يتيمة و أبواي على قيد الحياة

الجزء ٤٨

الجزء ٤٨
مشت ام بدر عشان تكلم سامي بالموضوع...لقته قاعد مع بدر و حسن و عمر...نادته براحه و طلعت..
سامي بعد م طلع:-خير في شنو
ام بدر:-دايرة اتكلم معاك ف موضوع
سامي:-موضوع داير ليو قعدة و لا شنو🙂
ام بدر:-تقريبا
سامي:-طيب لحظة ....مشى سامي يكلم بدر و عمر انه م بتاخر شوية و راجع و مشى بعدداك مع امه و قعدوا ف غرفة الضيوف الفاضية...
سامي:-اها حاجه بتزعل و لا بتفرح🌚
ام بدر:-حاجه جدية و م فيا هظار....بس طبعا باخد برايك يعني م حاجبرك على حاجه
سامي:-يا امي دايرة تعرسي لي و لا شنو😂😂امزح🌚
ام بدر:-لا كلامك صح
سامي انصدم طبعا:-اجي يا امي
ام بدر:-و انا جادة...لقيت ليك وحدة و م بتناسب لا بدر لا رامي لا سليم...بتناسبك انت🙂
سامي:-و انا يا امي داير اقول ليك شي🙂...انا م بقدر اعرس لانه ....
ام بدر:-خير في حاجه مخبيها علي؟؟
سامي:-يخ انا لسه ف تالتة جامعه و صغير و م جاهز شنو لكن🙂
ام بدر:-د م السبب..واضح انه في سبب تاني..خيير
سامي:-اي في واحدة ف بالي🙂
ام بدر:-😳
سامي:-م تنصدمي
ام بدر:-و يدوب جاي تقول لي
سامي:-لا انا داير اقول ليك من زمان المهم ي امي م بقدر اعرس الفي بالك لانه اولريدي خاتي وحدة ف بالي فااا
ام بدر:-طيب لو طلعت الفي بالي الفي بالك
سامي:-مستحيييل
ام بدر:-ليه وحدة من الجامعه؟؟؟
سامي:-حقيقة لا...و هي اساسا م عارفة اني داير اعرسها و هي اساسا لسه صغيرة فااا
ام بدر:-سامي انا متأكدة انه الفي بالك ريم😂
سامي:-كيف عرفتي🙂💔
ام بدر:-هي كنت بخمن🙂💔بالجد هي🙂؟
سامي:-اي
ام بدر:-و انا الفي بالي برضو ريم🙂💔
سامي:-يا امي هي م حتوافققق مستحييل توافق....براها حاليا عايشة حياة ماساوية م تبهدلي ليا حياتها زيادة
ام بدر:-طيب رايك شنو لو قلت ليك انه هي القالت دايرة تعرسك
سامي:-😳......مستحيلل لانه م ممكن هي تكون واقعة ف مليون مشكلة و تجي تقول دايرة تعرس...بعدين هي لسه صغيرة كيف بتكون بتفكر ف حاجه زي دي
ام بدر:-ابوها قال ليها...
سامي قاطع امه:-ايوااا فهمت القصه..ابوها جابرها تعرس عشان كدا وافقت...كدا كدا هي م دايرة
ام بدر:-هو قال ليها حتعرسي سامي و لو ما وافقتي حتعرسي برضو واحد من العيلة و هي كارهة ناس البيت كلهم لكن م عندها مشكلة معاك عشان كدا وافقت...و ريم م بتكذب علي...هي القالت لي الكلام د...و قلت ليها انتي الدايرة كدا و بارادتك؟قالت اي
سامي:-امي م عندي اي مشكلة😂💗
ام بدر:-لكن اسمع...العرس مع عرس سديم🤦🏻‍♀️
سامي:-🙂دي شنو العوارة دي يعني دايرين تخطبوا لي يوم الخميس و تعرسو لي بعد ٣ اسابيع🙂
ام بدر:-قلت ليك بارادتك و م حاجبرك
سامي:-امي موافق😂💗
ام بدر:-سمح🌚
ام بدر مشت تكلم ريم و سامي مشى يكلم بدر و عمر
ام بدر:-ريم سامي وافق
ريم:-جد😀
ام بدر:-اي
ريم بقت مبسوطة شديد مش لانه حتعرس....لانه حتعرف السر المخبى قريب ال ١٧ سنه.....

اليوم البعديو بالصباح.....
في بيت عمار....
ف الفطور...
عمار:-دايرة تعرسي لسامي قبل بدر جنيتي انتي؟
ان بدر:-وين المشكلة...م ليو اي علاقة...بعد ديل يعرسوا امشي خلي بدر يعرس روان😒
بدر:-انا م عندي مشكلة كان كدا🌚
سامي:-و انا م عندي مشكلة🤷‍♂️
ام بدر:-و انا م عندي مشكلة...يبقى انت م لازم يكون عندك مشكلة🙂
عمار:-و هي منو هي الدايرين تعرسوها ليهو😒
ام بدر:-لكن م تنصدم...ريم🌚
عمار:-بتضحكي على منو؟
ام بدر:-جادين و م غاصبين ريم...هي زاتا موافقة
عمار:-طيب و انا م عندي مشكلة🌚
سامي:-و اخيرا🌚
.........................

احمد:-اها يا ريم اتكلمتي مع ام بدر؟
ريم:-زمااان...و وافقت
احمد:-و سامي؟
ريم:-وافق
احمد:-خلاص الخطبة بعد بكرة حضري نفسك و هاكي امشي اشتري اي حاجه بتلزمك من السوق
ريم عاينت للقروش و قالت:-د شنو د دي روج ماركة م بتشتري😒
احمد:-لا بالله دايرة كم يعني
ريم:-دايرة قد الكنت باخدو هناك ف بيت امي...ف الطلعات العادية مع البنات بيدوني الف جنيه...جاي تديني ٢٠٠جنيه اظبط بيها اموري؟؟؟دي خطبة م رحلة مدرسة!!
احمد ادا ريم كف:-احسليك بطلي لئامة...اساسا ناس امك ديل م عندهم شي غير الاسراف.....الف جنيه على شنو...عشان المكياج و القرف و الوسخ د...بناتهم بطلعوا فاكااات لا عباية لا طرحة و امك زاتها بتطلع خاته عباية وجودا و عدما واحد!!هنا عندك تطلعي بنقاب و عباية و ياويلك تاني تشوفك طالعة من غير نقاب!!م تقولي لي عندك مشكلة ف التنفس و الكلام الفارغ د لانه م بنفع معاي!!
ريم:-م تقلب المواضيع🙂...شكلك ف عرسي حتلبسني نقاب🙂
احمد بمزح:-و د الحيحصل😊
احمد طلع برا الغرفة و قفلها على ريم
ريم م اشتغلت بكلامه و رقدت نامت

يتبع#...