اي ماما هسه نطلع ديسوي ابوج مال خروج
زمن- طلعت ورجعوني لبيتنا تمددت بفراشي مقهوره حيل بس همزين متحرك وتعلقت بي سمعت صوت عمي يحاجي بابا شوي طبت ماما وعزيزه بيدها صينيه وطاسه خلتها يمي اباوع عيونها منفخه
ابتسمت لج مبيه شي هاهي طير بالجنه كالت اي والله خليت راسي عالمخده ودموعي نزلت اتخيل يقربلها شوي وطب مصطفى كال
هذا يريد يحاجيج تحجين وياه لو لا جان يحجي وينتر بقيت ساكته كال ها اطببه لو لا هزيت راسي خلي يطب
طب همام باوعلي وجهه تعبان طلع مصطفى ميباوع بوجهه سد همام الباب بقه يباوعلي وينصي فرك وجهه تقرب مني كعد يم جهتي وضهره عليه ومندارجسمه لصفحتي بقه يباوعلي وعيونه كلها دمع. محجه شي بقيت اباوع عليه وعلى شفافه اتخيله بايسها ومتلمس اجزاء جسمها بجيت متحملت انصدمت بي هو هم بجه وضم وجهه
بس كولي بستها تلمستها مثل متلمستني سكت واندار عليه مسح دموعه كال
والله العضيم مااعرف شون صارت وكشت روحي من روحي لا بستها لا تلمستها ابد وداعتج
يعني مثل مجتجنت تتقرب مني بدايه زواجي بقه يباوعلي جر حسره لزم ايدي كال
التردي يصير بس لتكولين طلاك
مااكدر بعد
شتريدين اسوي بس لتكولين طلكني
همام والله صعبه
لا زمن طيني فرصه داكولج مااعرف شون صارت
بجيت واخنكت وبطني تكطعت لزمني من كتفي علكيفج
همام والله مااكدر مسحت دموعي
شنو قصدج زمن
بقيت سامته نصيت عيني تقرب مني باوعتله يباوع لركبتي ويتنفس قرب انفه من ركبتي وغرس راسها بيها ويبوس برقه ويهمس
شكد مشتاق لوسا تي
غمضت قشعر جسمي للمسه شاربه حسيت دموعه نزلت على كتفي ضميته قوي مااعرف ليش هيج سويت انخض جسمه يشهك طول عمري اكره الرحال من يبجي الا هذا عرفت الصار ضعف منه بس مو بيدي كلبي انلجم جرني حضني بلهفه ويبوس بركبتي وخدي اني ابجي وهوويبجي ابتعد باوع بعيني كال
شكد وترجعين
مسحت دموعه بايدي مجاوبت
بس كوليلي وكت مده طيني تاريخ واني اجي اخذج بيومها
من ارتاح
يعني يعني ترجعين
مادريدواللهزمادري رجعت بجيت
اوك هاهي
باس ايدي واخذها مشاها على ركبته اباوع عيونه ذبلت باوعتلها وتذكرت غمضت عيني ودرت وجهي ابتعد وكف ورجع نصه باسني من راسي وشمني قوووي من شعري ورجع وكف كال
اني رايح
خله ايده على جيبه طلع محفضته ديطلع فلوس درت وجهي خله جوه راسي كال
خليهم جوه ايزج
هاي فلوسها مو جمد باوعلي كال
هذا تعبي بت عمي هذا تعبي الاتعبه علمودج والصار وعد ميتكرر بعد المرار الشفته ماخليج تضيعين مني زمن اني حبيتج وتعلقت بيج اني ضعيف كدامج تخبلت من واجهتيني وعفتيني عبالي كل النسوان مثل امي وضعفها اني راح اعوفج ترتاحين وشوكت متردين بس خابري وهذا هو
هزيت راسي اوك طلع وعيونه عليه رجعت نزلت جسمي نمت واتذكر حضنه واذوب
اليسار- خابرت زمن طلعلي مصطفى وطاني عزيزه حجيت وياها حجتلي عن زمن تخبلت بقيت انتضر مكالمتها باجر دوام ومنتضره بفارغ الصبر الديضني بنفسي انه تحضرت لعزيمه حوده وحضرت احلى ملابس حتى يشوفني عباس ليش هيج تصرفت لحد يسالني ليش جنت محضره تنوره كلوش وستراب نيلي وابيض كلش راقي وحجابي وي الحذاء الفلات والجنطه طلعت الصبح حتى كحل مخلين بس مسكاره بينت بيها عيوني اكثر وكفت راضيه عن شكلي ونزلت اجتي مناك ساره ابتسمت من شافتني بيدها جيس بي حافضه كالت
يله الرحال دينتضر عيب
عمو ابو غايب،اي
