اليسار- شفت روحي الحب تحول حقد وكراهيه بدون مااحس كمت من اتذكره اكرهه واعصب حتى اغلط عليه وي روحي مرت ايام واني وزيزو علاقتنا مكطعناها ومحمود هم مكاطعتها يوميه نتخابر ولو دقايق ونروح
الو زمن
هلو كلبي
شونج اليوم
زينه الحمد لله
اي شكو ماكو
ماكو شي بس كلش ماله وهمام هم عبالك مالل شنو ماعده شغل شو يطب ب4بعد ميطلع
هاي شنو
والله وعمي يبقى لليل يله يرجع
اي مامو مستجدات
اكو يعني باعي البارحه----
الصبح اقترب مني وراها كمت سويتله ريوك وطلع وكمت عالبيت ساعدت امه نهال جانت بالمدرسه صف سادس واني انضف بالبيت وي خاله هي متحجي بس ساكته وصلت لباب الطرمه وطبيت سمعت سياره همام وكفت ونزل فتح الباب رفع راسه باوعلي كال
ها ابقيها بره
كلت بكلبي انت وضميرك بعد مرديت بقاها بره وفات باوعلي ودار وجهه جان مبين عليه التعب
السلام عليكم
عليكم السلام رديت بهدوء وعيني عالجدر
ها تصبين
اي عادي هسه صلجبيتله هو فات بدل وطلع ياكل رفع راسه عالتلفزيون اللي بالمطبخ كال
بس علي من يمج
التفتت اباوع مسلسل لوست اني جنت متابعتها وي مصطفى عليته وكعدت فايتتني كومه حلقات بقيت اتفرج وياه واكو مواقف تضحك نضحك سوه باجيتي جانت نايمه ونهال هم راجعه تعبانه من الدوام وعمي بالشغل كمل اكل شفته كام خله المواعين عالسنك ورجع كعد خله كرسي كدامه شال رجله وخلاها عالكرسي. تمدد كال
اكو جاي
اي دقيقه كمت شغلت النار وعيني عالتلفزيون الفوك الميز كعدت وره شوي صبيت قدمت الجاي جره ورجع يباوع عالتلفزيون كملت الحلقه اني كماجت غسلت كم ماعون وبقيت اكلب بالتلفزيون باوعلي ودار وجهه يكلب بالتلفون كال
تبقيت هنا متنامين
ااا لا منعسانه
همم
طفه تلفونه وكام فات للغرفه عفته لعب روحي بقيت كاعده اتفرج تغديت بقه بس عمي ممتغدي نشفت الطرمه ورجعت كعدت لليل اجه عمي سلم ابتسملي وطب بالهول يم باجي سمعته يكولها عكب باجر ونهال تبقى هناك لان بصفهم المدرسه بقيت صافنه شنو السالفه شوي وحتي نهال كالت
ماما وبابا حيروحون عمره
اي بالهير يرحون ويحون بسلامه
واني اروح يم خالتي لان رجلها مسافر وهي مدرسه بمدرستي المدرسه بصفها اروح واحي وياها
بقيت صافنه وواني ابقى وحدي
همام وايهم هنا
همم هزيت راسي طلع همام عينه منفخه مال نوم باوعلي ودار وجهه رافع حاحبه وضوجتهم شنو مخبل مال نوم باوع لنهال كال ترحين يم خاله مو
بقيت صافنه يعني جان يدري بسالفه العمره وليش اضوج شو هو اصلا ميحجي ويايه مهتميت شفته اجه عالقوري فتح القبغ رجع عالسنك غسله وترسه وخلاه عالطباخ واني اكلب لكيت مسلسل بقيت اتفرج عليه هو هم كعد رفع راسه وباوعلي سويت نفسي مشفته كال
اخوج ديخابر ليش متردين عليه كالها وعينه بالحهاز مالته
باوعتله راسن التفتت عليه رافع حاجبه مستفهم السبب مضيق محور عينه بشك
رديت عليه ماعدي مجال تنهدت اوكف كال
هاج اشرلي عالتلفون اباوع مكالمه مفتوحه مكتوب مصطفى اخذت التلفون من ايده وهو يباوعلي وايده جوه خده خليت التلفون على اذني كلت احم
الو
