اليسار- سند ايده عالحايط ويباوع على مكان الجويه لاول مره اخاف منه هالخوف عيونه تغيرت اباوعلها متباوع عليه تباوع على مكان لخ شفافي ووالجويه البصفها حس برجفتي كال بدون ميباوعلي همس
خايفه مني ؟
اممم رديت واني محصوره بين جسمه والحايط من دون ميطخني رفع عينه مدمعه كال
انه خايف من روحي عليج بقه عينه بعيني اباوع عالشك الطويل اللي بكصته واتمنى اسمع منه قصه قصه من الضيم الشافته عيونه اريد اسمع منه كلشي مر بحياته باوع بعيوني كال
وين يباوعين يابا
بلعت ريك جر نفس ودار وجهه مغمض
لا تتبلعمبن موتتيني
اوك همست اهز راسي--
احجي
شحجي
وين تباعين
احم صوتي راح. باوع لعيوني كال وجر نفس
عيون طير بسما زركه بس الرمش كثيف ينغاص بيه دهر هي م عيون لو شط الفرات
نصيت عيني خجلت رجع كال احجي وين جنتي مركزه
احمم بيش مطبوره كصتك
ابتسم تك خد كال
مراح تتحملين
بقيت اباوعلها كال
لزمي اي بكان تردي بوجهي وانه الي الحق بالمثل
بلعت ريك مكدرت نشف ريكي خوف وجر نفس وكال
انه شكتلج ليش ماتسمعين كلمه
مو بيدي
الا بيدج بس تحبين تحركين دمي
يحجي كلمه كلمه وبهدوء مفرط قربه سوالي رجفه بكلبي مو بس جسمي شلت ايدي ليفوك مديت ايدي عالشك البكصته جان يباوع على حركه ايدي من انشالت وانرفعت عيونه ذبلت مترقبه الحركه الراح اسويها ردت بكل جوارحي امرر ايدي على جروحه وكانما واثقه انه راح تطيب من تمر عليها غمض قبل لا اوصل للطبره نفسه صار يرجف تلمسته الطبره باديه من نهايه حاجبه الايمن لاذنه حفر صاير اتلمس وهو شوي شوي بده ينزل راسه مغمض عينه قوي رجفه بجسمه صارت تقدم براسه من نزله بدون قصد من خلاه بين ركبتي وكتفي وبعدها ايده عالحايط نفسه يرتجف ومن حس روحي على جتفي جر نفس اني جمدت وهو جمد ابتعد خطوه ليوره حسيتها اصعب خطوه بحياته بقه منصي راسه مغمض من طاني مجال لزمت الرحله وكعدت التفت وره دقيقه وكعد كدامي كام ميباوعلي ساد السكوت. بيننا وعيوننا تفاركت بس النفس متحاضن والصار قبل شوي ببالي وباله وبعده التاثير بينا دك تلفونه فززنا من الاحنا بي شاله من الرحله جر نفس ورجع صوته
احمم هايمه احمم الوو يمه بهيه ها بعد كلبي اي صار ماشي اي مكضيه مكضيه زين خوش حجي جا خوش زين يمه صالح يمج حواليج دنطينيا فدوه لايدج
الو صباح الخير خويه بلي انه باقي لل9بالشهر يله ارد بس ردت منك شغله اريد ك تجي لبغداد وي عمي حسين مايهم اي خلي ابو علي يجيبكم وي انصاف وامي اي لا استعجل بيها لااريدن كون هالاسبوع مكضيه خويه مايومر عليك ضالم ابويه انت فيماالا
بلي يمه ها حبيبه
اليسار- جان يحجي وميباوعلي من كال حبيبه باوعلي ابتسمت مااعرف ليش جر نفس وغمض كال
يمه يوجعني حبها لا بيه اقترب ولا بيها ابتعد نار بليله زمهرير وروح ابوي ههههه لا يوم لا هاذ هو صار ههه خوش يمه امرج فيماالا
سده وبقه يباوعلي مبتسم كال
ماطلبج شي
شنو عكدت حاجبي
لزمتي الطبره ومالزمت شي
