البارت السابع
اليسار- رجعت قبل ليدك الجرص دكيت الباب وطبيت كالت المدرسه
ها اليسار شون صرتي
ها ست شنو احجي وروحي طايره رجعت كررت الكلام تباوع بوجهي بشك جاوبت
لا الحمد لله غسلت وجهي وشربت مي صرت احسن كالت تفضلي وبعد مااسمح تطلعين بدرسي
اي ست اوك كعدت باوعت لزمن لزمت ايدي كالت شبيج ترجفين
همست وفتحت ايدي نصت باوعت الورده فكت عينها كلها ضربتني على فخذي قوي اخ خرب يومج
جنتي يمه
هزيت راسي مبتسمه رجعت انتبهت عالمدرسه بس بالي يمها ارووووح وارجع اتذكر من خله الورده يابه روحي ترترف خلص الدوام حسيته شطوله رجعت للبيت اول موصلت دخلت رقمه بالفايبر ودزيتله رساله
اني اليسار وره شوي انقبلت رسالتي قبلني كال
هلا فد ساعتين 3اكمل دراسه واحاجيج
اوك انفتحت صورته المخليها صوره لابس دشداشه وعبايه مال شيوخ وعكال احمر وابيض ووياه واحد كبير بالعمر ووياه واحد بطوله بس مبين شوي اكبر منه بقيت اباوعله يا الله شوون ليش هيج كلبي يرجف من اشوفه بقيت اتكلب تغديت شون مجان وبس انتضر تعبت فتحت كتاب الفيزيا الله شاهد بعده يطكطك من كد ما جديد ومقاريه بي بقيت اكلبب بي شفت نفسي طيرت الفصل الاول اللي جنت قبل قاريته قبل الامتحان بس اني ماخذه بامتحاني بي80لان الاسءله عدي كالعاده. بقيت اعيد واصقل بالفصل الاول لكيت روحي ضبطته تفاجات من نفسي وحسيت روحي سويت انجاز باوعت عالساعه ب8ذبيته للكتاب بقيت افتر بالغرفه واتذكر مبتسمه صعدت الداده كالت
يمه شو حابسه روحج بغرفتج بيج شي
لاداده مبيه اي شي كالت
شو وجهج متفح ويضحك صلوات عالنبي
ههه اا خاله
ها يمه
اااكولج هاي شون اوخرها اشرت على لحيتي وشاربي
شنيه يا صدك الووسه تردين توخريها يايمه كبرت بنيتي
نصيت راسي بخجل كالت متقربه يمه سهله هسه اخذه خيط
لالالا ماريد يوجع
ميخالف حبيبه زين ناخذه شمع هسه ادزلج على شمع واشيله كله يصير يلالي
نصيت راسي راسن نزلت من شافتني سكتت باوعت لوجهي بالمرايه جريت نفس مليان امل اوك راح اسويها اريد اشوف شيكول من يشوفني ههه صعدت خاله وره شوي وبيدها جهاز شمع شكلته عالكهرباء وبدت تسوي بي وتسولف واني صافنه خلتلي دهن على مكان اللحيه والشارب كالت
حاجبج هم
لالالا عوفي حاجبي
اي صح من تدخلين كليه تخففه بس
الله كريم--- ماريد افكر بشي بس هالايام وعيون ابو ذيبه من يتفاجا بيه احجي وي روحي كالت الداده
هاي رحت لبيت عمج اخذت من بنات عمج الشمع والمخدر
خاله خو مكتيلها الي
لالا اني ادري تضوجين
اي خاله اضوج مشت الشمع على المكان غمضت جان حار بس مو كلش دااشعر بي شالته يابه وشاغت روحي كمت اكمز عيوني دمعت كالت هاي اني عود مخليه مهدر ماريد هذا هو
يمه تضلين تك وتك
ماريد خاله عوفيني
