يتيمة و أبواي على قيد الحياة

الجزء ٤١

الجزء الواحد و الاربعين#..

وصل الجد البيت و معاو حاجات ريم...مشى عشان يوديها لغرفة لينا ...دخل الغرفة لكن لقى لينا القاعدة🐤
الجد:-لينا وينا ريم
لينا:-قالت م دايرة غرفتي و قالت م حتستحمل تقعد فيها لانها قبيحة و شينة زيك🤷🏻‍♀..
الجد:-قلتي شنو؟!!
لينا:-و الله م انا القلت كده معلش يا جدي انا بس نقلت ليك الكلام☹
الجد:-طيب كان كدا انا بوريها...قاعدة وين اسه؟؟
لينا:-م عارفة و الله بتكون حايمة ف اي حته
الجد مشى عشان يفتش ريم بعصبية و كان كمان خاتي ف بالو انه يوديها الغرفة الفاضية ديك الرماها فيها احمد نسبة للكلام القالتو لينا💔
الجد بصراخ في نص البيت:-ريييييم!ريم اطلعي سريع!
لينا سمعت صوت جدها و قررت تنزل تتفرج على الفيلم الحيحصل😏✋🏻
اثناء م كان الجد بكورك جا احمد داخل و هو مكتئب و معصب على الاخر من الحصل معاو ف المستشفى و لقى ابوهو بكورك
احمد:-ابوي في شنو مالك داير من ريم شنو؟
الجد:-قالت للينا م دايرة اوضتها لانها قبيحة زيي انا
احمد و خلاص بعددا اظن حلَّتو صفرت و لو شاف ريم قدامه يمكن يكسرها و يطلع عظامها عظمة عظمة...
طلع فوق و بقى يفتش فيها و فجأة اتذكر انه كان حابسها ف الغرفة الفاضية ديك...مشى فتح الاوضة و طلعها  نزل فيها ضرب🤦🏻‍♀(د كله لانه كان داير يفش خلقو ف زول نسبة للحصل معاو ف المستشفى💔)و هي اظنها صحت مع ضربه 💔😔...
ريم بصراخ:-في شنو ليه نازل فيني ضرب انا عملت شنو!!!💔
احمد:-اوكي الاوضة حقت لينا عفنة زي ابوي مش د رأيك؟!
ريم:-م فاهمة و الله بتقول في شنو؟؟
احمد ادى ريم كف خلى الجد و لينا يطلعوا فوق سريع يشوفوا الحاصل شنو
وقفو و بقو بعاينو من بعيد...
احمد:-قلتي للينا انه انتي م دايرة اوضتها لانه هي عفنة زي ابوي صح؟؟!!!!
ريم:-بسم الله انا متين قلت كدا!💔
احمد:-م فاضيين لكضبك😡
ريم:-بس انا م قاعد اكضب...لينا هي القاعد تكضب
لينا:-ياحلوة احنا معروفين في البيت د انه احنا صادقين و م بنكضب على زول لكن انتي م اتربيتي اساسا ف م حتفرق معاك كان شتمتي و كضبتي ف نفس الوقت😒
ريم:-بس بس و لا حرف☝🏻💔!!!
احمد:-انتي اللي انطمي
الجد:-خدي حاجاتك و هندي غرفتك زاتا بتشبهك خليكي قاعدة فيها و اساسا د اختيارك انتي✋🏻
ريم و ما عارفة تقول شنو...كان ممكن تحل المشكلة لو كان بس احمد الدايرها تقعد ف غرفة فاضية زي دي...لكن هسه كمان جدها💔غايتو لكن💔حاولت انها م تبكي و ورتهم ابتسامة:-طيب اتفضلوا برا اتوقع دي غرفتي صح✋🏻😌
لينا:-انتي يبت يهينوك تضحكي و يضربوك تتبسمي!!
ريم:-شايفين نفسكم انتو التلاتة ديل....امم انتو م بتستاهلوا زعلي✋🏻🤟🏻🌚يلا م سمعتوا🙂برااا👋🏻
احمد م كان فاضي لاهل ابوها عشان كدا مرق و الجد رمى ليها شنطها و كتبها و لينا عاينت ليها باحتقار و لفت ليها بوزها و مرقت🤦🏻‍♀😹💔
ريم قفلت الباب و فلحظتها دموعها نزلت بلا سابق و لا انذار...جاتها فكرة ف بالها انها تاني امكن م تشوف امها ابدا😭💔....للمرة التانية و هي بتبكي و مضروبة نامت💔
           ........................