سمعت صوته برطمت ونصيت كلت الو بصوت مبحوح
زمن شونج
مكدرت احجي بس ساكته
زمن زعلانه مني بعدج
مرديت غمضت عيني ونصيت راسي نزلت دمعتي وذبيت الحهاز عالميز وركضت للغرفه وكبل للحمام بجيت بجي بس الله يدري بيه عبالك ضريبه البرود والسكوت صار شهر غسلت وجهي وطلعت للغرفه انشف شفت همام كاعد عالحربايه متمدد والجهاز بيده اندار عليه عاكد حاحبه بقه صافن بوجهي درت وجهي عنه فتحت الكنتور طلعت هدوم داريد اغسل مااعرف شسوي كال
شنو متعاركه وي اخوج
مرديت عليه جر نفس كال بهدوء شعليه اني انت واخوج
مرديت طلعت الهدوم وطبيت للحمام بقيت اباوع عالبانيو صح بيت اهلي ماعدنا بانيو بس كضيت كل حياتي اتمنى احرب احساس الغسل بي فتحت البواري المي الحار اريد اهدا وادفى بالمي اريد ابقى ساعات طلعت من الحمام بينما يترس البانيو تمددت عالسرير لان بطني كامت توجعني نطيت ضهري اله شفته كام فات للحمام وطلع باوعلي عاكد حاحبه كال
شنو ناسيه البوري لو دترسين الحوض
احم دااترس الحوض بقه يباوع بعيني مستغرب طلع من الغرفه ايييييه خفتا وراحه طبيت للحمام وسديت الباب مشكله الحمام التواليت ينقفل الباب بس الحمام لا والتواليت صاير ببطن الحمام الباب مالته سديت باب الحمام قابل حيطب عليه تمددت ونزلت المي يخبل دافي كل عصب بيه هدا تمددت وبقيت بالهدوء هدات روحي ونسيت كلشي من محمود لحد مصطفى لحد السيد اخرس غمضت خسيت روحي راح اغفه فكيت عيني الكهرباء طافيه وضلمه فزيت كعدت عدل تذمرت المولده عطلانه سمعت دكه باب الحمام
اني هنا
اكو لايت يمج
االا مشحنته
زين اريد افوت للتواليت شون
روح بره بحمام اهلك مسمعت رد رجعت تمددت شوي وسمعت الباب انفتحت رضوه خفيف مال شمعه رفعت راسي اجر البرنص شفته خله الشمعه عالزاويه مال حمام باوعلي رجعت للمي لان الوغف مال صابون السائل يضم جسمي بقه يباوع عيونه ذبلت درت وجهي عنه خجلت تقرب من البانيو كال
شوي تدني
اانت روح هسه اطلع وتعال اسبح كال ببرود
اريد هسه
طب بالحوض بصفي مميباوعلي بس نص جسمي صار عليه لان ميكفي 2بقيت ماباوعله ولا هواللي يباوع ضلام الحمام وضوه الشمعه خلق جو كال
شبيج وي اخوج
ماكو شي بيننا لااني اباوع ولاهو فجاه التفتت عليه مرتبكه اريد اكوم اتعلى اخجل كدامه ولا بيه ابقى كاعده التفتت عليه باوع بعيني شال ايده تلمس شعري المبلل كال
ليش تنهزمين مني تضوجين اقترب
ااني لا ممنهزمه من اليوم الصبح ، بقه يباوع لشفافي اول مره يصير بيننا هيج تعبت ايدي من كدما مستنده عليها حتى ماانلطشذبي باوعتله بتوسل
عفيه اريد اعلي جسمي
امم اخذي راحتج
مو اخجل والله درت عيني عنه شفته جر نفس شال ايده عالرازونه طفا الشمعه باصبعه كال
يله تعلي وانهزمي
كمت راسن جوه الدوش تعليت وطلعت البس البرنص ورحت للغرفه بقه بالحمام بدلت وكملت ومشطت وهو بعده تمددت انام حسيته طلع وفتح المجر ياخذ ملابسه شوي وحسيت بي اقترب نام صوت نفسه مسموع تقرب لصفحتي ابتعدت بله مااحس على روحي توه حان ديلزم جسمي من حسدبيه فزيت ابتعد سحب ايده ورجع لنومته بقيت صافنه مدااكدر انام واسمع صوت نفسه ساعه ساعتين والنومه متجي مخليت شي متذكرته مخليت دمعه منزلت بهدوء ولاشي مفكرت بي قطع تفكيري صوته صاح بهدوء
