االيسار- عدت الايام بثكل مجان عدي رغبه حتى بالسفر لان اشعر بوجوده بقربي اكول اذا اسافر وين احس بي بعد والدي هوه هوه متغير لحد مافد يوم طب جدي علينا هو وعكازته اني ركضت عليه
جدو حبيبي
هله جدو شونج
حبيبي كلش زينه صرت من شفتك
ابوج وين
بابا توه جان بالحديقه
ها مشفته
مادري خل اشوفه فوك
زين كوليله يلحكني وي اخوته بالاستقبال مال بيتي
ها شكو جدو حتتزوج
لا يابه سالفه جبيره ادعيلنا ام وجه النوراني
اي حدو ميخالف جدو بس عفيه مقنعته لبابا عالسفر
اي جدو مديقبل انطي مجال وتقرب كرصني من خدي
جدو ميصير تحجين بهالموضوع وي ابوج عيب
اي جدو صح بسته من راسه جدو الىحيد الاحب اتقرب منه ومااخجل شال قلم من حيبه كال
هذا القلم للدكتوره. اليسار
شكرا حبيبي اووووف نيالها لبيبي عليك
ههههههاي يابخت الياخذج مننه ياروح جددج
راح جدو لبيتهم ورحت لبابا نزل بابا راسن وراح لبيت جدو شو على غفله صار مصايح وناس طلعو من يم جدو وعمامي يصيحون بقينا صافنين اني وساره وبنات عماتي وعمي كلهم شوي ورجعوا يتناقشون بصياح بابا كتجال
هي وينها اني مشايفها ابد رد عمي عليه كال
هو عمك الصغير احنه مشايفي جان عايش وي اهل امه بايران. والبنيه اخذها واحد كلب ابن كلب بغدادي. تالي شمرها
لاحول ولا قوه الا بالله
طب جدي مفور كال
البنيه متاجبات عدهم اليوم مدام طلعو فايرين ذوله راح يموتوها هسه ترحون تحيبوها رد عمي المحامي
يابه انت شتحجي بعدها مرته منطلكه
اي تروح تجيبها مااعرف تروحون تجيبوها البنيه ماالها احد واخويه مات
يابه هسه نروح بسيطه بس مااندل بيتهم بالضبط
العنوان موجود جابه ابو غايب ماشي وراهم بالرجعه روحو وي اخوكم ناجي بسيارته يله بسع صاح جدو
ايمان
نعم يابه
حضري الغرفه لبت عمج
اي يابه صار
بقيت اتصفن اول مره اسمع بابا عده عم شو الورث كله اله صار بعدها صفنت تذمرت بابا من كال حده متزوج وحده ثانيه جانت خدامه ونطاها حصتها من الورث بس بيت وبعدها مات وطلعت حامل وتنازلت عن كلشي وطلعت لايران يعني هاي بته لهذا الولد وخطيه ماعدها احد ومات ابوها اوووي الله يساعدها خطيه ساعه وطبو عمامي علكت بالباب طببوها البنيه مزوركه عيونها منفوخه والدم يطلع من راسها ركض عمي الدمتور وعالج جروحها جننا نتفرج مثل السينما واني ردت اتخبل شكد حرام عليهم الا البنيه حسها ميطلع ومنصيه تقرب جدي منها وعمي احمد جرله كرسي حتى يكعد
يابه فضه
رفعت راسها ورجعت نصت
يابه اني عمج لتخجلين وذوله اخوتج وولد عمج لتخافين مو وحدج انتي واطلكج منه اطلكج تعال وينه سليمان
هايابه
يابه انت محامي الزملها قضيتها وخلصها منه
يابه اساسا قدمنا بلاغ قبل لنجي هاهي بعد مو فضه
ماريد ارجع فدوه والله يموتوني اصير خدامه هنا ولترجعوني -- كالتها بصوت مبحوح اني هنا بعد مكدرت دموعي غدرت بيه بس مو على نفسي تقربت منها وكمت وي عمو ناجي اداويها تباوع بالوجوه بالميت واحد ورايه يتفرجون عليها صافنين عبالك عجبه صاح جدو امشششو كلمن لبيته يله روحو شعدكم ملتمين مسرحيه هييييي