فكيت عيني اباوعله يخلي التلفون عالرحله وتقدم على وجهي بيده تلمس مكان الجويه وهذا كلبي راح غمضت وجريت راسي ووكفت اباوع يمنه ويسره ااني حروح زمن تاخرت عليها
ابتسم كال
هاي حتضل طول العمر اثره موجود وليكون توخرينه بتجميل هذا نيشان انج للواوي
هزيت راسي اوك وكلامه وي امه يدور براسي وكف ويايه كال روحي بطيتي على صاحبتج
جانت ابتسامته فرحانه لاول مره اشوفه هلكد فرحان ومرتاح طلعت واني كلسا التفت عليه نفس الوكفه واكف مبتسم مكتف ايده وصلت لنهايه الممر التفتت عليه
االيوم اروح لعمو
وانه هم جاي منتضرج
اوك بباي
هله ببت بغداد
رحت ركض ووجهي احسه نار اول مطلعت من الممر زمن صارت بوجهي نترت
وينج خرب حضج اي والله
شفته ولج هنا موجوددد لزمت ايدها قوي ابتسمت كالت
الله يشافيج
لالاخليني مريضه اووف ربي احبه احبه
حبتج حيه امشي عاد
طلعنا ورجعت للبيت يابه صرت رب العافيه اكلت كومه وعصير وره عصير وخاله عبالك ممصدكه كلست وزاركتني بكلاص صدك لو كالو كايمه من وجعه وجهي تفحح اباوعلي بالمرايه اخبل صرت ساره جتي يمي حالتها مثلي
اكولج انتي صايره حلوه لو اني داشوف الدنيا حلوه
اعترفتله
شنو
اليسار كتلك احبك وكال حدز اهلي
جذذذب جذابه والله
وداعت بابا خليت ايدي على حلكي دمعت عيني
وليش حتبجين
مادري جسمي كله ديرجف باجر حيجون
كذابه كذابه
والله شلبس شسوي مادري
امشي خل نشتري شي جديد خاله كتيلها
لالا عساس كلشي مادري
عفيه يله امشي لبسي
نزلنا وطلعنا وي زيد شترت ساره ثوب كريمي يخبل عليها ساره كل لبسها فضفاض من اول هي هيج يعني من تمشي بالشارع كلشي ميبين من جسمها اشتري الثوب جان مكسم بس كلش حلو رجعنا للبيت عمو جان يمنا علمود جدو ديحجي وي بابا طبيت سلمت ابتسملي كال شونج
زينه عمو البوم اجي وياك
بابا خاف مالج خلك
لاعمو زينه والله باوعت لبابا باوعلي بغضب تقربت منه
بابا حباب اني احب دراستي من وره عمو لتمنعني
لعد لتتخبلين عليه
اوك هزيت راسي صعدت ركض ابدل واتذكر كلامه واباوع بعيني
عيون لو مسدالفرات اخخخ يمه كلبي كملت ونزلت هليت شالي الجنت لابسته البارحه بجيس بالجنطه ورحت وي عمو وصلنا المستشفى نزلت من السياره بينما عمو يركنها بالكراج شفته ديطب المستشفى صحت
واوي بصوت ناصي
ابتسم والتفت
عيونه بقه يباوع بعيني جنت طايره ابتسم ودار وجهه ومسه عرفت عمي اجه كملت مشيتي طبيت لغرفه عمو بدلت راسن وتخضرت ورحت احضر العده قبل لاالبس الجفوف واعقم ايدي جنت اشتغل بلهفه مصايره حتى عمي انتبه
عفيه بدكتورتنا احنا نقوى مننكسر مو هيج
اي عمو هههه
طلعنا من الغرفه اني وعمو وطبينا للصاله جان واكف يشوف الاشعات وي دكتور سعدون ولابس الكمامه لبست كمامتي اني هم باوعتله باوع بطرف عينه ورجع سلم على عمي وكفو يم المريض مبنج عمي كال
قسطره اذا منسدت الفتحه نسوي فتح قلب
هز راسه الواوي بالموافقه والاستعداد عمي باوعلي كال
اليوم اليسار تحضر البالون مال قسطره
