اليسار- شنو ذنبي اني وليش ميهتم يسمع مني ادزله رسايل ميشوفها حتى ماكو استلام هيج سهله عليه مر اسبوع ثاني بديت اتعب ببعده وبديت اكره روحي لان متعلقه بي كلش ليش هو كادر على بعدي واني لا هاي سبوعين مشتاقيت صدك يحبني لو جذب شو كمت ماصدك وبليله من الليالي اللي كمت احس بيها ببرود تجاهه فجاه دزيت رساله
شكلنا استعجلنا كلها ثواني ورجع
شني
لمعت عيني وكلبي رجف كعدت عدل رجع ينكتب جاري الكتابه كتب
احجي الكلتي وفسري
مكدرت اكتب شي لكيت روحي احسه مايحتاج تفسير وميستاهل كتب
وينج يابا
مرديت
دز
اليسار دك تلفوني مرديت عليه كتب
دامج ماتردين معناها بيج شي بويه انه هالفتره حيل مشغول وتقصدت ماحاجيج لانج قبلتي عليه الاهانه لازم تتعلمين وتفهمين انه الهديه استحاله ارضه بيها خاف لايكلون علي استغلهم انه ليهسه جلمه شفتنا ساعدناك بعمليه بت اختك كلت تصعد براسنا تدك بكلبي والله يدري لو ماغلاتج فلا ارجع واتقدملج
بقيت ساكته وجفني يرجف دز اخر شي
مشتاقلج حيل ويومي طووويل دونج ومابي معنى مكدرت ارد
ماناويه تردين لان ماحسيتي بيه خليج براحتج بويه مو انه التمشيني مره حتلو جانت امي بهيه تصبحين على خير ودير بالج على روحي الضلت يمج
راح وذبيت التلفون عالميز شنو دموع نار جانت مااعرف اطبك وياه لو وي اهلي بس لو شميكون ميعوفني هلكد يدري بيه اعيش بدونه مااكدر صارت عيني على صندوك الجهاز اللي اكثر من خمس مرات فتحته وكلبت بيه ونوبات امدر سيتات النوم الجايبيها اهله واتخيل روحي كدامه جنت اعرك لمجرد مااتخيل روحي بفد غرفه وياه اشيل هم بس من اتذكر حضنه انسى كلشي يضوجني دمعت عيني شكد جنت فرحانه ليش تهجرني وتخرب فرحتي غفيت وكعدت الصبح داومت ورجعت للبيت مالي واهس اروح للمستشفى خابرت ماما
الو
ها حبيبتي
هاماما
اكولج ماما كملت الحهاز طلعت وي ببيتج اشتريتله كلشي للولد بقه بس قياس البناطير لان هو الله يحفضه جتفه عريض اخذ البلوزات اكس لارج بقت البناطير
جربت نفس مااعرف ماما
زين خابري ساره وسالي رجلها خوش
ها اوك ماما سديته خابرت ساره جان حوده بصفها بالعياده سالته كالها جننا اني اشتري قياس هيج وهو هيج وبقه على قياسه لان قاط المهر الشتراه طلعت وياه نفس القياس اوك سديته وكتلها لماما كالت تماما زين يمه شوكت نودي
ليش لازم نودي خو ندزه بيد مصطفى
لا ماما شون يصير مثل ماجابو نودي
ها مااعرف
معليج باعي شوفي مصطفى شوكت يمر بلكن نروح وياه
ماشي سديته خابرت عزيزه كالت
الباجر نروح لاهلي لان هلي دازين على مصطفى يصلح المكينه
بقيت صافنه باجر خميس اوف عدي يعني اروح وياهم كتلها
زين عادي يوصلنا مصطفى بكروه وياكم
ياب نشيلكم على راسنا
حبيبتي فدوه لكلبج متقصرين بس احسن لان ماما تتحسس
جا خوش هسا اكله
عاشت ايدج عزيزه بس عفيه لتكوليله اني راح اجي او اي احد يدري
تدللي مااحول
شكرا عزيزه تعبتج يله في امان الله
هله بيج مرت خال
سديته وتمددت كمت باوعت على هدومي شلبس اذا رحت طلعت ثوب وردي فاتح وحجاب وردي واسود مشخط. وحذاءي الاسود والجنطه نزلت جوه خاله دتسوي شكر لمه كالت
هاي اليوم مرايحه مستشفى ابتسمت
