يتيمة و أبواي على قيد الحياة

الجزء ٥٩

الجزء ٥٩
انتهو من التجهيزات و وصلو المعازيم و كانت حفلة ظابطة و شغلوا فيها اغاني عصرية و ريم انبسطت شديد من الجو...حتى انه احمد لاحظ ليها
احمد:-شايفك مبسوطة
ريم:-اكيد مبسوطة...اتعودت ع الاجواء دي😂❤❤
احمد:-و حتتعودي عليها لسه لانه في اعراس و حفلات كتيرة جاية ف السنتين الجايات ديل
ريم:-🌚❤
احمد:-يلا م نقاطعك
ريم رجعت تغني و ترقص
بعد شويتين كده شغلو غنية taki taki.....ريم قبل كم يوم ف بيت عمار كانت بتتدرب على رقصة للغنية دي و سامي كان شغلتو يتفرج فيها بس و ريم اصلا من زمان بتحب الرقص...المهم اول م شغلوها طوالي قامت على رقصتها الحفظتها ديك و حتى سامي كان حافظها من كتر م كانت بتشغلها ف قام يرقص معاها و اخدوا الاضواء😂❤
سديم:-واو اول مرة تطلع هذي البنت شاطرة ف شي غير الشتايم
روان:-صدق كلامك😂😂
المهم انتهت الغنية و الحفلة و رجعو المعازيم و كانو ناس عمار دايرين يمشو
احمد:-كنتي رائعة الليلة
ريم:-احم احم🌚
احمد:-يلا سلام
ريم:-الله يسلمك❤❤
رجعوا على البيت و طوالي ريم مشت رقدت نامت من التعب...
صحت ريم اليوم البعديو الساعة ١٠...م عارفة ليه نامت الوقت دا كله ...كانت تعبانة شديد....لقت سامي مافيش ف الغرفة ف قالت تنزل تحت....نزلت بعد م اخدت شور و لقتهم قاعدين بفطروا
سامي:-ريم؟!مالك نايمة الوقت د كله
ريم:-م عارفة كنت تعبانة شديد امبارح
سامي:-تعالي افطري
ريم مشت قعدت و فطرت معاهم
بدر:-كالعادة خليتي امي الليلة تعمل الشاي و الفطور و انتي ناايمة و بتشخري
ام بدر:-ممكن يا بدر تقفل خشمك و م تفتح السيرة كل يوم
بدر:-ي امي م شايفة بتك دي كسلانة كيف.....حتشوفي لما روان حتجي تسكن هنا حتكون فرق ٣٦٠ درجة منك
ريم اتاثرت بكلام بدر فقامت من السفرة و طلعت فوق...من يومها م بتحب يقارنوها باي زول
ام بدر:-عاجبك؟
بدر:-خليا احسن مشت
بعد شوية ريم رجعت و لقت بس سامي القاعد ياكل...شوية و قام و هي شالت الصحون
بعدين طلعت فوق و لقت سامي قاعد يذاكر
سامي:-م مشيتي الجامعه الليلة ليه؟
ريم:-كنت نعسانة اعمل شنو ياخ...و انت جامعتك وين
سامي:-انا عندي off يوم الاحد
ريم:-و كالعادة بتذاكر
سامي:-اعمل شنو طيب نازل امتحانات انا
ريم:-ي رب تفوق🌚❤
سامي:-يخ كدي ننجح اول بعدين نشوف التفوق دا
ريم:-ليه كدا🌚بالمناسبة انا اساسا جيت اقول ليك اني دايرة اشتري تلفون
سامي:-اي كنت بفكر بعد ترجعي من الجامعه نمشي انا و انتي و اشتري ليك لكن انتي اساسا م مشيتي فاا
ريم:-طب نمشي هسه؟
سامي:-يبت عندي قراية كتيرة...انتهي من المادة دي بس و بعدين بنمشي
ريم:-طيب
ريم مشت لبيت ابوها عشان تتكلم معاو شوية
وصلت ريم البيت و طلعت لاحمد فوق ف غرفته...لقته قاعد شغال ف اللابتوب و اول م شافها قفله و استغرب:-ريم؟مالك جاية هنا؟
ريم:-كنت بس عايزة اتكلم معاك ف موضوع
احمد:-خشي
ريم قعدت و بدت تتكلم:-حقول ليك حاجه لكن م تعصب و تقوم علي
احمد:-اساسا م فاضي اعصب لاني تعبان و مصدع...بعدا تخافي من تعصيب سامي مش مني انا
ريم:-لا هو سامي عارف اني انا سويت الحاجه دي و هو مشترك معاي فيا
احمد:-بتاجروا ف مخدرات و انا م عارف يبت و لا شنو
ريم:-م تمشي بعيد🙂....انا مشيت لبيت امي
احمد بصدمة:-قلتي شنو؟!!
ريم:-مشيت عشان كنت دايرة اتكلم معاها ف موضوع زمان
احمد:-حتستفيدي شنو لما تقولي ليها انك عرفتي الحقيقة
ريم:-حستفيد كتير و م بقدر اقول ليك انا بفكر ف شنو حاليا لكن عن طريق امي عرفت كمان حاجه انت م حكيتها لي
احمد:-انا حكيت ليك البعرفوا كله و م كذبت ف اي شي
ريم:-اي هي حكت لي حاجه انت م فاهمها و لا عارفها حصلت كيف
احمد:-اها م تكتري كلام قالت ليك شنو
ريم:-حكت لي قصة ابوك لما انسجن
احمد:-و دي تحكي ليك فيا شنو كمان...م هو جدها خت مخدرات ف شنطة ابوي و...