زمن
نعم
اا مشي ايدج على صدري
كالها بصيغه امر بس نفس الومت خجلان بلعت ريكي تقربت جنت حاسه بذنب من نفرت منه وابتعد لان حرام عليه هذا حقه الشرعي من طلب مني هالطلب مكدرت اكول لا بس اني جان مفروض ماارد عليه اسوي روحي نايمه
تقربت عليه خليت ايدي احس جسمعه قشعر جوه ايدي تلمسته شعر خفيف وجسم معضل نفسه كام يتسارع بقيت جامده كال
بعد لتوكفين
بقيت امشي ايدي بهدوء دكات كلبه كمت استشعر بيها جوه ايدي تدك سريع بقيت ايدي امشيها وللاسف خانني تفكيري نفضت راسي ماريد اتذكره ولاريد اتخيله اله اني ذنبي كله صوجي اني مخطوبه ليش اورط روحي بحب بينما اني افمر هيج سمعت صوت تفسه صار خشن عرفته غفه بقيت اباوع عليه شنو مشكلتك شنوسرك بس لو افهمه درت وجهي ونمت حسيت الصبح همام مو يمي كمت للمطبخ شفته كاعد يشرب كهوه باوعتله باوعلي ودار وجهه عالموبايل يكل بي
صباح الخير
صباح النور
تتريك جاوب ببرود
لا مااشتهي
اوك باوعت بالثلاجه طلعت البيض اسوي ريوك كال
ابويه سلم عليج قبل ليطلع
راح
اي
مسلمت عليه حرامات يله يوصلون بسلامه ونهال وين
راحت للدوام وايهم هم راح
باوعتله وباوعت عالساعه لعد انت متروح للشغل جر نفس كال
لا ابويه مقبل اترك البيت وحده واحنا نتفذ اوامر الوالد
بقيت اباوعله معاجبه الديكوله ومالل حيل درت وجهي سويت بيض وكعدت اكل كلسا ارفع راسي اباوعله اشوفه يتحسر شوي وكاموطلع للطرمه افتر شفته سحب الصونده رش الزرع مرت ساعه هو بره. سويت الغده. ونضفت المطبخ ولملمت الغرفه. وهو مطب طلعت مديت راسي بالحديقه شفته ديحجي وي ولد غريب منو هذا رجعت طبيت كملت شغل دااكوي بالهدوم طب للغرفه باوعلي كال
ابن خالتي يتغده ويانا يكفي
اي عادي ليش ميكفي ابتسم هز راسه كملت كوي وطلعت سويت زلاطه وحضرت الميز طلع من الغرفه كال
لا مو هسه باوعلي كال
يله حخابره
شال التلفون ودكله وكعد عالميز اني بديت اصب كال
هياته احه بالباب
شنو جوارينكم
اي بيت خالتي بنهايه الفرع متدرين
لا مادري كملت صب وطبيت سمعت صوتهم. ياكلون يضحكون ساعه ساعه وشوي واجه كال راح اخذي راحتج روحي تغدي
كمت لملمت الهوسه هو طب الغرفه بعد مطلع ارتاحيت بقيت اتفرج تلفزيون لليل طلع للمطبخ باوعلي شفت عيونه منفخه مال نوم درت وجهي اباوع عالتلفزيون محجه شي شغل عين الطباخ عالجاي وكعد كدامي عالميز يكلب بالتلفون ويجر حسره اختنكت من يمي صب الحاي وشرب واني طبيت للغرفه غسلت وبدلت كلش ضجت من نهال مو هنا رغم قليله كعداتنا سوه بس اسمعها منرتصنف اضحك تمددت ارتاح جانت ب9 شغلت مسلسل عاليوتيوب مكسيكي قديم وبقيت اتابعه شفته طب للغرفه باوعلي ودار وجهه كعد بصفي عالحربايه وربط تلفونه عالشحن لان طافي وجتف ايده باوع عالشاشه مال تلفوني. ويايه كال
حيل شكد قديمه هالمسلسل
امم احب قصتها