كلها تطشرت وبقيت اني وبابا يم جدو. عمامي 4 منهم. راحت المره نامت. بالغرفه الحضرتها عمه ايمان وجدي كعد وي بابا واني رجعت للبيت ساعه ورجع بابا يتصفن مو طبيعي وبس ينتر
بابا شبي حدو
مباوعلي ودار وجهه كال
جدج الضاهر خرف بابا
لتكول هيج اني اخرف وجدو ميخرف. دشوفه 60حفيد وميفرق بينهم ويعرف اسم اسم وكت اللي اني اخربط بينهم
ههههه
دكومي بابا كومي
بابا
ها بابا
يصير هاي المره فضه تجي يمنا ببيتنا
التفتت عليه راسن نتر ها شبيكم انتي وجدج بابا اني مااكدر اتزوج كافي عاد ارحموني مو ضلت سيرتي بخلك الزعاطيط
بقيت صافنه نصيت راسي وصعد نام شنو قصده لكفتها اخر شي بانه جدو كايله تزوجها بقيت اتخيل شكل النره الكلشي ممبين منها بس زراكات يطلع عمرها بنهايه ال30 يعني مناسبه لبابا بس شون وسالفه مرضه
المهم ولف وياه تسولف وتضحك مااعرف اكيد راح ياخذون رايها ياربي كون اتخصص بهالمجال واداوي ولااخلي انقهر تخيلت نفسي شدااندعي استغفر الله لا ياربي لتسمع مني
كعدنا الصبح زمن جتني وحجيتلها الصار ضلت صافنه
خطيه هاي
اي والله ولج توها حامل طرحوها. من الكتل
يعني ليش شسوت،
راد ذهبها نطته الحابو الهم بالعرس كلها ذهب اهلج
كالتله ماانطيك هذا مالتي وهو توه اربع شهور متزوج وكوم عليها اكتلها بحيث طلعت مهزومه للجيران وهو يفتر بالسارع يدور عليها الحيران سولوها ماعدج اهل كالتلهم اهلي بايران وعدي عم واحد ببغداد ومشايفني بس ابويه طاني عنوانه من تزوجت كال خاف يصير شي هذا عنوان عمج وهي حافضته والجيران اجوي لجدو وجدو تخبل
بس جبيره توها متزوجه
هي معنسه ومصدكو جوها خطتبه قبلت يكولون ابوها مقبل بس هي كالت موافقه وسمت الله يرحمه
خطيه الله يرحمه. تالي شون عسه
باقيه بيت جدو
مرت كم يوم على هالسالفه وطلعت انسيابيتي اني وزمن وزيد زمن طلعت تحليل بجامعه--- اللي بشارع فلسطين واني طب بغداد بس قفلت عاللي بشارع فلسطين اداوم علمود وي زمن بس المصيبه وين مااعرف هو ياجمعه يداوم وارجع وامول اكيد نفس جامعتنا لان هو ساكن بشارع فلسطين عفتها للصدف. وزيد انقبل طب اسنان
وفجاه جدو تخربط تخبلنا ملنا اول مره يتخربط جدو حيل قوي واب مافد يوم تخربط. لو بلع حبايه لو دوه التمو عمامي وعماتي والخوف مالينه وراها طلعو يتصفنون وبابا عصبي
بابا شبيك
مامو شي اندار على عمامي وعماتي صاح اني راجع لبيتي وهالمرضوع شوفو غيري يحله شنو ماعدكم غيري
عمي ناجي- ابو اليسار كلنه متزوحين ونسوانه ببيتنا بس انت ماعدك مرره
لك انت شبيك متعرف منين داعاني
وبت عمك تدري خواتك كلولها كالت اخلي بعيني يابه تره هي موصغيره
على يا اساس اضلمها وياي وهي بعدها كبجلشي مشافت من خياتها تحاجون ابويه انتو واتقنعو
