اليسار- طالما احنا بالتكسي اني اتوسل بالله ومسكتت لحضه شفافي اردد امن يجيب المظطر اذا دعاء ويكشف السوء ماما تحجي واني ساكته اباوعلها حتى بجي مبجيت من شافتني ساكته وعيوني مشوبحه سكتت دارت وجهها كالت
استغفر الله ربي واتوب اليه وصلنا مجرد شفت بلديه الديوانيه ترحب بكم كلبي فرفح اول مره اطبلها ابو التكسي كال
وين اذبكم يابه هاي الديوانيه
عمو بس شوفلنا فندق الله ينطيك
هسه اسال ماما كالت
بس فدوه ابو ميثم كون متاكد من سمعته
اي حجيه صار
ضل يمشي ويسال لحد موكفنا كدام فتدق جبير اسمه فندق الديوانيه السياحي بقيت اباوع عليه ركض طبينا كال بس سويتات
عمي اي شي اخذو جنطتنا وماما تباوع كالت ماما انطي صبر
لحد يمولي اصبري
يله هاهي امشي صعدنا راسن ونزلنا سالته وين صاير مستشفى الديوانيه الخاص كال
ماكو خاص اكوتعليمي واكو اهلي اويل الله اوكف لزمت التلفون خابرت محمود دك كووومه ورد صوته رايح يارب دخيلك
الو محمود
ها يابا
مستشفى التعليمي لو اهلي
يابا اهلي انتي وين
مرديت نتر انتتتي وووين اكلج
اني رايحتله محمود كال
تعالي انه هنايا يمه
دتشوفه امشي واطلع من الفندق وماما ورايه اشرت وكفت تكسي كال محمود
ام بله هاذ هو يمنا احنا
شونه اخاف اسالها بس كولي
والله فاقد اليسار وماجاي يحس فقد دم هواي وهساع تبرعناله اربعه ابطاله وخلو اله صار من الصبح ليهسه
كلبه ديدك
اي جاي يدك
هاذ هو الف الحمد لله يفيق ويصحى ويصير احسن من اول
الله يسمع منج يله منتضرج
اوك سديته وابو التكسي وصلنا كال يابه هاي المستشفى خاسبته ماما الفلوس بيدها نزلت ركض كلبي مديتحمل بعد وماما تمشي ورايه وكفت عالريسبشن اجر نفس باوعت للولد كال
تفضلي
عفيه مهدي كاضم
كال الدكتور الحشداوي
دكعه عيني هزيت راسي اختنكت اي هو
كال ردهه 112 قسم الكسور بس بعد مفاق روحي اهله كلهم هناك محد يقبل يطلع
اوك رحت امشي سزجربع وادور واسال وماما ورايه وصلت لمحت عباس صديقه اللي بالجامعه وكفت نمل جسمي جان كاعد عالكراسي هناك وطلع محمود كاله
من تنزل جيب وياك مي امه نشف ريكها كال صار بقيت واكفه ماما بصفي كالت ها ماما باوعتلها همست اخاف
لا مامو شي وينه
هذا محمود ماما زوج ساره بعدني ممكمله التفت محمود شافني نصه راسه تقدم باوع بعيني وكف كال متحسر
تعاي
محمود همست مدااكدر
اللو انتي قويه شونج خاله العفو ماسلمت
لا ابني انتو بيا حال الله يبرد كلبكم
يخليج الله
رجع باوعلي لزمني من ساعدي وجرني يباوع بوجهي كال
اهله كلهم هنايا تره
هزيت راسي متردده مو مثل اول معرفت الخبر كال ها تفوتين
هزيت راسي اي طبيت وياه اول مشفت توفي عكد حاجبه
كال
اليسارر!!!
