دااطلع من المشفى وعمو كدامي. واني اعدل بالجنطه صار كبالي ابوذيبه نصيت راسي اجه سلم على عمي وتشكره واحنا طلعنا بقه يباوعلي يبتسم كاتف ايده كمت كليجيا التفت عليه لحد ماحسيت على روحي مشيت عدل بعد منداريت رجعت للبيت بين الندم والراحه وينه وعدج انج راح تنسي ومتفكرين بي اهانج هو اللو لبسي تمدزت خابر حوده
هالج
ها دكتور فديت الطب كله
ههههههه مزاج عااال
ليش مكتلي يا خبيث
والله الصبح طب تفاجات بي وراسن جينا ورهرالجامعه لعمج ولج مادري بي هنايا شغله
اي هو هنا
بس شون حباب حبيته هو وكرعيته
تغار منه جيف عيونه زرك
ههههه وينها ذيج
هياني عيني دااسمعكم
ها ههههه مكانج خالي اليوم
شومت نتلاكه لعد
الاحد لان باجر ماداوم كبل للمستشفى مال عمج
ها
اي عالاحد اجيكم لجامعتكم مو تتريكون دوني
صار تدللي
شو انت اليوم حباب
والله كلش فرحان لان تسهلت هواي امور مامتوقعها تصير بس سبحان الله صبحت بوجه الحجي الحرس ابو القسم الداخلي بالله كم مره اصبح بوجهه يومي كله موفق يصير
ها خطيه
اللو
هاا
يله اقري وانتي ساره هم اقرو
ندري يابه دتحسسني انك ابويه
لا انه اخوج نسيتي
بقيت ساكته لبسماره راح وسديته بقيت صافنه وجع كلبي بحجيه الاحد يبين كلشي راح اقره عيونه اشوف شون حتكون رده فعله من يشوف زمن
اليسار- الايام تمضي واني اروح واجي وي عمي للمستشفى كمت اهتم بروحي تكثر والبس استر واحلى اختار الالوان التخليني ابرز عيون المستشفى كلها عليه. صارت. وابو ذيبه يحمس انقطه بيننا لغه الكلام وحتى لغه العيون صارت نادره محمود ميكدر يصنف كدام عمي يكتفي بابتسامه لو يحول عينه واني اضحك تعلمت من ابو ذيبه هواي اكثر من ما تعلمت من عمي يمكن لان طالب مثلي او يمكن لانه قريب لكلبي على كوله محمود اجه كرايب كلبج. الكادر الطبي الطلابي صارت بيننا ميانه واني مااجاوب اكتفي بابتسامه من يصنفون وابو ذيبه ميحجي شي بس عصبي
يوم يومين والثالث كل يوم ندخل عمليه وحده تفوقت على اقراني هواي وكمت اعشق دراستي ومهنتي لان العملي يسهل هواي امور بالذات الفسلجه والنفسيه العملي الكمت اخذه بالجامعه صار عليه مي امتحاناتي كلها مبدعه و الدكاتره تخبلو عليه تميزت هواي جان العلاقه بيني وبين ابو ذيبه هالفتره عمليه بحت بس من تكمل العمليه يباوعلي يبتسم يكول
الحمد لله
تعلمت اكولها وياه تعلمت اوكف ممتاثر بيه ولا بعطره بس تبقى رجفه جفنه من امسح العرك عن جبينه وراها يباوع بعيني مااكدر اسيطر عليها عمي جان بس يراقب ميمد ايده رغم قبل كل عمليه ندرس حاله المريض ونوع عمليته صارت العمليات سهله عليه بس عمليات اللي تجري بالجمله العصبيه ميدخلني عمي يكول الا الدماغ
عمو بس مراقبه
لا بابا لا استري عليه
واليوم اول مره ادخل عمليه فتح قلب عمي دكتور جراحه عامه والواوي هم تخصصه كان هيج الوحيد من دفعته كان جراحه عامه البقيه باطنيه وبيهم قلبيه جنت كلش متحمسه للعمليه رغم كانت صعبه اليوم اني اصلا مراح اشارك وياهم لا سكر شفط الدم ولا اي شي مجرد اراقب لان خطره عمو ودكتور سعدون كانو من الكادر الطبي والواي اخذ موافقه ودخل وياهم معاون فقط دكت ساعه الصفر