تقربت هزيت راسي صار مكان اللي لازم اخلي بي صونده البالون من مفصل العانه وريد وندخل بي الصونده بدقه ونحقن بي البرشوت مزود بكامره يوصل لمكان الفتحه القلبيه ويسدها من ينفتح عليه مثل اللزكه تصير وبديت حقنت اني تبقى مشكلتي منضر الدم من يطفر بقوه يربكني بس الحمد لله وجوده خلاني اتلافى هالربكه مشت البالونه بعد حقنها بالورييد المتصل بالقلب وصلت للقلب وانفتحت ابتسم عمي باوعلي كال
مضبوط باوعت للواوي ابتسم ضمدت مكان الجرح كان مكان حساس والمريض ذكر واسمع الواوي نفسه تخربط اعرف هالنفس من يعصب كملت راسن خياط وابتعدت بقو يترقبون القلب كال عمو
باوع تاثر الوريد الابهر
عرفو عن طريق الايكو كال الواوي
دكتور قلبه تصخم
اي شي اعتيادي السداده جسم غريب وتاثر بي بقيت اباوع وياهم نص ساعه مراقبه اذا عدت معناها عدت سلامات والله وعدت ونجحت العمليه بقسطره محتاج عمليه القلب المفتوح ابتسم عمي كال هاهي
باوعت للواوي ابتسم كتله الحمد لله
اي صح الحمد لله طلعنا احلى شي من عمي طمن اهله للشاب انه مو قلب مفتوح ابو اجه وباسه لعمي ابتسم عمي ربت على كتفه وطلعنا نمشي وره عمي اني وياه واحد بصف اللخ وكلسا يباوعلي مبتسم عمي كال
ماعدج دراسه اليوم
لا عدي هسه حروح طبيت وياه للغرفه قبل ليسد الباب الواوي كال
دمتور عبد الرحمن اذا ممكن اخذ من وكتك
تفضل دمتور مهدي
باوعتله عكدت حاحبي باوعلي ابتسم ورحع باوع لعمي كال
شوكت ميصيرلك مجال
عمي كال
اي عشر دقايق بس افتر عالمرضى وتعالي للغرفه نشرب كهوه سوه وتدلل
ماشي يابا رحمه الله والديك باوعلي وراح
نزعت ورجعت كلشي مكانه وخابرت ابو غايب ورجعت للبيت وكعدت اقره ب7خابرتني ساره
ها حبيبي
ماجين لعد
ليش جوي
لا بعد شوي يجون
اوك هسه ابدل واجي ههههه لبست راسن ورحتلها جانت ميته خوف فلت شعرها الطول عمري اشوفه مرفوع كبه ليفوك ضاغطتني بيها واليوم مفلول بي كسره بس كلش حلوه ولبست طاك ليلو كريمي بلون الثوب تروح وتجي بالغرفه والتلفون بيدها وتكول
النوبه حتى مخابره واستحي اخابره خاف يكول حتموت عالزواج بعدها ممكمله حجي ودك التلفون ردت راسن الوها اي
اوك سدته ورجفت بيدها ونفضت بيها كالت وعاصره عينها
لج اللو بالباب بالباب هو. واهله حموتتت
عزه وج عيب ينتضرون حروح افتحلهم
لالالا زيد يفتح انتي اكعدي عيب
زيد يدري
لا بس كاله راح اجيكم خطار وهو شبه افتهم كله كل الهله بيك وكله ابوك موجود العصر كله من ال6وفوك هو بالبيت اندك الجرص وهاي ركضي بحضني حموت حمووت
ووكعه كرهتيني بالزواج اركدي شوي شوي وطبت خاله ام زيد كالت
هاي نسوان جوي خطار عساس من كربلا ذوله الرحتي عدهم
تحجي وياها وتبتوعها بشك من فوك ليجوه عاللبس والشعر كالت
احجي شكو
ااماما جايين عليه
خرب يومج غير تحجيييين فزاعه اني هنا
استحيت والله
غير تحجين جان حضرنا شي
ااامحضره عصير دولكتين بالثلاجه والكلاصات طلعتهن والكيك البارحه سويت كلشي محضره روحي كعدي يمعم
امشي ويايه مااعرفهم اخجل
اي هسه جيت جيت روحي واجي وراج
طلعت ماما وسمعت صوت الزلم بالصاله دزيتله رساله
سويتها يعني
رجعلي راسن
انه مو حجي لسان وبعد لتراسلين عيب من ابوج بس والله ابوج صاك