هلو مصطفى همست صوتي راح امه بس موجوده مره والباقي زلم بس هدووء ماكو صوت كلهم التفتو باعولي نصيت راسي امه من شافتني شهكت وجتي عليه تحضن بيه وتبوس وتبجي بقيت بس اباوع بالوجوه والوجوه مستغربتني كالت
يمه مات ميت موته مخبوص يلم بالغراض ويصيح الشال لا انسى واخر ليله قبل لا يروح الليل كله يفز بحضني يكول يمه بهيه خاف يجرالها شي وانه بعيد
بس كملت حجي حضنتها قوي وكمت اشهك بحضنها عرفتها تدري بكلشي كمت اشتم بيها وادور ريحته وبالي بس اشوفه بس المحه جرتني واحد منهم كال
يمه بهيه وين فايته كالولج مايصير
صالح مالك دخل بس بت بغداد تفوت باوعتله مسحت وجهي باوع ابتسم وكال هاي هي التفت لواحد ثاني جان اصغر منه بالعمر كاله
ولك هاي بنت بغداد خالي وكف كال جايه لصوبه هساع بس يحس بيها يصحه جريت نفس برد كلبي بكلامه وين الله وصدك فتحت الباب بقه بيني وبينه خطوه واشوفه تبنجت رجلي خايفه اي خايفه وميته خوف ماريد اشوفه نايم وميحس بيه ولاريد اطب وميباوعلي هالنضره التعودت عليها التفتت امه عليه كالت
فوتي يمه هرجزيت راسي اوك صوت محمود ورايه كال
جاي ينتضرج اللو طبيت قويت بحجي محمود مشيت شفته نايم وراسه ملفوف جهاز نبضات القلب يدك ورجله ملفلفه وتك ايد ملفوفه للجتف كلبي وجعني بس مبجيت تقربت خطوه لخ وكفت يم رجليه ايدي ترجف ورجلي كوه حاملتني هذا الواوي هذا هو جان وجهه وارم تك صفحه ومشخط ويم ركبتها مضمد مشيت كم خطوه وكفت بصفه اباوع شالي بصف مخدته مصفط احس النفس اختنك امه كالت
هاي حجابج خليته عده حتى بس يصحى يلكاه مايدور باوعتلها بحيره ورجعت باوعتله الطبره مالته اثرهازالقديم تذكرت من تلمستها
لزمي بكان والي الحق بالمثل قشعر حسمي صوت رجال ورايه كال
يمه بهيه هديهم شوي وتعالي صوبنا التفتت باوعتله خجلت من روحي بس ميهم المهم يمه اكون كلبي مديتحمل الدااشوفه اقتربت اكثر المسه لحد الان احس روحي بحلم تلمست ايده اصابعه الكباره وجف ايده الجان ساطرني بكبره ادور عالمحبس ماكو وينه ليش ملابسه شفت عالميز اللبصفه اريد يفتح عينه مامو سادها همست
ابو ذيبه اكعد هياتني جيت صح كتلي لا تكربين صوبي بس مكدرت كوم باوعلي صارلنا 5شهور من تشاوفنا مشتاقيتلي مهدي باوعت لراسه وشاربه ولحيته بجيت مهدي يااول عشق ياروح اليسار انت مشتاقه لحجيك وعيونك اكعد لتعوفني اباوع لجفنه بده يكرمش واني دكتور واعرف هاي الفعاليات الحيويه بس مو بيدي من اتمسك بامل تقربت يم اذنه والصونده بحلكه حبيبي جبيره تقربت همست سوره الكرسي بهدوء وابتعدت خاف احد يفوت بقيت اتلمس اصابعه احجي وياه بداخلي شبكت ايدي بيده ونصيت اباوع عالباب اخاف يفوتون نصيت عليها بستها افيش ربي الف الحمد لله طب الدكتور كال
انه كلت مايصير احد يفوتله
باوعتله بتوسل
والله دكتور ساكته اني وو اني تره دكتوره مثله بقه يباوع بعيني كال منوين انتي لهجتج مو مثلنا
،اني من بغداد
جاي اكول هاي ماتجر بالحجي هله بيج انتي من معارفه
باوعتله للواوي ابتسم كوم كول منو اني حجيت بداخلي جاوب الدمتور بيانج حيل قريبه من كلبه من عيونه بينت ههه
دكتور شونه
اختصاص شنو انتي
اني بعدني 3 ممكمله بعدني