جنت لاول مره ادوام مستشفى من وكت لان ماعدي محاضره لل11يله محاضرتي رحت من الصبح صار بوجهي ابو ذيبه مشه ويايه محجه شي ولاباوعلي اباوع كويه قميصه عدددله طبيت للمصعد. وطب ويايه وانسدت الباب رجع تخربط تفسي وتسارع الارتباك ببقيتنا وحدنا بفد مكان ماسيطر عليه كمت اقبض بيدي وافتحها متوتره كال
وهو ميلتفت ناحيتي ولا يباوعلي
تدخلين عمليه القلب مفتوح اليوم
ها ااي
ممم طوج موافقه
مجرد مشاهده من بعيد
همم
باوعتله مباوعلي رمش رافع راسه بلع ريك نزلت وصعدت تفاحه ادم غمض عينه وجر نفس درت وجهي عننه وكفت عدل انفتح باب المصعد وطلعنا توجهت لغرفه عمو مموجود رحت لغرفه الاطباء جانوديشوفون الاشعات القلبيه وكفت شوي ودخل ابو ذيبه كال
السلام عليكم
عليكم السلام دكتورنا البطل يله تعال اشرحلي الديصير خل اشوفك جاهز لو لا
صار دمتور
بقيت اباوع عليه بده يشرح الانطسداد الصاير والترهل بالعضله ياشر ويشرح من غير ميباوع عالاطباء شرحه كله بالانكليزي او والفرنسي اني افتهمت وعمو جان يهز راسه مبتسم التفت على دمتور سعدون كله
مو كتلك هذا حيكون دكتور زهير الناصري بنسخه مصغره رد دكتور سعدون
الله يرحمه خسرناه والله يله ابني جهز روحك باوعلي الدكتور
ها اليسارجاهزه
اي دمتور
اليوم بس نضري انتي
اي نعم اعرف
يله توكلو بالله طلعت راسن لغرفه عمي لبست الكوانتي وتجهزت داالبس الكمامه صار بوجهي ابو ذيبه لبسها باوعلي اعدل بيها نصيت شفته التفت باوع عالورانه والكدامنا تقرب جر نفس باوع بعيني ابتعدت شبي هذا
عدل الكمامه بدنبوس الحجاب جمدت بقه يباوع بعيني بطرف عينه همست شبيك تباوع معاجبك
مو معاجبني بس جاي اخذ قوه من عيونج
كلمتين وعافني وتقدم رجليه رخت وريحته دمرت دماغي وكفت شوي استعيد وعيي وتفكيري وتقدمت لكيت ابو البنج توه طلع باوعلي كال
دكتور ممنوع دخولج
بقيت صافنه جاوب ابو ذيبه
عدها دعم من عمها امشي مالج خص بي
طبيت بثكل وكفت بالزويه وطب عمو ودمتور سعدون والواوي وممرضه اني واكفه مو بطريقهم بس كدامي الشاشه داباوع بيدي شاش تعلمت اشيله ضهر الواوي عليه وبدت العمليه تفاجئت من عمي طلب قاطعه غضاريف وفكو عضم القص حسيت بدوخه والواوي هم بين علي التاثير والارتباك وكفت قريب عليه بس ماعيق حركته وبلشت العمليه دمتور ناضم يسحلجب الدم عالسكر بسرعه خفيفه حتى ميتوقف القلب وعمو يفتح انسداد الشرايين بقسطره والواوي يعالج الترهل الصاير بالصمام التاجي اباوع لايده احس رجفت وصوت منضم دقات القلب دمرني كلسا اباوعله اشتغل الواوي باتقان رغم الرجفه البيده وعمو كلسا يدعمه
كمل ابني لتتردد انت سبع
صار دكتور اباوع العرك بده ينزل الممرضه مسحته واني بس واكفه اباوع كال
اليسار
نعم ددكتور حسيته احتاجني
تعاي منايا وانطيني مجال عذرا كال للممرضه وكفت بصفه واباوع لايده هدات وبقه يشتغل بمهاره ويحجي
