يتيمة و أبواي على قيد الحياة

الجزء ٥١

الجزء ٥١
اليوم البعديهو بالصباح...
ريم صحت و مشت استحمت و نزلت تحت....الوقت كان بدري شديد و لسه كانو ناس البيت كلهم نايمين...قالت تتجهز و تطلع بدري للجامعه...
لما انتهت و اتجهزت احمد صحى
احمد:-شنو طالعة وين من صبح الرحمان
ريم:-على الجامعه يعني على وين
احمد:-م تكضبي مف زول بمشي الجامعه ف وقت زي دا
ريم:-قلت بتجهز للجامعه لكن م بمشي هسه**
احمد:-طالعة وين انطقي سرريع
ريم:-اففف و الله م طالعه حته يعني بطلع وين مثلا🤦🏻‍♀️
احمد:-م بعرف امكن بتطلعي من ورانا كل يوم و بصادف اني صحيت بدري الليلة🤷‍♂️
ريم:-بالعكس صاحي متاخر الساعة هسي ٦ امشي صحي شفعك هسي بتفوتهم الجامعه
احمد:-م محتاج اذنك😒
احمد طلع و ريم نزلت تشرب شاي...
بعد م انتهت ريم طلعت طوالي و احمد طلع وراها ...كانت لابسة النقاب لكن لما طلعت فكته...احمد استغرب ليه طلعت النقاب مع انه حذرها كتير انه م تطلعوا...الوقت داك كانت ف نص الجامعه..جا احمد و جراها و مشى بيها ورا الجامعه
ريم:-خير فك يدي ف شنو جاي هنا!!و لا شاكي اني ماشة حتة تانية
ريم:-كنت شاكي ف الحاجه دي لكن هسي داير اعرف فاكة النقاب لييشنو
ريم:-كم مرة حقول ليك عندي ضيق ف التنفس
احمد:-و انا م مصدقك و م حصدقك
ريم:-طب ارح لاقرب دكتور
احمد:-م فاضي
ريم:-راحتك م فاضي...لكن م حلبسوا
احمد ضرب ريم كف:-تلبسيو و الا م ححصل خير
ريم باستسلام لبستوا
احمد:-اها حصل ليك شي؟؟لا...بطلي كضب الكضب م حبابو تمام....
ريم:-اي لو كنت بكضب
ريم جرت دخلت الجامعه
و احمد رجع طريقه للمستشفى
ريم فكت النقاب و هي جوا الجامعه لكن كانت خايفة يكون احمد لسه براقبها ف لبستوا تاني و هي مخنوقة شديد ....و هي ماشة للمحاضرة م قادرة تعاين قدامها ...بتفتح النقاب حبه و تقفلوا تاني....م قدرت تستحمل ف داخت
كل ناس الجامعه اتلموا عليها و جاها دكتور و فحصها....اداها بخاخ اكسجين لما صحت
ريم:-اففف م دايراو😩
الدكتور:-لو دايرة تدوخي تاني م تشيليو🤷‍♂️
ريم:-افف خلاص...💔
..........................
ريم رجعت البيت و مشت لاحمد
ريم:-بسببك رجعت للبخاخ
احمد:-قصدك شنو
ريم:-م بتفهم انت!!قلت ليك عندي ضيق ف التنفس!!!و لما لبست النقاب لفترة وقعت ف الجامعه!و جا دكتور و صحاني و اداني الشي د
احمد:-تستاهلي...كان تثبتي لي انك عندك ضيق ف النفس لكن م جربتي🤷‍♂️
ريم:-تففف
ريم طلعت طوالي من غرفه احمد و احمد كان نفسو يجي يشلتها لكن م اشتغل بيا شديد
ريم رجعت الغرفة و رقدت نامت....
طيب نختصر القصة و ننط ليوم العرس....
الصباح...
صحت سديم بدرييي عشان تقوم تشوف حتعمل شنو ف حفلة العرس و صحت معاها روان...
سديم:-روان قومي قومي نشوف وش لازمنا للحفلة
روان:-طيب خلاص وخري
سديم بحماسة:-خلي الكسل مو وقته....يلا كيف بسوي شعري...كيف راح يكون مكياجي...
