يتيمة و أبواي على قيد الحياة

الجزء ٣٣

الجزء ٣٣
مزن دقت على ريم و قام رد سلطان:-
مزن:-الووو...ريم وينك انتي يلا احنا انتهينا...قول لي اسم مكان ف السوق نمشي نتلاقى فيهو
سلطان:-اوهوووو...كمان طلع اسمها ريم...
مزن:-م منن منو انت؟
سلطان:-انا واحد🌚
مزن:-هي تلفون ريم وصلك كيف....و ريم وين...انت عملت فيها شي!!!؟؟
سلطان:-انا ريم معاي....و م برجعها ليكم
مزن:-نعمم؟!
سلطان:-ذي م قلت....ريم معاااي
مزن:-عان بطل سخافات و قول لي ريم وين و انت لاقاك تلفونها كيف يعني كانت موقعاهو
سلطان:-ريم دي غلطت و هسي قاعدة بتتعاقب على غلطتها فاهمة
مزن خافت من كلامه و قالت ليهو:-انت وين سسرعة
سلطان:-انا..انا سقتها مكان بعيد و هي كانت جمب البحر🌚
مزن قفلت الخط طوالي و كلمت البنات.
ميام:- م قلت ليكم م تمشي براها..
رنيم:-افف انا ياخ هي م صغيرة لكن... دي ش شنو العوارة دي م بتقدر تدافع عن نفسها مثلا...لو كانت بتعرف م كانت زمنها هسه مع الراجل د
منار:-يعني انتو صدقتوهو
مزن:-لو م صدقناهو نصدق منو
منار:-بتكون اتشاكلت معاو اظن لاقتو بالصدفة و لما دايرة تمشي اظن وقعت تلفونها و هو امتهز الفرصة و عمل الكلام د كله
ميام:-و يمكن صادق
منار:-اتفرقوا ف السوق و كل وحدة تمشي تفتشها يلا
ميام:-يلا

ف بيت ابو مصطفى...
احمد جا راجع البيت و سلمو عليهو و رد السلام
احمد:-ايمان كباية شاي عليك الله لاني مصدع شديييد
ايمان:-خير....الاجتماع كان عن شنو؟
احمد:-و لا عارف زاتو كان عن شنو غايتو بس طلبو رأيي و وافقت و انتهى
ايمان:-و افرض كان شي مهم
احمد:-كل الحاضرين اتفقوا و خلاص يعني بس كان باقي موافقتي يعني اكيد م فيو شي و قمت وافقتهم الرأي و انتهى.....الشاي الشاي
ايمان:-حاضر ماشة
الجد مشى الصالون و لقى احمد قاعد ف قعد جمبو و بقى يسأل فيهو:-اها كيفك
احمد:-تمام بس مصدع شوية
الجد:-كنت داير افاتحك ف موضوع
احمد:-اها
الجد:-م حاسي انه بعد د المفروض تشوف ليك بيت تقعد فيهو مع مرتك و اولادك
احمد:-احنا زاعجنكم هنا و لا شنو؟؟
الجد:-لا م قصدي كدا لكن انت عارف يعني من م عرستو لا بيت قعدتوا فيهو و لا شهر عسل حته م مشيتوا
احمد:-ابوي انت متزكر لمن انا عرست ايمان كان حاصل شنو...صح و لا اذكرك
الجد:-لا لا متذكر خلاص
احمد:-ابوي م تفاتحني ف الموضوع د تاني و اساسا ايمان م معترضة بالقعدة هنا يعني عادي عندها
الجد:-امكن هي بس م بتقول و ساكتة لكن امكن نفسها ف بيت تعيش فيهو...
ف الوقت داك ايمان جات خاشة بالشاي و قالت:-احمد كلام ابوك صح انا فعلا كان نفسي ف شهر عسل و كان نفسي يكون عندنا بيت لكن عشان الظروف الكانت حاصلة انا سكت و م اتكلمت عشان م ازيد عليك
احمد:-انا بشوف لكن م اسه عن قريب ان شاء الله اشوف موضوع البيت د
ايمان:-شكرا ليك ياخ
احمد:-واجب م سويتوا من زمان

في بيت ابو سعيد....
ابو سعيد:-وين البنات ديل ليه اتأخروا
غادة:-بكونوا اشتروا كتير و كدا
ابو سعيد:-ياخ لكن الساعة ١١ بالليل و هم مرقو من الساعة ٥ كيف الكلام د
سارة :-اتصل عليهم؟
ابو سعيد:-اي
سارة مشت تتصل و شافت احسن تتصل على ريم
دقت و سلطان شاف التلفون برن و قام لقى الاسم المكتوب "حياتي"...رد على التلفون و سمع صوت مرة بتقول:-" الو ريم وين انتو لي يوم الليلة م رجعتوا الساعة ١١ و نص...
سلطان م عرف كيف يرد....اتوقع انه البنات يكونوا لقو ريم و رجعوا و انتهى كل شي لكن غريب...خاف شوية و م رد على سارة و قفل الخط....
سارة:-غريب ليه كدا ....
سارة قامت اتصلت على مزن:-
سارة:-الو مزن وين انتو...اتأخرتوا ليه...و ريم ليه م بترد على تلفونها
مزن بخوف:-خالتو سارة في مشكلة حاصلة
سارة بخوف:-في شنو اتكلمي
مزن:-ريم ضايعة و تلفونها م معاها و احنا بنفتش فيها لينا ساعة و م لاقينها💔
نهاية الجزء💔...