اليسار- بقينا ببيت جدو لل1 بعدها خاله ماما كومي نامي وراج زفه باوعت لتلفوني ابتسم ساره بصفي همست بعد12ساعه يجون
هههههههاي مستعجله
كومه
مخايفه
سكتت صفنت على حياتهم هوستهم وتمزمته وابو وبساميره ومااعرف شبي وي بغداد واهله وليله الدخله وتذكرت عيونه وصوته اشتياقي ولهفتي ودموعي اله بهالاربع سنين ابتسمت لامخايفه اكتشفت اني اخذت قوتي منه وهو ياخذ قوته مني مخابر اكيد ملتهي وي الهوسه رجعت لبيتنا خاله خلتلي بوجهي مرطب حتى باجر اكعد وجهي حلو ونمت دك تلفوني دكه وحده وراها مسج شلته والنومه بعيني كال
بويه ماريد اي وحده تحاجيج حتى امج مكدرت ارد
نايم حبيبي وانه سهران والولد حارو شساوو بيه حتى راسي حنو
ابتسمت مكدرت اكتب تعبانه من الركص
تصبحين على خير باجر بحضني بهالوكت
قريتها وحضنت مخدتي ونمت حسيت الصبح ايد تتلمس بوجهي فتحت عيني مستغربه بابا خطيه والدموع تارسه عينه
فزيت شبيك ببابا
مابيه شي حبيبتي هاي اخر يوم تصبحين ببيت ابوج
حضنته بابا هاي شبيك اني طايره من الفرح
ياعمري بابا هذا بيتج لتنسين هالشي الدنيا تصعد تنزل بيتج وابوج وعمامج موجودين
اوك بابا الله لايحرمني منكم بسته من راسه طب كرار كوه يفتح الباب دردم دردم وراح باوعت لبابا كتله
بله هذا حيسلمني للي اليوم شكد عيب
لا بابا مو هو اليسلمج
مو جدو كال عقايدنا الاخ يسلم العروس
ابتسم بابا وجر نفس كال الله كريم بابا كومي تريكي تروحين للصالون
لا بابا هي تجي ميقبل رجلي
هههه ماشي براحته ---جر نفس كال
بابا هاي مني لبسني سوارات دمعت عيني وي كل سوار ينلبس باوعتله دمعت عيني
بابا ليش هلكد
انتي بت نعمان بابا انتي دمتوره اليسار
ابتسمت اوك ابو كرار السوارات جانت ثكيله كلش احس بابا يرفع من مقامي بالفلوس ميعرف عمق العلاقه بيني وبين حبيبي جانت اكبر حتى من الشهوه والرغبه جانت شي طاهر حيل كمت سبحت واول مطلعت ساره طشت جكليت وهلهلت خربت ضحك عليها عماتي كلما اطب واطلع وهلهلو. لل11ونص دزلي رساله
حبيبه الواوي وحلاله ساعه واني ببيتكم
كلبي رجف باوعت لام الصالون كتلها
بعد ساعه يجون
كالت كملت طبت ماما كالت
اكو ناس يردون يتعرفون عليج ممكن
عكدت حاجبي منو وبمثل هيج يوم ام الصالون تلف بشعري ومنعتها تخلي سبري طب ولد يطلع عمره صف ثالث لابس قاط رسمي يخبل من الجمال نضرته جانت حازمه وعاكد حاجب يشبه ماما ووراه بنيه مستغربه لابسه بدله نفس باوعت لماما دمعت عينها كالت
ماما ذوله اخوتج
وكفت كلبي وجعني ذوله الخذو ماما مني باوعلي الولد كال بحزم
اني علي ماما كالت اسلمج لرجلج انتي اختي الجبيره اليسار مو
اوي فدوه اي حبيبي اني اوي صدقه يمه ياكلبي نسيت حقدي كله من مال انتي اختي تقربت حضنني ابتسم طلع ورده من وره ضهره وطانياها وباوع لماما كال
هاي شلعتها من الشارع بس استاذنت من العالم اصحاب الحديقه
ههههه فدوه حبيبي يخبل هاي خليها هنا خليته بجيب القاط وحضنته مره لخ كتله
