اليسار- كعدت انهد حيلي منزلت بعد صعدت عمتي الجبيره توسلت بيه انزل مكدرت ساره يمي وتهديدبيه وماما واني دموعي مسيطرت عليها تلفوني جوه يم عمتي الصغيره بقه شوي وصعدت عزيزه طبت باوعتلي كالت
اليسار علي ابن عمتي متصوب وجايبي من الحشد لبغداد لمدينه الطب ودكو لامي وراحو تعذرو هواي والله
عادي حبيبتي بس كون يكوم بالسلامه مسحت عيوني فشلت منها بقت واكفه شوي ونزلت مرت ساعه وبيت عمامي وعماتي راحو صارت ب9 واني نزعت كلشي وصافنه بقه المكياج والشعر على ترتيبه ماما بقت يمي بيومها رغم هواي سمعت بسامير بس على لسانها تكول استحق كل كلمه وتستحقين اتحمل علمودج بديت اختنك وبالي يمه كلش طلعت للسطح اجر نفس دك تلفوني جابته خاله من جوه كالت
تلفونج ديدك
لزمته سبع الموصل اخجل ارد رجع دك مره لخ رديت الو
اويلي يابا صوتها رايح بويه المن البجي
غصيت اشهك
لا تبجين يمي عيني مامو شي وروح ابوي
ضل بالي خفت كلت كصتي موزين
بالعكس علاوي كام بسلامه بعمليه صعبه وصحى كل الخير بعيونج يمريتي بويه رايد منج شغله
الحمد لله ربي نعم
اريدج تكمين هسا وتلبسين من جديد وتمسحين دموعج وانه جاي البسج ذهبج يمي عيني
لا ابو ذيبه فدوه
شكلت انه لا تعاندين بويه ماريد فرحتنا تنكسر اليسار خليني افرح والله العضيم شبعت ضيم ومو انه اللي افرت هالليله بدمع يله بريه شوي وجاي وي ابو شكريه وامي واختي ضفاف والباقيات بس انصاف تضل يم ابنها تحضري بويه
اوك وكفت ساره يمي انداريت عليها حيجون
صدددك
والله يكول مافوتها لهل الليله
الله ينطي بكد حبه الج وحنيته عليج امشي يله
رحت ركض البس وساره تخابر عماتي ونسوان عمي رجعو جوي اللي مبدل واللي لا وبابا رجع شغل ضوايات الصاله وزيد رجع حضر الاغاني وفعلا شوي وطبو محمود وزيد والواوي ضلو بره وهم ونسوانهم طبو والهلاهل وامه ترددكولات تخبل وكلبو الهول من الركص مالهم اني بس اتبسم بدلتي جانت قديفه نيلي من ناحيه الصدر مكسمه وشوي بيها باف من جوه كلش حلوه اللمعه البيها عدلت ساره مكياجي وطوخت الحمره وعدلت شعري اللي جنت بس مسشورته ورافعته بوف قليل وبقيت انتضر وكلبي يدك وعيني على باب الصاله على غفله شفت ساره ونسوان عمي لبسوا. شنو حيطب كالو اي وكفت صدك رجفت طب حبيبي يعدل برباطه مبين توه ربطه عدل سترته بالممر وطب للصاله شافتي ضحك وجهه وامه بدت كولاتها
يرايه حيدر ويالبيده شديناها
ومن الصغر للكبر ماهديناها
من محمد وعلي والزهره ردناها
وبت بغداد وصارت النا. وبت بغداد وصات النا. تردد وعماتي يبجون وماما تشهك بصفي تقدم باس امه من راسها يضحك وكف بصفي يباوع عليه وعلى شكلي وجسمي والبدله من فوك ليجوه وتتلفت عيونه خجل هاي ايدي ترجف وكف بصفي وضلو خواته يركصون ويهلهلون وعزيزه تطك بالصور اخر شي جرها لعزيزه مدري ششاورها كالت بس بخوف تباوع بعينه
اي اي والله خالي اعرف
هز راسه ورجع باوعلي ابتسم جان كلش قريب بصفي وعيونه مافد يوم صارت هالقرب وجهي كله قراه من عيوني لخشمي لشفافي وشعري كال
شوكت طول شعرج يابا وينها الكذله السرحه التنزل على عيونج وترديها نصيت راسي بخجل وفعلا نزلت كدلتي على عيني ورديتها باوعتله ضحك كال
اويل كلبييي اويل الله ناويتلي الموت الليله حسيت ايدي طخت بيده نزل راسه باوع لايدي وجرها شبكا بيديه غمضت ايده بارده وترجف وايدي نار جر نفس كال
هاي ايدج دومها دافيه
هزيت راسي ابتسم عيونه صارت على فتحه صدري وخر عينه راسن بخجل كال
هاي ياهو الحاب بدلتج
اختك ام علي
والله بيها بخت ابنها بالمستشفى يحجي ويهز راسه متحلف ميباوعلي
شبيها مو حلوه