قاطعته ريم:-لا انت م فاهم القصة كلها انت فاهم نصها بس...جدي كان قاعد يتتبع واحد ناوي يسجن ابوك....
احمد:-كيف؟؟عايني سارة دي قاعدة تخرف ليك
ريم:-طب هسي شنو البيثبت لي انك م كذبت علي ف قصة زمان
احمد:-انا م بكذب
ريم:-وامي م عارفة اصن الكذب د شنو...المهم الزول د اكتر من مرا حاول يئذي ابوك لكن جدي كان بحميو و بيتضرر هو لكن م كانت قعد تفرق معاو و اهم شي عنده كان انه يكون ابوك سليم...و يوم ابوك كان مسافر هو شك انه ممكن الزول د يعمل فيه حاجه عشان كدا مشى المطار و طبعا الزول د خت مخدرات ف شنطة ابوك و جدي طلع برا المطار و بقى بفكر اذا...
قاطعها احمد:-بقى بفكر اذا الزول اللي هو مرسله خت المخدرات و لا لا
ريم:-هو م مرسله يابوي افهمني....هو م بعرفه اصلا و لا بعرف شكلو و لا حته اسمه....بس بعرف انه داير يسجن ابوك...و هو كان عارف انه هو حيعمل حاجه لكن م عارفه حيعمل شنو...انت سمعته باذنك بقول كلمة مخدرات؟
احمد:-لا لكن كان بسال نفسه اذا الراجل د خت حاجه ف شنطة ابوي و لا (فجاة احمد سرح و اتمعن ف الكلام ....كان جد سارة بسال نفسه اذا الراجل خت حاجه ف شنطة ابوي و لا لا...يعني هو م عارف بالمخدرات اصلا)احمد:-ريم احتمال يكون كلامك صح ع فكرة
ريم:-يخ انا بنبح من قبيل و يدوب صدقتني
احمد:-طيب و هسي انا عرفت بالحقيقة اها حستفيد شنو
ريم:-م ناوي توضح سوء الفهم د لابوك
احمد باستغراب:-انتي هبلة...خلاص سوء التفاهم د حصل و اكيد م حقدر اقنع ابوي بيلي حصل
الجد كان بتسمع عليهم الوقت كله و قام قاطعهم:-يعني لو م كان سمعتكم هسه م كان حتخلوني اعرف بالحقيقة؟
ريم:-جدييي....
الجد:-انا ممكن اصدقك ع فكرة.... انا م رضيت اصدق حافظ لانه كان بالي بس ف اني حاخش السجن و بعداك غاظني موضوع انه بقى م بتواصل معاي بعد رجعت من السجن و لا فكر يتصل فيني ولا يطمن علي عشان كدا م رجعت اتكلمت معاو
ريم:-كيف متوقعه يرجع يسامحك بعد م انتو اتهمتوه بحاجه زي دي...هسي لو زول اتهمك الليلة بانك قتلت اخوه مثلا بيجي هو بكرة يقول ليك يا حبيبنا كيف الحال؟
الجد:-م تكتري كلام...انا مع الزمن خليت نفسي اصدق الحاجه دي بالغصب و صدقتها و قطعت علاقتي بيو...و م حفكر ارجع ليو اساسا لو م هو جا اعتذر
ريم:-م هي دي مشكلتكم...مف واحد حابي يعتذر للتاني
احمد:-عارفين انه انا اساس المشكلة دي....انا اساسا القلت لابوي انه حافظ هو الخت المخدرات ف شنطته ...انا النشرت الكذبة و بسببي هسة يابوي انتو انفصلتوا
ريم:-و ناوي تعمل شنو...ناوي تصلح المشكلة القديمة دي؟
احمد:-مستحيل اقدر طبعا
الجد بتنهيدة:-الزول الوحيد اللي بقدر يصلح المشكلة دي هو حافظ و بس...و طوالي الجد طلع
احمد:-ارجعي بيتك بعد د
ريم:-يخ ارح معاي بيت امي تمشي تتكلم مع جدي
احمد:-ريم الامور م بتتحل بالسرعة دي...خليني اقتنع اول و ارجع افكر بالموضوع و بعداك بشوف
ريم:-طيب سلام...و م تنسى
احمد:-ان شاء الله
ريم طلعت و احمد رجع يفكر ف الموضوع و النقاش الحصل قبل شوية....معقولة بعد الزمن د كله يكتشف انه حافظ طلع بريء من التهمة دي...و كمان عن طريق ريم!!رجع و اتذكر الصحبة اللي كانت بين ابوه و حافظ...كانت صحبة قوية شديد و بقى حاسي بالذنب لانه هو الدمرها....بقى عنده هدف برضو و هو انه يرجعهم اصحاب....و بعداك فجاة اتذكر سارة....يعني برضو سارة دي م كان عندها ذنب ف كل الحصل السنين الفاتت دي....حاسي نفسه بهدل حياته و حياة الناس من ورا عصبيته الزايدة....يعني بسببه اولا ابوه قطع علاقته بصاحبه...و هو اتزوج سارة عشان يعذبها بسبب غلط اساسا لا هي ارتكبته و لا اهلها حته....طلع معاو الغلطان بس غادة...لكن رجع و فكر تاني انه هو م فرق منها و بالعكس هي عملت كدا انتقاما للعذاب اللي كنت بوجهه لاختها...اما انا عملت ف سارة كدا عشان انتقم لحاجه حصلت انا م متاكد منها زاتو💔بقى راسو مصدع شديد اكتر من م كان مصدع فنزل تحت يشرب شاي.....
بالناحية التانية رجعت ريم البيت و لقت سامي منتظرها عشان يمشو...طوالي طلعت معاو و اتوجهوا على السوق....
يتبع#...