انتضرتي ها حتى تسلمني تقربت من البنيه انهزمت وره ماما جلبت بثوبها ماما كلتلها
ايه هاي اليسار اختج
ماه ماه
كيفج
رجعت كعدت كملت ام الصالون التسريحه واني عيوني على ايه وماما شنو شعوري واحذ يشاركني بيها وشنو شعورها هي جلب شعري باسقي الحماله تقربت وخرته ورجعت وره ماما ابتسمتلها جابو بدلتي وماما صافنه عليه مدمعه عينها وساره ويايه تغنيلي زفوها زفوها للواوي زفوها وتمايل بجسمها دمعت عيني وام الصالون تحذر لتبجين الهلاهل ترست البيت ولبسوها الي واني افتر وهناك دخل جدو وكفت افتر كدامه كال
بعدج ذيج الطفله بيوم العيد الجتني تفتر الصبح بفستانها الوردي وتكول جدو باوع يفررررر فستاني
هههه حبيبي جدو حضنته كال
اصعب ايام تمر عليه ساره ووراها انتي
زيد- جدو اني اجيب مرتي واجيك ولايمهك
الله كريم تعاي يبعد روح جدج تعاي شكد شفتي تعب لبسني مثل سلاح ساره باوعتلها ابتسم
عيني عيني مو بس انتي لبسه ونزل لخصري عمي سلمان لبسني شباحيه نازكه وعمو عبد تراجي ومحبس وذهب الواوي هم موجود بدلتي جانت كصه التفاحه وكالعاده ملابسه حماله اللمعه طشرتها برشاش ناعم ام الصالون على صدري وضهري صرت مثل الماسه لبست البركع جنت مثل الملاك وخاله تطك بالحرمل وفجاه انفتح جهاز الارسال ببيت جدو
حجي محمد حجي محمد
ها ها خلف شكو
يابه الزفه وصلت افتح الطريق الهم
فكوها يابه فكو السيطره جوي ياخذون اليسار هذا كلبي وكف ماما انخلحبصت وي خاله فضه وكعدوني بالصاله فتحو باب الصاله عالبره واجتي الهوسه كلبوها للدنيا بالطلق وصلت رساله منه
راح اسجل دخول احلى لحضه بكل حياتي
مرديت ذبيت التلفون كلبي يرجف وفرحانه بس دموعي مااعرف ليش تنزل فرح ورهبه زمن بصفي صارت وساره بصفحه اللخ ماما وخاله فضه وخاله ام زيد وام غايب المعافتنا بهاليوم تردد هاي بنتي واخيرا طب علاوي وكف بالباب كال بغضب ماما اني واكف هنا
اي ماما همست ماما باوعتلي كالت صايرلي رجال ههه
كالو حيطب الولد زيد طب كال لج لابس بشت فدوه لطوله وطلع خربني ضحك طب الولد واباوع ابو من صفحه وهو من صفحه العباه واليشماغ والدشداشه وضحكته رجفت كلبي شال ايده صاح السلام عليكم ردو عمامي الواكفين بالطرمه بوس بابا واباوع عليه من الشباك بوس عمامي كلهم ورجل عمتي وفوته زيد. جان منصي رفع راسه راسن غوركت عينه تقرب ونطو مجال يكعد كعد بصفي والرجفه مفاركتني بعد
كال
بويه روحي ترتجف مدري شجاني
باوعيلي يبت بعغداد طيني قوه من زراك عيونج
باوعتله
بويه كفي عنج لاتغركيني بفراتج المن مدمعه
ماادري ههه
همس قريب اذني
احبج وصرتي الي ياهو اليردني عنج بعد لاابوج الواكف ودمعته برمشه ولا واحد من عمامج المحزمين بسلاحهم
نصيت راسي تقرب لزم ايدي كال
يابويه اهي اهي مايتغير دفوها لاصيف ولاشتا
واوي
نعم امري واعتبري تم
لتعوف ايدي بعد
ماراح اهدج يوم وعد حر مسلوبه كاعه
بقه يباوع بعيني ابتسم مال
