يتيمة و أبواي على قيد الحياة

الجزء السادس

الجزء السادس:-
فلتت ريم من احمد و لكن وقعت من السلم قدام انظار الجميع.
دخلوا البيت زياد،اشرف،حسن،بدر و عمر.شافوا ريم واقعة من السلم.في البداية شافوا الوقعة عادية و قعدوا يضحكوا على شكلها لكن لما شافوا الدم كب من راسها خافوا كتير و حملوها مع العائلة للمستشفى.

في المستشفى،
زياد:-استغفر الله العظيم و الله لو ما كانت بت سارة كنت زعلت عليها لكن بما انه هي من عائلة ابو سعيد اكيد حتحمل دمهم الخبيث علشان كدا خليها تعيش المر العاشته عائلتنا و خاصة عمي وليد الله يرحمه.
ردوا الشباب:-الله يرحمه.
طلع الدكتور و على طول بدون وعي جرى عمار للدكتور و سأله:-كيف ريم،كويسة؟وضعها احسن و لا حرج.
الدكتور:-حاليا احنا سوينا كل اللي علينا لكن المريضة نزف منها دم كتير و تحتاج متبرع.
اترددت اخر جملة على عمار:-تحتاج متبرع...تحتاج متبرع...تحتاج متبرع
و بدون سابق و لا انذار فز عمار و قال للدكتور يتأكد اذا زمرة دمه نفس زمرة دم ريم.
احمد واقف متصنم و لا كأنه دي بنته.ما عايز اخوه يتبرع بدمه عشان بنت ما تستاهل.
احمد باعتراض:-ما في اي زول متبرع بالدم ؟
الدكتور:-في دم جاي من مستشفى تانية لكن حيطول الوقت و نحنا محتاجين دم هسع لانه كل ما اسرعنا بيكون افضل.
دخل عمار بدون تردد عرفة العمليات و احمد واقف برة يدعي ربه انه ما تتطابق زمرة الدم.كل حاجة و لا اخوه يخسر دم و بالاخص علشان شخص ما يستاهل.زاد الحقد و الكره المتواجد داخل احمد تجاه ريم و عائلتها،و بعصبية غادر المكان متوجه للمصلى.
طلع عمار و هو فرحان شدييد لدرجة انه من شدة فرحة مشى حضن اخوه مصطفى و هو بيقول:-الحمد لله تطابقت زمرة الدم.
مصطفي مدهوش و لسه الكلام بيتكرر في اذنه:-تطابقت زمرة الدم...تطابقت زمرة الدم...تطابقت زمرة الدم.حس انه لو احمد عرف حيزعل شدييد.حتى مصطفى بقى يكره ريم اكتر من اول.
الجده بهمس:-حسبي الله و نعم الوكيل منك يا بنت سارة.
نفيسة:-و الله اخر ما توقعته انه نحنا ننزل لمستوى البنت و نتبرع ليها.
طلع الدكتور و معاه ريم،ريم كانت بتعاين طول الوقت لعمار ما قادرة توصف ليهو مدى حبها ليهو.خلاص عشقته،على طول جرت لحضنه:-انا اسفة عمار ما كنت بحترمك ابدا و مع دا كله انت ساعدتني،عمري ما حنساك.
عمار قعد على نص ركبته:-انتي زي بنتي و انا عمري ما حاضربك و لا اوجه ليك كلمه سيئة لانو انتي دخلتي قلبي من اول ما شفتك.
دخل احمد عليهم و شاف ريم حاضنه عمار بقوة.هنا اتأكد انه عمار اتبرع ليها بالدم.شد على قبضة يده بقوة من الغضب و طلع من المستشفى كلها
يتبع#..