الجزء ٣٥
جات سارة دايرة تقفل باب الغرفة لكن وقفتها غادة...
سارة:-غادة كويس انك جيتي هنا براك م كنت دايرة اقول ليك اي شي قدام جدي..
غادة:-كنت حاسة انه في حاجة ...خير في شنو..احكي
سارة حكت لغادة كل الحصل.
غادة:-انا حاسة انه لو هي اتخطفت يكونوا اهل ابوها الخطفوها
سارة:-انتي فعلا شكلك جنيتي!
غادة:-لا لا ابدا م في زول جن غيرك.....فكري شوية...لينا اربعة سنوات خالين معانا ريم و كل مرة بنهددهم بالحاجات العملوها معانا زمان و بنقول ليهم بنكلم الشرطة لو فتحو خشمهم و قالو دايرين ريم....امكن هسي يستفيدوا من الخطفة يعني مثلا يقولوا لقوها ف الشارع و لا اي حته و يكلموا القاضي المسؤول من اليتامى او الاطفال الاهلهم مطلقين عننا انه احنا م قادرين نمسكها و م ينفع تعيش ريم معانا و لازم تعيش معاهم..
سارة:-و الله انتي بتعرفي تفكري و زكية شديد....لكن امكن م تكون مخطوفة...امكن تكون هسي قاعدة ليها ف اي حته..
غادة:-د احتمال تاني كمان....لكن احنا هسي لازم نمشي سريع نفشتها يلا...
سارة:-استني اول البنات يجو
غادة :-طيب
.........................................................
مزن دقت باب البيت...
ابو سعيد:-و اخيرا جو،سارة افتحي الباب!
سارة جات جارية:-اهيني جاية
سارة فتحت الباب و لقت وش مزن و منار و ميام منفوخ من الدموع...بقت تهدي فيهم و مسحت دموعهم عشان م يشوفها جدها
ابو سعيد:-خير يلا خليهم يدخلوا
سارة:-ااا اي خشو
خشو البنات..
ابو سعيد:-وين ريم
غادة بخوف:-اا هنديك برا(طبعا هي م برا)...الصراحة كنا انا و هي و سارة مارقين حته بس و جايين
ابو سعيد(و هو قاعد ف الكنبة بتاعتو و للسه م قام منها):-ليه ف الوقت المتأخر دا...امرقو بكرة
غادة:-لا لا اا..الموضوع م بتأجل..يعني بسيطة بنمشي هسه و بنرجع..
ابو سعيد:-طيب م تتاخروا انتو كمان
ميام:-و انا ماشششششة معاكم!
غادة و هي بتحمر ليها عشان تفهمها هي قصدها شنو:-لا م تمشي خليك
ميام وهي بتلمح ليها انها فاهماها و دايرة تفتش معاهم ريم:-عليك الله
سارة:-خليها تمشي
غادة:-خلاص تعالي يلا.
ميام:-يلا
.......................................................
في مكان مجهول....
عمران:-فكها من الرباط لكن م تفك الربطة الفي خشمها لانه وادينها مكان تاني و م دايرنها تجوط لينا
ريم تكورك و م مفهوم كوراكها:-اممممممممم!!!!ممممممم!!
سلطان:-خلاص هصصص انطمي....م حفك ليك ربطة خشمك يلا اسكتي قبل م اقتلك و انتهي منك لانه الصراحة مشتهي في بالي الحاجة دي....
ساقو ريم و اتجهوا بيها لبيت ابو مصطفى
.....................
في بيت ابو مصطفى..
هسي حاقدر اتصرف و العب اللعبة دي بمزاااج....هسي ريم بتجي،و المصايب بتروح مننا،و بتمشي المصايب لبيت ابو سعيد،و وقتها خلينا نشوف حيعمل شنو.هل حيقدر يهددني تاني بالحصل زمان....هو المرة دي حيكون الغلط عليهو...
بيجاي كانت روان (بت ام زياد لو نسيتوا🌚)بتتسمع على كل الكلام الكان بقول فيهو الجد و جرت تكلم اختها سديم)
في غرفة سديم و روان،،
كانت سديم شغالة ف التلفون تتكلم مع صحبتها بيفكروا يعملوا شنو في يوم حفلة تخريجهم الحتنعمل قريب....فجأة قاطعتها روان..
روان:-قفلي الخط...ابي اقولج شي مرة مهم
سديم:-طيب نوف يلا باي بكلمك بعدين....(و قفلت الخط)
سديم:-خير اش في
روان:-قبل شوي سمعت جدي و هو يتكلم مع نفسه و يقول انه راح يجيب ريم عالبيت و كان بقول ف شي بس ما فهمت عليه...كان يقول انه اهل ام ريم م راح يقدرون يهددونوا باللي صار زمان..
سديم:-ليش شِنو اللي صار زمان؟
روان:-الله وحده يعلم....المهم انه راح يجيب هاذي المصيبة علي هالبيت
سديم:-و ترجع لنا كللل مشاكلنا💔
............................................
من ناحية تانية كانو سارة و غادة و ميام بفتشوا ف ريم ف الشوارع القريبة من بيتهم و من السوق و جمب البحر لكن م لقوها....
ميام:-وااي وااي واي....وين حنلاقيها هسه...فتشنا كل الحتت لكن م في اي اثر ليها
غادة:-ي جماعة ارح نمشي بيت ابوها ياخ بتكون هناك
سارة:-لا يا غادة م بتكون هناك ياخ
ميام:-صحي البوديها هناك شنو...لا لا م في شي بخليها تمشي هناك...يعني معقولة تكون م دايرانا و مشت هربت ليهم
غادة:-لا ي هبلة م قصدي كدا....قصدي بكونوا هم الخطفوها..
ميام:-نعم!!!!لا لا ماما م تجيبي سيرة الخطف.!!لا ريم م مخطوفة..انا متاكدة...خلونا نتفائل بالخير
سارة مليانة دموع :-للاسف دي الحقيقة يا ميام....ريم حتكون مخطوفة😭💔
ميام و هي بتكورك و بتبكي بصوت عالي ف الشارع المظلم الفاضي:-لااااااا!حاااهههه....مستحيل ريم م مخطوفة قلت ليكم😠😭😭حنلاقيها هسه و بتشوفوا...انا حلاقيها!!!!
غادة مسكت بتها و حضنتها:-خلاص اهدي اهدي حنلاقيها..
سارة وقعت ف الارض و بقت بتبكي لمَّن صوتها بقى مبحوح
غادة هنا قررت انها لازم تمشي لبيت ابو ريم داك سرريع....فكت بتها و مشت قومت سارة و مسكت يد بتها و يد سارة و بقو ماشين متجهين لبيت ابو ريم
يتبع..#
أنت تقرأ
يتيمة و أبواي على قيد الحياة
أدب المراهقينفتاة اتعرضت للضياع في طفولتها....م مرتبة....اول رواية لي و فيا شوية اغلاط لكن يرب تعجبكم..+مكتملة