هسا ياله راحت رجفتي وطبت امه تردد بفرح وخواته وراها
جبناها لبت بغدادمحنايه
من العباس طلبها وشد الرايه
ىناذرها بيوم العااشر مشايه
يعلم بيها يعلم بيها لو داست هم يعلم بيها
تردد والواوي يمسح بدموعه ويضحك كام من يمي باسها من راسها وباسته ياله يمه امشينا الربع كلها متاتنيه هناك تشكرو بكولات كلش حلوه وكف علي لزم ايدي وخلاها بيد الواوي كاله
امي تكول خليها بعينك
باوعلي
هذا منيلج بعد
اخويه علي من ماما
صار ياسبع الا اخليها على راسي
نزع عباته وخلاها على جتفي كال بله هاي سوايه تسوينها بيه تلبسيني دشداشه وشماغ تضحكين علي محمود وعباس وولد عمتي
احبك هيج
اليسار هاي صدك صرتيلي مره
اني هم ممصدكه
ياله بريه كبل لا ابوج يكلب شكله راح يبجي لزم ايدي وجرنفس طب ابو كال
تقربي برسي راسه وايده باوعت بعينه تقربت بست راسه وايده باسني من راسي وكال ياله يابا ينتضرون عمامك طلعت للطرمه سلمت على بابا حبيبي شهكته شككت كلبي بوست جدو وعمو عبد الرحمن وبقيه عمامي وطلعت اباوع زيد شكله يقهر صاحه حرده
لك زيدو
ها
امشي ويانا
وين اجي ولك عيب اني ابن عمها
لك دمشي لك امشي وياي اصعد يله
خوش
كمز داير مداير السياره وكعدت ساره ليوره وكعد ليكدام اجه ويانا وطلعت وعيني عالبيت الربيت بي منطقتي حتى فتحت السيطره اللي براس اففرع من دتنفتح وعيون الحرس عليه وصوت رصاص صالح وعباس طلعنا مشينا من يم المول باوعتله ابتسم انداريت للواوي ضغط على ايدي قوي وباسها صاح
مر مناك بويه اي بعد هالفرع فوت بي
صفنت وين ديروح فتت من يم ثانويتي القديمه بقيت اباوع كال
هاي هنا با بدينا شال ايدي وباسها كال
اول حب واخر حب اطلع بويه لاهلنا واستعجلنا واليرحم والديك. طلعنا وشوي شوي بديت اهدا كال همس قبل لنوصل
حبيبه من نوصل تفوتين تهياين روحج شوي واجيج اريدج سبعه
هزيت راسي وصلنا فوتو السياره للطرمه جانو مبيضين البيت نزل ابوه وعمامه والطلق تكول مواجهه حسيت برهبه ونزلن خواته وامه واخذوني جوه والهلاهل والعالم التمت بطبتي ذبح صالح كال
بويه ذبي مداسج ومسحي ايدج بالدم مسحتها باوعتله ووكلشي بيه مغطي حسيت ايد اخذت ايدي وخلته عالحايط التفتت ابوهم مااعرف ليش اخاف منه وراها اخذ ايد الواوي وخلاها نفس الشي كال
شيلها بويه خلها تفوت بوجلها اليمين
اوك جنت انفذ بدون مناقشه صعدوني وعيون الواوي عالدرج عليه يبتسم رافع راسه طبيت للغرفه وبقه خواته يهلهلون ويكمزون وكولاتهم تخبل كلها علينا ساره جتي يمي طلعت سيتي وخلته يمي تباوعلي مرتبكه واني بس ردت الواوي اامن من اشوفه ويروح ارتباكي وخوفي باوعت بعيني كالت باعي اللو هاي الفوط نصيت راسي رجعت باوعتلها اوك اوك خليها طلعو خواته وطبت امه كالت يمه يحفضكم الله ساره كالت
اليسار اني حطلع محتاجه شي وكفت
حتروحين
لالا حبات بيت صالح باجر الصبح اروح بابا وعمو من يحون
ها اوك بوستني وكالت صيري حبابه
ابتسمت لتخافين ابو ذيبه ويايه