ولج دباعي شون صار يخبل خدج باوعت بالمرايه لكيت المكان يلممع اببيض رجعت وكفت مستسلمه ورجعت شالت الصفحه اللخ مااعرف شنو بيه يتكسر ويطلع من روحي احس شغلات جانت مثل الهم على كلبي ودتروح احس مثل مثل العركه البداخلي وتصافت روحي وي روحي رفعت راسي لكيت وجهي يلمع نصيت راسي خجل حضنتني الداده ابتعدت اضوج احد يبينلي حبه اضوج من القرب الزايد اندزت رساله عالفايبر فزيت
يمه اسوي كصتج
لاللا هاهي روحي خاله هاهي انثبرت المره لمت الغراض وطلعت قفلت الباب وكلبي يرجف رحت ركض فكيت التلفون من عده الرساله كال
موحوده رديت
اي
هلو
هلاو
مااعرف اكتب اكدر اخابر
عادي كتبتها وروحي ترجف شوي ودك
الو
هلو اليسار شونج يابا
هلو ابو ذيبه شونك
زين ها درستي
اي والله قريت فيزيا الفصل الاول صار مي
ههه شني توج بالاول النص الثاني ماضله شي ويخلص
اي مو اني اقره بس الاسئله
ها جابو من داخل الكتاب شون تحلين
لا اني بابا يجيبلي الاسئله يشتريها بقه ساكت كال
انه اروح اليسار رايده شي
ااا باجر اشوفك
لا يابا باجر عدي دوام وعملي لل5 ياله اخلص
ها زين عكبه
ولا عكبه هالاسبوع كله مااكدر
حييل لزمت وجهي اتلمس النعومه
ليش ردتي شي الجكاير موجوده نفس البكان
لا مو عالجاكاير الا وياك ادخن اتحمل
لعد شنو
ردت اشوفك شي
شنو كوليلي
لا الا تشوفه
اليسار ماريد اكذب عليج انه اخاف يلكفوج وتصيرلج مصيبه انه بكل سهوله اكدر اطلع وادورلي شغله شفتيني ذاك اليوم بمول النخيل جنت ادور شغله ولكيت بس شفت روحي مرتاح بالمدرسه اكثر بس انتي اذا لكفوج راح يحجون زايد
معليه باليحجي انه ممسويه شي غلط
بويه وكفتج وي واحد غريب اكبر غلط تذكري انج بنيه
اي ادري ههه سكتت
ها ماتردين شي بعد
لا بس وره هالاسبوع اريد اشوفك
هاهي الاحد عدي اوف
ماشي الاحد الصبح
بعون الله بس ردت اكوللج كللمه
شنو
اليسار اذا تردين تدخنين دخني بس لا تضمين علي
لا ماريد ممحتاجتها ابتسمت اصلا كمت مااحتاج ادخن بس من اشوفك ادخن وحده وهاهي
الله يخلصج منها ويغنيج عنها ممكن طلب احنا مو صحاب
اي ههه اطلب التريده
اليسار اقري احسلج مو تعتمدين على اسئله هالشي حرام تتساوين وي اليقره ويتعب بالقران حرام
بقيت صافنه اوك راح اقره
لا انه رايد وعد مره
بقيت صافنه اوعدك كلتها وغمضت عيني
صعبه عليج جنها تواعدين وانتي مقهوره يبت بغداد ليش مامسجله مدرس انتي سادس
ههه لا بس امو شغلات ماافتهمها ابد المدرسين اضوج من الروحه والجيه
لعد شو راح تدخلين جامعه وانتي ماتفتهمين يابا الماتفتهمي انه اعلمج عليه بعد شتردين حتى لو بالتلفون وانه فايبري صار يمج بعد
اوك
يله ادرسي وشوفيني الحاي تقري
متصدك بيه
لا محشومه وصادكه بس حتى احفزج وتحفزيني نقره اكثر
اوك خوش فكره
شراح تقرين
احياء لان رياضيات كلشي ماافتهم بي
يابا دخلي مدرس مو حجي هاذ
راح اكول لبابا
اي يله تلحكين اذا لحكتي مبقه شي للستينيه
اي
شو مادايره بال نترت انه بكتج جنت ميت من الدراسه وماالفه للبيت كله بالبستان ادرس
هه يابستان
جريت حسره بستان ابوي
عدكم بستان شون حلو
ياب انه وين ارطن وانتي وين روحيزاقري بويه وكت مابقالج