ديله صعدنا وطلعنا للجامعه ومحمود تاخر بقينا كاعدين عالمصطبات تونا نسولف بزمن واسمع وحده ورايا
ليش تشيلين غيبه بس انداريت عليها خنكتني العبره. حضنتها قوي كال
هاهي الحمدد له
خو مضايجه بوستها ساره
كالت
لا الحمد لله هو جان ضعيف
شوكت نزلتي
منزلته هو نزل من وحده صار 3ايام
يعني ماكو وجع
لالا زينه الحمد لله باعي اللو
ها حبيبي احجي واباوع لباب الحامعه خاف حوده يجي وساره متوتره اكثر مني
باعي اليوم اروح اجيب وثيقه من ثانويتنا تجين ويايه
اي لعد ليش تدللي لمحت حوده طب مبتسم ياشرلي بالسب باصبعه وصل يمنا وكفت ساره مبتسمه وتقرره بوجهه زمن ضهرها عليه كال
هااا بنات الله يساعدجن ووجهه يضحك التفتت زمن بس شافها ملامحه كبل تغيرت وعيونه فكها كلها بلع ريك ودار عينه باوع لساره عبالك يكولها لحكيني ساره ابتسمتله كال
شونج زمن
ههلاو محمود شونك
بخير الحمد لله يله بنات عود صيحولي من تردون تاكلون
زمن- اني حفوت عدي محاضره
اليسار- احم اوك طبت زمن جانت فعلا محاضرتها باديه محمود ابتعد وكف وي جماعته من شافها راحت رجع يمنا يبتسم كال
يله يله فتحت الحافضه ميت جوع التفتت لساره بقت صافنه عليه بوجهه ابتسامه راحه باوعلها كالها
هاااا لاتكولين ماجايبه اكل وعلي اردج لاهلج شهالعزيمه هاي
عزيمه مصلاوي
خلف الله عليج اللو شبيهم مايعجبوج شبينا عمي
لالا والله اتشاقى ههههه كعدت وساره فتحت الحافظه راسن مد راسه كال
هاي بس الي يابا جاي ندرس طب شني هاي جايبه لكمتين عصافير احنا
شله ايده وطلعت ساره الحافضه اللخ وجابو الجاي وبدينا نتريك ويحجيلنا عن اخته ورجلها وعركاتهم
هو مايكدر دونها وهي تصيح علي وتبجي وهو يقسم يكلها اذا ماتسكتين بجي اطلك النوب انه مااعرف اضحك لو افاجج يابه غديتلكم هريسه
اليسار- خربت ضحك عليه باوعت لساره تاكل لكمه وتباوعله بحب وتشرب جايها جر جايه كله يباوعلها ويدير وجهاا عنها مبتسم كال
ماتردي جايج مو ساره
اليسار- بقيت اباوع منا واباوع منا شون حلوين وهو يباوعلها جنها دنيا بعينه صح جان يحب زمن بس من شافها عرفت هذا طلعها من كلبه جر جاي ساره ويحجي على اخته نرجس صوته عالي ومن يحجي بخواته ينصي ويتلفت
مامو احد كمل
هسه يجي عباس يكلي تحجي بعرضي ويسحلني بالجامعه هنايا
ههه
اي اكللها بويه ادرسي تكولي هسه انت مو درست شحصلت شو رجعت لبيت اهلك وفتحت محل تخيط المشكك راسهم انه هم افتح دكانه اخيط هدوم تستر العالم بله هاي شحاحيها شكللها النوب حجيها عدل
هههههه خرب يومك محمود جنت اضحك من كلبي وساره شارده بعيونه واني بالي يروح ويجي يم زمن خاف انقهرت دزيت رساله الها
زمن خو مضجتي
ردت
ولج اني همام ياكل ويشرب ويايه متدرين شكد حبيته تتوقعين اكدر ارجع اباوع لاول حب ولتراسلين بعد اني بالمحاضره
الحمد لله ذبيت التلفون سمعت صوت خشن ورايه
السلام عليكم
التفتت واوي وكفت راحت الضحكه وكف حوده كال هله يابه يله ويانا البنات عازميني على ريوك تفضل ويانا
اليسار- بقيت صافنه عليه باوعلي ابتسم نص خد وباوع للبسي جر حسره ودار وجهه كال لا متريك بس خل اجيب جاي
محمود- وياك واحد الله عليك
ساره- ولج حوده هاي كلها دهن موزين عليك كافي
محمود- يابا انتي مو عازمتني جا هيج العزومه عدكم عودك يحجون على اهل الموصل دباعي الخبز عودك هاي العرايس
اي ههه
