قاد غيث السيارة بسرعة شديدة واتجه إلي مقر عمله وذهب إلي مكتب اللواء واستأذن للدخول ف سمح له وأدي تحيته وجلس وأردف اللواء : خير ياغيث اكيد ف حاجة مهمة حصلت خليتك تيجي بالشكل دا
غيث مؤكدا : أيوة يافندم حصلت حاجة وحضرتك لازم تشوفها
اومئ له اللواء ف قام غيث بتشغيل الفلاشة وعرض مابها ع اللواء وبعد الانتهاء من عرضه أردف غيث : دلوقتي يافندم حياة مراتي وابني قصاد الطلبات اللي طلبها الحيوان دا
اللواء بهدوء : بس انت عارف ياغيث انو صعب علينا اننا نطلع اكبر رئيس عصابة من السجن ونرجع الشحنة اللي كانت هتدمر البلد وانت عارف انو طبيعة شغلنا بتحكمك انك تفصل مابين حياتك الشخصية وحياتك العمليه
غيث بهدوء عكس ما بداخله : يعني اية يافندم ماهو اكيد مش هسيب مراتي وابني كدا قولي حضرتك عاوز توصل لايه
اللواء بتفهم : انا ماقولتش انك هتسيب مراتك وابنك احنا بس لازم نفكر بهدوء عشان نقدر نطلع من المشكلة دية بأقل الخساير كل ماعليك انك هتعمل نفسك انك هتنفذ كل اللي طلبه منك وسيب الباقي عليا
غيث بهدوء : بس انا احب اعرف حضرتك ناوي ع اية
اللواء بتفكير: هعمل .........................................
عند مليكة و ايسل كانوا يسيرون بتوتر والقلق بادي ع وجوههم فنفذ صبر ايسل وأردفت : مااحنا مش هنفضل حاطين ايدنا ع خدنا كدا انا قلقانة غيث اوي دا كان بيجري جامد ومش سامع حد فينا ياتري حصل اية
مليكة بتوتر هي الاخري : انا انا تتصل ب ليث وهقوله يمكن يكون عارف حاجة
فأومأت لها ايسل واخذت مليكة تتصل ع ليث ليجيبها بعد فترة قليلة والقلق ظاهر ف صوته : مليكة ف اية ف حاجة حصلت
مليكة بخوف : انا بتصل بيك عشان اسألك ف حاجة عشان غيث من شوية شوفناه وهو طالع بيجري من الفيلا وبينادي ع جاسر بصوت عالي واخد عربيته ومشي بسرعة وانا و ايسل قلقانين عليه
ليث بهدوء : متقلقوش انا هتصل بية دلوقت واشوف ماله
مليكة : طب متنساش تتصل بيا وتطمنا تمام
ليث : حاضر يامليكة يلا مع السلامة
مليكة : مع السلامة
وبمجرد ان أنهي غيث المكالمة أردف بشرود : ياتري حصلت حاجة لخديجة اووف انا دماغي هتنفجر من كتر التفكير انا هتصل بيه احسن وافهم منه
وقام بالاتصال ع غيث فأجابه غيث بعد فترة طويلة فأردف ليث باندفاع : انت يابني آدم انت مبتردش علي طول ليه انت فين
غيث بهدوء : انا ف الشغل
ليث بقلق : لية هو ف تطورات جديدة ف موضوع خديجة
غيث : مش هينفع اشرحلك ع الفون اتصل بقصي وهاته وتعالي ع البيت واتصرفوا بشكل طبيعي انا مش عاوز البنات وجدي يحسوا بحاجة انا مش ناقص
أنت تقرأ
"عـشـق مـقـدر" بقلم : فـاطـمـة عــادل "قـيـد الـتعـديـل"
Mystery / Thrillerالحب هو الاجابة الوحيدة العاقلة والمُرضية لسبب الوجود البشري ،وهو قوة جامحة حين نحاول السيطرة عليه فإنّهَ يدمّرنا، وحين نحاول سجنه يستعبدنا، وحين نحاول أن نفهمهُ فإنّه يترك لنا الشعور بالضياع والارتباك .ويُسبّب الحب ضعف مرغوب في القلب والدماغ، وتألُ...