اي اي اي هه
انتي عدج مشاكل والتكعيب انه متاكد هههه
يله بيباي حقره احيا
الله وياج صوريلي
ماشي انت هم صور
ماشي فيماللا
باي سديته وكمت ركض عالكتاب مال احياء كلبت الدنيا عليه اهر شي لكيته محشوك ليجوه طلعته وكعدت اقره واخطط ومثبوره دز صوره لكتابه وايده عليها لازمه الكتاب اباوع عالصوره تخوف مال كتاب محشايه انكليزي وصوره لعضم الفك من باوعت ايده لابس محبس فضه جبير وبي فض ابيض حليبي اده جبيره حيل وكلش حمره شوي وكتب
ها وينج خاف طلعتي للمول
هههههه خربت ضحك عليه دزيت صوره لكتاب الاحياء اني ومتربعه عالفراش جنت لابسه دشداشه قصيره ومن متربعه مبينه ركبي شوي منها منتبهت دزيت صوره الكتاب وره وين دز
انتي هم دازه صور لغيري
ههه لاابد بس زمن افتح وياها فديو
زين مره لخ من تدزين صوره شوفيها ياله تدزيها. ديري بالج على روحج زين جسمج امانه يوم القيامه يشهد عليج يابا
بقيت صافنه ليش هيج ديكول فكيت صورتي وشفت ركبي خرب عمييييي ركعت التلفون غطيت وجهي هسه عباله متقصده لالا مدام كال هيج رجعت شلت التلفون دخلت عالمحادثه مسحت الصوره مني ومنه ورجعت دزيت صوره للاحياء بعد شوي ودز
ههههه هسه تمام فيماللا اقري زين قبل لتنامين دزي رساله اشوف شكملتي ما كملتي
اوك بباي
هله يابه
بقيت اقره واعيد واصقل يا الله كوه انحفظ ورجعت عليه لكيت روحي مطيره 5ساعات والساعه صارت ب1ونص جيت يم التلفون لكيت داز رسالتين ب12
ها كملتي -- نمتي شني-- يله براحتج
عااا خرب خرب خرب بالدراسه هم دزيت
توني كملت الفصل الاول راسن طلع مرأي كمت اكل باضافري اشوف شحيدز دز
ها زين بطله ماخذج كتابج يعني
اي والله محسيت بروحي
سباعيه يله نامي ارتاحي
ماشي
تصبحين على خير
وانت من اهله بقيت اباوع مدز شي بعد ذبيت التلفون بصفي دااحرك بالمخده اعدلها طفيت الضوه اسمع من التلفون الو الو الو اليسار فكيت عيني كلها شلته
الو
شني داكه ماتحجين
والله العضيم بالغلط ذبيت التلفون اعدل المخده ومديوس عالمكالمه شكد عيب
ههه لا ياب ماصار شي فرصه سمعت صوتج قبل مانام
سكت واني سكتت بعدها كال يله تصبحين على خير
وانت من اهله
موماتنامين
لا حنام انسطرت
ههه طبعا مامتعلمه هلكد تقرين هههه يله فيماللا
باي سده وقفلت التلفون ونمت كلبي مرتاح وعقلي هم بقيت اتكلب افكر شنو الصار اللو وتغيرنا شنو الصار وصار كلامه ياثر بيج واحد عربي جنتي تقلدين عاللغه اليحجيها قبل هسه روحج تصير بين حروف الشني والاكلج بكسر الگ شنو الصار الو يختلف اي صح يختلف حلو لا مو كلش بس حسيته رجال قوي واله كلمه حسيته سيطر عليه بحنان وقوه يلترى شنو الديحسه هو صدك يكول صحبان لو كذب ثاني يوم داومت بس شي ضايع مني بقيت حتى بالفرصه مطلعت وياهو الشافني التفت عليه مرتين يشوف التغيير الصابني وانصي خجلانه المدرسات انتبهو وياهو الشافتني كالت