فدوه لكلبج راحت وامه وكفت كدامي وكفت لوكفتها ابتسم كالت
يوم حبيبه. الله يدري شكد حبيتج. ماريد اكلج شي بس الواوي كلاده فخر انشالت من ركبتي وتخلت بركبتج امانه عدج استدي نفس اول وطيعي وشوفي شون يجي وياج وليدي حنين للتالي انه مربيته وشلته ببطني واعرفه بجت كالت
انه كلب الواوي وانتي دكته لو مات الجسم شيتغير بي
بقيت صافنه كالت
ردي يدكتوره الكلب يبقى على حاله شيموت الجسم
من توكف دكت الكلب
اهااا هاي انتي ويا من تبعدين وليدي يموت ديري بالج عليه طب الواوي كال
يوم ادور عليج وانتي يم مريتي
شتسوي بيه يوم بعد بت بغداد وجبناها محنايه
يمه انتي الاولى بحياتي وهاي مريتي تشهد
مسكتي الطبيعيه بيدي تقربت خليتها بيدها يمه بهيه يااطيب كلب شفته بحياتي راح امون طول عمري ممنونه الج لان طيتيني. ابو ذيبه بستها من راسها عيونها تجري ابو ذيبه كال
يوم انتي اول واخر مره بحياتي بس هاي دكه كلبي وانتي تدرين
اي يمه ادري هاي ام الحجابات اللي تعارك ويه امه لان غسلت حجابها وراحت الريحه وهسا هياها يمك يمه صونها ودير بالك عليها. بوستنا وطلعت كالت عساها ليله مباركه حبايبي يمه واوي ولد عمك وعمتك وخوالك يتانون لتبطي عليهم وتنزل ماي وجهي ووجهه
بقيت صافنه صدك يحجون كال
اي يوم من عيوني روحي وسدي الباب وتانوني
باوعلي وجر نفس مبتسم باوعتله عاكده حاجبي
صدك جذب همس
اشششششش انسي البره والجوه وانسي كلشي خليج وياي خلينا نتخيل هاي الرحله وهنايا التنكه مال حطب وهاي الحديقه
يحجي وياشر واني ذبت بهمسه وابتسامته مد ايده شال العباه مالته وخلاها عاليده مال حربايه باوع عالكبوس شالها وبينت ملامح جسمي باوع للذهب ذب نفس ورفع حاحب كال
شني ماشايفه ذهب ولا احنا الماشفنه شدعواهم
حبيبي بتهم وحبو يفرحون بي ذبيته كله وبقيت بس كلادته النازكه والحجاب ابتسم كال
تفهمين من نفسي
اممم افهمك كلش زين
احبج اليسار فاهمه حروفها
اي عمري فاهمتها مديت ايدي على عكاله ونصيت راسه بسته غمض عينه قوي كال
بويه انه طاير الليله نزعته عكاله وشال طوق الورد والبركع بسهوله اننزع وبقه يتفرج ويدور داير مداير جسمي ورجعت توترت اقبض وافتح بيدي لزمها كال
لاتتوترين التفوت بعمليه قلب مفتوح هاي سبعه ومينخاف عليها
هزيت راسي تلمس جتفي ونفسه تخربط كال متلمس بطرف ايده
بويه روحي فرفحت من كتيلي. اصلا انه ملسه تذكرين
غمضت عيني اريد اتذكر تذكرت من شاف شاربي ولحيتي كال عدج هرمونات كتله لااني مسويتها ردت احس روحي مثل بابا ابتسمت كال
اريدن اشوف الملسه شون تصير سمعت بحركه وحده وقوه انفتحت السحاب فتحت عيني كلها رجع غمضها وطفه الضوه خله التيبل لامب كال
اششش لاتخزيني
واوي
اشششششششش اكلج حسج
نزل البدله راسن بحركه وحده ودفعني بسرعه حسيته نام عليه كال بنفس يوجف
اهدي
هاديه هاديه
لا ماهاديه
واوي انت الدترجف ودتخوفني
سكت كال. هديني