دتسوين خاله
داسوي شكرلمه يله تتعلمين حتى تسويها بيت عيالج ضحكت عجبتني الفكره كالت كلش سهله شلهت ايدي بقت مصدومه يمكن مصدكت راح اساعدها وراست طلعت الغراض وكالت سوي هيج وسوي هيج واني ايدي وياها شتكول اسوي كملتها وشكلتها جنت كلش فرحانه كالت
بالنهايه الاكل عالنفسيه وانتي نفسيتج طيبه والله ينطيج على كد نيتج ماماتي
شكرا خاله شكد ارتاحين من سويت شي جديد انترست الصينيه واروح واجي اشوف صار لو لا اكلت من مال خاله تخبل صارت اتخيل ابو ذيبه ياكل ويعجبه يمه كلبي رجعت حنيت ونسيت كل الكلته البارحه خلصت صينيتي وخاله بالغت بفعلها من شهكت صلوات تخبل صارت كتلها همس يمكن باجر نروح نودي الحهاز كالت
لعد نجيب عليه مرتبه كزاز ونغلفها بنايلون وضميها بالثلاجه واخذيها باجر خبلي عيالج بيه تلف بيها واني مجتفه ايدي مبتسمه ضمتها وتباوع بعيني كالت كلمتين وراحت خلتني بحيرتي كالت
المره كلما تثكل على رجلها هو عقله يستخف وكلما تخف هو عقله يثكل اشرت على راسي كالت
خليها ببالج حبيبتي
بقيت صافنه شنو هيج مبين عليه حبه هيج مفضوحه هيج خفيفه وذابه روحي عليه بقيت صافنه شنو هالتحويل من ولد لانثى متكدر تعيش بلياه غمضت عيني بله اني هم محسوبه عالنسوان طفيليه اني ومادري بروحي الله شكبره فوكايه وويايه ومااكدر اعيش بدونه اني هم مره اني
لا والله اني بقايا مراه لان متطفله عليه صفنت على روحي هيج وحده صارت من اللاشي صلاتي اجتني برساله التزامي وحجابي ودراستي ليش اني شامره روحي عليه وحتخبل وهو عادي خو اني هم محد مات وره احد جريت نفس وكمت صعدت خابرت ماما كالت لعد نروح وياهم كملت كل جهازه حتى السجاده مال الصلاه كالت امشي انتي ويايه وافقت بس ردت ابينله اني قويه ومميته عليه وردت اشوف بيته اجه بابا بليل كتله حروح كال هاهي براحتج الحجايه الكالتها خاله صحتتني ونبهتني لروحي هواي غيرت مني بضرف ساعات لكيت روحي عالسجاده مكمله صلاه واففكر شسوي باجر وكانما اطلب دعم من الشي الوحيد اللي ميذلني من اطلب دعم منه ومتاكده مراح يخذلني كملت وكمت نمت دز رساله ب12
نايمه
مرديت عفته والله لا اخليك تشوف وحده ثانيه
رجع رسل
زعلانه فوك السويتي
مرديت خليته صامت وغفيت حسيت الفجر على دكه عزيزه
الو
هله مرت خال عذريني وعيتج
لا حبيبتي
ياله يكول مصطفى نص ساعه وامرلج
اوك كمت خابرت ماما اخذت تكسي وجابت الغراض وجتي بدلت وتريكت خاله فضه فوتت ماما للصاله وماما بقت منصيه راسها طب بابا سلم وطلع من الصاله طبيت وراه واللفه بيدي وخاله تلف الشكر لمه باوعت لماما عاديه تباوعلي حمدت الله وشكرته لان محتاجتها ماريد ااذيها على حساب مصلحتي وان كانت غلطانه اجه توفي وطلعنا سلمت وكعدت ابتسم وباوع لماما
شونج حجيه
هله يمه امك شونها
زينه الحمد لله
وطلعنا وصلنا بعد ساعتين جانت ساعه بالتسعه ونص باوعتلي ماما كالت بقلق