الجد:-احمد مالك؟؟هسي يعني التعصيب د كله عشان كلام ريم؟؟؟؟في حاجه تانية صح؟
احمد:-م عارف ابدأ ليك بيوين يا ابوي😭💔💔
الجد:-اتكلم اتكلم
احمد:-بعت ارض اخوي💔
الجد وقف على طول و بصوت عالي:-قلت شنو!!!!
ايمان جات خاشة لما سمعت اصواتهم:-في شنو؟!!احمد رجعت😃اها لقيت عمال؟😀
احمد:-يابوي اقسم بالله م كان بقصدي...انا وقعت على عقد من غير م انتبه و لا اعرف هو كان بتكلم عن شنو💔😭
الجد مع نفسه:-يا ربي د احمد ولدي...يوم متين يا احمد بتوقع على شي من غير م تقراهو؟!!
احمد:-تتذكروا يوم قلت ليكم عندي اجتماع مهم...كانو دايرين يستشيروني عشان يبيعوا ارضي لانه دايرين يبنو فيها عيادة💔و انا كنت طول الوقت بفكر في طريقة نجيب فيها ريم للبيت و م كنت مركز معاهم...و في النهاية مديرنا قال لي بتوتر موافق و لا لا و انا وافقت و طوالي وقعت على الاوراق من غير م اعرف الموضوع عن شنو💔
ايمان:-ما قلت ليك كان تنتبه و م توقع طوالي لانه ممكن يكون شي مهم!!
لينا:-يعني برضو ممكن نقول ريم كان شاغلة ليك بالك و بسببها راح تركيزك و وقعت😒😒💔💔💔💔لو ما كانت في م كان حصل كدا🙂💔💔
ايمان:-البت م ليها ذنب يا لينا...احمد هو الكان بفكر فيها م هي الكانت جابراهو يفكر☺اول مرة اقولها ليك يا احمد...انت الغلطان
احمد:-هنا م بغالطك انا الغلطان بالجد🤦🏻‍♂💔....لكن لحظة...يا ابوي ريم دي انا حابسها ف الغرفة من ما مشت لينا المدرسة كيف تجي تقول للينا انها م دايرة الاوضة؟؟متين قالت زاتو...لما لينا رجعت ريم كانت محبوسة كيف اتكلمت معاها؟؟
لينا و حاسه نفسها خلاص دايرة تجري من الخوف:-هو....انا...كلمتني قبل م امشي المدرسة
الجد:-لكن ريم مرقت معاي..و لما رجعو انتي برضو كنتي ف المدرسة فااا صحي كيف؟
اقترب الجد حبة من لينه و اداها كف:-بسرعة قولي الحقيقة ريم قالت كدا و لا انتي شلفتي عشان ترجع ليك غرفتك!!
لينا:-اا..امم.انا
الجد بصراخ:-حتتكلمي و لا اديك كف تاني!!
لينا بخوف و بسرعة:-اي انا كنت دايرة غرفتي بس معلش🙍🏻
الجد اداها كف تاني:-يوم متين بتكضبي علي يحيوانة امشي اترمي ف غرفتك يلا
لينا جرت و هي بتبكي و خلاص بعددا كرهت ريم من اساسها لانه بسببها جدها اداها كف مرتين و دي اول مرة تحصل معاها🙂💔
احمد:-يعني انا نزلت ف ريم ضرب ساي كدا بس؟؟
الجد:و لا تمشي ليها و لا تعتذر ليها و لا شي زاتا تستاهل ضرب اكتر من كدا عشان تعرف تتكلم
ايمان:-لكن يا احمد انت غلطان🙂💔
احمد:-بشوف م فايق ليها اسه
ايمان:-راحتك😒
يتبع#..