حضنته تنهد براحه حضنني وانام عليه حسيتها ابتعد وصوت نزع دشداشته رجفه وخوف بس مستسلمه مردت اخزي كدام اهله. رجع نام كال
هلكد تحبيني
ها
ماتوقعتج هلكد تحبيني صابره وساكته مستسلمه لخاطر مايكولون علي موكدها
بقيت ساكته باسني برقه دخت حيل تجرات ايده وتلمست معالم جسمي ويرجف نفسه كال
نفس متصورته من حركته نفس مكان بخيالي بقيت ساكته شوي شوي هدات واخذني لدنيته بتوسله وقبلاته وكلما يطلع صوتي سد حلكي بيده لحد ماكال
تتذكريم من ضربتج وانتي تدخنين هدات حيل
تذكرين من دفعتج عالحايط واكلت روحي اكل راحت بيدي مثل المي اخذتها بسهوله جانت شبه نايمه رغم بالحضه الحاسمه تاذت ثواني وجمدت باوعت بعينها صافن وهي صافنه كالت
وخر
بقيت جامد
واوي مدااكدر وخر
خلص هاذ هو حبيبه
اذيتني
ماحسيتي بشي بويه رحتي بيدي موتتيني ابتعدت عنها تغطي بروحه خجلانه وتباوعلي بعتب كتلها
كومي يابا حيفوتون
مااكدر اتحرك
حبيبه وينها سباعيتي لعد كومي وكفت راسن لبست واخذت نيشانها مبتسم
ارد اشوفن شون الحجي يكول بنات بغداد مو سباعيات باوعتله شال سلاحه من عالميز وكفت اوكف لتتطلع
جا شون مااطلع غير يتصخم وجهي
واوي لتعوفني بس خل البس
جا وينهم هدومج فهميني
هنا فتح المنتور كال ياهو هذي
اي اي الكلبيه البيضه شمرها عليه لبستها وعدل الفراش ويايه ويباوعلي من البس
عينك لتباوع
ههه ماشي
لبست وشلت البدله عدلت شعري اللي انفل لبست حجاب ابيض وصل للباب كال ها بويه كال افتح.
بلي افتح
ابتسم رجع تقرب باسمجني من شفتي
شكلتي
شكلت
كلتي بلي
اي تعلمتها من ساره
كولي ام بله
ام بله
اوف اوف باسني بقوه ويصيح اوف رجع وكف بالباب فتحها ويباوعلي مبتسم صاح يمه يمممه بهيه اجتي امه تركض كالت ها يمه طبب ايده بجيبه وطاها النيشان هلهلو كومه وصاحت
امه وشمرت النيشان ليجوه لانصاف وانصاف تهلهل بقيت صافنه شوي وطبو ويهلهلون جنت متاذايه ساره جتي كعدت بصفي. لزمت ايدي
شونج اللو
زينه لتخافين
الحمد لله
باوعتلها ابتسم ساره خابري ماما عود خطيه ضل بالها
خابرتها توني
شكرا حضنتها كالت مبروك يعمري فرحانه مو
كلش ساره كلش فرحانه
فدوه للتفرح بقو يهوسون وطب الواوي وطلعو كلهم باوعلي مبتسم كال
انه اسعد رجل بالدنيا
نصيت راسي
خومبيج شي يابا
لالا
انه ارد انامن هنايا خله راسه بركبتي ويشتمني ابتسمت كال
كومي شوفيني سيتج المالحكتي تلبسينه كمت بهدوء فتت لاحمام بدلت وطلعت جان كاعد بطرك الفانيلا والشورت محضر صينيه الاكل كال
كربي بويه خبصه ابوي ماخلتني ابلش مثل العالم والناس
اكلنا سوه وسولفنا وبعدني منصدكه هو رجلي كال
بس يرادلها بيادره جاي وهالغنيه شغل هيثم واني غمضت كتله
الللللللله
هههههاي. ماراح تنسين
لا
ولا انه الراح انسى بيوم
اليسار شني البيج يختلف وخلاني اتعلق هلكثر ومااكدر بلياج
بقيت اباوع بعينه تدري شنو ومتزعل لهالتشبيه
ماراح ازعل منج الا اذا غيري لمح منج شي
انسى غيرك يستاهل نضره مني
جر نفس كال كليلي شني