دروح هسه ارتاح وفحر بالموضوع وتعرف ابوك من يخلي شي براسه شيصير
استغفر اللله يابه عوفوني بهمي اني وين اروح فهموني اريد اخلص من النك مال ابويه ومن طبيب لطبيب شنو صغير اني 45سنه عمري مصارت هاي وروحها لامي مصارت عيشه
احنا متعلمين على ابوك حجايته متتثنى روح يابه ارتاح بعدين نحجي
اليسار- اباوع لبابا واباع لعماني وعماتي يتوسلون انسطرت وهناك لمحت بت عم بابا وجهه جان فاش ورايحه الزراكات حلو تنكرط بس جانت عيونها كلها حزن واكفه بالراويه يم باب الحمام تسمع ومنصيه راسها ومجتفه ايدها مثل المايسه طلعت وره بابا وبقه ببالي شكلها صعد بابا واني ضليت احوص لليل رجع جدو دز عليه وهم اجه عصبي وراها نزل كال
بابا فضه بت عمي راح تجي هنا تعيش
كمت بفرح صدك بابا تتزوجها
التفت عليه بغضب خزرني
سكتت هزيت راسي اي بابا حباب خل تجي خطيه جانت مكسوره ذاك اليوم نضرتها تقهر
اي بابا بعد شهر تكمل عده وتجي شسوي بعد حكم القوي
لعد هالسنه منسافر
لا انشاء الله نسافر
اي الله كريم بس خل اخلص من لغوه ابويه
اليوم مشفته حروح اشوفه
اني هم جاي
طلعنا رحنا لحدو جانو عمامي مقررين يسفرو للندن لان كلبه تعبان يحتاجله تبديل صمام وجدو لح اله بابا وياه وعمو سلمان بابا فهم قصده كال
اريد اسفر الدمتوره
اني نطيت اضحك لالا بابا ابقى يم ساره
بقه بابا يباوعلي بغضب درت وجهي اتهرب منه اخر شي سكت بعد حصرو عماني وفعلا فيزو باسرع وكت وطلعو لبريطانيا. جان السفر مكلف بس جدو عده خير منرالله ضليت اني يم ام غايب وساره داءئما تجي يمي هالفتره شبعت طلعات وي زيد وزمن سافرت لدهوك بيت عمها اللي ابنه من الصغر خاطبها من اخابرها اسالها تكولي اختنكت لج عيني
بابا شوفي خطيبج
يا خطيب بابا اصلا مطايقني اني منا ثوله كل مااشوفه يصير موقف يبين غبائي ويباوعلي نضرات احس روحي مردانه
هههههه خرب يومج زمن
والله اي عمي شكو عليج كله طلعات وي زيد وساره واني بيش كيلو
عمري انتي الاصل والله بس بابا سافر واني بقيت وحدي روحي طكت
الله يعينج. هسه لو جايه ويايه اقلها نصير جبهه وحده
الله كريم تجين واعوضج لج بابا حنصير جامعيان بعد كله طلعتنا سوه
هههه شايفتني من يصير مصطفى بوجهي شيصير
كبر هو اجه وياكم
مو عيب ويعوف شغل العطله اموت واعرف وين ديودي فلوسه.
ههههاي ياب دعوفي خطيه
دروحي جتي امي
سلمي عليها
وصل بباي
هلاو سديته وجريت نفس لليوم صار شهر واسبوع ماكو لا مكالمه لا رساله حتى بعدني من انام اشم وردته ولو مابيها عطر بالي يمه ومشتاقتله كلش بابا يطول شهر اللخ يله يجي واخيرا قبل يسوي عمليه اخيره ايس من ملحه جدو اله جدو تحسن الحمد لله وبقت ساره كل فتره تمرلي --- اخر شي متحملت دزيت رساله
عادي اذا اراسل لان ضل بالي عليك