بقه كاعد ويايه نتفرج مجتف ايده وكاعد ونص جسمه ممدده واني ايده جوه خدي اتفرج كال
حييل كرازيلا هههه هاي بوكتها طشت
اممم مصطفى يعشقها
هو منو ممخيل عليها رحمه لا الله
شون يعني مخيل باوعتله عمدت حاحبي صدك مااعرف معنى هالكلمه باوع بعيني و كال
هيج مطصطلح بين الشباب
همم رجعت اباوع للشاشه مال تلفون لحد ماخلصت الحلقه طفيته وتمددت باوعلي درت وجهي تركني براحتي وحبيت منه هالمبادره صار يومين ممقترب مني من حس بيه دااتهزم منه مكدرت انام ولا هو نام بقه يكلب بتلفونه كمت بعد ماايست من نومتي طلعت للمطبخ دااشغل الطباخ احمي مي اسوي حيب وكعت الجداحه ورهرالطباخ جريته واشوف الدهن مكدس كانما مصدكت لكيت شغله وجريته كله وركض تشلهت وسحلت السنك اللي بصفه وجبت المنضفات وكمت ارش كنبصت اجلف واغسل بي فززني صوته ورايه
دتسوين مخبله انتي ساعه 2
مكدرت انام كلتها بلا ماباوعله شفته جر وصله واجه ببرود يباوع عليه كنبص من صفحه السنك يباوعلي ويجلف بقيت صافنه مكون غريب مشايفته قبل ابد لمعه كال
زين هيج
اي عاشت ايدك
زين شون المي هسه
هسه اغسل الكع راح للحمام جاب ماسحتين واجه واني اجلف الكاعيه وهو يمسح بالمي ورايه رفعت راسي الساحبه بيها وصاخه بس مو كلش صعدت عالسنك بقه صافن عليه مسحتها ونزلت على كيفي وبقيت ارش بالمي وهو ينشف لحد ماكملنا للباب ساكتين وهدوءنا قاتل بس نضرات. ماادري شيريد بيها طبيت نشفت المطبخ بالوصله واخذ الماسحه مني نشف الطرمه بالوصله عدلت النطبخ وركعت كلشي مكانه وفتت سبحت وطلعت ضربت شعري هوا شسوار نشفته وضفرته وكعدت ارتاحين من تعبت بلكن انام شوي وطب للغرفه وفات للحمام اباوع ساعه اربعه مداامدر انام ابد كمت للمطبخ شربت مي سمعترصوته ورايه
تطلعين لاحديقه لو نعستي
ها فكيت اباوع الضوه بده يطلع الفجر يخبل باوعتلها يباوع عالحديقه وبدون فانيلا سديت الثلاجه وطلعت وراه اخذت كرسي وكعد بالحديقه
شون هوه حلو
اي يخبل
زين سويتي شغلتينا
ههه اي ضوجه احجي واباوع للسما
ملل والله اووف
باوعلي ودار وجهه كال
شبيج وي اخوج
باوعتله جنت كاعده بصف كرسيه مد ايده على شعري جر القراصه من الضفيره يباوعلي مره على وجهي ومره على شعري ومره بداخل عيني ومره على شفتي درت وجهي
هيج بيننا ر نفس ودار وجهه كال المفروض اني زوجج اعرف كلشي عنج
واني هم مفروض اعرف باوعلي عاكد حاحبه
شتعرفين مثلا
ليش تعامل امك واختك هيج بقيت اباوعله بشك
كال شمسويلهم -- نتر
كلشي ممسويلهم مااتدخل ولا انت التدخل خلص جر نفس وباوع للسما كال
انتي متدرين اني شنو من الشي
باجيتي كلش حبابه بس انت قاسي
منو قاسي اني هي القاسيه مو اني --- صوته عله وبده يخوفني بعكده حاحبه درت وجهي بس حسيته يريد يحجي كمل كال
امي وحده تموتنا كلما في سبيل سياده الوالد ليزعل
بقيت اباوعله اخاف اسال باوعلي بغضب كال
حقج عمج تحبي واني هم حقي الورث يروح اكولج ليش متسكتين وتكومين تنامين واذا تردين خابري ابويه كوليله همام هيج سوه
ليش داخابره يعني بيتي وبينك همه شعليهم محد يتدخل بحياتنا
