنكت من داارجعها همست واني اباوعلها وهي سرحانه تباوع لصفحه الشباك
يعني بعد ماشوفج التفتت راسن عليه واخيرا تخاضنت عيوننه كالت
اممم مقصرت رحمه الله والديك وراح اكول لخالي شكد درت بالك علينا لان صديق وفي
جريت نفس باوعتلها مخنوك تدرين
بقيت اباوع بعينه ونصيت راسي خنكتني العبره درت وجهي عالشباك
مداصدك بعد ماصبح بوجهج عزيزه
بقيت ساكته منصيه راسي
الخميس اني اوديكم لان خاله اتصلت البارحه
اعرف همست منصيه
يابه حلليني واوهبيني خاف طلع مني شي خاف سمعتج حجايه خاف نضرتلج نضره موحلوه
لا برطمت لا حشاك
دير بالج عروحج بقت صافنه بعيني نضرتها تخبل تفرق عن كل مره روحي راحت مليانه عيونها دمع وتباوع واني بقيت اباوعلها جريت نفس خليت ايدي وره راسي مكطعت النضره فتحت الباب كالت
الخميس نتشاوف
اي انشاء الله
يله مع السلامه ضوجتك هواي احجي مخنوكه
لا بالعكس تنهدت عزيزه ديري بالج على روحج ورجلج
اي انشاء الله مع السلامه نزلت
نزلت وسدت الباب شي بيه اختنك حيل بعد اربع ايام يله اشوفها من هسه شتاقيتلها تمشي وتلتفت عليه تباوعلي اخر شي طبت وسدت الباب لكيت قطعه معلكه الشقه للبيع انعصر كلبي. طلعت وروحي. مخنوكه وصلت للبيت واعصابي تلفانه بس اصيح حتى مكدرت اتغده نمت وكعدت عادشوي احسن ---
زمن- مشه محمود وشبعت بجي باخر يوم وعيونه دمعت لزمن طرف اصبعي يتلفت خاف تحد يلمحنا اندار عليه
وحق كربلا وترابها بس اكمل امتحانات جاي اطلبج
بقيت صافنه عليه كال
يله مودعه بالله اليسار ماوصيج على بنيتي وعذريني ماكتلج على علاقتنا لا تزعلين مني
لا محمود عادي. روح الله وياك
ديري بالج على روحج يم كلب الصافي
غرغرت عيني نصيت باوعتله محمود اذا شفته كوله. مناسيتك باوعت لمحمود دار وجهه تحسر ورجع باوعلي كال
ديري بالج على نفسج وعلى بنيتي انتي سباعيه اليسار مايكسرج حي يكويج رفعت راسي شفت ساره جتي من بعيد تمشي سريع
ساره- ها همزين لحكت تريد تروح ومتودعني
محمود- والله مقهور دم شون حفاركجن انه محضوض بيجن وانتن احسن بنات باوعت لزمن موكفت بجي مدت ساره ايدها كالت
منطاني كلبي تروح وماشوفك نشوفك بخير وامانه بس تجي بغداد خابرنا ننجمع بالسينما
جريت نفس باوعت لزمن
باذن الله مديت ايدي تصافحت وي ساره وشالت علاكه بيها علبه صغيره كالت
هذا شي بسيط يذكرك بصداقتنا دكتور
لا ساره بالله خجلتيني
دفتحها وشوف شون حلوه
فتحتها باوعت لزمن دارت وجهه غارت حبيبتي رجعت باوعت عالساعه بيهازصورتي والمناضر على كصتي الحركه اللي داؤما يضحكون عليه بيها عدي صوره قديمه دزيتها الهم مره وكاصته وطابعتها على ساعه يدويه وليجوه مكتوب
دكتور محمود صدك تخبلت عليها
لج هاي شون سويتيها ملعونه عاشت ايدج حيل حلوه
بالعافيه كلما تباوع عالساعه تذكر صداقتنا
انه هالسنه الكضيتها احلى سنه بكل حياتي
ساره- احلى شي كمتجنا كلبتنا نحجي عربي وهذا زيدو اجاك
هااا ابو الشباب
هله زيودي
يله امشي اني اوصلك
اليسار- لا زيد غير تكول جان جينا وياك
محمود- كل الهله امشن كلجن
زمن- اني اترخص توصل بسلامه محمود
انمرد كلبي اكفي زمن بس حجايه وحده تقدمت يمها اتلفت اخاف يشوفنا مصطفى اخذتها على صفحه وجهه احمو من البحي
حبيبه انه احبج الج
بقيت صافنه
ام بله ماكايلها كبل انتي حبي الوحيد والباقي خواتي لا تغارين وبس اوصل ادكلج جا ذيج وينها كربلا لاتبجين عيونج موتني
اوك هزيت راسي لتنساني
تخسه بس اكمل وجايكم وي هلي يله رايح
الله وياك سلمت عالبنات مره لخ وتركت الحامعه وكل ذكريات بغدادويايه وطلعت وي زيد زيد بالرغم سنه اولى بس ولد سبع وحشاش. جنت اعتبره اخوي الصغير وصلني واستقبلو اهلي وجلبو بي عالغده نسيبي هله اجاويد وزيد كلش حباه وفعلا تغده ويانا وطلع اكدت عليه متوسل
عليك الله دائما تعال
ولك مو تنان كلها بكربلا
اي بس تصعدون لكربلا امانه تجون عدنا بالبستان ذاك الصوب وبيت نسيبي. بشارع الوائلي وانت بعد اندليت بيتنا
والله اجيب اهلي واجي ليش لعد
كل الهله زيودي بس لا تجي وحدك جيب البنات ذنه خواتي تره زيدو ماوصيك بيهم
لالا توصي حريص
محمود- راح زيد وانه التهيت وي اهلي البيت اللي اشترو صغير يرادله كومه شغل وانه وخواتي وجهالهم وبناتهم واني ونسيبي وحتى اخوته بلشنا بي والله صار بي شوفه فتحت الموضوع وي امي كيفت كالت شكو منها. وتدلل ارتاحيت لكلامها وحسيت مبقه شي وتصير الي ونكمل سوه نسيبي دبر شغله الي مضمد وفكلي من بيتنا الصغير محل صغير وساويناه سوه. وبدت الناس تتوافد اللي ابنها مريض واللي كحه واللي ابر والي شك براسها واللي طهور واللي كسر يوم وره يوم الحمد لله الله فتحها بوجهي وابو ذيبه معتزل اخابر عباس اسمع اخبار الواوي منه ليش شنو الصار وعفت حتى خوتنا ماحاجاني غير مره وحده والبنات دوم نسولف سوه وكت فرغتي اليسار سافرت ايران بس جنت احس بصوتها خنكه واحتصار بحيث اختنك من يمي مرتين مرلي زيد وبيتته يمي كوه ماعدي احد بالبيت غير امي واختي الصغيره الماتفوت للصاله وكت وجود جماعتي عدنا ممنوع هالشي ---------
يتبع شلوني اليوم لوز مو بله
المهم بليل بارت لخ لان فارغه حتى تقدرون من يصير عدي شغل ومانزللكم بس بارت واحد
وسلام خاص من ست مريم الكم وبلغتني انه زمن بدت تتابع وياكم بطلب من اليسار ----
