يتيمة و أبواي على قيد الحياة

الجزء ٣٦

الجزء ٣٦
في الطريق لبيت ابو مصطفى في سيارة الخطف....
عمران:-يلا انزلي....انزلي قلنا!!
ريم نزلت لانه يدينها مربطات بورا و خشمها رابطينه و م كان عندها طريقة بانه تهرب لانه كمان المسدس كان قدام راسها
سلطان:-يا عمران....امسكها هنا و انا حأدق على مديرنا
عمران:-امرك....يلا ي بت خليك ساكتة و قاعدة
سلطان:-الو
الجد:-اها وين انتو
سلطان:-ف الحديقة الخلفية
الجد:-انا هسه جاي يلا
سلطان:-سريع...
الجد،
وصلو و معاهم ريم....الاحسن امشي سريع و اشوفها و اكمل باقي الخطة
نزل الجد و مشى الحديقة الخلفية لبيته....لقى ليهو بت كدا عمرها قريب ال ١٦ سنة..مربطة و معاها الاتنين المتفقين معاهو بالخطف..
الجد:-دي البت؟؟
سلطان:-اي
الجد:-د شنو اللابساهو د...و طرحتك وين!!؟..طبيعي ...اهل امك...اكيد حيخلوك تلبسي الجينز الضيق و ما ادراك و طرحة ماف طبعا
ريم مع نفسها (ياخ دخلك شنو انا اللابسة اللبس دا و لا انت😒 )
الجد:-اها عرفتيني و لا لأ يا ريم؟!
ريم كانت مصدومة و حابة تديهو كف لكن م بتقدر لانه خشمها و يدينها مربوطين...
هنا ريم اتصدمت صدمة تانية كمان...و في الوقت داك سلطان و عمران فكو القناع من وشوشهم
ريم اتصدمت صدمة تالتة لما شافت عمران و سلطان كمان
الوقت داك كانو غادة و سارة و ميام وصلو بيت الجد و بقوا يراقبوا من برا
ميام بصوت مرتجف:-دد د د دي ررر ريم؟!!
غادة:-شششش اي ياها
سارة رجع وشها كله مليان دموع و هي شايفة حال بتها كيف مربطينها و ماسكنها...
الجد:-فكو الربطة من خشمها شكلها وراها مية سؤال دايرة تسأله..
سلطان فك الربطة من خشم ريم و ريم ف البداية كانت ساكتة و بتاخد ليها مية شهيق و زفير و بعد م انتهت بدت تتكلم
ريم و تتكلم بآخر نفس:-ناوي تخطفني ليشنو...د اخر م اتوصلت ليهو؟؟....و انت(بتعاين لسلطان)يعني جاي تخطفني عشان رشيت فيك ريحة....و تلفوني وينه اديني ليهو سريع...و انتو من وين بتعرفوا بعض....اا اكيد كل الناس الما عندهم احترام اكيد حيبقوا من عيلتك كيف م خطرت في بالي
الجد:-بس خلاص باسس!!م تخليني اعلي صوتي اكتر من كدا عشان العالم الجوا م تصحى....حابي اقول ليك شي....هسي حنتفق انا و انتي اتفاق....انا و انتي بنمشي للقاضي المسؤول من اليتامى و الاطفال الاهلهم مطلقين....تقولي للقاضي انه انا دايرة اقعد مع اهل ابوي لانه اهل امي م مهتمين فيني و انا اتعرضت للاختطاف مرة و هم م همهم و م انقذوني لكن اهل ابوي هم الانقذوني....و كدا بتعيشي معانا و م بتعيشي مع اهل امك
ريم بقت تضحك و تضحك ضحكة سخرية و استهزاء:-و البخليني اعمل كدا شنو 😂😭😂😭😂😭😂😭💔م في قوة في الكون بتجبرني اعمل شي انا م دايراهو
الجد وقتها شال المسدس و ريم بدا الخوف يبان على وشها لكن اتماسكت و قالت:-شنو يعني....حتقتلني...معقولة تطلع ضعيف للدرجة دي....اعرف انه م حاغير رأيي لو قتلتني...يلا اتفضل اقتلني ...يلا يلا مستني شنو
الجد:-انتي هبلة....اقتلك ليشنو حاستفيد شنو من قتلك..كنت حاقول انه اذا هسه م بتنفذي الكلام البقولوا ليك....حاقتل امممك..
ريم اتصنمت مكانها و قلعت عيونها و نفس الشي سارة و غادة و ميام....
غادة:-لو لمس شعرة منك او من ريم و الله م اخليهو
ميام الوقت داك اتمسكت بسارة و بقت بتعاين ليها بنظرة خوف
سارة:-يارب م توافق تمشي معاهو
غادة فتحت عيونها بوسعها:-و ليه!!دايرة تموتي
سارة:-و كدا بكون نفذت وعدي لريم....وعدتها اني اخليها تعيش حياة سعيدة بالطريقة اللي هي دايراها مع الناس اللي هي عايزاهم
غادة:-يا سارة...انا بعرف ريم كويس...سعادتها بتكمن في انك تكوني جمبها و لو م كدا على الاقل انك تكوني عايشة و سليمة
سارة:-المشكلة اني عارفة الكلام د عشان كدا متأكدة انها حتمشي معاه..
ريم:-شش شش شنو بتقول...تقتل امي.!!انت عارف انك لو قتلتها انا بموت وراها....اساسا م عندي سبب اعيش عشانه غير امي....امي هي نبضي و قلبي و روحي و كل شي ف حياتي....لو فكرت تلمسها بس انا مستعدة اقتل عيلتك كلها و طبعا انت اولهم من غير اي تردد!!
سارة دمعت من كلام ريم...
الجد بهدوء ماكر:-خلاص م بلمسها لكن انتي بتتضطري انك تنفذي الاتفاق
ريم و الدموع مالية وشها:-بس...
الجد:-من غير بس!!!...قولي موافقة و لا لأ
ريم بخيبة امل:- موافقة😢
الجد:-افف و اخيرا
يتبع...#