خاف نايمين خربت ضحك عزيزه اندارت كالت خاله هلي هسه عدهم ضهريه ضحك مصطفى ىنزلنا من السياره جنت امشي مرتبكه لبست عبايتهم لان مردت نقطه عليه العبايه وي الشال الوردي وعيوني صدك طلعت حلوه مشيت وره توفي لبستان جبير وخطيه شال الجنطه مال جهازه هو بقينا نمشي والاشجار تخبل نازله والريحه مال قداح. تخبل والجو لكينا ناس يتريكون جوه ضل الشجر من طبينا كلهم وكفو تلكو مصطفو عبالك يعرفو وهو ركض عليهم يبوس بيهم وجوي على عزيزه واحد منهم شالها ويضحك وهي هم تضحك بقيت واكفه بس اتبسم باوعولنا كالو هله بالخطار جاوبهم توفي لك ياخطار هاي مرت عمك
اخ مرت الواوي عدنا لج يووووم
اشرت لمصطفى عفيه ليكول
تعال يمعود لتحجي
ها زين يلهرتفضلو تفضلو كل الهله بيكم اندار على مصطفى
ابو نسب بس لا راح تضل عدنا هاي الحنطه شمخلي بيها
ولك ابقى بكيفي وارجع كيفي ها ي مو جنطتي جنطه العريس مال جهازه
هاااا ههه بيها الخير يوم الالي ويجيبولي جهاز
ضحكت لسوالفه وطبينا وراه لبيت جان بعده ممبيض وجبير نوعا ما الطرمه صايره طويله والحديقه جزء من البستان مفتوحه عليه بباب وسياج وصلنا لباب المطبخ فتحت امه للبو ذيبه الباب وتلف بالفوطه والوجه يضحك كالت
يا صلاه محمد اليوم انه ببجهمن صبحت وخطاري عزيز علي اليوم افر السلف واتباها بجنتي الدكتوره بت بغداد
تقربت بوستها
يمه رحت فدوه للعباه شلايكه عليج بوستها واباوع بداخل البيت معقوله موموجود تقدمت انصاف بوستني وكامت ركض لبتها تحضن بيها بقيت اباوع لداخل البيت المطبخ دافي حيل بحيث وجهي كمت احس تطلع منه حراره. بقيت واكفه وماما تسلم ذب مصطفى الجنطه واندار لعزيزه كال
عزوزه اني رايح للولد
اي روح اله وياك
بقيت واكفه كالت انصاف
حبيبه ليش واكفه هذا بيتج فوتي فوتي يابختك يواوي ابتسمت كعدت ماما كبال ام الواوي بالكاع ويمها ام الفتل عليها الحاي ريحته تخبل والخبز توه مخبوز جان كدامهم جبن عرب وكيمر عرب وبيض مسلوك وبصل وطماطا. وطرشي احمر كالت
كعدي يمه ويانا
والله خاله شبعانه
انه كايلتلج انه يمه بهيه
ههه والله نسيت باوعتلي انصاف كالت
ابو ذيبه بالحمام اليوم عده اجازه الضاهر جان يدري بيج جايه
لا والله مكتله
ههه جاي تفاحئي شحلاتكم
ابتسمت اليدري يدري والمايدري حفنه عدس على كوله جدو هناك اجه صوته صاح
يممممه
التفتت امه فازه كالت ها يمه اشرتلها لتكوليله هزت راسها كالت بلي يوم
يمه جيبي منشفه هاي طاحت وتنكست
اجيت يمه ذتني منشفه من البوفيه مصفطه ومحطويه بديلاب من الدواليب الحديد البسيطه كالت وديها له اني بعدني بعباتي اخذت المنشفه واني صافنه كالت
يله يوم وليدي راح يبرد
مشيت تجاه الصوت مال مي اباوع ممر بيه عرض مغسله صفح وكبالها بالضبط الحمام البناء الحوه يخبل نص الحيطان فرفوري والدرج اخر موديل والبيبان راقيه استغربت بعد ممكملين بناء فززني صوته
يمه يله بطيت على صالح مصطاف ماجاه
فاتح الباب شوي ويحجي مديت ايدي كال
جا ساعه تجيبيها يا ام صالح مرديت مد راسه كال
يووم
مرديت بقيت خاتله وره الحايط طلع بطرك الشورت ويفرك المنشفه براسه والبخار وراه منصي كال
حضريلي لكمه فدوه لكلبج
مجاوبت وكف ضهره عليه اباوع شون عرض بضهره وبي اثار تشكك قديمه التفت خله المنشفه على جتفه شافني واني لازمه جفوف ايدي الاثنين رفعت راسي باوعتله فك حلكه كال
اليسار !!
