يتيمة و أبواي على قيد الحياة

الجزء الخامس

الجزء الخامس:-
وقفت بكاء على صوت زول من ورا.التفتت و شافت كسيرها بيقول ليها:-انتهت النص ساعة يلا خشي جوا و ما اسمع ليك حس.

دخلت و اتوجهت على طول لغرفتي و بقيت ابكي.
لما دخلت روضة كان عمري خمسة سنوات لكن هسي احمد مصر يدخلني المدرسة.خفت كتير،يعني عشان اسمي كتبته و العدد جمعته يقوم يقول لي درستي روضة.شكلها ضارباهو كهربة.
المهم،مشيت اخترت لي حاجة البسها،بعد ما لبست ربطت شعري اي كلام و نزلت.
و انا في السلم،شفت سلمى و لينا نازلين من نفس السلم.لابسين perfect و مسرحين تساريح  حلوة و مرتبين و مظبتين.قارنت نفسي بيهم،كان في اختلاف واضح وضوح الشمس.
قام احمد من السفرة و على طول اتوجه لبناته سلمى و لينا و طنش ريم و لا كأنه هي موجودة.
ادى احمد بناته الاتنين المصروف و الفطور و رجع للسفرة.
نزلت دمعة من ريم غصبا عنها.ليه يديهم مصروف و هي لأ؟
ليه يديهم فطور و هي لا؟
ليه يبوسهم و يودعهم و هي لأ؟
ليه امهم موجودة و هي لأ؟
مسحت ريم الاسئلة دي كلها من راسها و حاولت تقنع نفسها انه ما في داعي للمصروف و الكلام دا.انا حاعيش هنا بس على امل انو امي تجي هنا و تاخدني.
توجهت لباص المدرسة.

في المدرسة،
قاعدة في الكرسي في اخر الفصل،قررت المرة دي انو تركز على الدرس لانو لو الاستاذة سألتها سؤال تجاوب.
الاستاذة:-يالله اليوم قصتنا تتكلم عن السلحفاة و الارنب.انا حأقرا و بعديها انا حأقَوِّم لي بنات عشان يقروا ،طيب نبدأ
قرأت الاستاذة و كانت ريم مستمعة ليها بدقة غير معقولة.بعد ما خلصت الاستاذة اقترحت على ريم تقرأ القصة.
ريم كان الخوف مسيطر عليها.وقفت بتردد و قرأت سورة الفاتحة و بعدها بدأت بالقراءة.الاستاذة لاحظت على ريم و هي بتجهد في نفسها عشان تقرا كويس لكن ما قادرة لانو قاعدة تعلّق كتير.
خلصت ريم قراية و قبل ما تقعد وقفتها الاستاذة و ادتها جملة برا القصة و قالت ليها تقرأها،لكن للاسف ريم ما قدرت.عرفت الاستاذة انه ريم ما بتعرف تقرا لانه هي كانت بتسمع من الاستاذة كلمة كلمة و تحاول تحفظها.مشت اتصلت على ابوها و قالت ليهو بالموضوع.

احمد،
الموضوع زاد عن حده،البت نوديها روضة تنجح زيادة عن اللزوم،نوديها المدرسة تفشل فشل غير معقول.الليله حوريها.يمكن بتستظرف و بتعمل نفسها ما بتعرف تقرأ عشان ارجعها روضة لكن في احلامها.

ريم،
رجعت من المدرسة و الحمد لله ما لقيت احمد بره فدخلت البيت بسرعة.توجهت للسلم، و انا في نصه لقيت احمد نازل و يا فرحة ما تمت.مسكني من كتفي و طلعني معاهو فوق.
دخلني غرفتي و دخل معاي.قفل الباب بقوة و لف نظره لي و تكلم بعصبية:-انت ناوية تصدعيني و لا ناوية تجيبي لي الجلطة؟مرة استاذة تقول عليك متفوقة زيادة عن اللزوم و مرة استاذة تقول عليك فاشلة زيادة عن اللزوم.لكن بسيطة،انا عارف انو انتي بتعملي كدا عشان ترجعي روضة لكن في الاحلام.ضرب احمد ريم كف و الله اعلم كيف هي استحملت الكف دا لانه صوت الكف هز البيت.
الجدة بفزعة:-اعوذ بالله من غضب الله
الجد بعصبية:-حاصل شنو فوق
نزل احمد و ماسك كتف ريم و بقوة و ريم تحاول تزحه منها و قبل اخر ستى ادراج فلتت ريم من احمد و لكن وقعت من السلم......💔

يتبع#..