هذازالتاجي نكصه ونقدمه في شبيل الترهل يروح الترهل يسبب بطا بعمليه تدفق الدم وهالشي يسوي خدر بالاطراف وتخثر بالدم يودي الى الجلطه وبالتالي توقف القلب لان يصير ثكل عالشريان ينزل ويركد الدم يحجي واباوع لايده مسحت العرك باوع بعيني كال
ابقي يمي همس
اوك هياني ماروح ابتسمت كلبي طار ركزت على كلمه كالها لدرجه حسيت روحي اكدر ادخل عمليه وحدي واعرف شسوي عمي كمل قسطرته وانفتحت الشرايين وبعد التجلط منها والواوي كمل الديسوي وضربه ليزر ورجعو عضم القص ابتعد الواوي بقيت وحدي باوعت لعمو ابتسم كال
يله دكتورتنا خيطي
اباوع عالواوي واخذت منه الابره بقه يراقبني واني بسرعه واتقان تعلمتها منه خيطت بخياط ناعم تجميلي مثل ماعلمني هو وعمو حتى ميبين كملت احس روحي تقلصت كل اعصابي رجعت ليوره باوعلي الواوي مبتسم وكلنا سوه الحمد لله باوعت لعمي يباوعنا بحيره كال عاشت ايدكم العمليه كملت وناجحه ولله الحمد الضغط ودقات القلب مستقره طول فتره العمليه تفضلو ارتاحو
طلعت جنت مثل الفراشه طلعت من صاله العمليات وعمي كدامي تلكاه ابن المريض
دكتور طمني
الحمد لله العمليه نجحت ابوك بطل
عاشت اديكم دكتور البركه بيكم
حمد الله عسلامته كال الواوي لابنه بقينا نمشي سوه ووخرنا الكمامه سوه باوعتله اضحك باوعلي وضحك بينت سنونه يباوع بعيني التفت عمي ولمحني عكد حاجبه كال
يله اللو ب 10ونص هم يله تلحكين على امتحان النضري روحي لجامعتج
اي عمو مشيت سريع ورحت لغرفه عمو اني مااكدر اقسي عليه مستحيل نسيت كل السواه بيه خجلت من عمي لان حس اكو بيننا نضرات ولان ابو ذيبه ابد ميبتسم وشافه يضحك ويايه عرف اكو شي ذبيت الغراض وعقمت ادوات عمي وطفرت للجامعه طبيت النضري اديته بكل سهوله جانت اغلب الاسئله النضريه عن التشريح اللي صار عليه مثل شربه المي كملت وطلعت وي زوزو ورجعنا للبيت بيومها بقت يمي كيفت باليل لعبنا وي الجهال ودك محمود رفضته دك مره لخ رفضته دزلي
جلبه مو بيدج
ضحكت حست بيه داحاجي كالت تره ميهزني بشعره اخذي راحتج حاحي اذا تردين
لا زوزو هاهي باوعت بعينها شبيج
تصدكين مشتاقتله
شفتهمتي منه
مفتهمت شي ميبرر جماله يهدد
عوفي
صار شهرين اللو
ميخالف حبيبتي اصبري نشوف وين توصل وياه
يوميه يدك يتعارك ويرزل ارجعي وارجعي ويهدد
ميخالف عمري هسه تجيج الدراسه وتلتهين
الله يسهل يله اجه توفي حروح
يله اوك بباي
هلو كلبي راحت زيزو وباجر عطله مراح اشوفه يعني شون مصيبه تعلمت عليه بعد اربع ايام تخلص دورته بالمستشفى ومحمود خلص قبله ارتاحيت بهاليومين مرحت وي عمو كالي يله ارتاحي وفعلا كضيتها نوم مرتاحه من اتذمر كلمه
ابقي يمي روحي تطير شوكتريفتح الحضر ويراسلني رجع هاجز وخوف انه يتركني بعد ميكمل هالسنه خفت مجامر بالنريت بي قبل لازم ابتعد عنه. الملم جروحي وانهزم مرت العطله بسع بين زيد ومنار وكرار وساره محمود مكطعنا علاقتنا بي سالته عن الواوي وين يبات كال مااعرف. سالته وكال عد كرايبي كال
الاحد عليها
اي انشاء الله باجربليل انزل بغداد انه وعباس
خوش
ساره- شحتريكنا دمتور
ام بطن جا غير انه خطاركم
انت كلت اعزمكم
يابا قصدي اعزمكم تتفرجون علي شون اكل
