يتيمة و أبواي على قيد الحياة

الجزء ١٤

الجزء ١٤
على طول طلعت ليهو المفتاح من جيبي:-بتفتش في دا🔑😭😂.
زياد فهم الموضوع انه هي بدلت المفاتيح فقام دخل عليها الغرفة و شال منها المفتاح بالقوة و طلع و قفل عليها من غير سابق و لا انذار و قال:"حتشوفي بعينك انو ما في طلعه من هنا تاني"
ريم،
قبل لحظة وحدة كنت حاسة نفسي اسعد انسانة في الدنيا دي لحد لما قام دخل علي زياد و شال المفتاح و قفل الباب.انا ما فكرت بالحاجة دي انو حتحصل😖.المهم،حاوريهم انا كيف حاطلع من هنا.ان شاء الله لو كسرت الباب دا بطريقتي.و في النهاية،ام بدر ما حتخليني هنا و حتجي تسأل عني قبل ما يبدو بالعزومة.

بدر:-اها نجحت الخطة؟
زياد:-المعفنة ريم لما جينا دايرين نقفل الباب عليها بدلت المفتاح ببتاع الحمام و قعدت تضحك،لكن شلتو منها و قفلت الباب😌.تلقاها قاعدة بتبكي كدا زي الهبلة 😂.
بدر:-بس انت ما فكرت ازا ممكن تجي ام بدر و تسأل عن ريم.
زياد:-ما تخاف انا مدبر الموضوع.
سامي:-لو ما قلتو هسه وين ريم ما بخليكوا و حامشي اشتكي لأمي.
زياد بتوتر:-انت من وين جيت.😨
سامي:-قولوا بسرعة وين ريم و الا حامشي اقول لامي.
بدر بهمس لزياد:-دا جادي انا بعرفوا حيمشي يقول.
زياد:-خلاص حنقول ليك لكن ما تقول لامك طيب.
سامي:-طيب بس قول.
زياد:-ريم شلناها بالعربية وديناها لبيت عمي احمد و حبسناها في غرفتها و رجعنا عشان ما دايرين مشاكل.
سامي:-خلاص ما بقول ليها لكن بشرط.
زياد:و دا يلي ما ختيتو في بالي.....شروطك.
سامي:-بعد العصر تمشي تجيبها لانو حنلعب كورة طيب؟
زياد:-خلاص موافق.
سامي:-سلام.
زياد بهمس:-قلعة تقلعك.
سامي:-قلت شنو؟؟
زياد:-سلامتك.

ريم،
كنت قاعدة في السرير ما عارفة اسوي شنو طفشانة.دايرة ام بدر تجي عشان اقول ليها شنو الحاصل لكن معقول يكون زياد مدبر لحاجة عشان ما تجي ام بدر تسأل عني.لكن ام بدر ما حتصدقوا، حتجي عندي في الاول تتأكد اذا انا موجودة و لا لأ.لكن افرض ما جات.معقولة ام بدر ما تجي ،و لو ما جات انا حاسوي شنو.ما داير انحبس هنا دايرا اطلع اشوف الناس و دايرة اقعد مع ام بدر و العب مع سامي كورة😣☹.عليك الله دي ما انا البقول دايرة ،انا ليه اتغيرت كدا.
انا دايرة اشنق نفسي و ارتاح،كدا وقتها حشوف اذا هم حيفكروا يهتموا فيني و لا لأ.اهو داك الحبل في البلكونه.ارح😞.

ام بدر،
العالم كله قاعد في البيت لكن ليشنو انا ما شايفة ريم.معقولة يكون بدر سوى ليها حاجة.لا ما اعتقد،لانو نزل لما شفته طالع.طب يا ربي ريم ليه ما جات.كدي اطلع امشي اشوفها.
و انا طالعه لاقاني زياد.
زياد:-اهلين خالتو كيفتمام؟
ام بدر:اي الحمد لله كل حاجة كويسة لكن بس دايرة امشي اجيب ريم.
زياد:-ريم ما قاعدة فوق.
ام بدر:-وينها؟
زياد:-مشت الدكان مع سامي.
ام بدر:-اهم كويس خلاص.
كويس ريم لقت ليها حاجة تسويها غير انو تمشي تاخد ليها كف من ابوها.
سوينا العشاء و ريم و سامي لسه ما رجعوا من الدكان،ليه اتأخروا كدا.اقوم اطلع اشوفهم.
زياد:-ماشة وين خالتو؟
ام بدر:-ديل اتأخروا كدا ليشنو؟
زياد:-منو؟
ام بدر:-ريم و سامي مش مشوا الدكان...لسه ما رجعوا.
زياد:- بيلعبوا كورة
ام بدر:-بس اطلع اشوفهم لانو بالعادة سامي ما بيلعب كورة زي الوقت دا.
سامي:-كورة شنو🤨
ام بدر:-انت جوا البيت؟ما مشيت ال...
زياد:-ما مشيت تلعب كورة مع رريم🤫🤐😉.
سامي:-زياد دا كزاب ساي.ما في لا دكان و لا كورة.ريم هناك في بيت ابوها.زياد و اصحابه ودوها بهناك و حبسوها في غرفتها.
ام بدر:-صحي الكلام دا يا زياد.
زياد بتوتر:-ااااا اي .
الجد:-الحقوا ريم بابها مقفول و ما طالع ليها حس.دقيت عليها الباب لكن ما قاعدة ترد.
ام بدر على طول طلعت فوق و بقت تدقدق في الباب بأقوى ما عندها لكن ريم ما ردت.عمار جاء كسر الباب بصعوبة.دخلوا سامي و عمار و ام بدر الغرفة و قعدوا يفتشوا في ريم.في البداية ما لقوها لكن بعدين لمحها سامي واقعة في البلكونة و بفوقها حبل معلق.
سامي باعلى صوت ف الدنيا:-رييييييييم!!!!!!!!
ام بدر بصراخ:-دا شنو دا!!😱😨ريم قومي يا ريم.
عمار و سامي قعدوا يهزوا في ريم و ينادوها بأسمها لكن ما في فايدة.عمار شالها و كلهم اتوجهوا للمستشفى.
في المستشفى،
حسن:-زودناها،صح😟
زياد:-اسكت عليك الله ما ناقصني كلامك يقرفني اكتر من ما انا قرفان نفسي هسه.
سامي:-انت ليه كزبت علي.
زياد:-عاين امشي من هنا انت كمان.
اشرف:-زياد و لا زول في الدنيا دي تاني حيصدقك لو قلت شنو.😂و بالذات ام بدر.
زياد:-ممكن اعرف انت عندك شنو غير الضحك؟.
اشرف:-الضحك ما عيب
زياد:-و الضحك بلا عجب قلة ادب.

يتبع#..