يتيمة و أبواي على قيد الحياة

الجزء ٥٠

الجزء ٥٠
رجعوا سامي و ريم جوا بعد م طفوا الاغاني...كانت الحفلة شبه انتهت....و الناس بدوا يطلعوا....بعد نص ساعة البيت فضى من المعزومين و ناس عمار رجعو بيتهم...
احمد مشى لريم فوق عشان يتكلم معاها...
احمد:-اها كيف الخطبة😏
ريم:-زااابطة
احمد:-و العرس حيكون اظبط....بيمعنى تاني...طرحتك دي حتكوني لافاها و وشك م فيو و لا شي
ريم:-ام بدر قالت لي اعمل الدايراو ف عرسي🙂هو عرسي م عرسك اساسا🙂
احمد:-عرس بتي و بعمل فيو الدايرو...ان شاء الله اخليك تعرسي من غير حفلة
ريم:-يا زول كان كدا م بعرس🙂
احمد:-جوا عينك حتعرسي
ريم:-و لو ابيت
احمد:-سري حفضل سر
ريم:-هاا معلش نسيت و الله🙂
احمد:-كالتالي...م حتعملي شي ف وشك...ارخص فستان بتشتريهو
ريم قاطعتو:-خلاصصص فهمنا م تعيد
احمد:-بس بذكرك
احمد طلع طوالي
و ريم كانت زعلانة شديد لانه اول شي م حتطلق من سامي و تاني شي م حيكون عرسها زي م دايرة...امها كانت واعداها انه عرسها حيكون افخم عرس ف الدنيا و طبعا المكياج د شي اساسي....هنا بس حست نفسها ف جحيم...شالت اي شي من راسها و طوالي نامت....
بعد اسبوعين.....
مشو ريم،سديم،روان،لينا و سلمى للسوق عشان يجيبوا مستلزمات و حاجات العرس....مشو محل واحد بس و تعبو🌚💔مشو قعدو ف كافتريا و طلبو سندوتشات...
ريم:-طيب الواضح عليكم م بتحبو تلفو فااا انا ماشة الف و انتو خلوكم هنا اتحشوا🙂
سديم:-انقلعي
ريم مشت تكمل لف...
و هي في محل المكياج فجاة ضربتها بت على كتفها من ورا...ريم انصدمت و لفت...لقت ميام💗
ميام على طول حضنتها و بقت تبكي
ريم بكت معاها لا اراديا...بقو على الشكل دا لزمن و بعدداك بقو يتكلموا
ميام:-كيفك ياخ لي زمن منك...وين مختفية الراجل داك شال شريحتك ولا شنو
ريم:-الشريحة و اللابتوب و روحي شالا معاو
ميام:-شايفاك شايلة نقاب معاك🌚
ريم:-اي احمد بقول لي البسو...المشكلة م داير يفهم انه عندي ضيق في التنفس
احمد:-اها كيف حياتك هناك..و الله بيتنا مسيخ شديد من غيرك
ريم:-حياة زي الزفت...قاعدة ٢٤ ساعة ف غرفة كانت مخزن...م فيا حتى سرير ...و كل يوم كف كفين من السيد المحترم و اهانة و ذلة من قرايبينو
ميام:-حاسة بيك و الله💔لكن كويس انه بخليك تتسوقي🙂
ريم:-هه!!دي اول مرة اطلع من البيت غير للجامعه !!و اساسا لانه في مناسبة...مناسبة حتدمر لي حياتي
ميام:-خير؟
ريم:-م في اي خير...دايرين يعرسو لي واحد من العيلة و العرس بعد اسبوع😔💔
ميام:-م جادة...هو انا م عرست🙂
ريم:-هنا عندهم جن اسمه البت بتعرس قبل الولد...بتعرس من م هي ف الجامعه🙂💔و تلبس نقاب...و م تعمل مكياج...و م تطلع الشارع...و غايتو بس سجننن
ميام:-لا حولاا...اها و م حترجعي لينا؟؟
ريم:-no way
ميام:-و ليه؟!!
ريم:-مستحيل..احمد بقتلني عديل لو عرف بس اني هسي بتكلم معاك
ميام:-💔
ريم:-انا هسي وافقت اعرس عشان اعرف سر امي و ابوي
ميام:-عشان كدا وافقتي يعني؟
ريم:-يب
ميام:-و بعد م تعرفي؟
ريم:-كنت خاته ف بالي اطلق لكن سامي عرف اني حاعمل كدا و قال حفسخ الخطبة لكن منعتوا و قلت ليه خلاص م بنطلق🙁
ميام:-حالتك مستعصية
ريم:-جدا
ميام:-طيب هاكي رقمي في حال دايرة تتكلمي معاي او اي حاجه...
ريم:-المشكلة ادق ليك من وين
ميام:-امم مشكلة💔...خلاص يازولة انا بجي يوم العرس بس انتي قولي لي ياتو صالة...و انا م بكلم ناس البيت
ريم:-تمام...صالة ******
ميام:-اوك...سلام😔💗
ريم:-سلام☹️
رجعوا حضنوا بعض حضن طويييل و بعداك ميام طلعت.....و ريم رجعت تتسوق...
بعد م انتهت ريم و اشترت الاكسسوارات بي ال٢٠٠ جنيه رجعت للبنات ف الكافتيريا و لقتهم لسه بياكلوا😂💔
ريم:-ساعة لكن
لينا:-اسكتي و اقعدي
ريم:-هاا حقي وينه
سلمى:-اتفضلي
لينا:-هييي تديها لشنو بقروش ابو امها؟جيبي الشي د هنا انا م شبعت
سلمى:-لينا بطلي عوارة
لينا و هي بتاكل ف سندويتش ريم:-ولا عوارة و لا شي انا جعانة بس
سلمى:-ريم هاكي انا شبعت
ريم:-ثنكس🌚💗
ريم قعدت و تمت اكل معاهم و بعدداك كملو لفلفة....
رجعوا البيت زي الساعة ٨ بالليل...
احمد طلع لريم فوق
احمد:-اها اشتريتي شنو؟
ريم:-اساور بس😒متوقع ال٢٠٠ جنيه تشتري شنو
احمد:-وريني كدي
ريم طلعت ليهو الاساور
احمد:-م زابطين فيك...زابطين ف لينا
ريم:-قصدك شنو يعني؟
لينا جات داخلة الغرفة:-اي يا ابوي عجبوني دايراهم
احمد:-هاكي....احمد شال الاساور كلها و اداهم للينا
ريم:-طيب اديني حقينك الاشتريتيهم دام دايرة ديل
لينا:-دايراهم الاتنين دخلك شنو انتي
ريم:-يبت احسليك د عرسي م عرسك و لا عرس ابوك
لينا:-عرس بت عمة ابوي سديم يازولة جيبيهم...م متظبطة عشان عرسك انا😒
احمد:-بطلي طمع ياريم...خلاص تلبسي فستان العرس و ما ضروري تلبسي شي زاتو هو حيكون فستان طويل اساور ليشنو يعني...يلا يا لينا ارح برا
لينا:-اوك
مرقوا احمد و لينا و خلو ريم براها مكسورة كالعادة.....
يتبع#..