مرد ولا حتى وصلت الرساله بقيت حايره لو ام غايب تروح للخياطه وتاخذني نزلت كتلهازكالت ماعدي شي يمها توسلت بيها قنعت باني اريد اخيط ثوب صيفي عدل واخيرا اخذتني واخذت قماش دكينا الباب وكلبي وي كل دك يدك الف مره دكينا مره ثانيه صاح ابو العماره
المن جايين
عالخياطه -- ام غايب كالت
مسافرين يابه للديوانيه
هاا فكيت حلكي كلبي انعصر مااعرف ليش طلعنا واني راسي طايش رجعو يعني ماشوفه بعد رجعت للبيت وره يومين بعد تفكير وقلق واحباط واشتياق ودعاء ممنقطع وصلت رساله باوعت منه وكفت راسن هذا كلبي طلع من مكانه لزمت التلفون طبيت عالواتس اب كاتب
بخير انه انتي شونج
اني الحمد لله شو مموجودين بالشقه
جايه لعدنا
اي علمود الخياطه
مو كتلج لاتوصلين بويه
سكتت مرديت رجع رسل
اهل بالديوانيه وانه بالخالديه
شنو وين صايره رد
بين الانبار وحديثه
وكف كلبي وكمت ارجف رسلت
تطوعت
اي بلي صار شهر
عفيه شون اخاف
تخافين علي
لا موهيج بس اخاف مااعرف
كلمن بيومه
دتحارب زين
سويت طشارهم ماله والي
شنو يعني
انه قناص هنايا
الله شون حلو
ياله بويه انه مااكدر احاحيج بعد وادعيلنا
انشاء الله
ديري بالج على روحج ودينج
دايره بالي
سبعه الحجاب وين
بركبتي
عفيه عليج
واوي بس اوكف
بلي
اكدر اسمع صوتك
وانه اذا سمعت صوتج اخاف اضغف
لا مااحجي بس انت
شنو التستفادي يبت بغداد
حباب -- كتبتها وعضيت اصبعي اول مره اتوسل بي بس هلكد شتاقيتله مكدرت بعد بقه سامت شوي وكال
دقيقه واتصل بيج بس اخر مره
اوك
بس لاتحجين انه صوتج يخليني افقد التفكير وورايه مناوبه بعد ساعه
بقيت صافنه نزلت دمعتي. بضعف هلكد ااثر بي وميريد يقترب اكثر هذا لو بغير وكت ملتقين جان عشنا اجمل مشاعر رديت----اي والله مااحجي اي شي
ماشي
شوي ودك كمت وكفت رديت وخليته على اذني غمضت عيني شاكت واني ساكته صوت يمه صار
ابو ذيبه وياك ماي من تصعد المقر
تامر سيدي
رجع سكت واني رجفه صارت بنفسي اريد اطب بالتلفون واريد اشوف صورته واريد احجي وياه اريد اكعد وياه درس كامل كبال التنكه مال حطب واسمع هيثم يوسف وياه بقه ساكت بس نفسه اليرجف شوي وكال
الو
بقيت ساكته عضيت شفتي
شونج يابا
مرديت بس دمرعي تنزل
اليسار
يابه من كال اسمي ضغطت على روحي وتنهدت بخسره بقه ساكت شوي وكال
كون اتنفس هواج هساع
سكتت مسحت دموعي
اليسار بويه
مرديت غمضت عيني تنفسي مداسيطر عليه يرجف رجف
بردانه وانه مسموط هنايا
مرديت ابتسمت مسحت دموعي
شترديتجن احجي حتى ترتاحين
مرديت ميدري كل كلمه منه يعني الراحه الي
احجي
بقيت ساكته
سمعيني حسج يابا
مرديت عضيت شفتي
احجي عاد مو روحي طلعت احجي ماكادر بعد
الو كلتها بهدوء ضل سامت بس يجر النفس بحسره
سكتت شوي وكلت
الو واوي
بقه ساكت
ابو ذيبه كلتها وصوتي اختنك
عيونه وروحهراللي انسلبت منه ولج بس وياج اكول ماريد ماريد اسلم نفسي للموت يحجي بهدوء ويتنفس بحسره
بقيت ساكته شيقصد مااعرف
انه من اسمع صوتج يصير عدي دافع للحياه شي اعيش لخاطره.
