اليسار- ساره نستمه بالتجهيز بينماا باباا حضر الفيز راد نساافر كلنا مصر كال بس تتزوج ساره نطلع بوكرحسي روحي مثل الرحل الالي انفذ ببرود وملل كملت ساره تجهيز جنت وياها لحضه بلحضه مهفتها احس روحي اريد اشبع منها فعلا راح ابقى وحدي بعدها اخر اسبوع بقيت بايته ببيت جدو يمها وجدو حيل متاذي وهي هم لان متعبجلقه بي ومتعلق بيها من يوم التوفت بيبي وساره شايله بيت جدو الخدم عليهم بس التنضيف ويروحون هي عليها الاكل والعلاج مال جدو وملابسه جانت مدللته اباوعله شون يباوعلها بانكسار وعدت روحي انه راح ابقى يمه ماعوفه ومضت الايام واحه يوم الحنه ومحمود اتصالاته تقريب الواحد بالميه رسايله فقط
حبيبي خو ممحتاحه شي
حبيبي الخميس ب3احنا يمكم عمود الطريق ويكون ردها اوك بدت تمل وتتاذه تخابر امه تسالها عنه تكولها والله منهمك بالعياده الجديده يطب ويطلع وكال يمه ادعيلي الله يوفقني الفهمته عيادته القديمه المطلعها من بيتهم اجرها اسواق لولد حيرانهم حتى شوي يكدر يطلع فلوس الغراض اقلها ومطمس روحه بشغل المستشفى علمود يخصصون الراتب ويرتاح وباجر الحنه واشترينا الملابس وتحضرنا سالفه جديده صارت عدي ضحك مااضحك بجي ماابجي شنو الديصير عدي ماعرف يعدني مستمره اداوم وي عمو صار كلشي مي عليه وكله مالوف ومكرر ومعيود لدرجه اعرف الخطوه الوراها شنو بس عمري محسيت بملل تحضرت للحنه. شعري طولان واصل نص ضهري شسورته وعدلته تمكيجت خفيف وبصدري خنكه تاذيني من اجر النفس عيوني اخاف اخليها بعين ساره لتشوف القهر البيه وهي هم كلسا وصايره عصبيه وتصيح متاذايه كلش حسيتها محتاجه لمحمود لحد ماقبل الحنه بيوم عمي كعد وياها وحجتله انه ملتهي بالعياده بيومها عمي سوه مفاحاه اله وراح لكربلا وي زيد ووياه الاجهزه مال عياده اتذمر التكلفه جانت كلش هواي بس هاي جانت هديه عمامي وجدي جان
جهاز ايكو قلبي وجهاز تخطيط القلب واجهزه هواي منها ناضور وسديه وميزز وكراسي كلشي كامل وعياده ساره هم جهزوها يحجيلنا زيد من دخلو عليه وطببو الاجهزه يكول عينه صارت بكصته ومقبل
عمي ليش هيج سويت
يابه هاي هديه زواجكم
لا عمي اعذرني مااقبلها اني مو داخل على طمع اني انسان ابني ذاتي بذاتي رحاءا لتحقرني
يابه شحقرك اني فرحان ببنتي صارت عدها عياده واخذها دكتور ودااجهز الها الاجهزه انت الصعب عليك وعلينا السهل بقه يباوع لعمي مقهور تقرب منه عمي كال
يابه محمود اني مو مثل اخوتي اني انسان بسيط ومشتري رجال ويكفيني الفرحه الداشوفها بعين ساره انيداليوم صار عدي ولد ثنين تدري شكد مكيف بيك
رحمه الله والديك
ووالديك يله اريد تدير بالك عالعالم مو تطبر بيهم
صار عمي
