أسير عينيها

الفصل الثامن 2

الفصل الثامن الجزء الثاني
¤¤¤¤¤¤
جثي علي ركبتيه بجانب كرسيها ينظر لها بسعادة تنطق من بين قسمات وجهه المرهق

خالد بصوت منخفض : لينا ، لوليتا اصحي يا لوليتا

تمتمت وهي نائمة بضيق: مش هصحي يا خالد ومش هروح المدرسة النهاردة اجازة

ضحك عاليا بشدة ، ضحك كما لو لم يضحك من قبل فتململت هي بانزعاج من صوت ضحكاته فتحت عينيها بضيق لتتسع عينيها بفزع

لينا بقلق : خالد أنت قومت من علي السرير وشلت الكانيولا والمحاليل ليه انت لسه تعبان

خالد : بس اهدي أنا كويس
لينا بضيق : لو سمحت ارجع لسريرك
عاد لفراشه يتسطح عليه فعملت علي اعادة توصيل المحلول الوريدي بجسده

خالد بألم مصطنع : ااااه الحقيني مش قادر
لينا بفزع : في ايه ، ايه الي وجعك
نظر له بهيام ليهتف بمرح : قلبي بيوجعني أوي آه يا قلبي
ضيقت عينيها ترمقه بغيظ : جاك وجع في قلبك وقفت قلبي

ابتسم بمشاكسة : خوفتي عليا
نظرت له ببلاهة لتهتف بتلعثم : هااااا ، ااه طبعا حضرتك مريض ولازم نخاف علي حضرتك عشان سمعه المستشفي

خالد مبتسما بسخرية: همشيها سمعة المستشفى ثم اكمل بجد هو ايه الي حصل بالظبط
لينا : كل الي اعرفه أنك اتصبت ومحمد ويوسف جابوك هنا

هز رأسه إيجابا ليكمل: أنا هخرج امتي
لينا : يومين علي ما حالتك تستقر خالص ممكن بقي تستريح عشان انت لسه تعبان

خالد بجد : لاء انا كويس ، وعايز اخرج

لينا بضيق :  تخرج ازاي ما ينفعش لازم تفضل تحت الملاحظة يومين علي الاقل دي اوامر الطبيب المعالج

خالد غامزا  بمشاكسة : وانا تحت امر الطبيب المعالج

نفخت خديها المتوردتين من الخجل بغيظ لتهتف بصوت منخفض غاضب : قليل الادب

خالد ضاحكا : سمعتك على فكرة
سمعا صوت دقات علي باب الغرفة

لينا : اتفضل
دخل يوسف وساندرا
يوسف بمرح: يا صباح الي بتغني يا لود عامل ايه دلوقتي

ساندرا مبتسمة : صباح الخير يا خالد حمد لله على سلامتك

خالد : الله يسلمك يا ساندرا ، ممكن معلش اطلب منك طلب
ساندرا : اه طبعا اتفضل
خالد: ما تجبيش الواد دا هنا تاني
ضحكت ساندرا ولينا ضحكات عالية ، فنظر خالد الي لينا احدي نظراته المخيفة فسكتت عن الضحك

دخل بعد قليل محمد ورانيا ولوجين ابنتهم الصغيرة ذات الثلاثة أعوام
جرت لوجين سريعا الي حضن خالد
لوجين بفرحة: عمو خالد
خالد ضاحكا بألم: براحة يا لوجين علي عمو خالد
اتسعت عيني الصغيرة بدهشة : ايه دا يا عمو انت متعور