يتيمة و أبواي على قيد الحياة

الجزء ١٢

الجزء ١٢..
لقت احمد واقف و ماسك سمير بين يدينه💔.لما عاينت لي لقيت في وشّها علامات الخوف و الكره في نفس الوقت.جرت من السوبر ماركت من غير سابق و لا انذار تاركه بركان ثائر وراها.
رجعنا للسيارة انا و سمير و انا كنت مولع غضب و سمير مولع بكاء.دخلنا،و طبعا ايمان على طول قامت علي بالأسئله:-
ليه سمير بيبكي؟
عملت ليهو شنو؟
دقيته؟
ما اشتريت ليهو؟
احمد:-عايني،ما تقرفي لي عيشتي بأسئلتك الكتيرة دي اكتر من ما انا قرفان حياتي.سمير وقع بالغلط في المحل بس، ما حصلت حاجة.
سمير:-كزاب،هو الوقّعني و الله اعلم شنو السبب.
ايمان:-ليه وقعتوا؟
احمد:-بالغلط.
ايمان:-لا باين في حاجة،قول.
احمد:-بقول ليك بعدين.
بعد شهرين،،
نزلت ريم من فوق عشان نادوها للغداء.قعدت في السفرة بعد ما سلمت على الموجودين.
ام بدر:-وين بدر؟
عمار:-ما عارف اكيد قاعد مع اصحابه.
ام بدر:-ولدك ما بيسيب الحركات دي.بيقعد برا مع اصحابه اكتر من ما بيقعد في البيت.
عمار:-سيبيهو،يكبر و يعقل.
ام بدر:-دا كلامك من سنتين و هسع في فرق؟؟؟،زي ما هو
عمار:-عايني،خليني آكل سريع علشان اتصلوا علي ناس المستشفى قبل شوية.
ام بدر:-خير ان شاء الله
عمار:-انا قلت ليهم من قبل كم يوم انو ما حأجي الدوام علشان كدا أدّوني شغل اضافي الليلة.
ام بدر:-اممم.ريم كيف الأكل عجبك؟
ريم بخجل:-ايوة،شكرا على الاكل.
ام بدر:-انا زي امك علشان كدا ما في داعي تشكريني.

ريم،
كل مرة لما ام بدر بتقول لي انا زي امك او بتجيب لي سيرة ماما على طول بتحول لقنبلة مليانه زعل.
وين امي؟
ليه بعدتوها عني بالطريقة دي؟
زيادة على انو ابوي ميِّت كمان تقولوا لي اعتبري امك ميته؟
قايلنّي بستحمل كلام زي دا.
سبحان الله
مين يتوقع انو بنت عمرها ١٠ سنوات عندها هموم من النوع دا😭.

قامت ريم من السفرة بعد ما استأذنت.
ام بدر:-عمار،ليه كل مرة بحس انو لما بَقول لريم انا زي امك بتزعل.معقوله تكون فاقدة امها؟
عمار:-امكن.
ام بدر:-و الله اكتر ناس حزّنوني في الحياة دي هم سارة و ريم.
عمار:-زيّي زيّك.اللي عمله احمد في سارة كان كتير عليها الله اعلم كيف استحملته.
ام بدر:-انا لو مكانها بشنق نفسي و ارتاح.
عمار بمزح:-كان ارتحنا منك.
ام بدر بزعل:-الحمد لله شبعت.
قامت ام بدر من السفرة و سابت وراها شخص و اولاده ميتين من الضحك.

ريم،
انا لازم المرة دي اظهر لعائلة عمار انو انا ما شاء الله علي بنت شاطرة.
قامت ريم عشان تلمّ السفرة معاهم.
دخل بدر المطبخ و شافهم قاعدين بيلمّوا في السفرة .و استغرب لما شاف ريم.
بدر و معقد حواجبه:-انتي هنا.
ريم حسّت بغبائه من سؤاله فقالت ليهو:-لا في بيت امي.
بدر:-هاها ظريفة .ماما في باقي اكل
ام بدر:-لأ جزاءً ليك و لتأخيرك.وين كنت؟
بدر:-مع اصحابي عندي غيرهم يعني.
ام بدر:-يعني ما ممكن تسيب اصحابك ديل على جنب و تجي تقعد معانا شوية نعرف عن اخبارك.
بدر:-الحمد لله كويس،ماشي غرفتي طيب.
ام بدر بغضب:-مشية من غير رجعة قول آمين.
بدر بغباء:-امين جمعا ان شاء الله.

سامر ما قدر يكتم ضحكته فضحك بأقوى ما عنده و عمار بيعاين ليهم و لا كأنو الموضوع بيخصّه.قام بسرعة علشان يلحق على الشغل تارك وراه واحد طايش و وحدة معصبة و واحد مفرط من الضحك.و وحدة بالطرف قاعدة بتسمع في كلامهم و ساكته زعلانه لانو بتقارن عائلة عمار بعائلتها.
عائلتها منفصلة و هم لا
عائلتها متشاكله و هم لأ
عائلتهم فيها لمّه حلوة و هي لأ.
جرت على طول متوجهه لغرفتها عشان ما يشوفوا دموعها النازلة،لكن وقفها صوت خلاها تمسح دموعها و تنجبر ترد ليهو:-هاه؟
بدر:-انتي شنو جابك هنا؟
ريم:-يا اللّٰه ما قلت ليك قاعدة عند ناس امي.
بدر:-و ليه ما شلتي روحك معاك؟
ريم بمسخرة:-هاهاها ظريف و خفيف.
بدر:-و لفيف.
ريم:-و سخيف.
بدر:-زيّك
ريم طفشت منّه فاتوجهت لغرفتها من غير ما ترد ليهو عشان عارفه نفسها،لما تبدا كلام ما بتخلص.

ريم،
بفكر كيف ارد ليهو سخافته دي(قصدها بدر).يا ترا في شنو ممكن اسويهو...مقلب؟ايوه بجهز لي مقلب عشان يقع فيه و احسن لو يكون مع اصحابه عشان مرة وحدة انتقم منهم و اوريهم انا منو.كل مرة لما امر بجنبهم يقعدوا يعاينوا لي بنظرة اشمئزاز و قرف و غضب و بيقوله:-بنت سارة جات.
ااخ منهم ااخ💔.

يتبع#..