بقه محمود منغوز من هالحركه لان موقف اهلي وي الواوي ميتسولف فرحنا بالحنه كلش رغم اباوعها مكسوره فرحتها ولل8بليل سمعنا مزايق استغربنا وراها اطلاق نار وطبو اهله يهوسون وشيوخهم بالطرمه يدبجون بقينا صافنين مو باجر الزفه ااثاريدالولد ديحنيدالبنيه ساره ابتهجت وركضت للغرفه لبست بدلتها الحمره وطلعت جان مار على اخر مره شافها شهر وطب محمود منصي راسي خجلان بقيت منصيه سوو كولات كلش حلوه وام فاطم كلش حلوه طالعه ودبجت تدبح ولاتمول توها جايبه باوع بوجه ساره اباوعله وجهه تعبان من باوعله عبالك تعبه راحت وذبلت كل معالمه وكانما يكولها اخذيني من تعبي الصار محمود دقيقه مكعد خفارات وسهرر ويطلع يلزم شغل العياده والبناء تدمر هالفتره بس عمي ساعده احلى مساعده حناها وعيونهم تتبادل التعب والعتب من الفراك باسها من راسها واكفه بصفها جنت كاللها
سامحيني هملتج بس مردت اعيشج اقل من عيشه اهلج
انت بس التخليني اعيش اسعد عيشه بس لتهملني شتاقيتلك جر نفس مبتسم ونطو الحنه حناها وفعلا فردت اساريره وفك كابله زيد ويركص. وهو يضحك ويردح وياه والمزايق موكفت لل10 جان كل همي استفسر الواوي بره باوع بعيني مبتسم
شونج لج
عابتلك
حاخذها يمي
اسكت تره واصله لهنا اشرتله على راسي
لا يابه تعالي يمنا
الله يسهل ااكولك
ها باوع بعيني راسن جاوب
منزل لحد الان واخباره مكطوعه ادعيله فدوه والله ميتين خوف عليه اهله
فكيت حلكي هوسه العرس وروحه اللو وحجيه رجفني تقربت منه
ادري شنو مخابرهم
خابر وكلهم بعد ماخابركم ليضل بالكم هاي قبل شهر
عزه بعيني كلبي انعصر كمل محمود كال
هو كل مره هيج ويموت اهله خوف بس اني هالمره كلش احتاجيته تمنيت يوكفلي بعرسي وكتله عالموعد متوقعته ناقص لهالحد
جريت نفس باوع تره من وره اهلي والسوو بي جاوب اليسار
والله لو اني هم مااوصل صاحت ام فاطم
هاي علوش دتجون عرسان كومو ركصو ابتسم محمود لساره تسحبت من يمهم وصعدت فوك بيت جدو بالسطح اريد هو باوعت عالهوسه والمزايق ولمحت عباس يركص. وي نسيبه جان لابس قاط يخبل وكاشخ حيل رجعت ليوره اني وبدلتي وحذائي العالي واباوع للسما
واوي وينك شهرين مشايفتك هنت عليك واوي اذا عايش وتشوف السما الداشوفها خابرني مامو شي يوصلني الك غير احساسي واحساسك وربي وعليهم اعتمدت غمضت عيني ورجعت نزلت راحو اهل محمود بيت كرابتهم والفهمته من ساره انه حجز فندق ببغداد ونسيبه مقبل كال بالبستان البيت البصف بيت اخته فارغ توهم مخلصين بناءه علساس عباس من يتزوج يكعد بي بوكتها من رحنا بالعاشر جان هيكل جبير هسه الضاهر كملو وهوا البستان يرد الروح قبل محمود وساره كيفت بليل انجمعنا داير مدايرها كلنا نودعها رغم خنكه فراكها بس كلبي مشغول بي كال جدو
جدو ساره مقصرتي ويايه حبيبتي صرتي امي وبتي داريتيني ودللتيني ومن جنت اشوفج اتذكر ببيتج جدو حبيبتي مااعرف شون احازيج بس ردت اكولج فراكج حياذيني نصت ساره تبجي وكملت امها
مااعرف شون حنتعود على فراكج وعمي كال
اني مفتخر بيج بابا. جنتي رفعه راس واي اب يفتخر عده هيج بنيه عماتي هم بجو وي امها وجدو دمعت عينه الا اني بقيت اباوعلها باوعتلي كالت
كلهم كوم وانتي وحدج كوم كون اخذج انتي وجدو ويايه رغم اهلي كلهم عزيزين بس ادري انتو اكثر ناس محتاحيني بس وعد والله ماراح اعوفكم يوميه نحجي
اليسار- جدو حبيبي من بعد متروح ساره اني اجي يمك واداريك تقبل
ليش لعد بس كاريد ياثر عليج دكتوره