عفيه ماما موحلو منضره جان من اول اشيله هسه بين البياض تمنيته يشوفني اخر درس جان شتغر بقيت افتر زمن طلعت رابه درس اجاها مصطفى وراحت بقيت افتر وافكر لو هو موجود جان شبعت منه باوعت ماكو احد افترينجت وره المدرسه والقلم بيدي وورقه طبيت شفت التنكه مال حطب ومكانه واستكان جاي واصل بالجعب وورقه ومسح القلم موجود ابتسمت كتبت عالورقه
اليوم جان عدي درس شاغر حرامات جان بقيت الدرس كله هنا وشربتلي جكاره يمك خليت الورقه وقعت اسمي ومشيت وكفت يم الحمامات روحي لابت على جكاره بس تركته ومشيت ماريد ابين ضعيفه اريده يشوفني قويه تركت المكان ورجعت لصفي دخلت البنيه اللي الكل يخافون يجون يمها لان موزينه كالت
اي ست اليسار لازم حتتزوجين
درت وجعي مباوعتلها فتحت الاحياء طبيعه الانسان من شي حافضه يحب يقراه مره لخ ورجعت قريت بلشت 3اوراق بالفصل الثاني والبنات يتبشبشون بينهم عليه تركت الصف ونزلت بالساحه اقره لمحت بنات اخته سوه يمشون باوعولي وداروح وجهه ابتسمت لوحده بيهم جانت تخبل من الجمال ابتسمتلي ونصت راسها بقيت اباوعلهم واشوف شكد بينهم شبه وبين خالهم. لزمت راسي بيدي هالهم ومنو خالهم ليش هلكد غزه حياتي ليش خليتله قدر بحياتي راسي انفخ حسيت ضل كبالي رفعت راسي شفت وحده منهم واكفه يمي والثنين البقيه بعيد يباعون عليه بقيت اباوعلها عاكده حاحبي كالت
بيج شي
شوي راسي يوجعني ابتسمتلها باوعت على الثنين البعيدين تقربو كالو
راسج يوجعج
اي والله كلش
زين تردين انطيج حبايه مال وجع راس
منين جايبه وياج
لا من غرفه خالي من انه خالي يشتغل هنايا تعاي برايه
وكفت كلبي رفرف مشو كدامي يتشاورن كتبت بورقه صغيره وهمه يحجون واني امشي وراهم كتبت اليسار كانت هنا هههههه
هذازالمتبته طبكت الورقه سويتها صغيره واضحك بكلبي على اللي دااخططه طبيت للغرفه وراهم غرفه دافيه حيل ومفروشه فراش مخربط اللحاف ومعلك قميصه وسويتره وجاكيت التراكسود الطانيا بالفراش مكوم والغرفه كلها اوراق وكتب بقيت افر براسي من الرف جرت باكيت صغير طلعت الحبوب طتني كالت
هاي ابلعيها تقدمت وعيني عالغرفه لزمت الرازونه طتني بطل مي اللخ كعدت عالفراش متقصده وشربت المي يباعولي بقلق بلعتها ابتسمت
شكرا جزيلا
حيل حلوه اليوم انتي
شكرا نصيت مبتسمه مديت ايدي جوه المخده بوكفتي وحشكت الورقه وطلعت وياهم قفلو الباب وعلكو المفتاح ووحده اندارت عاللخ كالو
باجر ننضف الغرفه خالي ماعده مجال جاي يدرس
بقيت اباوعلهم شكد يحبوه مشينا واني ساكته وياهم وهمه مسكتو يحجون بينهم هواي دك جرس الطلعه تشمرت منهم كالو لا عادي وتركتهم شلت جنطتي توني اطلع شفتهم ديطلعون وشفت سياره مصطفى وبيها زمن
هلو مصطفى ها شورجعتي
ولج كتابي جوه نسيته مال كيميا
امشي دنجيبه المدرسه فرغت اشرت للسايق مالتي اوكف وطبينا جابته ورجعت طلعت شفت مصطفى ديرزل بوحده من. اباوع بنت اخته
شكو شكو شبيك وياها
باعي كسره الجامه
