يتيمة و أبواي على قيد الحياة

الجزء ٥٣

الجزء ٥٣
احمد:-طيب نبتدي....سارة يلي هي امك اتعرفت عليها عن طريق اتصال....مع انه اصن العداوة كانت بينها و بين اهلي من اول لكن انا م كنت بعرفها
Shortback#
احمد:-الو
سارة:-اهلين....معاي منو؟
احمد:-انا دكتور احمد سعد احمد....كنت بدق عليك لانه قبل كم يوم جات مريضة عندنا ف المستشفى و بعداك ف واحدة اتصلت من رقمك عشان تطمن ع المريضة
سارة:-اي دي انا....
احمد:-طيب صلة القرابة بينك و بين المريضة شنو؟
سارة:-هي اختي..و اسمها غادة
احمد:-طيب تقدري تجي الليلة لانه لازم نتكلم ف موضوع اختك غادة
سارة:-ليه غادة فيا حاجه؟؟؟؟!!!
احمد:-كله لخير بس لازم اشوفك
سارة:-طيب دقيقتين و بصل....
(طيب سارة جات و اتكلمت معاه بخصوص غادة و كان عندها ثقب ف القلب...و كان لازم يدفعوا ٥٠٠٠٠٠ جنيه عشان العملية....و سارة كانت بتدبر ف القروش و جابتها و تمت العملية بسلام)
احمد:-الحمد لله تمت العملية🖤
سارة:-يا رب الف حمد و شكر...شكرا ليك كتير ي دكتور شكرااا جدنننن
احمد:-لا مف داعي عملنا واجبنا☺....بالمناسبة خدي رقمي لو احتاجت غادة اي حاجه عشان م تضطروا تجو لهنا و تتعبوا روحكم☺و هاكي دي ادوية لازم تاخدها غادة بنظام
سارة:-شكرا شديد و بتصل ف حالة اي خطر....بقدر اشوفها؟؟
احمد:-اكيد
سارة خشت عشان تشوف غادة و اتكلمت معاها و قومتها و رجعت معاها البيت
احمد كان نفسو م يحصل كدا لكن اعجب بسارة عشان كدا اداها رقمو
سارة زاتا ع فكرة كانت معجبة بيو
كانت سارة بتتصل على احمد احيانا و هو مرات بتصل ليا...حتى انهم كانو بيتقابلوا ف المطاعم....و تدريجيا حتى صارت عادة كل يوم ....فكرو سارة و احمد ف النهاية انه يعرسوا و يهربوا(احلام وردية لكن🤦🏻‍♀️)
لكن بعد يومين الجد عرف انه احمد قعد يمرق حتت غير الشغل كل يوم و عرف انه بيقابل سارة ف مشى شاكلو
الجد:-انت يولد كيف بتقابل المرة ديك كل يوم
احمد بتوتر:-ع ع عرفت كيف؟!
الجد:-مرة راقبتك و طلعت وراك و لقيتك مع سارة
احمد:-عرفت اسمها كيف
الجد:-لا قول لي كمان م بتعرفها...دي حفيدة اكبر عدو لي ف الحياة دي كلللها
احمد:-حافظ؟؟؟جدها حافظ!؟😳انا عارف انه سعيد ابوها لكن ياهو حافظ ابوهو عدوك زاتو!!؟
الجد:-اي اي
احمد فكر ف ذهنه انه اكيد بعددا م حيعرس سارة بالسر و يهرب معاها....فكر انه ينتقم منها و قرر يلعب عليا لعبة عشان ينتقم من اهلها لابوهو...اساسا العداوة بين الاجداد في البداية كانت غيرة بسيطة لانه ناس احمد كانو اغنى من ناس سارة مع انه الجدين كانو اصحاب شديد...بس بعداك بدوا يغاروا من بعض..و حصلت خلافات و حتى انه مرة عم سارة ودّا ابو احمد السجن....فاا احمد كره سارة و عيلة سارة كلها....قرر انه حيتزوجها و بعداك يعذبها كانتقام..
المهم يوم كان سارة و احمد اتقابلوا فيو و اتزوجوا رسمي ف المحكمة و بعداك سارة ف بالها قايلة انه حيهربوا لكن احمد مشى بيها لبيته و وراهم ليها...طبعا اول شي اداها كف فجاة..و بعداك ابوه و امه و كل اللي في البيت
سارة بصدمة:-في شنو يا احمد و ليه جبتني هنا د بيتك يعني؟؟و ليه ضاربني؟؟
احمد:-يحلوة انتي طلع جدك هو اللي سجن ابوي زمان....و انا طبعا مستحيل اتزوجك و اهرب معاك غايتو لكن مخيلتك واسعه....حتتعذبي هنا زي م اتعذب ابوي بالسجن
سارة:-لا لا م بتعمل فيني كدا لا...سارة هربت من البيت طوالي و اتصلت على غادة....
سارة:-غادة الو م بتعرفي الحصل شنو!!!
غادة:-في شنو يبت مالك بتكوركي
سارة و هي بتجري و بتتنفس بصوت عالي:-يا غادة يا غادة م عارفة ابدا كيف لكن انا عرست من وراكم...و حاليا العرستوا خدعني
غادة بتضحك:-يبت انتي بتقولي في شنو دايرة تعيشيني اجواء فلم ولا كيف😂
سارة:-يخ ليه م مصدقاني!!طب انا ف الطريق للبيت
غادة:-طيب بااااي😂
سارة وصلت ف ثانيتها البيت و هي بتدقدق ف الباب سريع سريع عشان يفتحوا ليها قبل م يحصلها احمد
غادة بتكاسل مشت فتحت الباب...لقت سارة دايرة تموت من الخوف و لقتها باين عليا كمان مصفوقة كفوف في وشها