همم زين انه اشرحلج وانتي قدري عده كسور وداويناهن وعده نزيف داخلي صار يومين ووقفنا بس ضل ناز على عيونه
هزيت راسي جاوبت هذا هو الدم ينزل ميبقى
عفيه عليج مايضل من غير يلي براسه سحبنا بس البعينه يمكن يسوي مشكله يروح ياله يكدر يفك عينه
اوك زين ليش فاقد
الضربه جانت قويه والطلقات المتصوبهن بجتفه 3 فقد هواي دم لحد اليوم 4بطاله مخليله
هزيت راسي اريد النتيجه كمل كال
بقت يم الله بس طبيا هو مبي شي صلحناه بقه بس يتقبل العلاج والدم ويستقر وضعه يصحه لحاله
يعني دخل غيبوبه
صارله سبوع غيبوبه هناك والبارحه جابو بليل شبه منتهي لو لا سترالله وربطنا بساعتها عالاحهزه. يحجي ويجيك الضغط والدم ويفتح عينه بطرف ابهامه ويباوعلي كال وجر كرسي
انتي استريحي هنايا وابقيحاجي بلكن الله يصحى بس كون ماتبحين مثل اهله دمروني لو اني منه فلا اصحى من وره بجيهم
اوك كعدت طلع الدمتور لزمت ايده بقيت لازمتها واتلمس باطراف اصابعي واباوع بوجهه
ماخليك تعوفني بعد لااني ولاانت نعيش من دون الثاني حبنا غريب ارتباط روحي شكد ابتعدنا ورجعنا مثل الدويره المغلقه تتذكر اندكت الباب هديت ايده طب محمود جايب مي باوعلي وباوعله بقلق جر نفس وطلع ساكت قبل ليوصل للباب كال
امج خذوها لبيتهم
وكفت وين عزه شكد عيب
لحو وبقو يتوسلون وهي خجلت ترفض. بقت بس امه وصالح اخوه وانه
محمود ساره وين
هناك بكربلا وين اجيبها هنايا
سكتت ورجعت كعدت كال
اليسار ابقي صوبه بلكن يحس بيج
اوك بداخلي ومو كال اعوفك بعد باوعتله مغمض جفن عينه
كوم حبيبي تعبانه من الصبو والانتضار والله كوم عاد ممليت من البعد هيج كلبك قاسي باوعت عالباب مسدود تقرب منه خليت ركبتي يم ركبته شميت عطره اوف يابه اوووف باوعت بوجهه بهل القرب نايم ويربكني قربه همست باذنه بقرب
شمرعطري اني اليسار يمك بهالقرب جنت متتحمل اوكف هالقرب مو عاد اشاورك ونفسي مختلط وي نفسك كوم محتاجتك ابتعدت اباوع لوجهه كرمشت جفونه اكثر ابتعدت تلمست شفته مااعرف منين جتني الجراه بس تفطيرتها موتتني متشككه تلمست لحيته الغاصت بيها ايده كصته والاثر حسيت نفسه تخربط وكفت دكات كلبه تغيرت بعدت ايدي لزمت ايدي صار صوت شخير ووراها كحه اختنك بالصونده اني العربه الدمتوره فزيت وطلعت ركض فزت امه صحت دمتوردكتور ديكح ركضو . الاطباء ثنين منهم ووياهم عباس بعدهم وركض بسلاسه محمود كابله شالو الصونده وكعدو سندو بيدهم عباس راسن شال جفن عينه ومحمود لازم رشغه يباوع النبضات حجه عباس
ابو ذيبه تسمعني ويطبطب على خده على كيف تذمرت لان ميصير يضربه اقوى لكون عده نزف سابق رجع كح وعقج حاجبه
رجع كال خوده
واوي بويه جاي تسمع واعي باوعلي كال مغرز عدج
هاه صافنه مثل وجه الحايرين كال مغرز مغرز هاها اي عرفت قصده دنبوس جيت ركض طيته لزمه محمود جكه بجف رجله رجع عقج عينه ابتسم محمرد ووجهه استيجبشر باوعلي كال
واعي وديشعر بس ميكدر يحجي عباس باوعلي كال وباوع لمحمود منو البنيه محمود نصه مبتسم نصيت راسي كال بس لاهاي صاحبه الحجاب هزيت راسي اي باوعلي بعتب جر نفس ودار وجهه عالواوي كال
شوف ناقص حتى بنت بغداد اجت ماتكوم عاد من دنعل غيرتك تعاي بويه تعاي امشي ابو شكر باوع للاطباء مشكورين بويه ماتقصرون بس كل احنا اطباء اخذو راحتكم