هههههههه تدلل شتريد احضرلك ريوك
هالقاسمه الله خبز وخضره من اديج يامحلاه
ساره- سكتت رجف كلبي رجع كمل كال
اهم شي اللمه الحلوه
اليسار- وعباس يجي يتريك ويانا
لا يابا هو كال انه امر من اكمل معاملتي بالجامعه يعني تقريب ال11
خوش يعني مخلصين ريوم
ام بله. يله هساع شحتريكونا الاحد
ساره- حسوي عرايس جبن
وهاي شني بله تردين تعرسين بيهن علي
ههههه لا حوده هاي خبز محشه جبن وزيتون
هاي هيه يابه شتجيبون نعم الله
خوش هههه
ديله انه رايح اجاني مريض
يا الله رزق رزق
وج اسكتي اللو اخربج ضحك طلع مو مريض طلع ابو المي
ههههه
باعي باعي البارحه جتي مره صار فتره تترددعلي مريضه كل يومين مارتلي تكول تزور وتاخذ مراد
ههههخوش
اي النوب طبت انه امي معلكه دعاء عالحايط مالترزق
اي
تدري ن المره شساوت
شسوت
كومي وشكيي تكلي حرام عليك مرضت كل الوادم بدعائك هاذ
كتله ليش حجيه
كالت يمه انت دختور تعلك مالت الرزق رزقك عالمرضه يعني جاي تدعي علينا نتمرض انه وكعت من الضحك يابويه كلما اتذمر
هههههههههههه صدك حجيها
هههههه خرب ببليسك حوده
يله يابه رايح انه هالاحد ها اخاف الباجر ماحاجيكم احتمال اروحن لنسيبي ابات عده حتى اطلع وي عبس
ماشي
ديله فيماللا ساره
هلو محمود هله بيك
اليسار- سديته منهم دمت زوزو راسن
ها كبد
خابرني
اي شفتهمتي
اليسار راح احجي وخلي روحج بمكاني شنو تسوين
اوك
خابر كال
زمن- دك تلفوني بليل شفته هو تركته بس تهديد ولغوه فارغ لعب روحي رجع دك رديت
يابه شتريد كلتها بهدوء بقه ساكت جر نفس
الو
زمن رجعي حجاها بهدوء مخنوك
ليش داارجع حتى اخابرك وتطلع نايم بحضنها
بقه ساكت
همام اني ماريد اذلك لو اخليك تتوسل تره اني بعد وصلت حدي انت تزوجتها شرايدمني بعد،
طلكتها
شنو كعدت عدل ليش لتكول علمودي وهالسوالف
جر نفس وكال
مراح تفتهمين
ليش هلكد غبيه ولو ماريد افهم يله اريد انام
زمن بت خالتي تطلبني 30مليون من قبل مشروع دخلت بي من طردني ابويه بوكت العلاقه وياها وفشل
بقيت ساكته كال
ومكدرت اوفي الها والبنيه مطالبت بيها لان عرفت ماعدي
محجيت شي بس صوته جان مخنوك كلش خنكني بقيت اسمع كال
تالي انفصلنا وتزوجت رائد بالجيش تعرفين انتي
مجاوبت
وهالرائد يوميه مطلكها ومرجعها وصار مرتين يطلكها بالثلاثه وهالمره ميصير ترجعله الا تتزوج غيره وخابرتني
بقيت فاكه حلكي كال
ماريد اوكع من عينج
كلت بداخلي غير انسحلت بالكع مو بس وكعت بس محجيت كال
خابرت كالت تزوجني وطلكني وره سبوع حتى يرجع زوجي يتزوجني والفلوس البيننا توكع واخوك يطلبني 15 مليون والباقي واكع بهالزواجه كعدت امي تحجي ويايه كالت اخاف من ابوك كتلها محد يدري فتره سبوع وتخلص كل القضيه
- لعبت نفسي كلش منه اريد اسده واخلص احس بطني وجعها صار كلش قوي كال
وتزوجتها مااكولج مردت اقترب منها ولا عاجبتني ردت احس نفس احساس قبل الحنت احسه وياها لولا
يعني شنو بقه سامت كال
زمن اني بباب بيتكم فتحي الباب اتفاهم وياج
مااكدر
الله يخليج اخوج وابوج نايمين
اي
لخاطر الطفل البيننا فتحي الباب بس احاجيج
همام اخاف منك
