اليسار- انام واكعد ونفس الحاله ماما بصفي لو بابا موجود لو عمو عبد الرحمن لو ساره وارجع اغمض كانما ماريد احس ونفس المنضر مر سبوع ثاني واني نفس الشي عمو عبد اجه كعدني جبر كعدت كال بنتره
شون يعني تموتين برطمت مابيه حيل
كال
عمو ميصير هيج جماعتج امتحنو واني اجلتلج الامتحانات ميصير هيج الولد اذا رجع واذا لا الحياه لازم تستمر
فكيت عيني شهكت ابجي بحركه حضنني عمو وبابا صافن عليه مجتف كال
كافي يابه بس
عمو الله عليك وصللكم خبر
لا والله موصل صاحبه راح التحق يسال عليه ورد رجع يكول ماكو خبر
يعني شون وين راح يربييي
عمي بس صارلج سبوعين على نفس الرنه حتموتين
اموت بدونه عمو والله
حقج يابه والله حقج بس ميصير هذا اعتراض قوي روحج لهي روحج بدراستج عمي حرامات تضيعين السنه كلها واذا رجع وشافج راسبه راح ينقهر منج خلي يبقى عدج امل عمو
بقيت صافنه عليه تذكرت من كال محد دام لاحد غمضت عيني تذكرت شون وصاني على دراستي باوعت لعمو هزيت راسي عمو شيل الكانوه اريد اسبح
ها هسه اصيح امج
لا اريد وحدي
ساره ساره متجي وياج نصيت راسي طبت ساره شافتني تقربت حضنتني ،كالت يله كومي اسبحي كمت وياها سندتني عليها سبحت تباوع بعيني واني اباوع لروحي بقيت بس عضم شكلي يقهر حيل غمضت خلصت غسل بابا جان بالغرفه وي ماما وحدو وخاله بيدها صينيه بيها طاسه شوربه كعدت وساره تنشف شعري وتمشط بهداوه بابا كال
خبيبتي تاكلين
اي بابا راح اكل تقرب خله الصينيه وماما افترت توكلني واتي منصيه عيني بس صور تروح وتحي حضنه وبوساته كلامه واحساسه شنسى منهم جريت نفس كملت الشوربه وشربت مي باوعتلهم
مابيه شي عوفوني اقره
راحو بقت ماما يمي وساره
ساره روحي يم رجلج
رجلي بالديوانيه باجر يجي
هزيت راسي اوك رجعت رفعته امه شونها قصدت ام الواوي جاوبت ساره
متصدكين اذا كتلج مكابله السجاده وكاعده ولا بجت تكول هو امانه الله ياخذها يردها كيفه ورحمته بعد
دمعت عيني شتاقيت لرب العالمين كمت وكفت بيه حيل توضيت وماما ورابه حاف اوكع ورجعت للغرفه فرشت السجاده صليت ونزلت عالسجود ابجي كلشي مدعيت هو الله يدري رجعت كعدت ادرس كل ملزمه بيها كتابتي وكتابته شيكولي بالتلفون اكتبه اسمه بكل صفحه ميت مره مكتوب اقره وابجي مسحت دموعي رجعت ادرس سبوع اليجي امتحاناتي. وي الموجلين. قريت الكدرت عليه واخذني زيد امتحنت ورجعت وي ابو غايب جان خطيه يبقى زيد ينتضرني لحد مااطلع من القاعه الجامعه كلها انتبهت عليه بيه شي الاساتذه الدماتره حتى الطلاب كملت المواد الامتحانيه نوعا ما مجاوبه رجعت للبيت باوعت لبابا
بابا اريد اروح اشوف اهله
وين يابويه متكعدين
الله يخليك اشوف امه ولو
جر نفس كال ميهم احنا لازم نروح نشوف اخوه خطيه عيب نعوفه بهيج يوم وفعلا للضهر نصطفى مر علينا اني وبابا وعزيزه ويانا وزيد كاعد بصفي اباوع عزيزه عيونها رايحه من البجي بس شافتني حضنتني تبجي واني ساكته وصلنا وطببنا مصطفى البساتين تذكرت اول مره نزلنا فكت انصاف الباب بجت اول مشافتني تقربت حضنتها حضنتني قوي تبجي وتردد