طلعو ورجعت بقيت اني وامه يمه كلسا ومباوعتلي تبتسم وتريد تحجي وترجع تسكت واني عيوني محاوطه الواوي والمريحني تنتفس ثنينا نفس الهوا اريدامه تطلع وارجع اهمس باذنه بس بقت لليل ماحجت ولاكلمه سبحان الله نفس الواوي وهدوئه باوعتلي كالت
انه حمدد هنايا وانتي نامي عالسديه ذيج الفارغه
ماريد انام اخذي راحتج خاله
لا كوليلي يمه بهيه
ابتسم اوك يمه بهيه بس خلت راسها غفت وبين شخيرها تقربت من الواوي انطفت الاضاءه العاليه وبقت الواطيه مال مستشفى. تقربت من اذنه شاورته
كلتها متردده نايم وخجلانه منه ومرتبكه شاورته
مشتاقتلك كلش مشتاقه اكعد يمك كبال النار بالحديقه وادخن من صدم محتاجه تدخين تلمست شفته وهالنره اطلع الجكاره من شفتها واشربها اني واغمض قووي من يضرب النيكوتين براسي تلمست اذنه واهمس باللخ اباوع على تفاحه ادم بلع ريك وعقج عينه ابتعدت راسن فاكه عيني طلع لسانه يرطب شفته بخفيه ويبلع ريك عطشان حبيبي البطل مال مي يمي خليت بالقبغ ورطبت شفته كام يبلع تلمست ايده مثل الرجفت ايده وصغط شوي وفك روحي طارت تقربت شميت لحيته يابويه يريحه التراب حتى عدك تختلف لكيت روحي اذبل بست خده بهدوء. شفتي ترجف ولزمت ركبته برهاوه ايدي ذبلت كلي كام يرف بجفن عينه واني موكفت تلمست اذنه ونزلت على ركبته استغليته وهذا كلبي راد يوكف تلمست كتفه التفتت امه نايمه نزلت على صدره وخجلت وخرت ايدي شلت ايده وبست باطنها بقيت اباوعلها
تتذمر من ضربتي على حلكي بيها تتذكر من دفعتني قوي عالحايط تتذكر من خليتلي الاثر لزمت اصبعه ومشيته على الجويه جسمي كله كام يرجف وهو نايم كعد كدامه عالكرسي ولزمت ايده شبكتها بيدي وغفيت عالمرسي حسيت الباب انفكت محمود وعباس طبو بعدت ايدي راسن ابتسم عباس ونصه محمود اشرلي بحاجبه طبيعته من يحذر ياشر بحاجبه ليفوك كعدت عدل عدلت حجابي افتر عليه عباي شال جفنه وجر نفس باوع لهاز وقاس الضغط ومحمود رجع نغزه هالمره سحب اصبعه بخفه رده فعل كال
يابه ومحمد صاحي وناصب علينا يحجي همس خاف امه تكعد عباس كال وباوعلي
بويه روحي وي ابو شكر للبيت ارتاحي جاوبه محمود
ايس وانسى ماتهده بعد
الله لايفركهم كال متحسر وباوع لصاحبه رجع كال
ولك ماتكوم مو احت بنت بغداد بعد شنجتسوي بحجابها
خجلت نصيت راسي باوعلي كال
هناك من يقنص يكول هذا واحد اجره اهدي لبنت بغداد ويضرب وهاي لامي بهيه اجره يقسم الاجور بكيفه
ابتسمت نصيت راسي استغربت من عرفت حاجي بيه كدام اهله وصديقه بس كلام عباس وضحلي الفكره
كال
احنا من الحجاب الابيض شكينا وكلنا هاي حبيبته من الموصل وتفاركو ومايدريها وين كل احنا حجينا عن اللي حبيناهن الا اهو جا يسمع ساكت سالنا اكثر من مره عالحجاي ماجان يرد عرفنا عاشك ونوبات نشاقي نكوله عاشك الشمه
نصيت راسي خجلانه رجع كمل
بس من رجع التحق وتغير الحجاب الملفوف على ركبته صار اسود عرفناها مو من الموصل كلنا لو ديوانيه لو بغداد تالي فد نوبه انفضح من اتصل عليه محمود يكوله واحد رايدها واهو ختل وره الحبل يصيح ويشتتم ويغلط ويصيح بنت بغداد ماتصير لغيري لو اعرف احركها لبغداد على ابوها عرفنا الحابها كلبها بغداديه