هاي شون كسرتها بقيت اباوعلها كوه لازمه روحها مبرطمه وتباوع لخواتها ساكتين ومنصين صاح مصطفى
حتى اعتذار معتذرت امشي يله ولي
مشو بسرعه وراحو عبرو الشارع اباوعلهم متت قهر باوعتله علكيفك وياهم
دباعي باعي عبالك هايشه اكو واحد يوكع على جامه جانبيه اني حتخبل
هاي شبيك مصطفى لخاطر الله قابل متقصده
اليسار بنات هالوكت مو مثلج. ذني يذبن روحهن حتى تصير قصه رومانسيه اووو مادري اسفه ونصره وابتسامه واعجاب
ليش انت التباوع عليك هم تدور هالسوالف بابا شايف روحك بالمرايه انت دكيت عالسياره اطلع بابا اطلع صعدت زمن ومصطفى صعد خازرني ومشه من يمي مصطفى من صغري اصدقاء اني ويا رغم الفرق بيننا 4سنين بس حاسبني ولد سوه جننا نلعب بالبايسكل ونلعب سيفونات بالشارع وهسه بعد شايفني ولد ارزله ويرزلني عادي التفتت اشيل جنطتي وصلت للسايق دااصعد لمحت بالجامه الجانبيه ابوذيبه عاكد حاجبه يباوعلي من سياج المدرسه كلبي وكف التفتت من الجامه دار وجهه راسن طلع ابو غايب وصلت لبيتنا نزلت راسن بيه خوفه منين مااعرف من عيونه من نضرته العصبيه صعدت راسن دزيت رساله
هلو مرد رغم صارت مرأي تركته نمت وكعدت وره ساعه راسن باوعت عالتلفون مامو مداز شي انقهرت. نزلت تغديت ورجعت صعدت بعد مشفت بابا وحجيت وياه شوي وصعدت فتحت كتاب الاحياء كملت فصل دزيتله صوره الكتاب صارت مرأي ومدز شي تركته رجعت فتحت العربي اضلمت الدنيا. كملت كم موضوع اموت عالعربي كلش دزيت صوره لخ مال عربي شافها ومدز كلبي انقبض وحصرتني دمعه ذبيت الكتاب بقيت الوب لزمت التلفون دزيت
زعلان؟
مرجع جاوب رغم شافها تخبلت باوعت ساعه9مالزهسه اروحله ههه شدافكر اني دزيت
سويت شي غلط؟ شوي وطلع حاري المتابه يايمه كلبي دز
شتكولين ؟
بقيت صافنه شسويت اني مدخنت شسويتي اليسار رجعت دزيت
مااعرف احجي لتخليني بحيرتي
انه اريد ادرس لا تراسلين
ماشي تركته ودموعي من وحدها كامت تجري شعري شولتي كلسا نازل على عيوني لزمتها لكدلتي وخليت مثل الماشه جانت بالمجر يمكن مال ام غايب وكعدت رفعت راسي بالغلط صارت عيني بالمرايه باوعت روحي وجهي طالع ابتسمت ورجعت نصيت غطيت وجهي ابجي كمت نزلت غسلت وجهي وطلعت الحديقه جريت نفس مامو انكطع الهوا لتراسلين اريد ادرس زين اني مو صديقتك ليش مندرس سوه مثل البارحه شسويت يا الله خاف علمود مصطفى لو علمود بنات اخته يربييي شسوي ذبيت التلفون عالمرجوحه وصعدت لبست وتمشيت لبيت جدو طبيت جانو مجموعين نسيت حته وجهي تعجبو من شافوني بنات عمتي وعمي حبابات بس اني مابيه خير تقربو مني
هاي شنو يخبل وجهج شمسويه -- ابن عمي كال
لك حمودي صاير تخبل يشاقون واني اخجل بقو صافنين عليه صدك اخجل ووجهي يصير احمر اخذتني بت عمي لغرفتها واني مالي خلك احجي واناقش واتعارك واتصارع مثل قبل مشيت روحي سايحه مو يمي يمه كالت
خل اسوي شعرج
شتسوين عوفي بابا
لالا بس اضفره هندي الكدله صغيرونه الضفيره