اووف يريحه الغالي وين عافج وين بقيت ساكته كالت
ادعيله لا تبطلين دعا
هزيت راسي بله صوت عيوني تدور باركان البيت ادور امه وادور خياله شفت امه كاعده على كرسي وتصلي رغم هي مجبيره تقربت منهز باوعتلي فكت عينها وشهكت وحضنتني باستني من ركبتي وتردد يمه ياريحته البيج
خاله ادعيله انتي ام
ولا بطل لساني انه متاكده حي يرزق بس موكادر يرجع لو يتصل
الله يسمع منج بس كون هو بخير
يايمه جتي مريتك تشوف حال امك وانت ماجيت
خاله لتنعين فدوه موزين عليه
لحد يلومني يمه
لا خاله مالومج بس ثقتي بالله جبيره انه راح يرجع
الله كريم يوم الله كريم الحمد لله الحمد لله شوي وطب علي ابن انصاف باوعلي ونصه طب وراه زيد وبابا فاتو للهول ووراهم صالح اباوعله وين هيبته لاعكال لا سبحه مخلي العكال مثل الربطه جريت نفس ودرت وجهي البيت احسه يبجي عزيزه ضلت بحضن امها تبجي وانصاف السلحه منذبت من ايدها هناك صاح عباس
يا الله
فوت يوم فوت لابسين
السلام عليكم شونج يوم وباس امي بهيه من راسها
الحمد لله يمه الحمد لله
شونج مرت الغالي
الحمد لله نصيت باوع لانصاف-- ام علي فدوه هويات الواوي واوراقه فوك بس جيبيها
شتسوي بيهن وكفنا كلنا
كال يابا حتى ناينفصل اسويله ضبط حظور واسباب غيلب حتى من يرجع محد ماخذ بكانه بالمستشفى كعدت امه وتكول بس كون يرجع
يرجع يوم يرجع
باوعت لانصاف دتصعد صعدت وياها طبيت للغرفه جان مخلي الغراض عالطبله وقلمه والدنبوس موحوده وي سترته شميتها قوي وكعدت عالحربايه كوه سكتت روحي ماريد جيتي تزيد المهم. نزلت وي انصاف سمعته ديحجي عباس وي ابويه واخوه
محررين الضفتين انه ضنتي احد من ربعنا لاكي وراكض ملتحق وانه جنت بالعمليات مالحك يكلي بس داز رساله كاتب عباي وينك انه نازل امي بامانتك عرفت اكو شي هسا انه مخلي بكم لواء اسمه وصورته بلكن الله يشوفو يعرفون عنه شي ويخبروني بعد بس تتحرر الموصل يبين انه مناكد
صالح- بويه طلعته هيج عالمستعجل بيها انه كبل بي م خلينا اضويه زينه لكل البستان نحضر ليوم عرسه شني الصار وركض للساتر غير نفهم
عمي صالح الغايب عذره وياه يرجع انشاء الله ونفهم
الله يسمع منك
للمغرب رجعنا بعد وي مصطفى وزيد محمود جان توه راجع ماخذ ساره ورايح لكربلا رجعنا بغداد وهاي اني فرغت مر شهر وحبيبي مموجود ولامنه خبر يصبرني ولاشي يهديني غير الصلاه والدعاء مر عشر ايام فوك الشهر وراح موعد عرسنا جان هسه اني بحضنه انام يربي ردلي الفرح والحياه لكلبي ربي لااعتراض على حكمك وانت تدري بيه مدااكدر اعيش نص يومي اكلب بالصور والنص الثاني اقره قران واصلي. وهيج هيج الليل ياكل بيه لو اكضيها بالسطح اندعي لو اكعد جوه شجره التكي بالحديقه واكتب مثل ماهو يكتب بابا سوده عليه تعب ويايه ميتحمل يشوفني اتعذب وماما تنطيني قوه وتكولي محد مات وره احد جنت اعصب عليها وزعلت كم مره بس بعدها اعرف متريدني اضعف وانهار غفيت واني مرجيه راسي على شجره التكيزالجبيره بحديقه بيت جدو جانت دنيا ليل تقريب2 وغفيت بيومها جنت خاتمه القران وهاديته لفاطمه الزهراء والامام العباس لان اني طلبته من فاطمه الزهراء وهو طلبني من العباس توني ختمته وخليته عالدجه اليم الشجره وارتجيت لكيت روحي اغفه فجاه حسيت بصوت قوي حيل اقوى من كل مره شك اذني
