يتيمة و أبواي على قيد الحياة

الجزء الرابع

الجزء الرابع#..
لفيت وراي..لقيت ٣ بنات كانو معاي في نفس الفصل
سمر:-اعتبري د عقاب ليك لانه كسبتي قلب الاستاذة و احنا لا
مشو البنات و سابو بت محطمة كليا وراهم...اذا الاستاذة حبتها هم دخلهم شنو؟بلعت ريم ريقها و مشت قعدت في حافة الحوش(الساحة)
في بيت احمد،
اتصلت الاستاذة على احمد و قالت ليهو انو بنتك ما شاء الله بتعرف تكتب اسمها و برضو بتعرف تجمع ارقام كبيرة مع بعض...
انصدم و قال في نفسه:-"معقولة سارة طلعت قعدة تقري بنتها في روضة و خلصتها.كان كدا ما في داعي ادخلها روضة تاني،اوديها لمدرسة اقل من عادية عشان تاني تكذب و تقول انه ما درست
نزلت ريم من الباص،كانت متوجهة للبيت لكن وقفها صوت من ورا.لفت،لقت احمد.حست انه الدنيا ضاقت قدامها لانه هي ابدا ما بتحبو..نفسها في انه يجي ابوها و ياخدها من الخراب العايشة فيو دا...بس للاسف قايلة ابوها مات لانه امها قالت ليها كدا..
احمد:-عندنا قواعد هنا يا ست و هي انه لما بتشوفينا تقولي السلام عليكم
ريم ببرود:-السلام عليكم ممكن ادخل
احمد:-انتي درستي قبل كدا روضة؟
ريم:-قلت ليك من اول لا...دايرة ادخل لانه تعبانة
احمد:-اليوم اكتشفت انك اكبر كذابة...لا و مصرة كمان على كذبك...و عشان حركتك دي انا حاقفل الابواب و ما حخلي الحراس و الخدم يدخلوك لو بكيتي دم...يلا خلي اليوم دا يتم على خير...
حاولت ريم تلحق الباب قبل ما يتقفل لكن ما قدرت بسبب الشنطة..بقت تبكي و تبكي لمن غلط...تعبت من الوقوف فقررت تقعد جمب النافورة في المسطبة..كان الجو مسخن شديد و ريم حست نفسها انها حتذوب و تغرق في مكانها...اتذكرت امها و تمنت لو تكون معاها عشان تشوف الكلاب ديل بيعاملوها كيف...بس وقف تفكيرها صوت عمار اخو احمد:-مالك قاعدة هنا
ريم بعصبية:-لو عايز الجواب امشي اسال اخوك المعفن داك...قفل علي الابواب و قال انه ما يفتحوا لي الخدم و الحرس الا لبعد نص ساعة و هسا مرت عشرة دقايق و انا خلاص حاموت
عمار عصب من اخوه كيف يعمل كدا ف البنت الصغيرة دي...كله عشان ينتقم من اهلها..حتى و لو كانو اهلها خبيثين...هي برضو من لحمه و دمه..بلع ريقه و مسك كتف ريم لكن على طول نفرته منها و قالت بحدة:-طالما اخوك معفن ما استبعد عنك انت تكون زيه...و لا شنو رايك؟؟
عمار زعل من كلامها ...مهما كانو حاقدين عليها هي لازم تحترمهم و ما تقل ادبها معاهم لكن شكلها جابت الكلمات دي من احمد فعشان كدا مسك نفسه و قال:-ما تخافي صدقيني انا ما ناوي على شر انا فرق ٣٦٠ درجة من اخوي....ريم حست انه صادق و ما بيكذب لكن هي بقت ما تشوف قدامها و قررت تكره كل الناس و تدافع على امها
ريم:-طيب ابعد عني لاني م فاضية اشوف لي وش اي واحد بيكره امي عشان كدا سيبني اقعد براي
عمار:-براحتك
طلع عمار و ساب ريم وراه....اول م مشى عمار ريم بدت بنوبة بكاء لكن وقفت على صوت زول من ورا...التفتت و شافت.....
يتبع#...