نصيت راسي من صدره بقه يباوع مصدم مبتسم عفته والتفتت وانهزمت لزمني راسن من ايدي كال
تعاي بويه جيتي ويه مصطاف دقيقه شجاج خلني اشوف عيونج عتيت ايدي وانهزمت كعدت يمهم كلبي يدك سريع دقايق وطلع بالدشداشه الجوزيه الشتويه واللفاف على ركبته والريحه تفحفح طب سلم وباس امي من راسها وبوس عزيزه وباوعلي جنت منداره على امه ببرود كاعد تحجي عن الناس هنا وبساطاجتهم وماما مكيفه طايره دتشرب الجاي وتاكل باوعلي كال
يمه سويلي لكمه داروح بطيت على اخوي
نصيت راسي مرفعت عيني امه مالت
يوم هاي صينيتك عالميز شال الصينيه جر نفس كال هاي شنو بالعلبه امه كالت
هاي اليسار مسويه شكر لمه وكالت جبتها حتى تضوكوها
عودك كملوها ولا تبقولي اوصيح
هههه لايمه وين ينطيني كلبي
ياله رايح انه ساعه وارد ولج عزو وينه مصطاف
خال تلكاه مجنايم جوه المكينه هههه
عمه بعينج ماتخجلين تحجي على رجلج الا اكوله
لالا خال اتشاقى وداعت علي
هههه باوعلي جنت منصيه وماابتسم ممخليه عيني بعينه ولاجن اريد اخلي عيني بعينه جر نفس وطلع سد الباب وراه ويباوعلي طلع وامه التفتت عليه كالت
صارله سبوعين مزين رجلج يمه مدري شبيج بس يزامخ ويتافاف وماياكل بقيت اباوع بعينها ببرود انصاف التفتت علي كالت بهمس
شني خو ماضايك خلككم باوعتلها هزيت راسي لا احس مالي قابليه احجي كملو اكل وتخبلو عالشكرلمهخاله كالت شيلي لزلمتج شلت بالماعون اله 6وضميتها بالديلاب والباقي خلص حبوها كلش امي بهيه اخذت امي وراحت للبساتين وي انصاف وضلت عزو يمي تسوي الاكل واتي يمها واكفه هناك بنيه صاحت بره
عزيزه تعاي اكلج اندارت عليه كالت تجين وياي
لالا امي بهيه كالت عينج عالتمن من يبوخ اطفي
ها جازين انه شوي وارد اشوفن بنات خالي ماتجين وياي
لا اريد ابقى هسه تجي ماما حتى نرجع
براحتج عافتني وراحت بقيت كاعده كبال ام الفتل شكد نضيف بيتهم ومرتب وحلو بناءه سمعت حجي رياجيل بره كعدت عدل جنت نازعه العبايه شوي وجتي انصاف كالت
يا شو ببحيدج مو راحو
زين انه هنايا اشوي السمج بتنور الطين ماتجين
لا والله بردانه ههه
يفدوه لليزعل شحلاته يصير
كالتها وطلعت. اكو حجي رياجيل بره شوي وسمعت صوته كال
هاذ هوو عوووفها لاتلح ماصدكت لكيتلك شغله شني وراها ضحك وطب للمطبخ فتح الباب اني نصيت راسي وكف ذب شحاطته جر نفس كال
وينهم لعد شو وحيدج عايفيج
تنهدت واني منصيه انصاف تشوي السمج ووعزو تسلم على صديقاتها وامي بهيه قاطعني كال
يحلو الجلمه شفاج بقيت سامته ماريد اباوعله كال
عليش ماطلعني وياهم
بردانه جتفت ايدي منصيه راسي لحد هاللحضه منباوعه بعينه احس اعاقبه بهالشي حسيته كعد قريب بصفي وتربع بالكع لميت رجلي ولزمتها بيدي كال
ماراح اكلج تريكت هههه
مجاوبته ولا ضحكت ولاحتى باوعتله كال
صدك وينه الشكرلمه كلوه مو
