يتيمة و أبواي على قيد الحياة

الجزء ١٩

الجزء التاسع عشر:-
احمد:-كنت داير اقول ليك انتي قلتي للدكتور شنو يوم داك لمن كنا في المستشفى؟
ريم بهبل و من غير وعي:-قلت ليهو انه بخاخة الاكسجين ما حاوريها ليكم عشان ما تضحكوا علي و تدعو انه يحصل لي اكتر من كدا.
و بعد وقت ريم وعت على نفسها هي قالت شنو💔😞
احمد:-و السبب شنو يا حلوة اللي يخليكي تتكلمي عننا للناس.اها عندك جواب يا ست؟
ريم خافت و اتحيرت ترد بشنو💔.
في البيت الكبير،
بدر:-متين حيختوا الغدة.جعان شديد.
حسن:-و نحن نقول شنو.انت على الاقل فاطر متأخر.
زياد:-عاينو لسامي داك قاعد كيف مهموم براهو و الاولاد كلهم هناك متلمين.
اشرف:-عاينو للبنات ديلك قاعدات ملمومات مع بعض مبسوطات و ريم اكيد قاعدة تتعرض للاهانة هسه😞
بدر:-😨اشرف اول مرة تتكلم بجدية!
اشرف:-ما قاعد اهظر معاك و الله احمد زودها مع ريم كتير.
حسن و زياد و بدر:-😨اشرف اول مرة تتكلم بجدية!
اشرف:-انتو سخيفين شديد احسن لي امشي من هنا زاتو.
حسن:-د مالو كان قاعد يحاول يقول انه البنات كلهم مبسوطين الا ريم ما نالت البسطة.كان قاصد شنو؟🙂
اشرف من بعيد:-نالت البسبوسة😂💛
حسن:-🤦🏻‍♂️🤦🏻‍♂️لوهلة قايلك عقلت
ام بدر اتصلت على بدر:-الو ممكن اديني ريم.
بدر:-ريم ما قاعدة في البيت.
ام بدر:-مشت وين.
بدر:-مشت مع ابوها لبيته قال داير يتكلم معاها في حاجة و ناس البيت قالو ما دايرين مشاكل بسببها.
ام بدر:-عاين يا بدر ما بيفلح الكذب مرتين.
اشرف جا راجع يضحك:-قلت ليكم ما حيصدقوكم تاني لو شنو و بالذات ام بدر😂😂💔
بدر:-اسكت عليك الله دا ياهو القلنا عليهو بقا عاقل.يا امي و الله العظيم ما قاعدة في البيت.استني اديك ام زياد هسه بتكلمك
بدر:-ام زياااااد!!ريم وين؟؟
ام زياد:-مشت بيت ابوها ناسي و لا شنو.
بدر:-اها سمعتي.
ام بدر:-طيب خلاص مع السلامه.
بدر:-الله يسلمك.
نرجع للاحداث،
في العربية،
عمار:-متاكدة و لا دي كزبة جديدة من بدر؟
ام بدر:-متأكدة.ام زياد قالت لي.
عمار:-طيب ياتو بيت.
ام بدر:- البيت الجمب المزرعة الفي الخلا داك.
و في اثناء ما هم فيالطريق في الخلا،لمحت ام بدر من بعييد راجل طويل قاعد يتكلم مع بت سمرة صغيرة.قالت في البداية ديل ما هم،لكن لمن شافت عربية احمد اتاكدت انه ديل ريم و احمد.
ام بدر بصراخ:-وقف السيارة هنديلك احمد و ريم.
عمار وقف السيارة و نزلو الاتنين و مشو اتجاه احمد و ريم.ام بدر بقت تسمع في احمد من بعيد هو بقول في شنو.قالت ما دايرة تخش بيناتهم  و توريهم انها موجودة فقامت سحبت عمار من يده و جرته ورا حجرة كبيرة و اتخبوا وراها.
عمار بصراخ:-مالك يا مرا😡
ام بدر بهمس:-ششششششش حيسمعك احمد.انا متخبية هنا عشان اسمع كلامهم البيقولو فيهو الخلاهم يقعدوا في الخلا بدل ما يمشو البيت.😑👂🏻👂🏻👂🏻👂🏻😑
يتبع#...