يتيمة و أبواي على قيد الحياة

الجزء ٣٨

رواية يتيمة و ابواي على قيد الحياة🚶🏻‍♀✨
بقلم رهف عصام✍🏻
الجزء ٣٨#..

في بيت الجد(ابو مصطفى)
لينا،،
صحيت الصباح و مشيت اصلي...بعد م انتهيت....مشيت غرفتي عشان البس و اجهز شنطتي للمدرسة...و انا في الغرفة...حسيت كانه في زول راقد في سريري و متغطي ببطانيتي...مشيت براحه براحة عشان افتح البطانية..لما فتحت لقيت لي بت غريبة زي اكبر مني بشوية لابسة جينز كدا انا لو فكرت البسه ...ابوي بيطردني من البيت🙂💔....اتحيرت لكن دي منو البت دي😐....بقيت بهز فيها و بقول ليها:-"يا بت قومي يا بت هيي!"😡
ريم:-"مزن لحظة شوية بس دقيقتين"😩
لينا:-"هيي انتي...مزن منو؟يا بت قومي الجابك شنو ف بيتي و غرفتي و كمان نايمة ف سريري؟!!😠
ريم صحت يادوب و وعت على نفسها:-"سريرك؟،...ااه انتي المفروض تكوني لينا مش😀
لينا:-اي و انتي منو خلصيني😒
ريم قامت من السرير و بقت تتكلم:-"انا اختك"🙂
لينا:-نعم؟؟؟🤨عايني انا م فاضية لسخافاتك اطلعي من بيت جدي د سريع...اساسا انتي كيف خشيتي؟!
ريم:-و الله الحقيقة جدك هو الجابني هنا😌
لينا:-استني اناديهو ليك نشوف اخرتك انتي كمان...
لينا مشت نزلت بسرعة تحت تفتش في جدها...لقتو واقف بيتكلم مع احمد
لينا:-جدوووو....
الجد:-لسه م جهزتي!!وين شنطتك و شعرك ليه م سرحتيهو سرعة هسي الباص بيجيك
لينا:-جدي لقيت لي بت غريبة قاعدة فوق ف غرفتي و كانت نايمة ف سريري!!..
احمد:-نعم!بتقولي في شنو انتي؟
لينا:-و الله...و بقت تطبظ و تقول لي انه هي اختي و انت الجبتها!
الجد و كان خلاص نسى موضوع ريم و انه جابها تماما و يادوب اتذكر:-نسيت اقول ليكم طبعا
احمد:-خير...و البت دي منو
الجد:-"البت كلامها صح يا لينا...دي اختك و كلامها صح برضو...انا الجبتها
احمد:-نعم؟!!اختها كيف...دي منو يا ابوي م تتكلم بالالغاز و فوت ف الموضوع سريع....بس م تكون ر..😟
الجد:-اي هي
احمد اتصدم و كيف ريم ممكن تجيهم فجأة كده و كيف ابوه جابها علما بانه امكن يتورطوا بجيتها...
لينا:-هي منو هي على فكرة انا لسه م عرفته
احمد:-ريم🙂
لينا:-بلاي🙂
الجد:-و الله🙃
احمد:-ابوي ليه جبتها؟!!ما عارف انه حتجيب مشاكل!!ممكن نتورط!
الجد:-اطمن م حيحصل شي...😊بس باقي شي واحد اسويهو و ننتهي من الموضوع د و م نتورط😉
احمد:-شنو هو🙁
الجد:-خلاص بكلمك بعدين لما انتهي
لينا:-احم احم....و غرفتي حتقعد فيها هي مثلا😒
الجد:-ايوة...و انتي حترجعي لسلمى
لينا:-م لقيتو غيري يعني
مشت لينا سرعة قاصدة غرفتها عشان تتكلم مع ريم..
ريم.
يا ربي كيف حيكون حال امي و خالتي و بنات خالتي هسه...اكيد بيكونوا خايفين علي شديد...و تلفوني كمان م معاي هسي لو لقيتوا بلقى لي مية اتصال منهم...فكرت امشي اجيب التلفون من جدي لاني متأكدة سلطان الكان شالو...و انا قايمة فجأة تجيني ليك لينا و تقفل الباب
ريم:-هيي مالك دايرة امرق انا😀
لينا:-اعرفي من هسه انتي م حتقعدي ف غرفتي دي و لا حتقعدي في البيت د اصلا...ب ياتو حق كمان مستلمة غرفتي؟
ريم:-يا بت هيي قلت ليك جدك هو الجابني هنا لغرفتك
لينا:-بكلمك من هسه تمشي تقولي ليهو انا م دايرة الغرفة دي و الا م بخليك و م حترتاحي لو شنو في البيت د طالما انا موجودة
ريم:-عايني...زحي من قدامي قلت ليك مارقة يلا...
ريم لزت لينا و مرقت
ريم في سرها:-(دي شنو العالم دي ياخ)
نزلت ريم تحت و لقت جدها
ريم:-دايرة منك شي
الجد:-م وقته يلا ماشين لنه اتاخرنا
ريم:-طب اول اديني تلفوني
الجد:-اكيد م حاديك تلفونك
ريم:-و ليه ان شاء الله
الجد:-انا غبي عشان اديك؟...كده حتتواصلي مع اهلك و ختخربي الموضوع و امكن كمان تقولي ليهم انه انا الخاطفك و عامل فيك كل دا..
ريم:-يعني م حيكون عندي تلفون؟؟
الجد:-لا تلفون لا لابتوب لا اي شي تتواصلي بيهو مع اهلك!!تقعدي هنا ف بيتك و تنسي ناس اهل امك ديل!!
ريم:-د بيت و لا سجن!!كيف يعني م تديني لا تلفوني لا لابتوبي!!اقعد اسوي شنو انا هنا طيب اعاين لخلقتكم دي يعني؟!!
الجد اداها كف:-احترمي نفسك!!يلا بسرعة امشي جهزي نفسك عشان نمشي ويا ويلك لو اتاخرتي!!
ريم مشت جرت غرفتها بسرعة و هي بتبكي و لقت لينا قدامها
لينا:-شايفاك بتبكي😀
ريم:-م دخلك فيني😒
لينا و شافت وشها كانه في زول اداها كف:-تستاهلي كفين مش كف واحد...😀
ريم:-الظاهر هنا في ناس م بيعرفوا يسكتوا...😒
لينا:-البخليني اتكلم نعاك زاتو اخير لي الحق المدرسة احسن م اتاخر بسببك
مرقت لينا و ريم قاعدة ف سريرها بتفكر كيف حتتواصل مع امها...م في زول في البيت د ممكن يديها تلفون لانه كلهم بكرهوها...لكن صح في اسراء اخت احمد...هي الوحيدة البتعاملني كويس ف البيت دا...امشي اخد تلفونها و اتصل...
جريت و بقيت بفتش في البيت كله عليها لكن م لقيتا...و انا بجري اتصدمت بسديم...
سديم:-الظاهر هنا في ناس م يشوفون و صايبهم العمى😒
ريم:-انتي منو🙂
سديم:-انتي ريم؟
ريم:-اي و انتي منو🙂
سديم:-اش دخلك فيني 😒
...بعدين ليش جدي جابك
ريم:-م شغلك..و مالك بتتكلمي سعودي اتكلمي دارجي يبت الناس😏
سديم:-سعودية انا لمعلوماتك😒
ريم:-طيب وخري من هني ي سعودية انتي...عندي شغل ابغى اسويه يلا وخري وخري😒
ريم كملت طريقة تفتش في اسراء..
سديم:-قليلة الحيا
يتبع#..