الله اكبر فزيت مره وحده صار باوعت للسما الله واكبر توه جان دياذن بالجامع كمت طبيت واني مستبشره لان مافديوم صار الصوت باذني الا فرحني. طبيت صليت وكلبي يدك بامل بقيت اصلي ورجعت صليت هالصلاه الاصليها بكل مااوكع خلصتها لل8ونص الصبح تعبت حيل تمددت بفراشي وتغطي زين غفيت هالمره براحه صار صوته باذني
بويه شنو القاهر عيونج هلكد شنو الموجع كلبج يبت بغداد فزيت ادور براسي توقعته يمي ملكيته بجيت هالمره منهاره تعبت كلش شهرين كافيه حتى تكون كفيله بموتي دك تلفوني باوعت عليه حوده اخاف ارد بالقران اخاف اريد دز رساله
ردي يابا خلني احاجيج
رديت
الو الله يخليك لتكولي شي موزين
اليسار بويه لكوه
محمود شنو احجي وينه
اللو حبيبج عدهم ادعيله
ياااااااللله شمرت الجهاز وكمت الطم يربي شلووون بيد هم صار راح مني الاحبه راح راح العايشه على ريحته وهو موحود عاد يموت شسوييي بقيت الطم فقدت طب بابا لزمني وحضني ابتعد عوفني خل اموت بابا مااكدر اعيش دونه وداعت اخوتي
بابا بس تموتين تطلع روحي وياج اصبري فدوه لكلبج ابويه انتي بابا بعد ممتاكدين من الخبر بس منزلين صوره على قناتهم. اصبري بابا اصبري الله شكاتبلج تشوفين
بابا والله مااكدر عوفوني الله يخليكم
لا اله الا الله بابا شوووون فهميني كوليلي ش ن اتحمل بنتي دتموت كدامييي ولج اذا صار بيج شي اموت ذوله اخوتج منو الهمممم يربون بله اب
يحجي وابجي وهو يبجي ويايه ويرجع يحضنني شوي وطب جدو بهدوء كال
نعمان اطلع عوفنا وحدنا طلع بابا واحه جدو كعد يمي خله ايده على جتافي وقربني اله اني شعدي وجع ذبيته ضل يمسد على راسي كال
جدو الله ناطينه نعمه الصبر وملزومين بيها تدرين رجلج شكد سبع فكريا وبدنيا تدرين جدو مااتصور يكدروله لان ذكي وفطن راح يلعبهم متامد سبع رجلج جدو
هزيت راسي معلكه بكشه امل اي جدو هسه ميكدروله اريد اكذب على عقلي الراح يوكف كمل جدو وكال
تدرين الليسار لو ماهو جان اني هسه ميت
رفعت ااسي مسحت دموعي جدو شبيك
جدو رجلج اكتشف عدي مرض مزين. براتي وببدايته خله عمج عبد ياخذني لسليمانيه علمود الفحص وففعلا جان توه بادي والحمد لله عالجته ببساطه وطاب
جدو مرضيش شوكت من اجه ذيج المره
اي يابه. اني مصدكت بس من رحت وطلع صدك كتله لعبد هالولد نابغه وعده من رب العالمين حاسه سادسه
بقيت صافنه على جدو عفيه جدو خو مبيك شي
لا حبيبتي الحمد لله عالجو راسن بجلستين ولانه توه بادي راسن قضوه عليه