لا حلوه بس زايد عن اللزوم وانه موصيها الف مره مو شي يجذب العين بس انصاف بعد
لا خطيه
التفت باوعلي مبتسم انه وين اعاين ماتكليلي تعبت كدما. الزم روحي عنج
نصيت راسي شوي وجابت امه الذهب لبسني قران جبير وملاوي ثنين ضليت صافنه منيله كل هذا لبس القران وتلامست اطراف انامله بركبتي قربه مني ورجفه نفسه وترني لبس الملاوي بمعصمي وتراجي صغيره نفس فص المحبس وكلاده ناعمه كلش هم نفس فص محبس مال امه كال
عذريني اذا قصرت من كمل لبس
انت وحدك كافي وانت ناطيني نيشاني قبل لو نسيت اشرتله عالجويه ابتسمت جر نفس وشلت الحجاب كتله
انه عدي هذا بكلهن ضحك من كلبه كال
انه مو
اي انه
حلوه بحلكج يبت بغداد
ههههه هوسو اهله ووزعو عماتي اللفات وطب بابا طاني ساعته وحلقته ومحبسه لبسته جان محبس ذهب البس وهو وجهه صار مغضب لبسته الساعه ارقى نوعيه انتفض كال
عليش هلكد
حبيبي احنا كلهم هيج انت موجايب كومه
انه زلمه بويه انه الجاي عليكم مو انتو هذا شون حجي هاذ
والله معليه اني همه كلهم هيج لبسته حلقته ابتسم طلعو اهله راحو بيت عزيزه يباتون اخذهم مصطفى زمن للاسف مجتي وشاركت فرحتي بس دزتلي مسج بقيت بالبدله وهو وعمامي بالهول كاعدين حجو شوي بعدين بابا اجه كال
يريد يكعد وياج شوي دز زيد عليه كال بعد اذنك
اوك ابتسمت ساره لبست كالت طبي بغرفه عمو جوه الدرج
اوك طبيت شري واندكت الباب وكفت ودخل وزيد وراه يتشاقى وهو رزن مضحك بس التفت عليه خزره رافع تك حاحب زيد متجرا يطب بعد سد الباب والتفت عليه ابتسم واني بيدي القران واصل لصرتي العب بي تقرب مني يباوع عليه من فوك ليجوه كال
افتري وضيعيني
ابتسمت افتريت وبدلتي انفشت جر نفس كال
بدلتج تغارل عيونج
نصيت شون حجي يخبل يحجي ويباوع لجسمي وشعري مد ايده تلمس شعري على طوله كال
يوميه اكولن هسا طول ووصل ليجاي اشر على ضهري وساعه اكولن فد لا مد المكص عليه مره لاخ وساعه اتخيلج بالحفر والكدله النازله وروحي تروح
ابتسمت يحجي بهدوء ويبعد خصلات شعري عن عيني كال
عجبج الذهب يابا
يخبل بس انت ماعدك منين
انه العدي اشتريت بيه هذا اشر على كلادتي الزركه النازكه والتراجي والباقي لاتزعلين اشتريته من ضفاف اقساطه
فكيت عيني ميلت راسي بتوسل
الله عليك رجعه الها
لابويه شون يصير كدام اهلج رفعه راس الي والج
عليك الله مايهمني هالسوالف دمعت عيني كال
كلت لاا نتر خزرني سكتت نصيت كال
هي رادت تبيعه هاي ابوي جابه الها وانه طيتها العدي كله كتلها ذهب ابوي ماينباع كافي الراح كالت لعد اخذه لمريتك وطيني بالشهر شكد ماتكدر وانه وافقت واخذته ولبسته الج خوما زعلتي يحجي ويرجع بشعري وره اذني بايده الاثنين
لا بالعكس تمنيت موجود ويانا واتعرف عليه وبهالذهب حسيته موجود بعد ماكتلي جر نفس نزل ايده باوع بعيني وباوع لشفتي عرفت يريد يتقرب كال
انتي مريتي
اي هههه
نص ديني
امم هزيت راسي بلهفه اي
انتي وامي بهيه كل دنيتي
دمعت عيني
لا بويه لا تدمع مو كايلج لاتغركيني بفراتج ماعول احجي حجايه الا تدمع جا شون مااحجي
لالا لتسكت اموت على حجيك كومه سكتت شكيت كلبي كمت احجي هالسريع بقه فاك حلكه وطكها بضحكه
وجرني لحضنه قوي وتلمس خصري من وره قربني لحضنه قووي كال
كون تفوتين بضلوعي واخذج وياي
رفعت راسي نزل راسه يباوعلي
كد هالنضره انتي
اممم بقيت اباوع بعينه جر نفس كال
اريد ابوس الاثر
سكتت نزل راسه غمضت بلعت ريك بس بلعت راسن باسني من ركبتي بلهفه تحولت ايده الهاديه لقسوه وصعد وجهه باس الاثر يابه ذبت بيده وكف فتحت عيني جامد رشفافه عالاثر كال
انه مو محذرج لاتتبلعمين كالها وصوته عصبي ضاغط على روحه
نسيت والله ملتها وصوتي راح كال