ابو ذيبه دير بالك على روحك
الله كريم
لتكذب عليه انت بخطر
لا بويه مارضو يدخلونه خطوط النار
الحمد لله
احجي بعد لا تسكتين
شنو تريد اكول،
ماادري اي شي
بقيت ساكته رجعت كتله
مدااكدر ماحاجيك وادري تضوج
انه اضوج لان ماحاي اكدر مثلج طول الليل بس افكر بيج وبالنهار حاير بالحرب
الله يحفضك ليش طيتني الحجاب جان بقه بركبتك يحفضك
انه اذا بركبتك اعتبر لابسه بس لاتنزعينه ابد
ابد بس من افوت للحمام اسبح حتى ميتبلل كملت كلامي جر نفس كال
لسانج الفطير يرادله حش
بقيت صافنه مكلت شي. بقيت ساكته كال
كلما اغمض عيني اتذكر غمضه عينج وانتي تجرين نفس الجكاره
غمضت عيني
اليسار ماحاي تدخنين مو
تخسه ههه مستحيل ادخن بعد بس اذا كبالك وبالحديقه مال مدرسه بحث اخر
هههه اخخخخ الله تطلعين الواحد من همه كوه مروه
ههه
لازم اروح الامر يصيح فيماللا
ابو ذيبه بس بس كلمه وحده
نعم
من ترجع شون حعرف
ماراح تعرفين ابد
ليش حباب
اليسار انه عقدت على بت خالتي ومن ارجع اتزوج احنا ناس انكتب علينا الفراك
بقيت فاكه حلكي ودمرعي بدون ماابذل جهد تنزل اختنك صوتي بلعت ريك كتله
تقربت منها
لا بس بعد شهر وي الدوام ارجع ولازم بعد اتزوج لان وين الفي وين تلفي هي وامهاماتت وبقيتها غلط بالبيت وانه احرم عليها وماعدها غيري
تتهنه كلتها وكلبي معصور بس كلش حلوه هي
جر نفس كال
قسما بالله مامباوع بوجهه لليوم انه وجه واحد خازنه بكلبي
مع السلامه كلتها وغصيت بجي سكت جر حسره وكال
الله وياج ديري بالج على روحج
مرديت بس اشهك بله صوت ومنها ه بجي
اليسار
مكدرت ارد
من اول كتلج. احنا منكدر نكمل سوه
مرديت غمضت قوي واضرب بصدري كلبي راح يوكف
كتلج انه متعوب وزماني جار عليه
شمعته اختنك صوته وواحد صاح
واوي يله --- مرد جر حسره وكال
مودعه بالله وعساني ماشوفج بيوم وي التكملين وياه حياتج عساني ميت ولاشوف بشر يباوع بوجهج مثلما جنت اباوع
مرديت بس غصه البجي وحاصره وجهي بالمخده اخر شي كال
كون ميت ولا هذا سكوتج كون اليوم اموت ولا ابقى اتذكر سكوتج مره لخ
شهكت صرخ
بسسسسس اسكتي اسكتي لاتخليني اهد الدنيا واجيج عليج تبجين علي انه مااستاهل
بلعت ريك كلت
باي
اكفي
باي واوي
داكولج اكفي لاترحين
سديته وبوجهي وحضرته وطلعت البجيه الحاصرتها بعذاب بجي بجي بجي كمت مااكدر اتنفس واتخيله يخلي ورده براسها وي شعرها الطويل هي تخبل من الحسن احلى مني اتخيله يتغزل بمعانيها ردت اتخبل ربي برد كلبي دخيلك راح اموت والله ربي مثل مزرعت حبه بكلبي طلعه من كلبي دخيلك مرت كم يوم واني بس بالغرفه. الداده تتوسل بيه اكل واني مااكدر بس عصاير وباقيه بالفراش على كد الحمام والصلاه ساره جتي تحجي مارد عليها كل موقف وياه اتذكره واشتعل نار. هي كم موقف ليش هالكد اني حموت مر سبوع ودك رقم غريب على تلفوني باوعتله ماعرفه عفته يدك نزلت رحت لبيت جدو بقينا نسولف اني وساره وكلسا تسال
شبيج ضايجه
واني مليت من كثر مامولها مابيه شي وهناك دك تلفوني ماما مصدكت فكيته ببرود
الو
هلو ماما شونج
هلو ماما
لاتخابرين لا تسالين