تدري من شفت امك حسيتها شفافه كلشي بيها واضح مشاعرها كرها وحبها لكلشي
اممم
اني هيج واضحكه شفافه وانت هم هيج مكدرت تضم ولاكدرت تاذيني عرفت حبك الي يمكن يسويلي عذاب ابتعدت بس متعرف ببعدك شسويت
شسويت يبت بغداد كليلي تليوم بس نحجي مارايد حتى النوم
اخذت روحي واوي جر نفس
مكدرت اعيش مكدرت اعيش براحه ابد الا بوجودك
ولا انه هالضحكه الجاي تشوفينها ببعدج ما تطلع منايا اشر على كلبه مخنوك حيل وهسه من اباوع عليج مزينه كبتي احس براحه ومامن حيل
تقربت منه بسته من خده كال
بويه حتى دهن الكباب من شفتج يختلف
هههه كملنا اكل وكمت شلت الصينيه كال
فايت اسبح مامصلي العشه
ولا اني
امشينا لعد بويه طب سبح الحمام بصف غرفتنا وطلع اجه اباوع لصدره ضهره كال
ها عيونج
هاي شنو تلمست ضهره شنو هاي الاثار
بويه هاي شضايه ايدج لا تخليني ارد اخذج للفراش مايصير اكرب بعد
،ههههه حفوت اسبح
ماشي محتاجه شي
لا حبيبي طبيت سبحت اباوع لجسمي واتذمر كل لمسه وهمسه روحي راحت وي مي الخار وطلعت امشط كال واني انشف بي
تعاي صوبي
همم
تعاي اكلج تقربت نعم
طلع جكاره من باكيته الجوه الحربايه مخلي وورث كال جري كدامي
لا
ام بله همس جزجري ارد اشوفن
جريت نفس كرمشت عيني صار سنين ممخليتها تونيزاجر وجرها من شفتي جرها وطفاها ذب الدخان وجرني بسرعه صرت حواه كال
ماتدرين شجنتي تساوين بيه من اجرين النفس وتكومشين عينج حيل
شسوي همست اباوع عينه نار صارت كال
كبل اتخيلج جواي وتغمضين هالغمضه بستها قوي وتلمستها بقوه وغمضت عينها هالغمضه
فكيت عيني شفته يباوعلي بطريقه عصبي على متحلف عض شفته وحضنني يبوس بركبتي ----
الحياه. طرق مختلفه بت بغداد اليوم كدرت نوعا ماتنجح بالديوانيه هالسنه اخر سنه الها هنايا ومن ترجع من دوامها تروح لعياده زوجها كسكرتيره تخصصت هالسنه بطب اطفال لان ماوافق مهدي عالعام كونه يغار عليها حيل جانت حياه صعبه عليها رغم بهيه ماحانت تخليها تلزم شي بالبيت غير تهتم بالواوي وبس ابو صالح صعب وكدرت تسيطر على كلبه بمداراتها لان كانت المسووله عن دواه. صلاتها منكطعت ودراستها جان الواوي يساعدهابيها ساره صار عدها صادق ونرجس انخطبت لعباس بس للاسف فصخت بيوم جتي تتوسل لمحمود يفصخ عنها لان دائما يعيرها بجهله وهي بعدها ممكمله رغم عدن تركها للدراسه جان يقارن بينها وبين الواصلات رادت تفصخ وصارت مشاكل تالي هوالمال مموالمين بنفس اليوم زيد جان عدهم وكاله
اني رايدها وخجلان منك محمود بقه صافن عليه كاله بس مو هسه بس خليها تطيب جروحها. محمود فرح وماكال لاحد بس بزياره الاربعين اجه زيد وصار تقارب بين الاهالي من غير محمود مرتين اجه لبغداد واخذها لعنده على انه طبيب ا