ماريد ساره عوفيني
حبابه زين بس اخليلج فركيته
فركيته شنو لج اي دشووويه هف وخرت ايدها فليت الكدله وخليتها وره اذني كالت
باعي بس اخلي هاي شالت فدشي بيدها ورده صغيره تقربت بهدوء تدري بيه مهبله خلتها بكدلتي على كيفها باوعت روحي الورده وباف سوت الكدله طلعت نازكه ابتسمت باوعتلها زين سويتي هي اصلا جانت دتضوجني الكدله ونصيت راسي كالت
اللو شنو المتغير بيج صايره تخبلين
شكرا كلتها واني منصيه
اني من اول كتلج انتي اختي الصغيره اي شي تحتاجي تعالي
هه لا ممحتاجه شي
هاي شنو لابس سوسته
شششش عزه بعينج
محد اكو شبيج عههههه فدوه للتخجل
اكولج زيد مااجه اريد العب بلي
يووووو عود اني كلت تغيرت
احب البلي واحب اكتله هههه مكفخه مالتي زيد
ولج ديقره ومن مدرس لمدرس يكول اله اصير مهندس
الله يوفقه وكفت كالت
وين
اني صافنه على روحي الوب مكدرت ابقى هسه لو جايبه فوني رجعت مكدرت اكمل ساعه وحده هناك روحي يم التلفون بلكن يخابر رجعت اخذته من عالمرجوحه مامو اي رساله اووووف شمرته وتمددت عالمرجوحه رجعت لفراغي بس بعد اكثر اريد شي هسه واخاف انزل روحي هو طردج كلج لتراسلين داادرس عوفي وانتي هم درسي صعدت اباوع صارت ب10ام غايب نايمه بابا صار بوجهي
هابابا وين جنتي
رحت بيت جدو عبالي الكه زيد طلع ديدرس
ادرسي انتي هم بابا
اي بابا داادرس
بابا محتاجه فلوس
لا من احتاج اخذ من ام غايب
خوش يله حروح لجدج اراجع الاجارات
ماشي بباي صدك بابا
هابابا
اريد مدرس مال رياضيات
ها مختاجه دروس بسيطه شوفي زيد منو يدرسه
لالا اريد وحدي لان ماافتهم والله
شوفي صديقاتج ساليهم على مدرس زين وتدللي
شكرا بابا عفته صعدت تمددت وكلبي مقبوض رجعت كعدت لزمت الفيزيا كملت فصل لخ باوعت بساعتين كملته صارت ب12ونص باوعت التلفون اريد ادز ومتردده تالي دزيت
تصبح على خير شافها ومرد بقيت اباوع عالمحادثه مالتنا لحد مامليت فكيت الصوره باوعت ايده ذبيت الجهاز وكمت داافرش اسناني سمعت دك مكالمه غسلت بسع ورحت باوعتله هو ديدك يمه كلبي رجلي رخت كعدت احم رديت
الو
الو اليسار فايته لغرفتي نترت
بقيت ساكته غمضت عيني نتر
احجي شفوتج
خفت ارد وبنات اخته يترزلون وهمه ساعدوني خطيه بقيت ساكته كال
انه مشايف بجراتج يابا ميصير هاي وكاحه صلافه عيب عليج انه صوجي طيتج مجال زايد عن اللزوم
سده بوجهي نمل جسمي كله ذبيت الجهاز وخليت المخده على راسي بقيت ابجي لحد مامااعرف شوكت غفيت كعدت الصبح عيوني وارمه وملزكه غسلت وطلعت البس لبست قمصله ولبست جنطتي وطلعت شي بيه مكسور وشي مجروح شي مخذول حيل نصيت راسي حتى ريوك متريكت طلعت صعدت السياره وطبيت المدرسه بالي اشتري شي لان نفسي كامت تلعب باوعت عالمحل
الكدام المدرسه ذبيت جنطتي باوعت للحارس عمو بس اشتري -- لان ممنوع اطلع بعد ماادخل المدرسه
اي عمو روحي