اي والله خوش عرايس
اليسار- طيرها محمود واني عيني على ابو ذيبه شوكت يرجع شوي ولمحت عباس طب يفر براسه والتلفون باذنه هذا عباس قطع كلامي تلفون حوده كال ها اجه وكف اشرله واجانا يبتسم اباوع طوله وهيبته والقميص السمائي والبنطرون القماش والرقي والساعه والمحبس والنضاره وتحديد اللحيه والخد اليلمع مو نفسه بيوم العاشر ولحيته شطولها يخطف الانفاس وصل يمنا كال
السلام عليكم
وكفت بخجل مااعرف ليش حسيت روحي اخون ابو ذيبه ابتعدت كعد كدام محمود باوعلي كال شونجن بنات
اليسار- اباوع ورايه وارد بهدوء ي
الحمد لله
ساره- الحمد لله
عباس- شونج اليسار
اا زينه زينه واجه ابو ذيبه واني اباوع عليه ابتسم من وصل يمي ولمح عباس خزره خله الاستكانات وكف عباس باوعله رافع تك حاجب رغم هذا ابو ذيبه مد ايده يسلم وعباس هم مد ايده تسالمو بس الوضع نار-
محمود اخرس وساره هم لمت الهوسه عالميز واني جامده وكلهم ساكتين ابو ذيبه كام عدل بنطرونه باوعلي كال
شوكت ترحين لعمج
احم بعد
لا شني بعد عده عمليه ب12 نتر
باوعتله ونصيت كلي لتجين همست وجهه صار دم ويباوعلي بخزره مااعرف ليش حبيت استفزه رجع كعد ويفرك بوجهه رافع تك حاجب يباوعلي وعباس هم يباوعلي مبتسم كال
عباس- عمج وين مكان عمله
محمود- مو كتلك هاي البنايه الي غادي عن الجامعه
ابو ذيبه- وانت شني قاصله قصه حياتك لاخو نسيبك ماتجوز من سوالفك
محمود- ضميت الضحكه باوعت لاليسار خايفه -- لا يابا سالني عن عمها ورديت عليه البارحه ببيتهم
ابو ذيبه- واستاذ عباس شعده وي عمه اهو استاذ بكليه النفط وعمها طبيب وين الربط واساسا انت ماعدك شي بجامعتنا
عباس- انه بس لو اعرف شعدك وياي بويه ردت لامي طبيب هاي كل الموضوع
ابوذيبه- باوعت لاليسار بغضب كومي صاحبتج اجت وخجلانه تجي صوبنا حقها كعده شباب وبنات ماتصور اهلها يرضون عليها
اليسار-باوعت ورايه ورجعت باوعت لبوذيبه كرهت اسلوبه اليحسسني انه مااستحي وكفت رحت لزمن كالت راح اطلع اجاني توفي
اوك بوستها كالت نتخابر راحت اريد ارجع اخجل وكف ابو ذيبه واتجه تجاهي مشه من يمي بدون ميفر راسه تجاهي كال
لحكيني للمكتبه ومشه من يمي سريع بقيت جامده اروحله لو ابقى يمهم صاحتني ساره رحتلها كتلهم
اني حروح اجيب مصادر من المكتبه غمزلي محمود افتهم شنو فلمي باوعت لعباس كتله
من رخصتكم
غاليه يابا غاليه باعي دكتوره اليسار
نعم التفتت ابتسم ووكف احتراما من يحجي شكد كبر بعيني بس مو هو اللي يملك دكه كلبي كال انه رايح لعمج لان محمود عده دوره هناك حتى وره عمليته احاجي علمود امي
اي اني يعني شتريد مني
لا بس جاي اكلج
اوك ماشي كملت مشي ورجلي صارت خيرط شي يكولي رجعي وشي اكبر يكول بس اعرف شيريد وانزل صعدت للمكتبه جان كاعد يم الشباك اللي يطل على كعدتنا عالسنتر يعني شافني من حجيت وي عباس وكفت يمه كال
ها كملتي كلامج وي الاستاذ باوعلي بغضب كال ورفع حواجبه ثنينهن ياشر بيهن ليمدام كال
كعدي
كعدت كدامه باوعتله يباوعلي يريد يملخني بقيت ساكته احم خليت جنطتي عالميز كال
شكالج بله
منو
تعرفييين نتر خرب روحي احجي
شنو
اليسار استغفرك ربي جر شعره ليوره وفرك وجهه كال لا تخليني اجرم بيج
شنو شبيك برطمت جر نفس بعصبيه وسكت احسه يريد يهدا كال
شراد منج شحاجاج المره
عباس،لاتكولين اسمه لا الطمج لطمه اكسر سنونج