زمن اني همام تخافين مني والله ضربتج لان فقدت حسيت بروحي راح اخسرج واريد ابقيج باي طريقه
اي بس هاهي بعد
ترضين عليه ابات بباب بيتكم بهل البرد
بقيت صافنه
افتحيها الله يخليج خل نتفاهم اني بعدني زوجج وابن عمج
اوك
حتفتحين الباب
اي دقيقه كمت اوكف دخت لزمت البوفيه شي بداخلي متفتفت كلبي احسه معصور احد ضاغط عليه باوعت روحي بالمرايه صايره عوده جلد وعضم وجوه عيني اسود عدلت شعري خليت طبيعي شداسوي مااعرف لبست حجاب وي دشداشتي الصماكي القديفه المحدده عالجسم طلعت وصلت للباب وكفت اخاف افتحها اخذل اهلي واخذل روحي سمعت همسته من ورهرالباب
فكيها زمن
همام روح عليك الله اختنكت بعبرتي كال
بس نتفاهم واطلع وداعت اللي ببطنج طكيت الزلج وفتحتها دفعها على كيفه منصي راسه رفعه شوي باوعلي ورجع نصه اباوعله لحيته تارسه وجهه ووجهه اصفر رجعت خطوه ليوره تقدم طب وسد الباب باوعلي وجر نفس باوع على باب الطرمه الداخلي كال
نايمين اهلج
اممم هزيت راسي ونصيت لزمني من زندي كال امشي ريحته سطرتني اريد انام بحضنه واتمن مثل قبل بس وين اامن بعد باوعلي كال
ليش هيج ضعفانه تعاقبيني بنفسج
مرديت علي بقيت امشي وصلت للغرفه مالتي طبيت طب ورايه. وقفل الباب التفت باوعلي جر نفس كال
بس باعيلي وجهج اشوفه
رفعت راسي تقرب رفعه بايده دمعت عينه كال
ليش هلكد تعبانه زمن اني واحد كلب ابن كلب مااستاهل حتى فرصه ثانيه منج لج دمعه لتذبين عليه
بقيت صافنه عليه عاكده حاحبي صار نضره عالجرح مال راسي عظ شفته وتقرب باسه بهدوء نزل حجابي من على راسي تقرب يريد يحضنني واني راخيه اعصابي بس ابتعدت منصيه تنهد بتعب كال
تعاي كعدي
كعدت وكعد بالكع كدامي كمل حجي كال
وخلص الاسبوع وطلكتها
بقيت اباوع بعينه يباوعلي وينصي راسه ويرجع يباوعلي وينصي كال احجي لتسكتين
همام شون كدرت تنام بحضني وانت دتخونني بس كلي
اني مخنتج تزوجت
اي خلص لعد طريقنا مسدود كلمن لطريقه
يابه طلكتها شبيج انتي
يعني تريد تفهمني انت ممقترب منها باوع بعيني ونصه راسه
اقتربت وتونست مو وتذكرت ايامك وياها وحبك بعد ليش جاي حجيت من بين سنوني اضغط على روحي ماريداصيح
زمن بس اني هياني يمج
زوجها شون قبل عالزواج همس ونصه
كالتله ميقترب مني
فكيت حلكي وانت كذبت عليه نصه راسه يعني نمت وياها همام هز راسه اي بدون صوت منصي عينه لعد ليش جاييني شتريد
محسيت الحسيته وياج والله
ههههه اوك اني هم اجرب واشوف هم احس مثلك لو لا
انجبي وسدي حلكج
نتر وعيونه صارت نار بقيت ابتسم هزيت راسي بله صوت
همام مااكدر ارجعلك بعد
زمن والله ماريد غيرج
همام روح
ماريد ااذيج زمن
شتاذي مني همام انت واحد خاين مو بس الي لزوجها هم خنته لك شون كدرت خطيه بقه سامت كال غرتني واني فقدت مسيطرت على روحي
اني كال هيج بجيت وضميت وجهي تقرب نام بحضني بجه لبجايه
اسكتي الله يخليج دااتعذب والله
دفعته قوي من حضني رجع ذب روحه على رجلي رجعت دفعته كمت اضرب بضهره واردداكرهك اكرهك فقدت حضنني قوي وبجى بقسوه يشهك همام بعمره ماتاثر باحد من شفته ديبجي جمدت. ضل يبجي همست