دخلت الاسواق دااطلع الفلوس من جيبي شفته واكف رجليه رخت قوي روحج اللو خلي يروح منين مااجه مو انتي التركضين وره الولد انتي التضحكين عالبنات منتبه عليه من طبيت مديت ايدي لابو الاسواق كال
تفضلي
اريد حليب بطاله كلتها وهو راسن التفت جانت الثلاجه بضهره كال
ابوذيبه من رخصتك البنيه
ها اي العفو
احس يباوعلي وينصي رجويرجع يباوع صفحتي وينصي طلعت البطل خليته عالميز واخذت كيكه رجعلي الباقي كال
ماعدي صرف تكدرين تجين نهايه الدوام
خليها غير مره شكرا باوعت لابو ذيبه يباوعلي وينصي رافع تك حاحب مهتميت طلعت وطبيت للمدرسه اخذت الجنطه وطبيت والله انعل ابو اليحس بكلبه انعل ابو الخلفني لهالدنيا مشيت صاحت المشرفه وين اليسار
نعم ست
ماما تلفونج
ها العفو طلعته نطيته الها طبيت للصف واخذنا الدروس بالفرصه حجيت لزمن كلشي هي تسب واني اسب لحد مابرد كلبي اخ فشوره فشرتها كالت
وجه البزون اني خربت ضحك نعل يومج زمن
والله شكد حقير بس احلى شي وجهج شلتي الشعر
جريت نفس مكروه واحد يصير انثى والله زمن
ميهم اني هم كرهت روحي بيوم الضعت عنج وضحكو عليه الولد كرهت روحي كلش لان حسيت بضعف كلت لو اني ولد جان مخفت هالخوف
باوعتلها جريت نفس حبابه لتحبين خطيه انتي تموتين متتحملين مثلي باوعتلي هزت راسها
حبيتي مو
نصيت زمن اني محد كدر يكولي لا بس هو باسلوب حلو اجاني باوعتلها يعني اني شسويت
ياب دعوفي خلي يولي ولتفكرين بي هسه تدخلين كليه وتشوفي
فكيت عيني لفكرتها ابتسمت باوعتلها تخيلي ادخل طب
دطيري بابا انتي فنون زايد عليج وعليهههههه
لا حبابه لا كمت طبيت للصف وجتي ورايه طلعت الكيك ورجعنا طلعنا ناكل بالساحه لمحت بنات اخته من بعيد ابتسمت ردولي الابتسامه تقربت اللي البارحه كسره جامه مصطفى كالت
السلام عليكم شونج
هلو عيني ابتسمت كالت
اني بس جيت اشكرج عالبارحه بس والله مادري شون عثرت وتوجيت بيها وجتي بيدي، كلش اشكرج لان دافعتي عني
ههههه ميخالففدوهرالج باوعت لزمن ضحكت كالت
تره هو اخويه عصبي
حقه الغرض عزيز انلجم حلكي حتى ماعتذرت سليمه تطمني
خربنا ضحك كتلها يابه فدوه كالت
زين بيش هي ادفع فلوسها
غابت ضحكتي جريت حسره كتلها شسمج انتي
عزيزه
حلو اسمج انشاء الله تضلين طول عمرج عزيزه بلاش حبيبتي روحي باوعت لزمن كالت
روحي الله يخليج روحي يم خواتج باوعتلهم ضحكولي اشرولي هلو
رديت الحواب بايدي زمن كالت
لج عيني عبالك ضوه مو بنيه شكد حلوات ذني
اي حلوات خطيه الله يساعدهم
اي والله دك الجرس ورجعنا للبيت ومر اسبوع كامل لاشفته لافتريت وره المدرسه لا اتصل ولا رسل شي من كد ما تعبت من الطبه عالفايبر مسحت اسمه الحلو بالموضوع ذبيت روحي عالدراسه عربي انكليزي فيزيا كيميا نصهن كملتهن ومبقه شي للستينيه حسيت روحي بديت اسيطر النهار كله اقره وببالي كلام زمن يجوز تشوفي بكليه الطب وارجع اقره صار واهسي كتابي اقره وامول مالحك لحد الان بس نص المواد مخلصه املي بالستسنيه المابقالها غير سبوع