مشغوله جريت نفس وصوت جهال يمها يحجونغمضت عيني كالت
مبروك الطبيه والله سبعه
شكرا كلتها ببرود كالت
متجين يمي
لاماريد
ليش يمه تغيرين جو
ماريدبابا هالايام يجي
ليش وينه هو
بلندن وي جدو
هااا ليش مرحتي ويته
ردت ابقى يم ساره كلتها بملل كالت
اي بعد شونج ملونج ابوج شخباره
زين الحمد لله انتي شونج
والله اني بيت جدج
ها شعجب رجعتي
هيج شوي مشاكل ورجعت ارتاح
همم
زين ابوج يايوم يجي حتى يجيبج هنا اشوفج ماماتي
ماريدماما مااكدر هالفتره
ليش امي ممشتاقتلي مشتاقتلج
لا عادي تعلمت يله حروح --- ساره اشرتلي بيدها وتهمس
كوليلهاعلى عمو فكيت عيني ابتسمت هزيت راسي
ماما لو اليوم بجلو باجر اجي اخذج
لا ماما مو دنتحضر عرس بابا. مااكدر اجي
هاا ابوج شون يتزوج
ليش شبي طبعا يتزوج
امي مريض شون يصير
ماما هي بت عمه وكالت اتحمل وياه حاوه ومره وسوه عمليه وبعد على الله بقت
هااا وليش هو منيله بت عم
ماما عمه اللي ماخذ ايرانيه عده بنيه وجابوها بعدها صغيره تطلع ببالتلاثين فد حلوه كلتها وجريت نفس كل كلمه جانت ثار بيني وبينها بقت ساكته وجرت حسره كالت
ليش يضلمها وياه مثل ماضلمني
يمه هو من. ضلمج انتي بعد السنه مطالعه كلبتي الدنيا وكتيله لجدو وعمامي فضحتي دسكتي الله يخليج
هاي افكار ابوج يخليها براسج
ماما اني موصغيره تره ودمتوره صرت
روحي هاهي يطبج طوب انتي وياه
سديته بوجهها ولشتي ترجف اخجل اكول لساره شكالت تبقى امي تبقى من خر ب حضي --- مرت كم يوم ورجعت زمن. صايره عوده ورحنا قدمنا جامعه وبعد كم يوم دوام واحنا نتحمسين رجع بابا سوه العمليه وهو يمولهم مامو تغيير جان همس بين عمامي. واني اسمع بابا جان يعصب اقل شي خطيه مردني كل كلمه وكال مامو امل عوفوني تعبت جدو جبره على خاله فضه كاله هي راضيه وبابا كعد وياها كلها تعرفين كل قضيتي المضل لا جاهل ولا عاقل ميدري بيها كالتله كلمتين
لا انت السويت غلط ولا انت السويت هالشي بيك هالشي من الله مو فد شي تستعر منه وخجلان والحمد لله على كل حال
بقه بابا صافن على كلامها كاللها اريداسمع موافقتج واني اكدر اخليج ببيتي معززه مكرمه بس مااتزوجج يجوز يجيج ااحسن من التزوجتي
لا اني ماريد ارتبط بعد باي حد غريب واذا انت مارايدني يابن عمي خليني هنا بيت عمي اداري
جر نفس ابويه وكال ماريد اضلمج بقه يباوع عليها
اني القبلت بيك ومااتصور راح انضلم يمك راح اكون وياك عالدنيا لتخاف وتكول فديوم تمل لا ابد
اني امول لو تفكرين بعد قاطعته خاله كالتله
فكرت طولزهالمده بس اذا انت مارايدني ببيتك كولي واني اعرف اتصرف وي عمي
لا مو هيج هاهي يابه. البي خير يقدمه الله طلباتج مجابه وابوي كال موخر جبير اخليلج ضمان
اني ماريدشي يكفيني صرتو لي اهل
الحمد لله يله باوعلي بابا اشرلي تعاي تقربت ابتسم
ها بابا
بابا خالتج فضه حتعيش يمنا
اي بابا اعرف ههه واني فرحانه بيها كلش
ماشي يله يابه اني اترخص ومنا لباجر انروح نعقد اي شي تحتاجي كولي ل ايمان اختي واعتبري مجاب
شكرا ابو اليسار
طلع بابا وباوعت لخاله فضه اضحك كتلها
والله خاله بابا حباب بس ديري بالج عليه
