"عـشـق مـقـدر" بقلم : فـاطـمـة عــادل "قـيـد الـتعـديـل"

البارت الرابع عشر

توجه غيث للخارج ببطئ وهو يمسك بيد خديجة وتستند عليه وتمشي ببطئ وتضع يدها أسفل بطنها المنفتحة وتوجهوا إلي السيارة ففتح لها الباب وادخلها بحرص شديد واطمأن أنها تجلس براحة واتجه إلي مقعده وقاد السيارة وف أثناء الطريق هتفت خديجة بقلق : غيث دا مش طريق البيت احنا رايحين فين

غيث بهدوء : هتعرفي دلوقتي
اومأت له ولم تجادله وحل الصمت عليهم وبعد مرور بعض الوقت أوقف غيث السيارة وقام بركنها وأردف: وصلنا
فنظرت للمكان وجدته مطعم ع النيل ف استغربت بشدة لما جاء بها إلي هنا فاتجه غيث إليها لمساعدتها ع النزول ففتح لها الباب ومد يده لها فوضعت يدها داخل يده فهي مجبرة ع ذلك لأنها بالكاد تستطيع أن تقف وأمسك بها واوقفها واغلق السيارة واخذ بيدها وتوجهوا إلي المطعم واختار الطاولة وقام بسحب كرسي واجلسها ثم اتجه للمقعد المقابل وجلس فاردفت هي بقلق: ف اية ياغيث جبتنا ليه هنا مروحناش البيت ع طول ليه

غيث : اهدي ياخديجة انا جبتك هنا عشان نتفق ع شوية حجات قبل ما نرجع البيت تمام

خديجة بسخرية : نتفق قصدك تأمر وانا انفذ مش كدا ياغيث باشا

غيث ببرود : سميها زي ماتسميها المهم كلامي يتسمع

خديجة : طب يلا قول خلينا نخلص بقا

غيث باستفزاز: براحة ع اعصابك ياخديجة هانم
لم ترد عليه ف أكمل: المهم بقا اللي انا هقوله دا تحطيه حلقة ف ودنك اول حاجة جدي مش هيعرف بحكاية عمو محمد دية خالص ولا بحكاية الخطف من أساسه كل اللي هتقوليه انو غيث لاقاني ف شقة مطروح تمام وطبعا مش محتاج اوصيكي مليكة و ايسل ميعرفوش حاجة نهائي
تاني حاجة طلاق مش هطلق ياخديجة حتي لو جدي هو اللي طلب بردو مش هطلق هتفضلي مراتي وع اسمي لغاية اما اموت وهتعيشي مع ابني معززة مكرمة
تالت حاجة انا ولورا كنا متفقين انو اول ماترجعي هنتجوز انا حبيت اقولك عشان متتفجأيش تمام
كانت خديجة تستمع له وضربات قلبها تقرع كالطبول ودموعها مهددة بالنزول وشعرت بأن روحها تمزقت لكن قررت التماسك وان وتعذبه وتذيقه أنواع العذاب

خديجة بتماسك مزيف : اولا انا مكنتش هحكي حاجة لجدو ولا ايسل ولا مليكة ثانيا ياغيث انت لو مطلقتنيش انا هرفع عليك قضية خلع وابني انا اللي هاربيه ولما يكبر هقوله اد اية ابوه واحد اناني ومبيفكرش غير ف نفسه وبس حتي انت مفكرش فيك وراح اتجوز واحدة بتكره امه كره العمي وتعرف ياغيث انا استحقرتك جدا وعلي قد ماحبيتك كرهتك وكرهتك جدا كمان ثالثا بقي ودا الأهم انت مبقتش تفرق معايا ياغيث انت بالنسبالي واحد ميت وبكره تيجي لغاية عندي وتقولي سامحيني وانا اللي هقولك لا وبعدين هو انت فاكر انو انا هعيش ع ذكراك تبقي بتحلم انا انسانة ياغيث ومن حقي اني اعيش حياتي زيك بالظبط عشان كدا قررت اقولك انو انا بحب واحد واتفقت انا وهو اننا هنتجوز بعد اما نطلق

قاطعتها غيث بعصبية ونزل بيديه ع الطاولة بغضب وصوت جهوري جعل كل من ف المطعم ينتبه إليهم: نعم ياماما بت اية بتحبي أااه هو انتي فاكره نفسك متجوزة واحد ....... عشان تقوليله ف وشه انك بتحبي واحد وانتي لسه ع زمته قسما عظما ياخديجة لو مكنتيش حامل كنت عرفتك ازاي تحبي بجد وعند فيكي طلاق مش هطلق واذا كان ع قضية الخلع ف انا اقدر اكسبها من اول جلسة