الحمد لله رجعت ابجي بهدوء تركني جدو بعد متوسلت بي اريد اصلي وحدي قسمت يمين مااترك السجاده ولاانام الا اسمع منه خبر يفرح وبديت اصلي وخاله كلسا جايبتلي عصير لو اكل متحاجيني تخلي عالميز اكله بسع واكمل ماما تروح وتجي ماحاجيها بس صلاه وي رب العالمين وادري الله حيخلي بينهم وبينه حصن حصين بسبب دعائي ودعاء امه بس اريد اعرف شنو الصار وراح الهم برجله ومن الضهر لل2بليل متركت صلاتي وقراني ختمته بيومين محد يكدر يصدك بس متركت ربي وببالي من كان مع الله كان الله معه لل2 ونص تعبت كعدت مرتجيه عالميز واسبحه
امن يجيب المضطر اذا دعاه ويكشف السوء وصلت اربع سبح دك تلفوني وكانما الله سمع مني تقربت بثقه ماليه كلبي لزمت التلفون رقم غريب رديت
الو صوت نفس ثكيل رد
اليسار يبت بغداد يااول عشك خضر بكلبي
صحت بخنكه وشهكه واووووي
ياعمره انتي
ليش هيج ليش تعوفني ليش رحتلهم انت وين
بالطريق بويه لايضل ببالج يبت روحي انه شوي واوصل لهلي
متتتت والقران متت كعدت بالكع وكفه مكدرت اوكف صوته حان خشن مطبك حيل ومن يتنفس صافوره يتصير كال
بويه لا تبجين لخاطر الله وصلاتج
حبيبي عمري ليش تاذيني بس كولي
مابيدي يبعد اهلي مابيدي صارت هيج
اكرهك واوي كرهتك كثر ماخفففت احجي واشهك كال اليسار اسمعي اسمعييي
هاا
اليسار ابوي عايش كالها وبجه بقهر ويشهككك بعلو صوته صاح ابوي وياي جبته. رد اليسار جاي تستوعبين لج ابوي وياييييييي
بقيت صافنه انكطع الخط ذبيتزالتلفون ايدي ترتعش باوعت ساعه 3 شون اخبر حوده شسوي هالاثناء دك تلفوني ساره
الو
اليسار
ادري خابرني بجيت وهي تبجي كالت محمود راحلهم خطيه كام يبجي
مداصدك ساره
ولا اني الحمد لله ربي الحمد لله لج ربج رحييييم بعبده
اي واللله حاشه ربي يردني حاشه راحت ساره واني من الفرح للصبح اصلي مكدرت اغفه مداصدك ابجي واصلي واحند الله واشكره هذا ربي المايوم خذلني طب بابازالصبح عليه ركضت حضنته ابجي
شبيج حبيبتي شو باعيني ليش تضحكين
كمت اضحك وابجي بابارجع واوي ووياه ابوه بابارجع ليوره لزم الحايط يستند بي كال
بدلي بابا نروحلهم
هزيت راسي اوك راسن طلعت هدومي ولبست اباوع خلقتي متتباوعزبله اذا شافني شيكول نزلت شربت كلاص حليب واجه مصطفى وزيد عزيزه جانت رايحه وبايته صارلها 3ايام طلعنا الصبح وصلنالهم الضهر رجلي مشالتني انزل من السياره سندني بابا وطبينا مليان البستان زلم لعينه مصطفى وكفت كدامي كال غطي وجهج سمعت كلامه وتغطيت بالعبايه وطبيت وره مصطفى البيت كله نسوان ديركبون مشفت الواوي ولاشغت احد اعرفه هناك لمحت ضفاف بس شافتني صاحت
يااااه هاي مرت ابو ذيله اجت من بغداد ولجن اجت بنت بغداد كلهم التفتو عليه. ويبوسون بيه حسيت بدوخه مااعرف ولاوحده منهم هناك لمحت انصاف بيدها دولكات عصير شافتني كالت
يااااه كل الهله بام وجه الخير لج يمممه جتج ام ذيبه فوتي شوفي امي بهيه فوتي طبيت رجلي ثكيله طبيت شفت امه فتحت ايدها حضنتها ابجي من صدك فرحانه كالت
وجهج خير علينا تباوع بوجهي كالت
بس لا تتفاحاين من تشوفي تكسرين كلبه
بقيت صافنه راحت ملامحي الفرحانه
خاله شبي فدوه
مابي شي يوم لا تخافين بس تعرفين ذولي وحوش وهو مقاومهم بس شوي وجهه من يم اذنه مشكك وورام ووارمه عينه وياه لاتتفاجيت وتغثي
يمه بهيه انتي شدتحجين اني بس ردته نفس بس خلي اشوفه