وكفت انسندت بالحايط ورحت للديلاب اجه ورايه طلعت الماعون طيتهيا كال
انتي ساويتي
هزيت راسي اي
شو باوعيلي
مباوعت
باوعيلي اكلج ليش العناد نترومباوعتله بقيت منصيه استغفر بعصبيه من بين سنونه تلفت عالباب مال مطبخ ورجع اتفتلي مثل الحاير شيسوي واني بارده
جرني من ايدي بقوه واخذني وراه يمشي سريع واني وراه صعدني درج ايدي كامت توجعني وكلبه يدك سريع من بضه حسيت واني اباوع عالدرج المرمره شكبرها والشباك اللي عالدرج شون حلوه البرده بيها والسندانه بيه جبيره والمتسلق ماشي على حايط الفوك بخضار يخبل بقيت امشي ويسحل بيها طببني باخر غرفه وسد الباب بقيت اتلفت وافرك بيدي غرفه جبيره اخشابها جديده ومرتبه بس مو نفس مال بيت اهلي بس بساطتها تخبل جانت دافيه حيل بيها صوبه وكومه كتب عالميز ومندر جديد ولحفان جديده وبيها رالجنطه مالتنا الجبناها اله عرفت هاي غرفتنا بقيت افر بعيني وكفت كدامي كال
شو باعيلي
اي ماريد همست بضجر
النوب انتي الزعلانه مهتميت لزمني من حنكي رفع وجهي بنتره باوعت بعينه عاكد حاجبه بغضب وخازرني راسن طكت الدمعه من شفت عينه تغيرت ملامحه بقه يباوع بعيني بحب . تنهد وجرني لحضنه قوي كمت اشهك مكدرت بعد
كافي بويه
مكدرت اسكت
جاي اكلج كافي شككتي كلبي
دفعته وقوه حضنته نتر خليج توني اجر نفس
ماريد وخر دفعته تركني كال
واحشتني حيل
باوعت بعينه مسحت دموعي همست كذاب ودرت وجهي كال
شني بله شكلتي ضيق عينه مصدوم.
انداريت عليه ميحتاج تجامل
شون يعني اجامل انه اجاملج تقصدين بمشاعري
اي انت لوصدك مثل متكول متكدر تعوفني 17يوم كمت احجي بنتره وهو عاكد حاحبه بغضب
تلفون مخابرت رساله مداز وارسل مترد متمول ماتت عاشت انفحار انشاء الله ياخذها ومادري بيها صاح
بسسسسس حدج
سكتت ونفسي يرجف اول مره اجاوبه تقرب كال
اولا انه مو زعطوط حتى انسى الاهاين وثانيا ماكاعد انه من شغله لشغله راسي ماحكيته
رساله وحده مصارلك مجال
ماكدرت انسى بساع عذريني انه مو مثل شباب بغداد عادي عده المذله وخليها ببالج انتي اذا تردين تكملين وياي فخلي يكون عدج علم انه لومتتتت ببعدج ماراح اتنازل اذا هنتي كرامتي
اني معليه همه وحدهم كالو
انه ماعرف
بقيت صافنه بوجهه عبالك ماعرفك وعبالك كل الحجي الكلته ردت اكوله جذب خجلت كتله. عبالك بس حجي بقه عاكد حاجبه
نتر
هذا انه يعجبج تكملين هله بيج مايعجبج اخذي غراضج وروحي ووياج الصك المنو بيه اهلج علي
احس حنجي يرجف خازرته ويباوعلي بغضب عاكد حاجبه صاحت امه
ابو ذيبه يوم
ها يمه فوك هنايا بكبتي يحجي ويباوعلي ارتجيت بالحايط بقى يباوعلي بغضب فتح الباب وبقاها مفتوحه طبت امه كالت تبتسم وتباوعلنا
يمه ماتجون للبستان كرابتنا واهلنا يردون يشوفون مريتك رفعت راسي هزيت راسي كال
شوفيها شتكول باوعتله ودرت وكهي لامه
اي يمه اجي كالت