كافي عيب انت. رجال
تدمرت من دونج ابويه صالحني واني منصالح روحي غرفتنا كلما اطبلها اختنك ادور عليج بين الهدوم زمن رجعي والله مامررها
اباوعله عيونه حمر دم ووجهه تخربط من البحي وكفت كتله روح هسه بعدين نحجي
ماروح انتي مرتي واذا طلعت اخوج ميخليج ترجعين امشي ويايه ماريدااذيج واجبرج على شي
ماروح وياك عوفني خل ارتاح
مااكدر اعوفج اخذج ويايه اخذج
مستحيل فتحت باب غرفتي كتله اطلع همام ليكعدون
مااطلع شتردين كعديهم
همام رووح خرب حضي
داكولج ماروح وهاي كعدتلج يبه لمي هدومج
استغفر الللله بقيت واكفه بالباب وفاتحتها تمدداحذ تلفوني يكلب بي بقيت اباوعله كال
مطوله وكفتج كالها ببرودخاف موزين عليج الوكفه هواي انتي حامل
كوم روح ماما هسه تكعد تصلي حباب
ماروح. رجلج مو غريب وابن عمج هم
حسيت بدوخه لان من الصبح عالريوك لزمت الحايط تزحلكت ايدي ومحسيت بشي بعد سمعت صدى صوته
زمن زززمن باعيني لتسدين عينج زمننن خرب ابوج لج زززمن
يهز بيه بقوه واني مااكدر احجي بس واعيه صوته عله وحسيت صوت مصطفى وابويه يصيحون شجابك انت وكعدوني بالكوه بالمطبخ ومصطفى يرادد وي همام يكوله شجابك اطلع لا احركك وهمام يرادد ماطلع الا مرتي ويايه حسيت بابا بوجهي يبتسم شربني مي وشكر هبط السمر الضاهر من قاسو لكو هابط حسيت تحسنت وكفت باوعلي مصطفى
زمن ترجعين وياه
بقيت واكفه هزيت راسي لا
دفعه مصطفى لهمام للطرمه بابا بس صافن عليه يباوعله بعتب بعيونه يكول مااكدر ادافع عنك همام كمز على مصطفى يكوله مااطلع اذا مااخذها ويايه دفعه مصطفى يكوله لتصيح احنا ناس مستورين مو مثل بيت خالتك امشي اطلع بره جره من زيكه وتشكك القميص باوعلي همام حسيت بابا خله ايده على كتفي يطببني مااسمع الا وهمام ضرب مصطفى واشتغل الغلط ومصطفى يضربه تدمو كمت اصيح وابجي عوفففه عوووفخ مااعرف ادفع بمنو ادفع بمصطفى وهمام ثنينهم عزاز اصيح وابحي وامي تدفع بابا يموله
ابني روح بعدين نتفاهم
والقران مااطلع اذا مو ويايه زمن حسيت الدنيا افترت بيه قوي وشي حار نزل مني ضلمت الدنيا وبردت راسن ووكعت حسيت بس بطبه راسي على محجر الحديقه حسيت بوجع وراها فقدت حسيت بالمستشفى عمي واكف يمي وبابا مصطفى وجهه مزورك وماما لازمه ايدي باوعت لماما كالت
حمد الله عسلامتج يمه
وين همام باوعت لعمي ابتسم ودار وكهه جر حسره كال تعال يابه تعال
طب همام وكف بباب الغرفه ورجع طلع جانت عيونه مليانه دمع باوعت لمصطفى منصي راسه وبابا كاعد بلعت ريك ريكي يابس ماما عطشانه
اي يمه شربتني مي وطبت الدمتوره كال
شونج ماما شدتحسين
بقيت صافنه ماعرف شنو الصار جاوبت بطني توجعني كلش لزمت بطني باوعت الدمتوره لماما كالت
بلغتوها لو بعد
لا والله بعد كالت ماما باوعتلهم عاكده حاحبي شكو كالت ماما
يمه صار عدج اسقاط هو جان ضعيف همزين راح الله يعوضج ولا يجي منتعافي بس كملت حجي نزلت دموعي بجيت تقرب من مصطفى حضنني
لتبجين حبيبتي الله يعوض هذا ينتضرج بباب الجنه عمي تلمس شعري وطلع من الغرفه وبابا لحكه باوعت لماما
عفيه اريد اروح