يوم يم الزلم لو تشوفي شون طبلي يكولي يوم جبت ابوي من اكلج عايش تكليلي شهيد اكلج ابوي حيييي ماتصدكين لو تشوفين فرحته يايمه ترد روحج
سوده عليه حبيبي كمت اضرب على صدري عناك طلع صالح من الاستقبال كال رافع ايده يمه بهيه
ها يمه
ابوي يريد يشوف البنات
اي كله هنايا خله يفوت
باوعت خواته ستتهم بيهم 3مشايفتهم واكفو ببالب غرفه امهم وطب ابوهم وكفت ارجف نصيت راسي خجلانه حيل ومتلهفه عدلت العبايه سمعت صوت وراه كال علكيفكم ياب تراه متاذي بيده بقيت اباوعله فكيت عيني ابجي واضحك وامسح دموعي اريد تتوضح الصوره وجهه رايح حبيبي نصه راسه خجلان ورجع رفعه تقربت منه وخواته يبجون بحضن ابوهم هو بس يباوعلي تقربت حضنته لاهمني اهله ولاخواته اريد انه بكلبي وماخلي بعد يبتعد بعدني يباوع بعيني
باوعلي عينه وحده منهن مامو منبينه كثر الورم اباوع لوجهه مبينه ملامحه ابتسمت حضنني صوت نفسه هوسه خرخشه قويه اسمع بجي خواته ويحضننون بابوهم وهو هم يبجي بيدي حضنت راسه كال
ماخفت من الموت خفت تتاذين وراي
ردت اموت همست بس جان عدي املك سبع ومحد يكدرلك
الحمد لله همس كال
تعاي اعرفج على ابوي نصيت تقربت جان كاعد وبناته داير مدايره حتى بالكع وعلى رجله واللي بصفه منا ومنا وانصاف واكفه وتمسح بحجابها دموعها. وكفني كدامه كال
بويه هاي مرتي
رفع راسه باوعلي ونصه كال هله ببت بغداد
ابتسم الواوي باوعلي ورجع باوع لابو كال دكتوره مثلي يابا
الله يبارك بيكم ديري بالج عليه تراج عدج سبع
هزيت راسي همس الواوي كال بوسي ايده تقربت رغم خجلي نصيت على ايده بستها مسد على راسي وكال
بويه ابو ذيله وديني ارتاح
صار بويه شوي يبنات باوعلي ابتسم وشال ابو على جتفه يسنده واني صافنه عليه وصله بغرفه بصف الهول شوي وطلع كلل
يمه بهيه ابوي رايدج روحيله
اي يمه اي اي يوم احيته
طلعو خواته من الغرفه وطب هو بقينا وحدنا انصاف رجعت تبتسم وسدت الباب علينا بقه يباوع بوجهي تقرب واني لزمتني العبره
شسوولك
سكت جر نفس كال
اخذت ابوي وجيت لاتكولين شساوو كولي شساويت
احجيلي كلشي
اخ الحمد لله اليسار انه طاير ربج هالكد رحيم بعبده
هزيت راسي تعرفني بالرحيم اني الاعرفه ردك الي سالم
جر نفس وخلاني جوه جتفه غمض مرتجي عالحايط وبده يحجي
كال
انه بالعياده واجاني تلفون من ولد صاحبي جان وياي بالعمليات مال موصل وابن ولايه يعرف ابوي وهلي مناك كال
ابو ذيبه ابوك حي انه شفته دينقلوه بالتصوير اللي لكيناه ببيوتهم ببكت الحرروهم
كتله خافزالتصوير قديم كال
ام بله صايرله شهر كمزت عفت كلشي وطلعت كال حررو القاطع واللي انهزمو منهم خذو تسعه رهاين وياهم هددو بيهم او ينطونهم مجال يشردون لو يكتلوهم من اللواء ضغط عليهم طلعهم مسطرين بره وقناص فوكهم كال ذولي همه كانو كلهم من المصفى ومن ضمنهم ابوك
بس انت كتلي رموه
ام بله بس مامات داوو لان اخذو منه معلومات تخص النفط وابوي ناطي معلومات لان كل ضنته احنا عدهم مايدري بينا شردنا اهلنا خاف لاياذونا
تالي
