يتيمة و أبواي على قيد الحياة

الجزء ٢٣

الجزء ٢٣
عمار،
بقيت اتبع التاكسي يلي ركبتو ام بدر لبيت ابوي.وصل التاكسي البيت و ام بدر مرقت منه و دخلت.طلعت من العربية و تبعتها.
ام بدر بصوت عالي:-السلام عليكم اهل البيت قاعدين؟
الجد:-و عليكم السلام و رحمة الله و بركاته.في شنو جايين؟
ام بدر بتساؤل:-جايين؟؟!انا جيت براي.
الجد:-هندا عمار واقف وراك
ام بدر لفت نظرها لعمار و قالت بصوت واطي:-الجابك شنو؟😡
عمار:-و الله يا ابوي بصراحة كنا جايين نسأل ازا ريم و احمد جو هنا و لا لأ.
الجد:-لا و الله ما جو.ليه بتسأل؟
عمار:-لا ما في حاجة مهمة بس كنت داير اتكلم مع احمد و دي دايرة تتكلم مع ريم.
ام بدر:-دي ما عندها اسم؟😑
عمار:-المهم😒.....شكرا يا ابوي..خلاص مع السلامة.
الجد:-الله يسلمكم.
عمار و ام بدر طلعو من البيت.
ام بدر:-مالك جاي مش قلت ما داير تجي.
عمار:-روقي عليك الله مالك دايرة تحرميني الجية لبيت ابوي.بعدين ما بتعرفي الهظار.كنت بهظر معاك.كيف يعني بنت اكون اتبرعت ليها من دمي اقوم اكرهها.ريم جزء مني و مستحيل اتخلى عنها و يا ريتني لو كمان اقدر اعيشها معاي في بيتي.
ام بدر:-طيب لاكن لمن قمت علي  في العربية و قلت انه بسبب ريم كانت قاعدة تحصل لينا مشاكل دا كان لزومه شنو؟
عمار:-كنت معصب الوقت داك.اعذريني.
ام بدر لفت من عمار و كملت طريقها.
عمار:-ماشة وين.
ام بدر:-البيت يعني شنو يعني؟
عمار:-طيب ما تركبي العربية شنو؟
ام بدر:-لا مشكورة بقدر امشي برجولي.
عمار:-نفسي افهم هسه مالك زعلانه عملت ليك شنو انا حتى تزعلي؟
ام بدر:-عمار انا ما زعلانة من اي زول بس محتاجة اكون براي لفترة ممكن.
عمار:-خلاص بوصلك لكن ما بفتح خشمي معاك بس اركبي.
ام بدر بضيق نفس ركبت العربية.
عند احمد و ريم،
كنت بسوق في العربية.وقت طويل مر و الدنيا ظلمت.
احمد:-وصلنا.
ريم ساكتة و ما ردت على احمد.
احمد:-احم احم احم.وصلنا.
برضو ريم ما ردت على احمد.
احمد التفت على ريم و لقاها نايمة.بقى يهز فيها و يناديها باسمها لكن ما ردت عليهو.
احمد:-ياخ عليك الله وقته تنوم.
احمد بقى يعاين لِوَش ريم البريء و هي نايمة و بقى حاسس نفسه قاعد يظلمها الأيام دي شديد.لكن طير تفكيره دا النعاس فقام طلع من العربية و فتح بابها و شالها و دخلها البيت.
احمد،
لمن دخلت لقيت مرتي و اولادي كلهم نايمين.مشيت رقدت ريم في سريرها و دخلت غرفتي.
ايمان فتحت عيونها شوية و قالت:-مالك اتأخرت الوقت دا كله...كنت وين؟
احمد:-كملي نومك انا زاتي نعسان بحكي ليك بكرة.
ايمان هزت راسها بالموافقة و نامت.
عند عمار و ام بدر،
ام بدر،
كنت بفكر في ريم و يا ربي حتكون بتسوي شنو هسه.اخر مرة شفتها كانت في المستشفى.يا ربي يكون حصل ليها شنو هسه.بيكونو مشو بيت ابو عمار و لا مشو بيتهم طوالي.فجأه قطع سرحاني عمار.
عمار:-الووو سرحتي وين.
ام بدر:-في شنو؟
عمار:-وصلنا.
ام بدر و عمار نزلو من العربية.ام بدر دخلت البيت و لحقها عمار.
عمار:-استني لحظة!
ام بدر لفت لعمار:-امم.
عمار:-زعلانة مني فحاجة.
ام بدر:-لا ابدا.ليه؟
عمار:-خلاص كان كدا احلفي لي هسه قدامي انك ما عندك معاي مشكلة.
ام بدر:-عمار...انت كان حاسس انه انا عندي معاك مشكلة ما عندي و هندي بقول ليك (و الله و الله).انا مشكلتي كلها مع اخوك.
عمار:-اخوي ماله؟
ام بدر:-كذب علينا في المستشفى و انا لحد هسه بس عالق الموضوع دا في عقلي يعني لو كان قال لينا انه سبب دوخان ريم هو انه عرفته انه هو ابوها كان حيحصل شنو.بس انت غظتني فحاجة بسيطة و هي انه قلت بسبب ريم قاعدة تحصل لينا مشاكل لكن بعد ما قلت لي الحقيقة خلاص فهمتك..
ام بدر:-حصل خير.خلاص.تصبح على خير.و ما تفكر فحاجة زي كدا تاني.
عمار:-كويس.

يتبع#..