بقه يباوع بعيني صافن بعدها كال
يعني اذا صارت مشكله بيني وبينج مراح ترحين تركضين لابويه والله مذابه
اني مااكذب والبيننا محد يتدخل بي باوعلي عاكد حاحبه جر نفس كال
امي انسانه ضعيفه طفيليه متكدر تعيش اذا ابويه زعل عليها
هاي الغلط بيها محد مات وره احد
بقه سامت يباوعلي بحيره دار وجهه كال
يعني اذا تعاركت وياج متتوسلين بيه اصالحج اني زعلي موذي ويطول يعني اني وامي منتحاحه صارلنا شهرين
والله اني اذا مغلطانه مااعتذر منك لو موشهربن لو سنتين مااعتذر عن شي اني مغلطانه بي رفع حاحبه متعجب
هممم
درت وجهي كال
جنتي رايده غيري مو كمل جملته وكلبي وكف كمت مااعرف شون اضم خوفي ونفسي اليرجف ودكه كلبي بلعت ريك مرديت عليه كال
احجي باعيني لتخافين اني هم مثلج
لا ماعدي احد بس مجنت رايدتك
هاا ليش
انت متعجبني من اول اسفه يعني بس عصبيتك بالمرتين الشفتك بيها كرهتني بيك مع العلم هسه انت غير عن ذاك الرجل
احجي وماباوعله وهو يباوع ملامح وجهي كملت كلام كتله
انت المن حنت رايد همس
جر نفس كال راحت بعد ومو حلوه نفتح جروح مو -- باوع بعيني مبتسم
اريد اسمع لو تتاذه
ههه اني رجال وان تاذيت اخلي بكلبي مبجيبين على عيوني وتدمع كل يوم وتبلل المخده يباوعلي ويحجي كلمه كلمه برفعه حاجب
بقيت جامده
اني شوي دااشتاق لامي وابويه
امم الله يساعدج. والله لو قريبين اوديج بس شسوي
لا عادي الحمد لله بديت اتالف احجي وماباوعله ويحجي ويقره ملامح وجهي
الحمد لله
كال
راح احجيلج. بس هاي المره وينسد الموضوع بتاتا مينفتح بعد
اوك هزيت راسي التفت عليه كال
جنت رايد رند بت خالتي واحبها وعلاقه وطبه وطلعه
امم اسمع بتمعن
فجاه سياده الوالد. امر انه بت عمك الك اني غلست وبقيت اتقربلها
اي تربعت على كعدتي بالكرسي وهو يكمل كلام ويباوعلي
المهم ابويه كال لامي نخطبج واني كلبت الدنيا وتعاركت وي ابويه كالي كلمتين متتزوجها احرمك من ورثك واتبره منك كتله ماريد هاهي خلص وعفت البيت وطلعت رحت لخالتي حجيتلها بقت صافنه كالت شون يمه واحنا خوات عمك ميقبل هيج كتلها رند اخذها اخذها لو على جثتي وابويه ماريده بعد
اي تالي كلتها بقلق التفت عليه ابتسم كال
شو جنج حبيتي القصه
دكمل عاد همام
ههه اي وعفت البيت واستاجرت شقه واشتغلت عماله فتره وراها كهربائي واني متواصل وي رند بعلاقتي بيها فجاه انقطت اتصالاتها كلها واروح للبيت متطلع وخالتي طردتني من خابرت امي شكو احجي كالت
ابوك كال خابريها وكوليلها تسحب بتها واني رحتلها كتلها سحبي بنتك لان من وراها الولد هج ابوه ميقبل عليها
اني تخبلت فشلت يابه اني الرايدها يمولولي الصوج مو صوج الولد صوج البنيه. رجتلها الحامعه متباوع بوجهي كالت اذا وصلت صوبي بعد اكلبلك الدنيا واني حتزوج هنا اني تخبلت رحت لاهلي وردت احرك روحي ابويه تخربط صار جلطه من حيتونا بالصيف
اي انذكر
