يتيمة و أبواي على قيد الحياة

الجزء ٢١

الجزء ٢١
حست ريم بوجع كبير في راسها و قامت............داخت😵💔.
ام بدر ما قدرت تستحمل تشوف الموقف و صرخت بأعلى صوتها:-ريييم!!!!!!
احمد انخلع لمن سمعها و لمن شاف ريم واقعة.شالها و اخدها المستشفى و تبعوه ام بدر و عمار.احمد ما كان فاهم كيف اخوه جا عنده هناك في الخلا بس قال يستفسر منه بعدين.
في المستشفى:-
احمد:-كيف وضعها؟
الدكتور:-اتعرضت لصدمه قوية هزت ليها عقلها شوية.حاكتب ليها دواء و لو حصل خلل و ما شربتوا يمكن يحصل خلل لمخها.
احمد قلق.اول مرة يقلق على ريم. قعد يتمشى و يرجع و يتمشى و يرجع.اتجه نحو عمار و قال ليهو:-
الجابك هناك شنو؟😡🤨
عمار بتوتر:-ااا...أأااه غايتو كنا جايين عندك للبيت و قمنا لقيناك في الخلا و قعدنا....
قاطعته ام بدر:-نزلنا من عربيتنا ساعة ما ريم داخت و قمنا جاريين.لكن هي داخت ليه😑🤨؟
احمد:-كنا بنتناقش مع بعض في موضوع و قامت داخت.
ام بدر:-موضوع شنو؟
احمد:-لقيت عندها بخاخة اكسجين و سألتها منها و قامت داخت.زاتها هبلة هي.
ام بدر:-🤬🤬🤬🤬🔪امم
الدكتور:-المريضة صحت تقدروا تشوفها.
ام بدر:-اسمها ريم😡😡
الدكتور:-اي ريم
احمد:-خلوكم برة انا دايرة اتكلم معاها براي.
ام بدر:-انتبه ما تقوم.....
عمار اشر لأم بدر انه تسكت.......لفت راسها منه و قعدت زعلانة.
مشو عمار و ام بدر للمصلى بينما احمد دخل غرفة الدكتور.
في غرفة الدكتور:-
احمد كان قاعد قدام ريم ،بيعاين ليها و هي بتعاين ليهو. احمد ما كان عارف يبتدي معاها بالحديث كيف و لا هي كانت عارفة،،خصوصا بعد ما عرفت انه هو ابوها الحقيقي.فجأة قررت ريم انه تبدأ.
ريم:-طيب....اا..قلت لي انت ابوي؟
احمد:-ريم خلاص.ما مشكلتي كان ما دايرة تصدقيني.انا قلت ليك  العندي و الباقي عليك تصدقي و لا ما تصدقي.في النهاية الموضوع برجع ليك انتي.لكن دايرك تعرفي من هسه انه انا عمري ما كذبت على زول(غير مرة وحدة😒)
ريم:-سمعتك على فكرة.
احمد:- طيب اعمل ليك شنو اصفق ليك👏🏻
ريم:-طبعا الكذبت عليها كانت امي صح😢؟
احمد:-شاطرة بالله كيف عرفتي😂
ريم:-بالله الحصل شنو خلاكم تطلقوا.
احمد:-ما تِدَّخَلِي الموضوع ما بخصك.
ريم سكتت و طلعت بخاخة الاكسجين و استعملتها و رجعتها محلها تاني و بدت تتكلم و قام قاطعها احمد قال:-
بالمناسبة لازم تلاقي حل لموضوع بخاخة الاكسجين دي.
ريم:-كيف يعني؟
احمد:-لازم ما تستخدميها.
ريم:-اموت يعني.
احمد:-ما حلوة انه وحدة من بناتي تكون عندها ضيق تنفس و تبين للناس انه عندها.يعني انا هسي م اقوم اشوفك عادي بتطلعيها قدام الناس و تتنفسي و عادي و تخليهم ١٠٠ سؤال يدور في راسهم.
ريم:-اي ممكن اموت لكن و لا سمعة العائلة تتدهور.لاكن انت ما شايف انه بسببكم انا اتخنقت؟
احمد:-ريم ما في زول قال ليك امشي اشنقي نفسك شنقتي نفسك بنفسك براك😒.
ريم:-لكن عشان سبب و هو حياتي التعيسة.
احمد:-ما في زول يا حياتي بعيش و عنده اي شي.
ريم:-و ما في زول بعيش بلا شي.
احمد:-احمدي ربك انه قعدناك معانا و ما رميناك في الشارع لانه كان حيكون حالك زي حال الناس البتشوفيهم هسه في الشارع.احمدي ربك انك ماكلة و شاربة و ساترة نفسك.
ريم:-هه ...........و اللّٰه اخير لي اعيش في الشارع بدل ما اعيش معاكم.على الاقل ما في زول يتأمر و يتحكم فيني.
احمد:-ريم ما تتمني لنفسك العيشة في الشارع انتي ما عارفاها صعبة كيف.
ريم:-مافي داعي تخاف علي طيب....عليك الله ياخ داير ارجع البيت قول للدكتور.
احمد:-ماشي يا استاذة.
احمد طلع و شاف الدكتور و كَلَّمُه انه حيسوق ريم البيت.اخد الدواء و ريم و ركب العربية و نسى ام بدر و عمار.
بعد وقت كدا ام بدر رجعت من المصلى متجهه لريم.دخلت الغرفة لكن لقت الدكتور قاعد براهو.سألته وينها ريم فقال ليها:-قبل شوية ساقها ابوها و رجعوا البيت.
ام بدر بصدمة:-متأكد!!!!!
الدكتور:-مية في المية
ام بدر طلعت من الغرفة و مشت لعمار و قالت ليهو بالموضوع.
عمار:-ما يكون زعل مني و سابني من غير ما يتكلم معاي
ام بدر:-لا ما تخاف بيكون بس نساك  لانه شكله اتكلم مع ريم جوا كتير.
يتبع#..