Already happened- حدث بالفعل

8- تحدي أم حقيقة؟

جاريت متعود ينسي كل حاجة لما بيبقي سكران...

فاكر مرة لما سكر ونسي انه بيكره التشيز كيك واكل تشز كيك كاملة لوحده، رفض يدي لاي حد.ولو قطعة واحدة منها، الصبح لما حكيناله اللي هو عمله واحنا بنضحك، بطنه وجعته ورجع كل اللي اكله، فضل قرفان انه اكل التشيز كيك فترة كبيرة جدا وكل ما يفتكر يرجع.

جاريت كمان متعود يقبل اي تحدي لما يبقي سكران.
ده كان مخليه خليط غريب بين الخطورة والضحك.

اخر يوم دراسة لينا قبل امتحانات اخر السنة، عملنا حفلة تخييم كبيرة وعزمنا كل اصحابنا، كنا جنب البحيرة الكبيرة، الفكرة كانت ان الحفلة تكون مقتصرة بس علينا وعلي شوية من اصحابنا لكن قبل ما نفهم ايه اللي حصل، المخيم بتاعنا كان مليان ناس بتحتفل !

برغم كل الناس دي الا انك كان ممكن تحدد جاريت من وسطهم بكل سهولة، جاريت مدمن حفلات.
كان ماشي يتطوح وسط الناس وفي ايده زجاجة تيكيلا شبه فارغة، اول مرة كنت اشوفه سكران بالشكل ده، بس هو ده جاريت، دايماً بيفاجئني بحاجات مش متوقعة، جاريت كان اكتر حد سكران في الحفلة وكان حريص ان كل الناس اللي في الحفلة تعرف انه سكران بالشكل ده.
كان ماشي وسط الناس بيتحدي اي حد يتحداه باي حاجة يعملها عشان يثبتلنا انه مش بيخاف واجرأ من اي حد فينا !

الساعة ث بعد نص الليل بدات الحفلة تهدي تماما، علي حدود الساعة 4 كان فاضل بس 7 اشخاص، كنا قاعدين حوالين النار وبنتكلم، ناس مننا كان مغمي عليهم او نايمين من التعب، جاريت كان فايق جداً !
علي حدود الساعة 4 ونص الصبح، كل الناس اللي في المكان كانوا ناموا الا جاريت وبنت شقرا جميلة كانت قاعدة جنبه وانا بس.
كنت ساند ضهري علي جذع شجرة وساكت بتفرج علي السما، لحظة سكون مريحة بعد دوشة الحفلة اللي انتهت.

جاريت بص للبنت وطلب منها تتحداه، تطلب منه اي حاجة مجنونة يعملها، البنت فكرت ثواني وبعدها طلبت منه ينط من فوق الشجرة للبحية العميقة، لو هو مش سكران كان هيعرف ان دي فكرة مش حلوة، بس البنت كانت حلوة وهو كان سكران فالأمور كانت عادية، الينت تحدته رسمياً.

كنت بتفرج عليهم بصمت...

جاريت مبيعرفش يعوم.

جري لحد الشجرة... طلع فوقها... انا كت قاعد بصمت وبتفرج

انا الوحيد فيهم اللي عارف ان جاريت مبيعرفش يعوم.

انا الوحيد فيهم اللي عارف انه سكران لدرجة انه نسي ده

كنت بتفرج وانا مستمتع.

قُدام عينيا كان جاريت بيغرق بيحاول يستنجد بحد

البنت هربت في فزع وانا غمضت عينيا باستمتاع

أخيراً هخلص من جاريت وهكون الأكثر شعبية في المدرسة.

* * *

النهاية
* * * *