لدو اني احب ابقى هنا والحهال يوميه اشوفهم وهم حتى اسويلك نضام صحي خوش اتفقنا
ابتسم جدو وكال الله لايحرمني لمتكم محضوض بيكم اني زيد اكتفي يبين فرحته كلسا يكول
بس اني فرحان لان محمود صار نسيبي مرت هالليله بسرعه. حجيتلها عالشاغل بالي وكانما اخر مره اشوف عيونها من تتفاعل ويايه وتخاف لخوفي وتضحك لضحكي وتتكهن ويايه وتتخيل شحيصير بقينا نحجي للفجر ونمنا كعدتها خاله الصبح اخذوها صالو محمود جان طالب منها تسوي ضفيره هنديه وتنزل خصلات لان يخاف على شعرها وسوته مثل مراد جانت روحتها للصالون سريعه ومكيجت بسيط واجوي الزفافه من طلعت طلعت ارواحنا وكلهم يبجون الا اني. عمو عبد الرحمن واكف بصفي وبابا منا واكفه بالطرمه اباوعلهم محمود عاكد الحاحب وملثمها ببرنس وطلعواباوع عباس يباوعلي مبتسم ويرمي بالسلاح درت وجهي وكانما جنت ناقصتك طلعو وراحو بعدما سلمت عالكل جنت اشوف محمود وحده برغم كل اهله وياه بس صديق عمره مموجود فرحه المهر مو بعينه قلقي زاد من اشوف قلقه بهيج يوم صعدو بالسيارات وطلعو طبيت كبل لبيت جدو لهيت روحي بالشغل كل مكان ببيت جدو جان بي الها ذكرى غرفتها هدومها النزعتها من دتروح للصالون جدول جدو الغذائي الملزوك عالثلاجه ترتيبه للعلاج وللبيت كله رتبت وكملت بقوه مبجيت ابد جدو كاعد بالحديقه ويمه زيد كملت ترتيب طبيت للغرفه اتمدد لكيت حوه المخده ورقه طلعتها كاتبه
ادري بيج نمتي على مخدتي وادري بيج حتكونين احسن مني لانج اقوى مني اليسار يااغلى انسانه عدي ماريد تذبين دمعه اريد تقوين ومراح اتركج تره منتت اني تزوحت الاحبه وانتي سبب عالسعاده انتي بنتي. قبل لتكونين صديقتي ومن تضوجين راسن خابريني. واذا انقهرتي تذكري اول مره اسوي شاربج
يارب افرح بيج نفس مفرحتي بيه باللي حبه كلبج حبج اللو
هنا صدك انهاريت بجيت احتاجيت الواوي كلش واحتاجيت ماما خابرتها احجي وابجي كالت ماما تعاي
ماما جدو كااكدر اعوفه
لعد صيري قويه دمتوره يافخر امج انتي
ماما لترجعين تعوفيني تلدنيا اخذت مني كلشي احبه
ماما ساره تزوجت حبيبتي
اي مانا راحت بعد مااكدر كلما يصير شي اركض اخابرها
اني موجوده ولو اموت ماعوفج بعد حبيبتي
اوك مسحت دموعي ماما حروح لجدو
اوك يمه روحي
نزلت ورحت لحدو جان توه يتمدد حضنته طبيعتي اخجل ابين حبي حضنني خطيه وباسني من راسي طيته كلاص حليبه الدافي. شربه مبتسم كال
هذا خالي الدسم
حبيبي منا وهيج صحتك اهتمامي والكامل الدسم ميفيدك
جدو ثكل حملي عليكم
جدو فدوه لتكول هيج اني مكيفه بيك من ساره راحت انت بمكانها راح تنتضرني مثل متنتضرها
اي جدو من ارجع من الشغل ابقى انتضرج نتغده سوه
الله لايحرمني منك. بسته من راسه ورحت تمددت تذكرت ساره شنو ممكن يكون ديسوون هسه
ساره- طبينا للبيت وراحو اهلهسد الباب والتفت مبتسم كال
بابا لو طرزينا حتى البين الحرمين عرفو طبينا للبيت
التفتت عليه اباوع عالبيت قصر مو بيت كال
عجبج
لاع شينصفه
ههههه خرب يومج لو مو ام بيت
تعاي
وين
مشلتج ههه وشالني وفرني وصعدنا
صار كومه اتحلم بهاي اللقطه
