يتيمة و أبواي على قيد الحياة

الجزء ٤٢

الجزء الثاني و الاربعين#..

ريم،
صحيت فجاة على اذان المغرب...ما ماكلة من الصباح و لا شي بس شاربة كباية موية💔....عاينت لجسمي لقيت اثار ضرب...اتذكرت احمد قبيل لما هجم علي....كله من لينا السجمانة دي...البت دي انا لازم احذر منها م معروف تعمل شنو خاصه انه اي شي ح تقولوا في البيت د ح يصدقوه و م ح يصدقوني..طب انا قاعدة هنا ليشنو؟؟؟عشان اقعد اتذل و اتبهدل كل يوم؟؟؟و لا عشان اعيش كدا محرومة من امي و اتعذب كل يوم💔لحظة انا عايشة ليشنو بالجد؟؟؟؟المفروض اموت لانه م في فايدة اعيش💔من م انخلقت ف الدنيا م حسيت بطعم الفرحة و لو لمرة وحدة💔....
مشت ريم عشان تفتش ليها اي حاجه ف الاوضة زي سكينة او اي شي تقطع بيهو شريانها💔
احمد،
بعد م رقت شوية كدا بفكر امشي لريم...طيب حاقول ليها بس اسف لانه اكتشفت لينا كانت بتكضب و حمرق طوالي....اساسا م فايق اشوف خلقتها زاتو...مع اني غلطان بس يلا هندا بصلح في غلطي..عندي اشغال تانية زاتو اهم منها..
مرق احمد من غرفته قاصد غرفة ريم...فجأة اتذكر انه ريم م اكلت اي حاجه الليلة💔قرر يمشي يجيب ليها اي لقمة و يجي...
طيب احمد جاب ليها اي شي من المطبخ و مشى ليها ف غرفتها...
ريم،
قاعدة بعاين للاوضة كدا و كده...يخ فاضية بمعنى الكلمة💔الاقي لي هسي سكين كيف و لا حاجات زي دي💔امكن يكون في شنطتي في حاجه..
فتحت الشنطة و بقيت بقلب ف الحاجات و لقيت لي ضفارة...الموضوع حيكون صعب لكن ححاول على كم مرة اشلخ نفسي فيها..💔
بديت اشلخ و الدم بدى يطلع..و لا حاسه بيهو زاتو..حسيت نفسي خلاص قربت من الشريان و انا شبه دايخة و بعدداك دخت قبل م اتم 💔
احمد دق الباب لكن ريم م كانت بترد....اتذكر انه هو معاهو المفتاح...فتح الباب و بقى يعاين يمين و يسار...لقى ريم واقعة في الارض و ماسكة ضفارة و مغرقة الحته دم💔...احمد انصدم لما وقع الصينية و كشح الاكل و صرخ باعلى صوته:-"ريييييييييييييييم!!!!!!"
سبحان الله بقولوا الأم بتحس ببنتها لو حصلت ليها حاجه💔سارة كانت نايمة و صحت مخلوعه و بقت تقول:- "بتي جيبوا لي💔"
غادة:-سارة مالك بسم الله
سارة:-م عارفة حاسه انه ريم متعذبة هناك..حاسه انه حصلت ليها حاجه كانهم قاعدين يضربوها او شي زي دا....
غادة حضنت سارة و بقت تخفف عنها و تواسيها و خلتها ترقد تنوم تاني

احمد جرا لريم:-رييم د شنو العملتيو ف نفسك!!يبت هيي قومي...هسي البخليك تنتحري شنو!!هيييي!!!
احمد شال ريم و طلع بيها المستشفى و طبعا العائلة الكريمة كلها لحقتو..
في المستشفى....
ريم كانت جوا غرفة العمليات و العائلة كلها كانت قاعدة برا...
الجدة:-البت دي دايرة تشوه سمعتنا ليشنو ..هسي الناس دي ممكن تبدا تقول انه في بت من عائلة ابو مصطفى جربت تنتحر💔نعمل شنو احنا تاني نخبي راسنا بيوين...
عمار و ام بدر جو جاريين داخلين المستشفى بعد م سمعو الخبر
ان بدر:-ريم وين!!متين جات!!عملتو ليها شنو حتن جربت تنتحر!!
جرت ام بدر لاحمد و مسكتوا من اكتافو و هددتو:-اذا بحصل لريم حاجه!!انا بقتلك بيديني ديل الاتنين!!عملت ليها شنو انت هاااا💔
احمد:-زحي مني انا م لي دخل....هي براها عويرة دايرة تنتحر..كان بس سوء تفاهم و قايلنها اهانت ابوي لكن طلع في كذب ف الموضوع فاا انا قمت..
ام بدر كملت عنه:-قمت نزلت فيها ضرب و حرمتها من الاكل و الشراب و حبستها ف اوضة و ما ادراك!💔اصلك على فكرة م بتتغير💔!!
عمار:-خلاص خلاص هدي ريم م حيحصل ليها شي احنا هنا و قاعدين معاها و ندعي ليها تقوم بالسلامة
نفيسة:-ان شاء الله م تقوم عنها
عمار:-يا قرف اتي اسكتي!
نفيسة:-اتو الاسكتوا..حرام عليكم...البت دايرة تموت تعيشوها بالغصب ليشنو!!😒
ان بدر:-كلمة وحدة تانية و تلقي عينك دي مقلوعة تمام
نفيسة:-قولو الدايرنو...البت شايفة راحتها ف انه تموت و احنا برضنا نفس الشي🤷🏻‍♀
ام بدر:-عليك الله سكت اختك النضامة دي..
عمار:-تحبي نجيب ليك لصاق؟؟
نفيسة مرقت بعصبية من المستشفى و قعدت برا...
الدكتور جا طالع:-الحمد لله ريم اتجاوزت مرحلة الخطر لانه م وصلت للشريان و الا كان اكيد ماتت او كنا اضطرينا ندخلها ف عمليات او العناية مشددة
عمار و ام بدر:-الحمد لله😔
احمد:-و هسي هي فيها شنو؟؟
الدكتور:-ضمدنا ليها الجرح كان عميق حبه لكن م واصل مرحلة الخطر اتوقع كان القطع بضفارة عشان كدا...و البت م داخت بسبب القطعه لا لانها م ماكلة اي شي من الصباح على حسب م طلع معاي...لازم تهتموا فيها و الا حالتها ممكن تبقى اسوأ..استاذنكم تقدروا تاخدوها معاكم البيت...
يتبع#..