حبيبه عجبتج الاخشاب والمندر هذا واللحفان والمخاد مابقى شي بس تنورين حوشنا
ابتسمتلها وتباوع لبوذيبه الجان يخزرني واني مدايره بال نزلت ونزلت وراها لزمني من ايدي قوي عتيتها من دون ماباوعله ونزلت وره امه نزل ورانا طلعنا بره وكومه نسوان يبوسون بيه ويحجون وهو راح باوعتله وي اخو صالح الرفع ايده مبتسم يسلم وخلاها على عكاله وراحو صارت لمه نسوان لقبل الضهر طبيت للحمام ببيتهم وي عزيزه غسلت وجهي بالخمام وعدلت شالي طلعت لكيته كاعد بالهول ويكلب بتلفونه من طلعت امشي اروح للمطبخ كال
وينه ماعون الشكرلمه شو ماكو
مو طلعته الك
ماكش وينو
التفتت عليه يباوعلي يدور بعيونه عن الماعون باوعته عالكاونتر جبته اله كال
استكان جاي ماكو وياه جريت نفس اباوع عالماعون اخذه من ايدي صبيتله جاي من على ام الفتل وخليته كدامه اباوع الماعون فارغ بقيت صافنه وين راحت السته كال
عاشت اديج حيل طيبه
هزيت راسي اي بدون ماباوعله وطلعت عفته ضعفي هو ضعفي الوحيد مو نقطه لا كله ضعف طلعت بالبستان وفرشو للغده. هناك وماما طايره وياهم صبو الاكل كومه وكعدنا نتغده الزلم راحو بيت خالهم ووتغذو بعد مشفته كملزالغده وماما تريد تروح واني هم بس مصطفى مكدر يرجع لان المكاين بعد مكامله بقينا كال الفجر طالعين بقيت صافنه شنو الداحسه وشنو احساسه ليش هلكد تغير وابتعد وموهامه حتى زعلي صارت خنكه بصدري وكلبي انقبض ليش هلكد موهامته وعايش مرتاح بس انتي الماكلتها كملنا اكل ونضفنا وياهم وبقينا نحجي للمغرب كلهم تعرفت عليهم وحبابات وبسيطات راحو وره صلاه المغرب وبعد مشفته بس اسمع صوت المكاين يشتغل ويطفى مثل الديجربها طلعت للبستان وي عزيزه وبقينا نمشي بالخضار والزرع ضلمه وضوه خفيف بعيد ببدايه باب البستان بلوجكتر كعدنا بالكع انداريت على عزيزه
شونج وي مصطفى شونه وياج
مصطفى خيل حنين بس عصبي وانه اخافن من ينكلب ويصرخ انهزم وهو يتخبل يركض وراي يكول لا تخافين وبساعتها يحضنني ويروح خوفي
هههه الله يخلي الج جنت ملتفته عليها احاجيها وشفته ديتجه ناحيتنا بهدوءحجيت ردت اسمعه
تدرين اكثر شي يقهر المره كون رجلها ممهتم بمشاعرها مصطفى حباب
اي لا خطيه يتخبل اذا زعلت ماينام بالليل يضل كلسا يتافاف مايمدر ينزل روحه ولابيه يتركني لحد كايطلع الصبح يجي يراضيني يله بروح على باب الله
خطيه صدك يحبج
اي يحبني واني بعد اموتن بي
طبعا حبيبتي اذا شفتي منه هيج اهتمام تكومين تموتين عليه ونفس الوكت لو شايفه منه اهمال تكومين شوي سوي تكرهي وتندمين انج حبيتي بيوم
وخالي وياج شونه
خالج ذهب وانتي اعرف بي
هزت راسها مبتسمه كالت
اهوه هواي حبج جان ساعات يسالني عنج ببكت المدارس شلابسه وشسوت وشحجت ياهو الحاجتها ياخذ ادق التفاصيل
بقيت ساكته سمعت نفسه واحم كال
بويه عزيزه رجلج يصيحج
ها. اي اي خال
