يتيمة و أبواي على قيد الحياة

الجزء الثالث

الجزء الثالث#..
تعريف الشخصيات:-
احمد:-شاب عمره ٢٩ سنه،بيشتغل دكتور جراحة في مستشفى معروفة.كان متزوج وحدة اسمها سارة و جاب منها ريم.طلقها و اتزوج وحدة اسمها ايمان و جاب منها سلمى و لينا.شديد العصبية و ما عندو اسلوب التفاهم.
الجد (ابو مصطفى):-عجوز عمره ٦٩سنة ،كل العائلة بتخاف منه.عنده ثلاث اولاد و بنتين:-
مصطفى (الاكبر):-شخص عصبي،بيحب يعمل مشاكل-عمره ٣١ و بيشتغل دكتور نساء و توليد
احمد(الوسط)
عمار(الاصغر):-طيب و معروف عند الكل انه دمه بارد عمره ٢٧
نفيسة(الاخت الاكبر):-بنت متكبره و لسانها طويييل عمرها ٢٨
اسراء(الاخت الاصغر):-عمرها ٢٥ سنه و لسه تصرفاتها زي الشفع
الجدة:- ما بتهتم لمشاعر اي زول.همها بس في نفسها ،عمرها ٦٤ سنه.

ريم:-
صحيت على صوت الباب و عاينت لنفسي في المراية ،لقيت آثار الدموع باينة على وشي. فتحت الباب لقيت الشغالة.
الشغالة:-الليلة انتي حتمشي الروضة لاول يوم يلا جهزي نفسك.
مشيت الحمام و اخدت دش.فتحت الشنطة اشوف حاجة ألبسها.بعد ما لبست حاولت اسرح شعري و اربطه لكن ما قدرت لانه شعري طويل فربطه اي كلام و نزلت تحت.
كنت بفكر طول الوقت كيف حامشي المدرسة و اتأقلم مع البنات و العالم البرة،و في نفس الوقت بتسائل ليه امي رمتني لناس ما بعرفهم
شفت لي أشكال اول مرة اشوفها في حياتي.
ما كان عندي نفس اسلم على اي زول منهم فاتجهت لباب الخروج.و انا بمشي وقفني صوت،لفيت لقيت نفيسة بتقول:-
في عالم هنا ما بترد السلام.
لفيت و قلت ليها:-ما فاضية اسلم على اشكال زيكم ،و لفيت وجهي و كملت مشي لكن وقفني زول من ورا مسك يدي و ضربني كف قوي لما وقعت في الارض.احمد:-احترمي الاكبر منك احسن ليك.
نفيسة:-ايوة اديها كم كف عشان تتأدب.
اسراء:-ما في داعي للكف طيب ممكن توريها الصح من الغلط براحة.
نفيسة:-انتي مالك شغالة محامية لبنت سارة.
اسراء:-بالذات انتي صوتك ما ينسمع فاهمة!!
الجدة:-خلاص انتي و هي طول الوقت شغالين تتشاكلوا زي الشفع،بعدين يا احمد ما توسخ يدك في بت سارة خليها طنشها و لا كأنها قاعدة.
كنت زعلانة شديد من كلامهم،يا ترى امي عملت ليهم شنو حتى هم قايميين علي كدا.
طلعت برا و لسه خدي واجعني .ركبت السيارة مع الشغالة و هي وصلتني الروضة.المهم،لما دخلنا كنت مرتعبة شديد من الناس اللي في الروضة،و في نفس الوقت زعلانة لانو كل البنات موجودات مع امهاتهم ما عدا انا جاية مع الشغالة.
كنت بقول في نفسي،
انا ذنبي شنو
ليه كل البنات مع امهاتهم و انا لأ؟
ليه كل البنات مبسوطين و انا لأ؟
ليه امي سلمتني للعائلة دي و ما سألت عني؟
ليه ليه و ليه ليه؟
كل الاسئلة دي كانت بتدور في راسي لحد لما هزت الشغالة كتفي
الشغالة:-ريم يلا خشي فصلك
********************
دخلت الفصل،كان كبيييير شديد.قعدت تعاين للبنات كلهم لابسين و مسرحين شعرهم بطريقة حلوة الا هي.كانت هدومها ما مكوية💔،و شعرها صحيح ناعم و طويل لكن ما مربوط كويس.طبيعي لانو لسه عمرها ٥ سنوات كيف تقدر تظبت نفسها؟
قعدت في الكرسي.كانت شنطتها لونها اسود ما حلوة.شايلة معاها الكتب و دفتر واحد و قلم رصاص،حتى فطور ما عندها.
دخلت الاستاذة،سلمت على الموجودين و بدأت توريهم كيف يكتبوا الحروف الابجدية.
ريم كان جسمها القاعد و تفكيرها برة.
كانت بتفكر ليه كانت محبوسة في الملحق مع امها،شنو كان السبب؟
قطع تفكيرها صوت الاستاذة العصبية
الاستاذة:-ريييم!!!
عاينت ريم للاستاذة و بصوت يادوب ممكن ينسمع:-ها
الاستاذة بعصبية:-تعالي اكتبي حرف الراء
ريم مشت لجهة السبورة.شالت الطباشير و هي خايفة لانو ما كانت منتبهة للحصة.في النهاية تذكرت زمان لما كانت مع امها في الملحق كانت تكتب ليها امها اسمها في الحيطة و بالجنبة طولها.قامت كتبت اسمها كامل،"ريم".
انصدمت الاستاذة من سنه اولى روضة و بتعرف تكتب اسمها.
الاستاذة صفقت ليها و قالت للبنات يصفقوا .كل البنات كانو غيرانين منها لانو الاستاذة بتعاملهم بوحشية اما ريم باستها الاستاذة قدامهم.صفقوا من دون نفس و على طول وقفوا تصفيق .رجعت ريم محلها و هي حاسة بالفرحة شديد.
بعد ما خلصت الحصة و البعديها طلعوا البنات كلهم علشان وقت الفطور.كانت ريم بتمشي براها من غير صحبات و من غير فطور.لفت نظرها بنات قاعدين مع بعض بياكلوا في شبس و حلويات بعدين لفت ورا لقت تقريبا كل البنات معاهم نفس الحاجة.مشت تفتش من وين بيجيبوا الحلويات ،لقت ليها مقصف بجهة اليمين.مشت بهناك لقت ليها حلويات و شكولاتات و حاجات كتيرة.شالت ليها حلاوة و كانت عايزة تمشي لكن وقفتها صاحبة المقصف:-جيبي الفلوس يا بت.
ريم:-ما عندي.
صاحبة المقصف:-خلاص جيبي الحلاوة.
اديتها و رجعت و انا زعلانة مرة ليه انا ما عندي حاجة آكلها و البنات عندهم؟ليه ما عندي مصروف و البنات عندهم؟
رجعت افكر في موضوع امي لكن فجأة حسيت بموية باردة انكبت فوقي.
يتبع#..