سنان وفاتحها بعدها بانه رايدها وساف الفرحه بعينها تمت خطبتهم وساره كلش فرحانه بس بصدمه جديده عرفناها متاخر انه محمود وسندس ام نرجس مو امهم الحقيقيه لانها امهم ماتت وابوهم تروج ام نرجس ساعتها عرفت ساره ليش كاللها احبج اكثر من امي --- زمن وهمام انتقلو لتركيا لغرض اللجوء واشتغلت بمستشفى الاختبارات بكوستمونو ام اليسار تحولت وي امها للديوانيه اشترت بيت صغير قريب عالعياده مال اللو وابو ذيبه وصارت تعيش من شغلها كمربيه اطفال وجهالها اخذهم ابوهم كرار ومنار صارو صف اول هالسنه وللاسف الجد توفى قبل شهر من اليوم جانت اصعب لحضات لاليسار وساره والبقيه مهدي اطباعه صعبه حيل ومن يعصب صعب يرضى جانت اليسار تعاني منهالشي بس بالدعاء والصلاه والهدوء تشوفه يرجعهلها لو معاتب لو متوسل عدت الايام والموصل تحررت بزود ولدنا ومعمل الغربيه طش بالمحافضات اجبان وحليب وقشطه وكيمر مصطفى استقر هناكوتعين عاش وي امه وابوه بعد ماعاش هناك ارتاحو حيل وسن اخذها عباس صديق الواوي وفجاه ابو صالح حتم يرجع لاموصل ولده وبناته رفضو قطعي وبطل جان يفتر بالبستان واحفاده وراه
بقت علاقه مهدي واليسا بمحمود وساره قويه وعباس ووسن صارو هم كل فتره ينلمون بالبستان واخيرا صار للواوي بيت وحد خمسين متر بس شايفته اليسار جنه هالسنتين كضاها يوفي دين ابو اليسا لتجهيز العياده وبعدها توجه يجمع للبيت اللي بنو ببطن البستان مالتهم رغم ماراح لاموصل واخذ اليسار ومحود وساره وعباس ووسن بس للاسف مالكه بيها بس الخراب جانت فكرتهم من يكمل التحرير يردوها ويبنوها ويعمروها وفعلا هالسنه بلشو خميس وجمعه وسبت الولد كلهم يرحون هناك يبنون ويحرثون حتى عمامهم اللي بالديوانيه هم ويتهم محمود كلن طاير من رجع وساره مصدومه ببيتهم القديم كال
بس نكمل ننتقل هنا اليطلع من داره يقل مقداره ولايتي هاي ساره جانت وياه ومرفضت. وفعلا انتقل والواوي تشجع وي عباس وصالح وعلي وولد عمتهم وولد انصاف وضفاف وبقيه خواته ردو وازواجهم ردو لكاعهم وتركو معمل الغربيه بيد مصطفى وراجوح صديق مهدي بايام التحرير ضل توفي وي عمام الواوي. رجعو الكاع بس بعده مهدي مستقر بالديوانيه رغم اهله كلهم مشو بقه بس هو ببيت عمامه وي اليسار ومصطفى مقررين عالسنه التجي ينتقلون لاموصل قصتنا لهنا انتهت
عبرتها يمكن وصلت
اكو شي لااااا م تتيقنون بي
سيستجيب ولو بعد حين
اكو امور تطول شهور من سهر الليالي والدعاء حتى تستجيب الها
واكو امور تشوف رب العالمين اعلم بيها يمكن بيها صالح كونها مصارت
بس عدي ثقه بالله كثره الدعاء يبيض الوجه. مجربي بالذات دعاء السحر
اليسار هالسنه حملت واخيرا وهالشهر هي بالسابع عدها منتظر والواوي ينتضر يوم يوم جان حيل خايف عليها ومبين بعينه القلق بس هي سبعه دراستها متركتها ابد وابو ذيبه وصل بالجراحه وانعرف لو بيدي اذكر اسمه لان حيل معروف
القوه بالله من اسما مايكون
التزم بالله وشوف كميه العطاء
اسال الله ربي ان يوفقكم ويرزقكم القوه والاراده فهي الدافع بهذه الحياه
دمتم بامن الله وحفضه
الكاتبه مريم السعدي
شكرا لمتابعتكم
دكتوره. رواء