باوعت لمحمود متفاجاه. شوكت هاي باوعله محمود ورجع باوعلي كال
خلفني مااحجي
واني محمود اني اللو
ميخالف اللو هاذ اخوي
شنو شوكت خابرته
رحت لامه واسالها عنه واكوله شوكت اعرس وكالتلي مايرضى يرجع مموتني وطلبت مني اكوله راح يخطبها عباس وهو صدك الولدتقدم
عباس- هاذ ياعباس
محمود- اخو نسيبي عباس طلبج من ابوج وابوج كاله خل تكمل والله يسهل بس انتي مانطيتي وجه وسالني كتله مرتبطه بابو ذيبه. راستا. سحب نفسه الولد ماكال
بقيت ساكته احجيلي شكالك من خابرته
خابرت كتله جاييها عباس وابوها موافق وو نصيت راسي وعصب وغلط على ابوج وكلي شكول لعباس وختمها اذا صارت لغيري اطشر اهلها
اليسار- ابتسمت ونصيت منساني ولاانفصل عني بس جان مبتعد حتى ماالتهي بغير دارستي جريت نفس مراح اعوفك بعد لو مو ابويه يوكف بوجهي طلعو الولد واخذو امه توسل محمود ياخذني كال هناك عزيزه مو صديقتج كتلهرابد عوفني مااتحرك منا لحد مايصحى
براحتج. راحو وبقيت يمه واخو ماراح بقه بره بس يفوت يباوعله ويباوعلي ويطلع بالردهه يكعد رجعت اتلمس وجهها وتحديد شاربه. الكثيف ورجع يبلع ريك كعد ت تعبت من الوكفه غفيت عالكرسي حسيت اخو فات وامه هم كعدت بله حس باوعتلهم وكعدت عدل باوعتلها شدت علك بيده ابتسمت الها ودمعت عيني اصحى ياعمري انت كلتها بداخلي اصحى تعبببت كعدت امه واخو بصفها باسها من راسها حسيت حركه بيده صارت وكفت فازه صاالح وكف ويايه كال
شني بويه شجاج
مو تحركت ايده
مادري ماانتبهت
رجع بلع ريك ويرطب بشفته ركضت جبت المي خليت بلعه اجباوعت لصالح ابتسم تك خد وهز راسه كال
جاي يشعر بس مايكدر يحجي
هزيت راسي اي كح فزيت فكيت عيني كامت امه بلهفه واني اعصابي توترت كال بصوت تعبان وخفيف
عبسي. عباس
امه بجت كالت هايمه ها يبعد امك
يمه بهيه انتي هنايا انه وين
يبعد شيباتي انت بالمستشفى
يمه الولد وينهم ياهو العاش ياهو العايش عباس وين
بحجي كوه كوه ويبلع ريك ايدي على صدري اباوعله ساد عينه جاوبته امه
عباس موجود واصيل بعد ومحمد وراجوح هم عدلين
الحمد لله يمه بهيه واحشتي
يايمه وليدي متت عليك
تقربت عليه ووتبجي وتبوس بي ابتعدت كال عيوني شبيهن
يمه كال الطبيب نزيف وفتره ويروح ببحيده
يمه بهيه الحجاب وينه فد لا ماجاوبو وياي الولد
ههه لايمه هاذ وينه بس شتسوي بي بعد
ركضت على امه اشرتلها تسكت كالت اوك صالح يباوعلي ويبتسم طاني مجال كاتف ايده صدمني بروده وهدوءه. راسه كله شيب يطلع بكد بابا او يمكن شوي اصغر سكت ابو ذيبه تعب وكلسا كال عطشان واقترب انطي بالقبغ مي ويهمس مشكور حولو عالمغذي واجوي واحد واحد يحاجي
محمود- ولك واوي والله عاتب عليك
اعذرني خويه وروح ابوي حنت اريد انزل بس تصوبت بيومها والله العضيم
صادك يخوك صادك
عباس وينك
ها بويه
احجيلي الصار ياهو الاستشهد ياهو العدل
والله واوي مابقه غير سته وامر اللواء
بالعافيه عليهم الشهاده
بس كل المنطقه نضفت مابقينا ولا قناص اخر واحد جان بكابينه الكهرباء
حواوين حشه اليسمع
اليسار- يحجون ويباوعولي حذرتهم ميذكرون اسمي بس احلى شي من يسالهم امي هنايا يم لوله لا ويفشر وياهم واني افشل ادير وجعي عالشباك ويلغمطوها يكولوله عيب من الطبيب يسكت رغم ميدري بيه يمه بس كلسا وصافن احس يشعر بيه طلعو الولد كلهم بقينا اني وامه هو مكعدي حتى الدم ينزل صاح