كامت عزيزه واني درت وجهي عالسما كعد بصفي لميت ركبي لصدري ولميتها بيدي ماباوعله اسمع نفسه واحس بوجهه يباوع لوجهي واني ملتفته عالسما كال
جا مضيعه نجم سهيل الليله شني
نصيت راسي جتني الضحكه بس لزمت روحي مضحكت كال
بس باعيلي وخلص مارايد شي
التفتت بهدوء خليت عيني بعينه مشكلتي من اخليها بعينه اتذمر السواه والعشته وكلشي بيه يرجف وتدمع العيون بقه يباوع بعيني ذايب غمض همس
هلكد شايله بعينج قهر
سكتت نصيت
تقرب لناحيتي ابتعدت
بويه شجاج فهميني شلي قهر عينج وكلبج هلكد
باوعتله احس يحاف من عيني ويحبها جر نفس كال
احجيها
شون كدرت علمني نصه راسه ورجع رفعه تعبان اكثر منج انه بس تاذيت ضرب على صدره انه ابن عز وذلوني هلج شتردين مني
وينطيك كلبك تعوفني هلكد
بقه يباوع بعيني كال عاتبيني بعد وهدي بيه لخد راحتج ماتجي وتسامحيني بس لا تغركيني بفراتج
غمضت عيني لكلامه شكد مشتاقتله كال
يبعد اهلي انه مااهتم انه انه كلي بس يفكر بيج هسا هيج سوت وهيج كالت وهيج درست وهسا نامت وكونها تنطيني من غفوتها
رفعت راسي. تحبني سالته
جر نفس بحسره باوع عالسما وغمض ورجع باوعلي لزم وجهي بسرعه ارتبكت ابتعد جر وجهي وباسني لامس شقاقه بشفافي وبعدها. سحبها بهداوه لهنا ومحسيت شي بعد بس جسمه الديتقدم ويحضن بجسمي وهي دكه كلبه السريعه واني كلشي بيه خرب حتى النفس مااعرف اجره ابتعد يتنفس ويباوع بوجهي كوه فكيت عيني نضراته وشفافه المفتوحه وعيونهرالاكلت شفتي عاكد حاجب مستغرب الصار واني هم مستغربه شنو البيه عطل وكمت مااكدر اتحرك بقه سامت يباوع لوجهي وجرني قوي لصدره يعصر لجسمي ويتنفس كال
اسف ماتتكرر بعد
فكيت عيني وراسي على صدره
ماراح اهدج يوم بعد مالج ذنب انه اسف حملتج غلط هلج ولاتزر وازره وزر اخرى لا تشيلين بكلبج ولا يقل حبج انه بيج اتنفس اليسار الصبحيه من شفتج روحي ردت لضلوعي تدرين مرتين مريت لبغداد اشوفج من بعيد وارد لاهلي ردت اعاقبج عاقبت روحي يابا
بقيت اباوعله متفاحاه ابتعدت دفعته من صدره بقه يباوع بعيوني يلتمس السماح منيل راسه بتوسل كال
يكفي بعد كلنا مانعيدها يابا لا تذليني بسكوتج
هزيت راسي اوك ابتسم بقه يباوع لشفتي كال
شنو الصار بيننا يانص ديني
نصيت خجلانه
جا شنو حلقوم انه شسويت انه اكير غلط تقربتلج
ليش عكدت حاحبي
بويه طعمج راح يضل بيه واريد كل لحضه اجربه
ابتسمت لابتسامته كال
تعال الزمني وماانزللكم كل يوم للولايه
ضحكت بفرخ جرني حضنني مره لخ رفعت راسي باسني من خدي ونزل من الاثر لحنكي ورجع لشفتي ون ورجع عادها هالنره اهدا احس يتلذذ دفعته مااعرف ليش حسيت بالم بقه يباوعلي مستغرب
اباوع شفتي طلع منها دم عكد حاحبه كال
هاذ انه من وراي معقوله
اني محسيت بس الم قليل
بويه شتك شفافج من عزه بخلقتي نتر
لا لتكول هيج واله اخاف
يابويه انه ااذيج
