Already happened- حدث بالفعل

10- استحواذ شيطاني

Part 1

سنة 2005 تم تعميدي رسميا كقس، بس انا كان عندي مشكلة في القاء الخطابات ووعظ الناس، كنت بتوتر جدا قدام الناس ومش بعرف اتكلم، عشان كده كان لازم الاقي شغل تاني غير الوعظ في الكنيسة، معظمكم هيتفاجئ باللي انا هقوله ده وهيسمعه لاول مرة لأن الموضوع سري جداً، لكن الكنيسة الكاثوليكية عندها قسم خاص بالاستحواذ، والمسؤول عن التحقيق في القضايا الخاصة بالماورائيات والغرائب، ومن ضمن الماورائيات دي طبعا الاستحواذ الشيطاني
الاستحواذ الشيطاني مش موضوع شائع جداً، في الحقيقة نسبة اصابتك لاستحواذ شيطاني لا تتعدي ال 1%

اغلب الناس من جميع الديانات حول العالم مبيؤمنوش بموضوع الاستحواذ الشيطاني وبيفسروا الموضوع علي انه مرض عقلي
لكن الحقيقة غير كده تماماً، احنا في حرب عنيفة ضد الشياطين، وعلي عكس المعتاد الاستحواذ الشيطاني مش بيحصل بس للأشخاص المُهتمين بعقد صفقات مع الشيطان، بيحصل كمان للي بيقروا في السحر، لعبدة الشيطاني للي بيقروا تعاويذ بهدف التسلية، للي بيلعبوا ويجا، للي بيحاولوا يحضروا ارواح الأموات، للي بيحاولوا يتعمقوا في علوم التنجيم، للي بيلعبوا بأوراق التاروت، للي بيسلموا نفسهم للدجالين والمشعوذين والحاجات اللي زي دي.

عشان يصاب شخص بالاستحواذ لازم يكون ايمانه بالله ضعيف ويكون بيحاول يكوّن علاقة مع الشيطان، بس مع الاسف مش بيدركوا فداحة الامر غير وهما وصلوا لمرحلة ميقدروش يتراجعوا فيها
لما بيوصلوا للمرحلة دي محدش بيقدر يساعدهم غير حاجتين، تجديد الايمان بالله وقس متخصص في عمليات طرد الشياطين ومعالجة الاستحواذ من الكنيسة الكاثوليكية.

احنا لينا طقوس خاصة بيرجع اصلها لسنة 1614 لطرد الشياطين، الكنيسة الكاثوليكية هي الكنيسة الوحيدة اللي لديها العلم والقوة اللي يكفوا لمحاربة الشياطين دول.
لما حصلت الاحداث اللي انا علي وشك احكيها لكم كنت تابع للأب فرانك، الأب فرانك هو رئيس قسم طرد الارواح الشريرة في بسمارك، داكوتا الشمالية.

قالي مرة انه خلال الاربعين سنة اللي اشتغل فيهم في القسم، واجه حالتين بس من الاستحواذ الشيطاني.
اول حالة كان شيطان مستحوذ علي جسم ست عجوزة في قرية صغيرة، لسخرية القدر القرية دي كان اسمها بحيرة الشيطان، الست دي قدرت تعرق زوجها و3 قطط في البحيرة لوحدها.

الحالة التانية كانت لمراهق هدد صاحبته انها هتموت في عيد ميلادها السادس عشر، في البداية الاب فرانك كان معتقد انها حالة كره نابع من المراهقة اللي بيمر بيها الولد والبنت، لكن يوم عيد ميلادها لقوا جثتها في حمام السباحة اللي المياه بتاعته تحولت للون الأحمر بسبب دمها، جنب حمام السباحة كان مكتوب كلام بلغة مش مفهومة بدم الضحية، الاب فرانك عرف فوراً ان الكتابة دي باللغة اللاتينية وكانت الرسالة بتقول: "إت إيداو إكزالتبيتور باركينز"
او لو ترجمناها هتكون: " إنه يبعث"
القصة دي بترعبني لحد دلوقتي في كل مرة يسمعها فيها.