36,400,000
بيقولوا إن ده عدد الحضارات العاقلة اللي عايشة في الكون بتاعنا، الكلام ده وفقاً لمعادلة دريك الشهيرة.
خلال آخر 78 سنة كُنا بنبُث للفضاء الخارجي كل حاجة عننا، برامج الراديو بتاعتنا، برامج التليفزيون، تاريخنا وأعظم اختراعتنا، كُنا بنبُث كل حاجة للفضاء الخارجي بانتظام.
بالظبط زي ما يكون الكوكب بتاعنا واقف في الفضاء بيصرخ بكل قوته وبيقول كُل معلوماته مستني أي حد بس يسمعه.
التساؤل الأهم اللي كان مسيطر علينا هو... هل إحنا في الكون لوحدنا؟؟
معادلة درايك بتقول 36 مليون حضارة !
بس برغم إن بقالنا قرن تقريباً بنبُث كل حاجة عننا، مسمعناش أي رد من أي حد
إحنا في الكون لوحدنا.
الكلام ده كان حقيقي لحد من 5 دقايق بس... !
جالي إشارة من شوية، اشارة متناسقة ومتسقة بشكل ميخليش في اي شك، في البداية كنت شاكك انه نوع من الانتقال الثنائي، قست 1679 نبضة تقريباً في دقيقة واحدة بس اللي كان ناقل الحركة شغال فيها.
بعد كده استمر الصمت تاني.
الأرقام مكانش ليها اي معني في البداية، مجرد خليط عشوائي من الدوشة والضوضاء، بس النبضات كانت موحّدة تماماً.
والتردد ده من بعد البث ده وهو صامت تماماً.
البث ده لازم يكون من مصدر صناعي، بدأت ادوّر علي البث مرة تانية، وفوراً لاحظت حاجة خلت قلبي يقف لثواني من الرعب !
1679... ده نفس طول رسالة أريسبو اللي وصلت لينا من 40 سنة عبر الفضاء الخارجي برضه.
بكل حماس بدأت أحط الأرقام دي في المستطيل الشهير المكون من 73 خانة بالطول و 73 خانة بالعرض، وقبل ما أوصل لنص المستطيل تأكدت من حاجة مهمة.
الأرقام اللي وصلت هي الأرقام الزوجية اللي بين 0 و10.
الأرقام الذرية للعناصر المسؤولة عن الحياة البشرية.
حد كان بيسمعنا طول الوقت ده !!!
حد كان بيسمعنا طول الوقت ده وعاوزنا نعرف إنه سامعنا وموجود !!
بعدها جالي فكرة، الرسالة الأصلية اللي وصلت كوكب الأرض من 40 سنة، ده معناه إن في حياة بتتواصل معانا علي بعد 20 سنة ضوئية تقريباً، وجود حضارة علي بعد زي ده كان طفرة علمية هتهز الكوكب كله، ده هيعمل ثورة في كل حاجة علي الأرض خصوصا علم الأحياء الفلكية.
الرسالة دي بتتكرر تاني... !
المرة دي بتوصلنا ببطء، بطء متعمد، استمرت حوالي 5 دقايق، بالطبع خليت جهاز الكمبيوتر يسجلها المرة دي، لما خلصت الرسالة والصمت بدأ مرة تانية.
بدأت أكتب الرسالة تاني براحه:
0.0.1.1.0.1.0
فوراً عرفت ان دي مش نفس الرسالة اللي وصلتني قبل كده، عقلي كان هينفجر، عارفين ده معناه ايه؟
في حضارتين مختلفتين بيحاولوا يتواصلوا معانا في وقت قليل جداً، البث المرة دي كان 248 نبضة بس، 248 رقم !
المرة دي كنت متأكد انها رسالة ولازم اترجمها واعرف معناها، الموضزع كان غريب، ايه هي الرسالة القصيرة بالشكل ده وجاية لينا من حضارة تانية بتتواصل معانا؟
علي الكمبيوتر الرسايل الصغيرة بالشكل ده بتكون عادةً نص... نص كتابي !
معقول...؟
بيبعتوا لينا رسالة بلغة من لغاتنا !!
الموضوع مكانش هيبقي مفاجي لو فعلاً حد بيسمع البث بتاعنا، احنا بنبث لغتنا بقالنا اكتر من 70 سنة، طب لو حد بيسمعنا طول المدة دي ليه محاولش يتواصل معانا غير دلوقتي ؟
بدأت احاول اترجم الرسالة بلغة الترميز الاولي اللي بتعتمد علي الـ 0 والـ 1
خلصت ترجمة النبضات وتحويلها لحروف بعد وقت قصير، الرسالة اللي ظهرت قُدامي كانت اكتر حاجة مخيفة شوفتها في حياتي كلها، الرسالة كانت تقول:
( اسكتوا... وإلا هيحددوا مكانكم )
* * *
ملحوظة:
الموضوع ده كتبه واحد بيقول إنه كان شغال في مشروع مهم في ناسا للبحث والتواصل مع الحضارات التانية اللي ممكن تكون موجودة في المجرة.
النهاية
* * * *
أنت تقرأ
Already happened- حدث بالفعل
Kinh dịأعِزائيِ القراء دَعوني اصحَبَكَم اليومِ في رحلةَ أرجو ان تَكونَ مُمّتِعّةَ، رِحلَتَنا اليَومِ مِتنَها 23 قِصةَ مِن قِصَصِ الرُعبِ الحَقيقية الَتي حَدَثَت في اماكِن مُختَلِفةَ حَولِ العالم عليَ يَمينَكُم الآن المَزرَعَة السَوداء... مَكان خاص مَليء با...
