أسير عينيها

الفصل التاسع والعشرون

الفصل التاسع والعشرون
¤¤¤¤¤¤¤¤¤¤¤

فتحت عينيها ببطئ تشعر براحة كبيرة بعد ما اخذت قسط كافي من النوم تكررت أحداث الليلة الماضية مرة اخري في حلمها لتجعلها تستشقظ وعلي شفتيها ابتسامة حالمة 

اندثرت ابتسامتها فجاءة شخصت عينيها بصدمة عندما وجدته نائما بجانبها يأسرها بين ذراعيه

دفعته بفزع بعيدا عنها لتري انكماش جبينه بضيق فتح عينيه يتحدث بصوت اجش لا تزال آثار النوم عالقة به : في ايه يا لينا

لينا بضيق: إنت ازاي تنام جنبي
فرك عينيه بنعاس : الله يهديكي يا بنتي علي الصبح اطلعي برة واطفي النور وسبيني أنام

اتسعت عينيها بدهشة جلست على ركبتيها تعقد ذراعيها أمام صدرها بضيق: علي فكرة دي أوضتي أنا روح نام في أوضتك

كاد أن يرد عندما سمعوا دقات علي باب الغرفة
اتسعت عينيها بفزع شحب لونها ماذا سيقولون عنها عندما يجدوه في غرفتها بالتأكيد سيظنون سواءًا بها
تحدثت بصوت مرتجف : ممممين
ردت عليها زينب من الخارج : أنا ماما زينب يا حبيبتي افتحي

لينا سريعا: ثواني
نظرت له تصيح بحدة من بين أسنانها بصوت منخفض : أعمل ايه دلوقتي مامتك هتقول عليا ايه ، اكيد هتفتكر أننا كنا بنعمل حاجة مش كويسة اخبيك فين أنا دلوقتي

هز رأسه نفيا بيأس من تلك البلهاء التي تزوجها لينادي بصوت عالي: خشي يا ماما

اتسعت عينيها بفزع عندما فعل ذلك ثواني سمعت زينب تدخل الي الغرفة علي شفتيها ابتسامة ودودة
زينب مبتسمة: صباح الخير يا لوليتا
ابتسمت ابتسامة متوترة خائفة : صصباح النور يا ماما

زينب بمكر: ايه دا انت هنا يا خالد  ايه الي جابك هنا

خالد بدراما مبالغ : المجرمة دي  جاتلي امبارح بليل وقالتلي تعالا اوريك الساعة الي بتنور في الضلمة روحت معاها عشان انا طيب ومحترم وعلي نياتي دخلت الأوضة وقفلت الباب بالمفتاح وبعد كدة لالالا مش قادر اقول

ثم شرع في بكاء تمثيلي مضحك للغاية نظرت له بدهشة للحظات لتنفجر ضاحكة تشاركها زينب وصلات من الضحك

زينب ضاحكة: معلش يا حبيبي انا هخليها تصلح غلطتها وتستر عليك ولا ايه يا لولو

عقدت حاجبيها بتفكير مصطنع : امممم افكر

عاد يتحدث بدراما مرة أخري: انتي لسه
هتفكري  والي في بطني دا اعمل فيه ايه  هتسبيني للذئاب تنهش فيا انا وابنك

مجنون ذلك الرجل لم تضحك بذلك القدر منذ مدة طويلة بسطت كف يدها علي معدتها المنقبضة بألم من كثرة الضحك

اتسعت عينيها بدهشة عندما وجدت والدته تشاركه نفس الاداء الدرامي تهتف برجاء مصطنع : خلاص يا لولو لازم نلم الليلة قبل ما الحمل يبان ونتفضح