يتيمة و أبواي على قيد الحياة

الجزء ١٨

الجزء الثامن عشر
ريم:-سايقني وادّيني وين؟
احمد:-ماشيين البيت.
ريم:-انت عندك بيت؟🤨
احمد:-للايجار و م في زول ساكن فيو للان
ريم:-طب و انا عندي شنو ف بيتك
احمد:-عندك حساب معاي هناك
ريم:-بديك الباسوورد و خلاص😂
احمد:-ريييم!!!😡ما فاضي لسخافتك.
ريم:-ما في سخيف غيرك و الله.😞حساب شنو عليك الله انا سويت شنو هسه😒.يعني نفرض مثلا حصلت معاك حاجة في  الشغل او مع ايمان،تجي تفرغ اعصابك فيني انا😫.
احمد ما قدر يستحمل و قام وقف السيارة بعصبية و لف على ريم:-ريييم!!😡لاخر مرة بحذرك و بقول ليك ما تتمادي في الكلام معاي انا.الموضوع ما ليهو علاقة بأي زول الموضوع فيك انتي و بس.
ريم بعصبية و بصراخ:-ما في داعي نصل لحد بيتك المقرف دا خلينا واقفين هناك برة جمب الحته ديك😡😡!!!!👈🏻
احمد طلع من العربية و قفل بابه بقوة و فتح الباب لريم و مسكها من يدها مسكه قويه لما شكله يدها حمرت.جرّاها و قعد يسحبها و هي بتحاول تفلت منه لكن ما قادرة.كانت الحتة القاعدين فيها زي الخلا.
ريم:-ااه ووه ...سيب يدي ياخ خليني ما حهرب بس سيبها ياخي حمرت.
احمد كان بيطنش في ريم لكن في النهاية ما قدر يستحمل و قام ساب يدها.ريم ما كان عندها حيل تهرب زاتو.وقعت في الارض و بقت تعاين في يدها  المحمرة دي✋🏾.قامت عشان تطلع بخاخة الاكسجين لكن ما لقتها ختت في بالها انو ببتكون وقعت في الطريق او في البيت و قالت في نفسها حتسوي شنو؟حاولت تبكي لكن قالت حيشفق عليها و هي بتكره الشفقة،لكن بعد وقت اتذكرت انه هو ما عنده قلب اساسا عشان يشفق عليها فقامت بقت تبكي و تبكي و تبكي بطريقة ما معقولة
احمد:-بطلي نواح هسه احسن ليك.البيبكي شنو؟الحمرة الخفيفة الفي يدك دي،و لا الطريقة السحبتك فيها زعلتك و بكتك😒.
ريم:-لا دا لا دا.ببكي عشان الطريقة البتعاملني فيها دي ما طريقة انسان.
احمد:-انتي ما عارفة انه انا بتعامل مع حيوان😂.
ريم:-تضحك يا احمد😢
احمد:-لا ببكي😭.
ريم:-تصدق انك سخيف سخافة.عليك الله قول لي بس الموضوع كان شنو الحصلت بسببه كل الدراما دي.
احمد طلع بخاخة الاكسجين من جيبه و وراها لريم و قال ليها:-دي شنو؟
ريم بقت متوترة و ما ردت في البداية لكن قام احمد صرخ فيها و قال:-جاوبيني دي بتاعتك؟!😡😡
ريم بقت تفتش في جيبها لكن ما لقت حقتها.هنا عرفت انه دا البخاخ الماسكو احمد ياهو بتاعها.
ريم:-جبته من وين؟
احمد:-ما لك شغل.بس قولي دي الحاجة حقتك ؟
ريم:-اي حقتي.جبتها من وين.
احمد:-وقعت منك يا هبلة و انتي امبارح جارية دايرة تخشي البيت.
ريم بخوف:-مشيت للدكتور؟
احمد.:-دكتور؟!😂..دكتو..هههههههه😂😂😂😂😂😂😂😂🤣🤣🤣🤣🤣
ريم:-في شنو البيضحك؟
احمد كمل ضحكه بطريقة عجيبة لوقت طويل و لمن هدا قال لريم:-الموضوع ما في الدكتور الموضوع في انه انتي بس همك في انه اتكلمت مع الدكتور؟دا الخايفة منه🤨😂😂ريم..... اصغر فرد تقريبا في الاسرة الكبيرة،،...  بتستخدم بخاخة الاكسجين .🤣
ريم:-نفسي اعرف البيضَحِّك شنو في الموضوع؟المفروض تكون حزنان و خايف علي(صفات الاب الحنون) مش تكون مبسوط و بتضحك علي(صفات احمد).
احمد:-دا ما المهم عندي يعني انه تكوني سليمه و لا مريضة المهم عندي سمعة عيلتي و هسع الدايرة اقوله ليكي انو....
ريم:-كدي عليك الله اديني بخاخة الاكسجين في الاول.
ريم شالت من احمد البخاخ و بقت تنفخ بطريقة هستيريه لمن رعبت احمد و بعد كدا ختتها في جيبها و قالت :-كمل..
احمد:-كنت داير اقول......اها عندك جواب يا ست
ريم خافت و اتحيرت ترد بشنو💔
يتبع#...