تالي رحت للقاطع المالي الولد عليه بطلعان روح وصلت مرتين رادت تنفجر بينا الرتل لان الطريق كله ملغم والباقي جاي يفكون الغامه بعد تحريره الجناح الايمن للموصل ووصلت كتلهم ابوي وياهم مو داعشي لانهم ضننو انهم دواعش مو رهاين. كالو لي تاني ورجعت الزم رشاش واحارب وخوفه لاابوي ينكتل من جديد وهالنره جدام عيني لحالشي الشفته مقجثل الفم الهندي اليسار اخاف اكتل داعشي لا يجتلون ابوي اتصالات مقطوعه تماما. ماكدرت اتصل نطونا مهله 5ايام حتى يطلعون وماياذون الرهاين بس همه انذال لليل شفتهم سطرو هم جدامنا بالشارع معصبين عينهم فقدت مكدرت بعد ذبيت سلاحي ونزلت من الساتر ركض رافع ايدي لفوك حتى تيشرتي ذبيته اهفي بي لانه ابيض بس ردت احاحي ابوي قبل لايكتلوه كامو يرمون علي كعدت على رمبي منصي ببعد مترعن ابوي صاح واحد منهم من وره الساتر ماله الحامي كال
انت منين وضربني طلقه برجلي وكعت كمت اصارخ اسلم روحي انه موجندي انه راد لابوي
انه من الموصل وهذا ابوي رفع راسه ابوي باوعلي ونصه يبجي بقيت اباوعله ورفعت راسي للداعشي الكلب ابن الكلب كتله الامر كال خلهم يشردون ودزني اكلك بس يستلم الرهاين اول واذا اذايتهم يرموكم القناصه
كال واحنا بعد القناصه عالسواتر ماتنطونا مجال يرمون الرهاين الخوف العدي ماحاسه قبل لان ابوي وياي
-حان يحجوياشر باصبعه كمل حجي
كال لليل اجت مدرعه تابعه الهم نطوها طريق ولدنا صعدو بيها فد خمسه وطلعت جننا خايفين من القناصه لاتصوب الرهاين بس لعبتهم جانت اقذر والامر جان متوقع كال اسحبهم بويه ذولي انذال صدك وانه اكوم ابوي الكه واير من الطول للطول ممدد للبيت وجذب مابي قناصه صحت سيدي ملغمين كال محد يكرب انت شوف شغلك
زين لا كتر لاصخام وانه ماعرف هالسوالف واشوف ولد الجنوب حدرو ركض صوبي بال13وليد حاوطونا والانر يصيح انسحب. كمين وهمه ماهمهم واحدهم كعدت تربع يكطع بالوايرات بخبره والثاني يراقب خاف اكو قناصه كطعو الوايرات وانه روحي ترتجف كومت ابوي وحضنته يبابويه شون احساس بحياتي ماراح انساه اليسار الابو عزيز
اي حبيبي ادري خليت راسي على صدره حضنني قوي كال تالي واحنا نمشي وساند ابوي البيت كله تفجر طلع ملغوم والولد ثنين منهم تصوبو وانه بعد تصوبت ببجهي شضايه طلعوها وبعد ورام كم يوم ويفش اي وركضت عفتابوي اساعدهم لان ماتركوني ورجعتهم للساتر بعد بينا ساترنا وساتر العدو عشر امتار بس تدرين شنو عشر امتار بينج وبين العدو بس همه خلصوا. وبقو بس هالخمسه وشكلهم كبار اللي مدرعه اجت خذتهم لطريق سوريا واحنا ضلينا
عرفت تالي مصوريني قبل فتره ومنزليها بقناتهم على انه انه مسلم روحي
يحجي ودموعي تجري كال همس
بقينا محبوسين شهر هناك لان المنطقه حيل ملغمه ويحتاج وكت حتى تنضف من غير الخلايا الخاتلين ومحد يعرف بيهم قناصه خفت على ابوي
صدرك ليش هيج
بويه من النفجار ترابه كومه شهكت
الحمد لله ربي الحمددد لله
يستتاهل الحمد اول مرديت خابرت اخوي وامي والنوب خابرتج---------
يتبع بالليل اخر. بارت