شفافج مثل ايدج. كالها وصوته يرجف وعينه على شفافي
شنو
شفافج دافيه مثل ايدج
بلعت ريك فاك حلكه يباوع تقرب اباوع العرك يصب على كصته كال خاف احد يفوت وعينه على شفتي وجهه تغير خليت ايدي على صدره اول مره هيج يقترب خفت منه من خليت ايدي غمض كال
يبوووويه جمر جمر على جسمي ابتعدت لزم الكرسي وكعد كدامي يباوع عليه ذبلان واني واكفه وافر بعيني عالغرفه كمت اخجل اباوعله رجع وكف تقرب وكانما مديكدر يبتعد كال وعيونه اكلت جسمي
لابسه
شنو
غمض بقوه وكال افهمي لا توكعيني بخجل
شنو لزمت وجهه بيدي الثنين وعينه ليجوه على جوه ركبتي كال
لابسه حماله
يابه وجهي صار دم ابتعدت عننه كال
مالابسه مو رفع عينه يباوع بعيني بمكر
نصيتراسي
جاوبي بويه سكطتيني
لا مو هي البدله. بيها وجرني لحضنه قوي كال
يبويه شكد جنت اعاني من تجيني ليورهرالمدرسه وتتحركين برهاوه ومادايره بال اتفركس والليل كله افكر بطريق الرجعه. شون خاف احد انتبه على حركه جسمج
يحجي ويحرك بدمه ويقرب جسمي اله اكثر غمضت هدات روحي حضنته سكت شوي وابتعد كال وجرنفس
انه طالع عيب من عمي دار وجهه وكف كدام مرايه عدل بروحه ويمسح بالعرك واني بمكاني واكفه اباوعله رجع باوعلي ابتسم توه يقترب اندمت الباب راسن رجع لمكانه باوعلي كال احجي
احم،منو
اني اليسار عمو كال اهله ينتضرو
اوك
هاي شني ابوج يطردني ههههه
لا مو
بويه لو انه منه ماخليج تختلين لوحدج وي رجلج الا بالعرس تقرب باسني من راسي ورجع نصه على جسمي كال
هاذ كله الي وحدي
ابتسمت نصيت شون مال اجكه بحجايه اكوله الك ولعشيرتك قابل المن لعد بقيت ساكته باسني من راسي ويشم براسي ويجرحسره وطلع باوعلي مرهراخيرهروسد الباب كعدت
اوووويلي اللللللله شوكت انام بحضنه عبالك جنت نايمه بالجنه وهسه كعدت
صعدت فوك وبدلت وفتت سبحتى ونمت مخابر بعد بس هو ببيت عزيزه منين يخابر دزيت مسج
تصبح على عافيه رد وره شوي
تنامين
اي
عطرج بيه لساته
بقيت ساكته كال
ياله الولد يمي ماريد ينتبهون
اوك
تغطي زين يالدافيه
اوك حبيبي تصبح على خير
وانتي الخير كله
نمت راسن تعبانه باجر جمعه همزين بقيت نايمه للضهر دز رساله
كل هاذ نوم دكتوره
هههه توني كعدت
دشوفيني وجهج من تكعدين
طكيت صوره ودزيتها اله مادز شي بعد،رسلت
شونه علي
لازالحمد لله هلي راحو ضليت انه واخويه وعبس وابو علي
شوكت يطلعو
بعد يومين اخذه واروح
يكوم بسلامه بابا وعمامي راح يجوكم كالو
كل الهلا ليوين
للنستشفى
حسبالي لاهلنا كيفت
شحدهم يرحون وحدهم
ههههههاي اروح فدوه ونذر للتريد تجي يمي
اي اريد اجي يمك مورجلي
بويه رجلج ىحلالج وبس الج
اي بس الي راح بعد مرد كمت راسن يومي عادي وره كم يوم طلع علي من المستشفى وزيد وعمي سلمان وعمي عبد الرحمن وجدو راحولهم للديوانيه وي زيد ومصطفى يشوفون علي. لليل يله رجعو دزيت رساله
شتاقيتلك اليوم مخابرت راسن دك
الو
الو بنتره رد
شبيك
هاي شكايله لجدج
شكلت ماكلت شي
ام بله كايلتله جهز العياده ياهوووو الصخم وجهج وكالللج صرخ فززني بقيت ساكته رجع كال
انه طلبت منج منيتتتتتهم فهميني مرديت سد الخط بوجهي رجعت دكيت مرد تركته براحته بس اختنكت مرت يومين وهو مامو ومن اتصل ميرد فرفحت اشتاقيتله حجيت وي جدو كال
مو طيته صك كتله هاي هديه عرسكم وهو بقه مقبل ياخذها عاد اخو نتر بيه كاله اخذ من عمك عيب ترده اخذها بس من وره خشمه وكال اردهن بس يصير عدي جاوبته كتلهزيابه حالك حال ابو شكريه مرد بس انكلبت جهرته شكد مغرور شصار
بقيت سامته والخوف زاد مر سبوع ومتصل ومن اتصل يرفضني لو ميرد ولامسج ولا شي ودلا داخل عمليه ادعيلي-----
يتبع
