وصل كلا من قصي و ايسل إلي الجامعة فجاءت لتهبط من السيارة ف امسك يدها وادارها له فنظرت له بإستفهام وأردفت : ف اية ؟
قصي : خلي بالك من نفسك واول ما تخلصي رني عليا وهاجي اخدك ع طول
ايسل : ياقصي مفيش داعي انا هروح لوحدي زي الاول
قصي بنرفزة: ياايسل اسمعي الكلام بقا مترفزنيش عليكي
ايسل بعصبية : اوووف اوووف انا تعبت منكوا كلكوا كل حاجة أمر أمر أمر
قصي ببرود : انزلي عشان متتاخريش
نظرت له ايسل بغيظ ونزلت من السيارة وأغلقت باب السيارة بقوة وعصبية وتوجهت للداخل ف تنهد قصي وأردف: ربنا يحنن قلبك عليا وتحسي بيا
وعند مليكة وليث أوصلها وتوجهت للمدرج وتوجه ليث لمكتبه واخذ ليث يعمل ف مكتبه حوالي ساعة وفجأة وجد باب المكتب يفتح بقوة و مليكة تندفع للداخل بقوة وتبكي بصوت عالي فانتفض ليث واتجه لها بخطوات سريعة واحتضنها واردف بقلق : مالك يا لوكا ف اية
لم تستطع أن ترد مليكة بسبب شهقاتها المتتالية فأخذ يمسد ع رأسها بحنان أردف: طب اهدي ياحبيببتي عشان افهم اية اللي حصل
فانتبهت هي ع وضعهم واخفضت بصرها من شدة الخجل واخذت تستغفر ربها ف سرها فامسك بها واجلسها ع الكرسي وجلس ع ركبتيه أمامها وأمسك يدها وأردف وهو يأخد كوب الماء من ع المكتب : امسكي اشربي وأهدي عشان اعرف مالك
جاءت لتمسك الكوب فلم تستطع بسبب جسدها الذي ينتفض من البكاء فقربه ليث من فمها واخذت ترتشف منه القليل
انتظر ليث خمس دقائق لكي تهدأ وبعدها سأل : ها هديتي شوية
فأومأت له بنعم برأسها ف سألها : احكيلي واحدة واحدة اية اللي حصل
مليكة بصوت متقطع بسبب شهقاتها : ااان....انا كك..نت بحل ف الامتح...ان ورااا...حت دكتور ديمة سااا...حبة مني الوو...رقة وعلم..ت عليها
ليث بهدوء : طب انتي عملتي اية عشان تعلم ع ورقتك
مليكة : معملتش حاجة والله فجأة كدا لاقيتها سحبت مني الورقة وعلمت عليها وهزقتني جامد وطردتني قدام الدفعة كلها
وبمجرد انتهائها من الكلام اجهشت ف البكاء بشدة فاردف ليث : اكيد عملتي حاجة ماهي ديمة مش هتعلملك كدا ع ورقتك من فراغ
فرفعت رأسها بقوة وأردفت بعصبية وهي تقف : تصدق انا غلطانة اني جتلك انا بعد كدا أي حاجة هتحصلي ف الجامعة مش هجيلك يابن عمي وهروح للغريب طالما انت مش مصدقني
ليث بعصبية : غريب مين دا اللي تروحيله عشان اكون كاسر رجلك قبل ماتروحيله وبعدين انتي فهمتيني غلط انا مش قصدي اني اكدبك انا بس مستغرب دكتور ديمة ازاي تعلملك ع ورقتك من الباب للطق كدا
مليكة بعصبية وصوت عالي: طب انا همشي بقي وانت اقعد استغرب مع نفسك سلام واخذت حقيبتها واتجهت لباب المكتب وجاءت لتخرج وجدت يد تجذبها للداخل بقوة وتقربها من الحائط الي أن ارتطم ظهرها بقوة ف الحائط ف نظرت له بغضب وقالت : ماتحاسب يابني آدم انت ضهري اتكسر
أنت تقرأ
"عـشـق مـقـدر" بقلم : فـاطـمـة عــادل "قـيـد الـتعـديـل"
غموض / إثارةالحب هو الاجابة الوحيدة العاقلة والمُرضية لسبب الوجود البشري ،وهو قوة جامحة حين نحاول السيطرة عليه فإنّهَ يدمّرنا، وحين نحاول سجنه يستعبدنا، وحين نحاول أن نفهمهُ فإنّه يترك لنا الشعور بالضياع والارتباك .ويُسبّب الحب ضعف مرغوب في القلب والدماغ، وتألُ...