يمه بهيه
هايوم
منو اكو هنايا
اا يمه انه غير
بس
ليش يمه رايد شي اصيحلك اخوك صالح
يمه بس انتي هنايا نترر
سكتت باوعتلي تقدمت ايدي على حلكي كال
يمه ردي علي شليتي حالي
ها يوم
منو اكو هنايا
يمه غير انه وياك شجاك تخبلت
يمه عطرها يدك براسي صيحيلي محمود
شتريد وياه
يمه دصيحي اريد اسمع صوتها خوفي لابيها شي ليش اشعر بيها صوبي وهي بعيده خاف الموت اخذها وتركني
يحجي ودموعي تنزل امه برطمت باوعتلي بتوسل تقربت يمه بعد مااكدر صاح يمم-- وقطعت كلامه بلمسه ايدي دخلتها ببطن ايده شهك وبعدها هدا رجه اسه عالمخده وكام يميله يمنه ويسره جر نفس عصر ايدي ويتنفس بقوه امه طلعت من الغرفه تباوعلي وتبجي تمسح بطرف فوطتها. اني كلبي صار بيده بقه دقايق حابس جف ايدي بيذه ويرجف التفس مالته ومرخي روحه عالمخده همس
من شوكت جيتي
مرديت بس دموعي تنزل
احجي بويه وينه حسج
احم بلعت ريك
طلعي صوت اوف ربي احجي بويه احجي
من اول يوم
اخخخ يانبرتج وحنيه صوتج وصارلج اربع ايام هنايا وماتكولين ولا تحجين ولااحد حجه
كمت ارجف جرني اكثر خله ايدي على ركبته يعني الشعرت بي مو حلم مو هيج
شننو شعرت
مااكدر اكوله
اليسار
نعم
وجعت ملبج من كتلج لاتكربين صوبي بس وحق غربتي اني اللي كلبي وكف من شفتج صافنه علي
هزيت راسي تلمست ركبته رجع رخه راسه ونيمه عالمخده كال
عافيه بويه عافيه منج وبيج ويامن جيتي
مراح تصدك
احجي لاتراوغين
وي ماما
اه تذكرت
اي ومعافتني قصه طويله
منهو من اهلي شافاج
كلهم
عصر ايدي عرفوج انتي ياهو
اي
موخوش سالفه
ليش
عيب
جرنفس وارتجي كال
حموتن واشوف عيونج
ماخليت احد يباوع لونها بغيابك سكت ورخه راسه همس
يابعد كل اهلي غمضت عبني كال
حسيت بكربج وكاجلت اتوهم بعدها كلت خاف بيها شي وجاي اشعر بيها صوبي
ردت اموت الا شوي
لاتكولين هالحجي البيه كافيني الموت اخذ كل هلي
اوك اندمت الباب هد ايدي ووكفت عدل امسح بعيوني طب عباس وماما طبت وراه. مشت تقدمت يمي باوعتلي كالت شونه
بجيت حضنتني قوي تبتسم كالت
الضاهر كلش سبع
ماما مداصدك الحمد لله ربي مافد يوم خذلني
الحمدلله بس شون اهل اهله طيبين حيل
اي اعرف
ماما لازم نروح ميت مره خابرت ساره على تلفونج كالت عمي كالب الدنيا باوعتله لزمت ايده كدام عباس لزمني قوي وعافني من حجه عباس ويفتح ضمادهزراسه
كال
اليسار بويه روحي لبيتكم انه مابيه شي
جريت نفس يعني ماشوفك وتسوفني
انتي شفتيني وانه من اجي لبغداد اشوفج
ااوك مجان عدي غير حل دااطلع لزم ايدي كال
حجابي وينه
ببركبتي هياته شلت ايده تلمسه تنهد كال الحلقه بعدها
اي
ليش بويه ذبيها
ماه مالتك هاي ابتسم وعباس كال
ابوذيبه لاتحوص خلني اسوي صماخك بت بغداد نصطفى ينتضر جوه لا تبطين عليه لايك م يهوبز علينا
حروح واوي
الله وياج توصلين بسلامه
ااعادي اخابر كال
انه اتصل بس افك عينه
اوك انتضر
ماشي بويه الله وياج جر نفس طلعت وعيني عليه طبيت للسياره مال توفي باوعلي عاكد حاحبه معاجبه ودار وكهه سلمت ماما حاوبها وسمت الطريق كله حسه مطلع شسويله شيحجون خل يحجون موبيدي تعبت ببعده جنت فرحانه حيل طايره بي