اي ركضنا بي وهاي رجل خالتي اجه يزوره صدك يكوله من وره بنتك اني هيج صار بيه طبيت بنص هدومي طلعت مكدرت ابقى بالغرفه مال نستشفى رحت للبيت الم هدومي واسافر اسمه نهال تحاحي بنات خالتي تكولهم هي رند تكوله عوف اهلك ونتزوج يعني طشو البنيه بعشيرتنا كلها انه هي اللاعبه بعقلي وتطببني بالبيت بالليالي
عززززه شون سمعه شون كذب خطيه باوعلي ابتسم كال
لا هو صدك اخابرها وتفتح الباب بليل
اي فكيت عيني شتسوون
منسوي شي هههه بيت بيوت
زين هي شنو يعني عادي يعني مو
مو هي مطلقه متزوحه شهرين وتطلقت
ايييي عكدت حاحبي
اي فعادي افوت وياها غرفه النوم هه
عزه بعينك يعني شون
يعني الاسوي وياج مسوي وياها
عزززززه ضربت وحهي مو حرام
لا جنت عاقد عليها شيخ بالسر بس وراها انفضحت وفصخنا
بقيت صافنه عليه شجابني عليه هذا بقه يباوع بوجهي كال
زمن انتي هواي فقيره ومن اهل الله
بقيت فاكه حلكي كال
اني القهرني شغله وحده انه هي تخلت عني بوكت اني تخليت عن الكل بس من عرفت ابويه حرمني من الورث كلبت عليه ومنا الفضيحه وبيت جدي كلها اكلو راسها فتركتني
زين تزوحت
اي قبل كم يوم
ها بقيت اباوعله همست
شصار بيك من تزوجت تاذيت
لا عادي من انخطبت تاذيت فاني خطب راسن واستسلمت لسياده الوالد
اممم بقيت اباوع بوجهه ابتسم قرب ايده كرص خدي. نصيت راسي كال
وانتي
اني مامو شي بس جنت احسك متريدني لان دائما تنتر بيه
امم صح اي وبعد
وامو ولد ويايه بالحامعه جان كلش رزن ومودب دمتور تقدملي واهلي رفضو ورجع تقدم ورحعو رفضو لحد ماجاب شيوخ كومه وهم رفضو بابا كلهم مخطوبه لابن عمها
هاا يعني تحبي
بقيت سامته ورديت مو شغله حب بس انسان مامو حارب على مودك كبر بعيني كلت شاريني تالي بابا طرده
الله يساعده
تنهد كاعد بس مكتيلي ليش متعاركه وي اخوج
مو هو طبيت عليه كتله اني همام ماريده والولد موافقه عليه كال شوفيلج حايط طخي راسج بي
هاااا
اي ومن ذاك اليوم كمت ماريد احاجي
بس هسه بعد صفت النفوس صالحي اني امي حاجيتها نهال اللي جنزتها بيومها هم حاحيتها ولو من وره هشمي بس حاجيتهم
مااكدر جنت احسه سندي بس خذلني كلش تاذيت وشلت بملبي
ليصير كلبج اسود تره الاخ ميتعوض
ادري بس مو بيدي
الله كريم
اي صح التفتت مبتسم كال
ارتاحيت من سولفنا حسيت قريب منج واعرفج قبل
هه اني هم والله وكفت كال ها
نعست
اني هم يله انشي ننام
طبيت الغرفه وهو ورايه يقفل وطب للغرفه توني اشغل الضوه سحبني لحضنه بالضلمه لزم راسي ونفسنا صار واحد اني فزيت كمت ارجف تقرب عليه وباسني بهدوء ذبت بيها قربني لحضنه وسد الباب برجله ورفعني من الكع شالني وداني للسرير اقترب مني هالمره غير عن كل مره جانويتلمس كل جزء بيه واني بين المنسجمه وبين المستغربه هدات روحي ابتعد بعدما ارتاح كال
بعدج تتااذين من اقترب منج
اابس هالمره متاذين همست كال
ذيج كلهن شي وهالمره شي اخر حسيت بيج ويايه ادري ضوجتج بس اني هواي جامح تحمليني
بقيت ساكته حسيت بي لبس والتفت طاني ضهره الغرفه ضلمه توني اغفه كال
زمن حضنيني
بقيت صافنه تقربت خليت ايدي على كتفه سحب ايدي واختضن بيها روحه وغفه واني شوي وغفيت ----
يتبع