قاطعتها روان:-يبت هو انتي منقبة و محجبة شعر شنو خلاص اصبري كل شي عنده وقته...خلينا ننزل نفطر
سديم:-لا البيت كله نايم😃
روان بقرف:-طب انتي ليش صاحية!
سديم:-اليوم عرسيي ياااه
روان:-انطمي و خليني انام
سديم:-اففف خلاص بروح انام
روان:-انقلعي
.........................
صحت ريم و لقت الناس بجهزوا للعرس....م عارفة ليه صحت متاخر كده...صحت الساعة ٣ و نص عصر!💔
نزلت ريم تحت بعد م اخدت شور و لقت النسوان بس متلمين بتونسوا و الرجال اظن بجهزوا ف صالة العرس
سديم:-م عندك احساس انتي اليوم عرسك😐💔
ريم:-م يخصك
سلمى:-ريم تعالي نشوف الفستان كيف فيك
ريم:-جربتوا عفن
سلمى:-تعالي البسي و ورينا
ريم:-اوككك
ربم شالت الفستان و طلعت و لبستو....كان ابيض سادة م فيو اي رسمة بس فوقه شال نهايتو فيا حتة زخرفة....كان تقيل شديد بس كويس انه العرس ف صالة م ف بيتهم و الا كانت ماتت من السخانه....نزلت تحت و ورتهم
سديم:-وععع🙂
سلمى:-حلو و الله مالك
لينا:-د حلو ي سلمى؟؟؟
ريم:-طبيعي يكون عفن...ذوق الاب المحترم
روان:-طبيعي يختار لك فستان زي هاذا لانه يشبهك😐
ريم:-م سالتكم للمرة المليون...و اساسا ماشة اطلعوا لانه مسخن بي
سديم:-انقلعي.....انا كيف طالع فيني فستاني؟
روان:-روعة😋💗🔥🔥
سديم:-لازم😏
ريم طلعت فوق و غيرت الفستان و نزلت تحت و ادتهو ليهم....
بعد ساعة من الوقت داك مشو ودو سديم للكوفير عشان يجهزوها...اما ريم منسية كالعادة و اساسا احمد قال ليها م تسوي شي ف وشها
جهزت صالة العرس و كانت فخمه شديد..... قعدوا ام سديم و ابوها و زياد معاها ف الكوفير و الباقين مشو الصالة....اما ريم و احمد كانو قاعدين ف البيت...
في الكوفير...
سديم كانت طالعة قنبلة من الجمال و الفستان كان رائع جداا و سمح فيا....و المكياج كان مكبوب فيا كب عديل.....مشت ركبت عربية العرس مع ياسر و اهلها و كانو متحركين للصالة
ريم و سامي وصلو اول للصالة بعربيتهم....ريم على الرغم من انه فستانها م كان سمح الا انه وشها البريء كان كافي يخليها جمييلة...الصالة كانت جايطة بالاغاني و اول م نزلو ريم و سامي قعدوا يصوروا فيهم و الفلاش طاقي ف عيون ريم و هي بتبتسم بالعافية و ماسكة بوكيت الورد ف يدها....دخلت الصالة و انبهرت بالمنظر...ابتسمت لا اراديا و الناس كلها شايفاها شااافعة شافعة و كلهم منصدمين طبعا....مشو هي و سامي و قعدوا ف الكوشة حقتهم....كان لونها ابيض باحمر و مزينة بالذهبي و كانت ف قمة الروعة.....ريم كانت مبسوطة شديد بالاجواء...المهم بعد زمن بسيط دخلو سديم و ياسر و وراهم ابوها و امها و اخوانها زياد و حسن و اشرف....طبعا سديم كانت احلى منها بمليون الف ستين مرة...قلبت وشها و هي زعلانة و سامي لاحظ ليها
سامي:-يبت انتي احلى منها بمليون مرة بالنسبة لي...كفاية انه جمالك طبيعي و جمالها صناعي🙂💗🔥
رفع سامي من معنويات ريم و رجعت ضحكت تاني...
بقت ريم تتلفت ف الصالة و بعدين دققت في بت قاعدة برا و لقتها ميام بتعاين ليها و مبتسمة💗
يتبع#...