والله لخلي بعيوني واعوضه ايام المر
يااارب يااارب احسج انتي الحتطيبي
ههه الله شكاتب نشوفه الف الحمد لله
مرت هالايام واني بعدها غصت الواوي بيه جتي خاله عدنا وطرت بيها ترتب بيتنا اكثر تصنيف وتضحك تحجيلنا على ايران لخد مابابا قفل كال الا اروحلها اباوع بابا رجعتله الضحكه ويسولف بعد ماكان بس سامت ام غايب راحت خطيه واني تقربت نوعا من من خاله فضه بس بحدوذ بعدني مماخذه عليها طبيعتي مو راسن اخذ ميانه جان بابا يسولف عن الشغل عالغده وهي تبطل تامل تخلي ايدها حوه خدها تباوعله سرحانه من تجي عينه عليها يبتسم يسكت شوي ويرجع يكمل كلام جنت احسها تتنفسه مو تحبه بس بعدني يوميه اشوفها تشيل الفراش من الكع بالغرفه معناها تنام بالكع وفجاه وبيوم من الايام سمعت بابا يبجي بعدوء بقيت اتصنت سمعته يحجيلها قصه مرضه وشون تركته ماما وشون بقه يشتاقلها ويتوسل بيها ترجع ووشون انفضح بالمحكمه وبالعشيره وشكد تاذو ببعدها بابا اول مره اسمعه يبجي بقيت وره الحايط لسمع حتى خاله كامت تبجي باوعتلهم من وره الحايط تقربت حضنته سكت حضنته قوي كالت
هي الخسرت واني ربحتك عوفها لتفمر بيها اشتريك بعمري
دموعي نزلت متت قهر رجعت باوعتلهم بابا لزم وجه خاله فضه وتقرب يبوسها كلبي طار وصعدت على كيفي شوي وصعدو بقيت اعصابي تعبانه وره ساعه سمعته نتر بيها فزيت وهي تتوسل
لتصير عصبي هاهي اهدا
ميت مره متلج اضلمج
يكفيني حضنك
روحي عني
براحتك هذا هو
بقيت اباوعلها من فتحه الباب طلعت ونزلت للهول نامت مكدرت اتدخلزالموضوع حساس بقيت بغرفتي حسيت الفجر عالصلاه نزلت اشرب مي شفته يتلمس وجهه بالهول يكعدها تنام يمه وهي متقبل
اتركني انت مدتتقبلني يمك كل مااجي انام بالفراش تكولي نامي بالكع
المهم نفسج ويايه بالغرفه
اذا مانام يمك مااصعد
ليش تاذيني
ماريد شي بس اريد احس انه اني سويت فرق بحياتك
ومنو كال منسويه فرق انيزالحجيتهزالبارحهرسنين محروك حرك جوه بكلبي
ماريدغير تحس بامان حضني مثل مااني اامن بحضنك
بقه بابا سامت واني استمع صعد فوك وصعدت وراه وانسدت الباب
وصلر صوت باذني
الللله واكيبببر
يااارب بحق هالتكبير يارب شافي والدي ياربي
لااله الا الله وحدك شافي وعافي بحق لا اله الا الله صعدت صليت وتمددت باوعت عالتلفون من البارحه لليوم15مكالمه لم يرد عليها من رفم غريب مرديت مالي خلك اي احد وثاني جتي زمن خاله خطيه بدعت بالطبخ واغدت يمنا زمن ورجع دك فوك وره الغده باوعتلي كالت
رقم غريب
نااعرف منو
متردين
ماريد
اني حرد
ردي شسويلج ردت كالت
الو باوعتلي ورجعت كالو الو منو باوعتلي كالت محد يرد
شو طيني
الو خليته على اذني اجاني صوت خشن
والله من نعلعلبو الجابج علي
فزيت ابو ذيبه
لا امي لييييش ماتردين احجي ليش تحضرينييييي ياهو السمحلج
ليش د تصيح
اسسسسس مااسمعلج صوت شوي وادك واريد من الله ومحمد وعلي ادك وماتردين
بقيت صافنه نار غادي تذكرت من لطمني على وجهي
احجيييي صرخ
اي اي صار سده بوجهي باوعت لزمن كالت شنو تحول خبال خبلك
شمعرفني كلبي كام يدك سريع خوف ولهفه
يتبع