ههههه باعي شكاتب
ههه شكد ارعن طلعت بخجل وطلعت وراها اعدل بروحي وصلت للهول الكاعدين بي النسوان شهكت ام محمود
هله هله بساره لج والله الله يدري شكد حبيتج
نصيت راسي ابنسم بوستني ورجت لام فاطم بوستها ركضت فاطم عليه كالت
انتي عروسه خالي
لج اسكتي
اليسار- اني شفت فاطم وابوس بيها وهي هم عرفتني واخذتها للغرفه تصورت وياها ودزيت الصوره لابو ذيبه
باع منو بحضني. رجعلي راسن
هاي شعدها يمج انتي وين
هههه محمود تقدم لساره وجايب اهله
ومايحجي من طاح حظ الخوه
لا خطيه يجوز بس تعارف بعدين يكولك
انه حسيت عليه مفضوح من عينه ابوج كاعد وي ابو ساره
لا بابا بالشغل
ها جا خوش بوسيلياها المن لفاطم
اي
لا ماريد
ليش عود
يله باي
هههه الله وياج
بقو يسولفون ويتعرفون خاله ام زيد ماتت عليهم شوي وطلعو الزلم بعدما ساره قدمت العصير والكيك للنسوان وزيد للزلم وين متروح ساره ام محمود تباوعلها تبتسم وام فاطم تتاملها وهي طايره طلعو وطب عمي مبتسم باوع لساره
ساره نصت وطبت للغرفه طبيت وراها شوي وصاحها طلعت كعدت بصفها عبالك لزكت بيها عمي كال
من شوكت تعرفي
صار سنتين بابا تحجي منصيه عمي كال
زين هو مو نفس جامعتج
لا بجامعه اللو وجان يساعدها بدراستها وتعرفت عليه كزميل
ممم وبعدين
وضلينا كل فتره نتراسل اني ويا وزيد واليسار زيد كال
بابا صديقنا والولد ذهب
ايدبابا مبين عليه رزن واهله هم حيل خوش ناس همه ذوله الرحتولهم بالعاشر مو،اي بابا
انتي شنو رايح
نصيت راسي مبتسمه
بابا عيشتهم تختلف عننه. صح الولد دكتور وعده عياده صغيره بس حالتهم مو شي وهو باول حياته
هزيت راسي بابا اني وياه نتعاون
يعني انتي مقتنعه بي
هزيت راسي قلب وعقل
هذا هو يابه انطي خبر لعمامج وزيد كال ميحتاج تسال عننه لان السيفي مالته كله يمه واذا جدج عده مجال الجمعه المشيه لان خطيه مكانهم بعيد
هزيت راسيواني منصيه اوك كال
يعني حتعوفيتي رفعت راسي اباوعله وجهه انترس حزن
ابتسمت ونصيت رجعت رفعت راسي من اموت اعوفك بابا اجيك اني وجهالي ههههه
دكومي انعل ابوج يابو الحابج
كمت طبيت للغرفه اكمز لج اللو حلبس حلقته دزلي رساله
احبج واحب اهلج
يمه شمرت روحي الجربايه حضنت التلفون شوي ورسل
ابوج حاجاج
رسلتله اي ومتله موافقه
اعشقج
اني هم
يله حروح اقره
اوك باي
اليسار- رجعت من يم ساره روحي ترفرف تمددت اغفه تخيلت روحي بمكانها يمكن اتخبل لليل اجه عمي كعد وي بابا بالصاله شوي وكبت العيطه وراح عمي طلع بابا مزنبر ميباوع بوجهي واني من يعصب اخاف احاجي صعدت فوك خاله فضه اسمعها تحاجي وهو يرجع يصيح شكو ياستار وليش عمو عبد الرحمن تعارك وي بابا لليل داانام باجر عدي تشريح واني ضابطته حضرت هدومي توني اتمدد وصلت رساله من مهدي
هاي السال انتي خالته بيد الممرضه تجيبه الي بجيس
لعد منو مثلا
ههه عمج اجاكم
صفنت اي شمدريك
اي وشصار
شنو شصار
ابوج ماحاجاج
لا بس عصبي وتعارك وي عمي سكت الواوي بعد مادز شي رسلتله
شكوو مرسل بعد
واوي مرد شوي ورد روحي نامي باجر دوام