هاي عليه
احجي شراد منج
مراد كلي خروح حلعمج
وانتي شني مايروح ياهو الكضه
يحجي وياشر وعيونه تطلع شرار سكت وكلسا يجر نفس يستغفر الله واني عيوني تباوعله خوف وعشق ويباوعلي بغضب كال محمود عليش هلكد مثكله وياه
محمود اخويه بس هو الوكفلي من وكعت
،ادري بيه بس مو هالحد
هزيت راسي اوك ماريد اخالفه اخاف ياكلني جتافه من العصبيه عبالك صارت ضخمه كال
خوما جاي تدخنين
باوعتله ابتسمت هزيت راسي لا راسن تغيرت ملامحه ابتسم دك تلفوني زمن رديت باوعتله
الو ها زوز
ها اللو اكولج تكدربن تجين يمي
ليش
مو عدي ابرتضربيها الي
ها اوك بعيني سمعت صوت عزيزه بصفها تقصدت احجي كدامه
طينياها لهاي ام دميعه باوعتله ابتسم ميل راسه يباوعلي ذبلت عينه
الو هلو عزيزه اباوعلها رفع حاجبه كال
عزيزتنا
اي هزيت راسي هلو شونج
هلو حبيبه انه بخير انتي شونج
اني زينه هاج فد واحد يريد يحاجيج
منو طيته التلفون اخذه كال
ها خالي
هله خالو يبعد روحي
حبيبه خالج شونج
زينه بخير خاله انت بالولايه
اي خالي
تجينا بس اشوفج عليك بداعت امي
لا خالي عيب من عيالج
اليسار- دااعدل نفسي انضربت بحذائه رفع عينه باوعلي نضره رجغتني كالها يصير خير شجيبلج وياي بس كولي شعاجبج كمل المكالمه وذب التلفون باوع للشاشه وشاف الخلفيه جنت مخليه صوره ايده عالملازم من زمان ونسيت الخلفيه من بقه يباوعلها للشاشه ويباوعلي تذكرت جر نفس كال
انتي مثل الدويره المغلقه افتر وارجعلج وارجع افتر وارجعلج
بقيت صافنه عليه كال
طريقي طويل يبت بغداد تلاشت ملامحي فرك وجهه وباوعلي كال
المثلي ميت روح وعايش جسد من شفت ابوي واخوتي يوكعون كدامي من شفت ابن اخويه يتوسلني انقذه جيف انه طبيب ونزف لحد مامات وانه ماكدرت اساعده لان ماعدي امدادات
يحجي ودموعه نزلت رفع راسه ليفوك
لا تشوفين كاصي كلب بس ماضلت بيه روح والخلقج صحباني كلهم وكعو واحد وره الثاني ابن اختي واخوي ووولد عمتي وعمامي روح بروح جننا وفركنا الضيم انه رجعت ميت اكضي الليل اتذكر موتتهم السهله ومايطفيني ويدفيني غير حجابج اللي ضل بركبتي عطرج خلص منه كثر ماشميت بي كل الوياي عرفو بيه عاشك
- بقيت اباوعله ودموعي تنزل
انه مو قصدي اهدج بس اعرف روحي ماضل بيه روح ليش اضلمج ويايه
جان وكفت وياك
واجرحج ببكت اللي بي استشهد وواجع كلبج
بقيت صافنه كال
مانسيتك لحضه شني اللحضه مانسيتج
هزيت راسي
واللي كلته الج ببستان حياوي هم سبب لاخ بس انه اعتذر عالكلته اذيتج حيل بس ردتج تطلعيني من كلبج بس وانه اشوف عباس وعينه منج تخبلت
ليش انت مو متريدني
اليساررر انتي الييي ببحدي انت مالت ابو ذيبه فاهمههه انه من لبست الحجاب معناها رجعتي الي من نيشنتج
مد اصبعه على مكان اثر الجكاره الجواني بيه وكمل
انه من نيشنتج بشفافج صرتي الي وماخلي مخلوق ينضرلج عود من اموت وسكت
بقيت اباوع بعينه كال حنتاخر على عمج امشينا
اا ابو غايب يجي عليه
ماشي بويه امشي. طلعت كدامه وهو ورايه كال
حيل معجب بسترج انه
ابتسمت التفت انداريت عليه
اريدج وياي تكفين عدنا عمليه قلب مفتوح نفس مال ذيج النوبه
اوك هزيت راسي والفرحه تارستني طلعت بره الجامعه واجه ابو غايب كتله
تعال ويانا
لا بوبه لا عيب من عمج شيكول مستغل الوضع
اوك صعدت باوعتله اشرلي براسه اصعدي مثل قبل ضحكت وضحك تذمر