غادة:-د شنو د يبت منو الكفتك
طوالي طلع ليها احمد و مسكها من يدينها من ورا
سارة:-فكني ي حمار فكني
غادة:-د منو د يا سارة!!
سارة:-م انتي م دايرة تصدقي لكن...د احمد العرستوا💔
غادة:-كذابة...يبت د الدكتور
سارة:-اي د هو اي....كنا ناوين نهرب لكن هو خدعني يا غادة عليك الله خليه يفكني😭😭
احمد:-هشش و لا كلمة
ابو سعيد:-خير خير دي شنو الاصوات دي..ابو سعيد شاف احمد و ابوه و انصدم
ابو سعيد بكوراك:-هيي انتو شنو في هنا اطلعو سريع من بيتي....سيب يد بتي يحيوان!!
احمد:-حيوان براااك...دي مرتي من اليوم و اعمل فيها الدايرو انا
احمد جراها معاهو و رجعو بيتهم يعني م كان في فايدة من جَيَّت سارة
غادة:-يا جدي سارة عرست بالسر و كانت ناوية تهرب معاو و هسي هم خدعوها نعمل شنو!!!
الجد:-د شنو د!!!سارة عرست منو و متين!!!!بت ال******* ..خليها الليلة عندهم يقتلوها ان شاء الله انا م عندي شغلة فيها
غادة م استسلمت و مشت تنتقم...
كانو ناس احمد كل يوم بعذبو سارة و احمد يومي كان بضربها و هي المسكينة بتتحمل💔
كان حابسها ف غرفة فوق(المخزن اللي هسي مسكنين فيو ريم)و بجيبوا ليا اكل مرة وحدة ف اليوم....
غادة اتغاظت شديد و هي لما تكون معصبة م بتعرف نفسها بتسوي في شنو...قبلت طوالي على اخو احمد(وليد)و بهدلت حياتو...اولا شي خلتو يتعلق بيها و عن طريقه فصلته من شغله و خلتو يخسر حاجات كتيرة عشان حضرتها و ف النهاية لما طلب يدها للزواج قالت ليو انا اخت سارة و انا عملت كدا عشان انتقم ...و هددت وليد و قالت ليو لو لسه بتاذوا سارة انا حخلي كل واحد من عيلتكم يدفع ثمن غالي ....طبعا وليد اخونا اتحطم شديد و رجع البيت و هو شايل هم الدنيا فوق راسه م عارف يتكلم مع احمد كيف....المهم كلمو بالحصل كله و احمد م قدر يستحمل و فش خلقه ف سارة🤦🏻‍♀️
اما وليد طلع من البيت و ركب العربية و بقى يسوق و هو م شايف اي حاجه قدامه و بس بفكر ف غادة و انه كان اعمى لما حباها و بسببها انفصل عن شغله و خسر حاجات كتيرة عشانها هي و ف النهاية م عبرتو....و وليد ببكي و بكورك فجاة اتصدم بشاحنه كبييرة شديييد و عربيته اتقلبت و اتوفى💔....
(بالجد وليد د م كان عنده ذنب و غادة كانت غلطانة و م كان مفروض تتصرف كدا...كان مفروض تنتقم من احمد عديل مش من اخوه...كدة هي م فرقت من احمد)
المهم احمد عرف انه وليد اتصدم بحادث سيارة و حزن شديد و بكى بكى بكى لما نشفت الدموع و قعد اسبوع كامل ع الحالة دي...و مف زول عارف بالقصة غيره....الحادث حصل ف منطقة مهجورة و م نشرو الخبر ف التلفزيون...احمد عرف لانه كان تابع اخوه و داير يشوفوا ماشي وين و اتخيلوا المنظر انه مات قدام عيونه💔
المهم يومي اهل احمد كانو بسالوهو من وليد و كان كل مرة بخترع عذر...لكن بعد اسبوع قال ليهم انه وليد مات💔ما مات بحادث...قال ليهم قتلته غادة💔!!!لكن م كان عندهم دليل عشان كدا م اشتكوا عليها
(هو باللفة بالجد ممكن نقول هي القتلتو لكن هو قال كدا عشان يزيد الشرارة النارية بين العيلتين)
و سارة حملت من احمد و هو كره الدنيا بعداك....قام يوم عليها قومة خلتها تتمنى الموت💔د كله عشان يرد حق اخوه
و بعد تسعة شهور بعد ولدت جاب ليا اوراق الطلاق....طبعا سارة وقعت طوالي لانها كانت عايشة ف جحيم و بعداك طلعت من البيت
الوقت داك كانت ولدت ريم...ريم كان عمرها اقل من شهر بعد م طلعت سارة من بيتهم
سارة مشت برجولها من بيت احمد لبيتها و لمن وصلت وقفت سارة مترددة قدام بيت ابوها ما عارفة تخش و لا لا....خصوصي بعد طردها جدها من البيت لانه تزوجت بالسر....فجاة رجعت سارة للذكريات المؤلمة المليانة كئابة...قطع تفكيرها صوت بتها الما تامة شهر(ريم)ادتها الرضاعة و دقت الباب....
و انتهت القصة القديمة....

نرجه للواقع و الحاضر💘
طبعا الحكاية الفوق دي احمد حكاها كلها لريم و ريم من الصدمة حست نفسها دايرة تدي احمد كفوف لمن تقتله...
يتبع#....