متدري هسه قابل متقصد
كام يلوب ويمسح بيشماغه شفتي بهدوءومن اغمض قوي يقبض ايده جرني لحضنه كال خاف يشوفونها شكد فشله
لا راح اضمها بايدي
اي ضمينها حتى عن الواوي لان مايتحمل ترافتج. لزم ايدي وباسها قوي خلاها على ركبته ترجف ايده وغمض قوي باوع للسما
ربي رحمتك بويه شون راح اشتغل عمليات كون ماكاربلج ولا ضايق شفافج
نصيت ااسي باوعتله لتعوفني بعد
اكلها ميت صار 18يوم حدري تكربي
وين
تعاي وراي اشوفج بعينج مشيت وراه يسحل بيه وكف يم شجر نزل للكاع تك ركبه وخر الحشيش الليحوه كال هاج شوفي
نصيت اباوع مكتوب
اسمي حفر عالخشب. بصفها كتابه انكليزيه مغزاها ومعناها
نومه بكفن. ولا فراكك لحضه من الزمن اباوع الساعه ب3بالليل قبل يوم من جيتي
هاي شنو
هاي كلزايوم اضل سهران لحد ماجثتي تهمد فد نوب عودك ارد للحوش اناملي ساعتين واروحن للمستشفى وبعدها عياده وبعدها ليحاي اخذ بكان علاوي لانه متصوب كلهاي التعب وموكادر انامن لان ماسامع صوتج وساد الخط بوجهج ومزعلج وانتي تكلين لاتهدني بويه من هديتج هديت روحي
نتر ولزم طرف ركبه الدشداشه وشمرها ودار وجهه عني
ليش صاير عصبي
بويه لازم تتعلمين يبت بغداد انه مااتحمل اهانه
اوك
والفلوس لازم ترد لاهلها
اوك
جر نفس تقربت حضنته ابتسم حضنني قوي شيخلص الشهرين وعشرين يوم
شنو هاي،
وراها زواجنا وتجين صوبي بذاك الوكت مامو فراك اليسار شتكولين تكدرين تعيشين عيشتنا
اتمناها يوم يوم المشكله مو بالمكان المشكله بالاشخاص حاضني ويباوع بعيني ايتسم
واذا الا شخاص غركوج حنان
راح اعيش اسعد وحده
بويه شون بلسانج العذب انه صبرني ربييي صاح رفع راسه للسما كال
تره بطينا عليهم عيب يحجي مبتسم ويهز براسه بهدوء ويتلمس بخدي
اوك مشيت كال
اكفي
همم كطه ورده قداح وتقرب خلاها بدنبوس الحجاب وباسني من راسي بقه يباوعلي مبتسم جر نفس
من ترضين اشوف الدنيا جنه ومن تزعلين اكره الدنيا كلها
اني هم والله حضنته بسته من ركبته شهك دفعني يبتسم ويباوع بعيني كال ماتعرفين شجاي تسوين امشينا بويه
شكد طيبه ريحته مشينه بالبساتين وطبينا لبيتهم. نضحك من طبينا كلهم سكتو ابتسم اخو كال
يابا بت بغداد ردت الضحكه بوجهه
ضحكو كلهم نصيت راسي خجلانه وايدي على حلكي همزين راسن طبيت للغرفه مال امه وتمددت فارشه عزيزه جانت ونمت يم ماما التقربت حضنتني وتلمس بشعري كالت
اليسار
ها ماما
شبيها شفتج ماما
رفعت راسي ونصيت اضحك
ههههه تصالحتو
اممم
الله ليجيب الزعل اكولج شنو رايج ابيع بيت امي واخذها ونكعد هنا من تتزوحين
هااه
واله شعدي بعد هناك
غمضت عيني وخليت راسي بحضنها وغفيت براحه-------------
اسفه تاخرت
الحاولت توضحه مدام مريم انه بهالبارت انه مو داءئما تصرفات المقابل تبين داخله نوبات تشوفه ممهتم وهو محتركه عشيرته
هذا الفهمته من هالبارت
متابعه
