يتيمة و أبواي على قيد الحياة

الجزء ٦٢

الجزء ٦٢
بالصباح...
سارة م نامت الليل كله و كانت مساهرة بتفكر ف الكلام القالو احمد....كانت متحيرة شديد و م عارفة اذا لازم ترجع لاحمد و لا لأ....كانت حاسة ف البداية انه حتحصل مشاكل لو رجعت ليو لكن بعد م ريم حكت ليها عن ردة فعل احمد لما سمع بالحقيقة و كيف اتاثر رجعت ف كلامها و قالت ممكن يتصلح الخلاف...بس المشكلة جدها اكيد م حيوافق...طبعا مستحيل تعيد نفس الغلط و تتزوج بالسر😂....لما جا الصباح مشت تكلم جدها....
طبعا حافظ د شبه منعزل عن ناس البيت عشان كدا دايما لما تحصل مشاكل كتيرة ف البيت هو م بكون حاضر..
سارة دخلت لغرفة جدها بعد م دقت الباب
الجد:- ايوة خير في شنو؟؟؟د شنو د ي سارة مالك قاعدة ف كرسي؟!!
سارة:-جيت احكي ليك لكن قبليا كنت عاوزة اتكلم معاك ف موضوع اهم
الجد:-و هو شنو؟
سارة دخلت الغرفة و قفلت الباب و قعدت جمب جدها و بدت تتكلم:-جدي ريم حكت لاحمد كلام يومداك
الجد:-ريم دي مالا مهتمية شديد بالموضوع...يعني على اساس احمد حيصدق كلامها....هه و لا حيشتغل بيها...
سارة:-بس تصدق انه اشتعل
الجد:-عمل شنو
سارة:-م بس هو و كمان ابوه اتاثر بالكلام و اساسا هو م كان مقتنع بالحصل زمان بس حاول يقنع نفسه بانه دي الحقيقة
الجد:-اها و بعداك
سارة:-مف طريقة؟؟!🤝🏻❤
الجد:-م يكون قصدك انتي و احمد؟؟!!!!!
سارة:-قاصداك انت و ابو احمدددد
الجد:-لا لا مف طريقة ابدا
سارة:-بس ليه؟؟هو برضو م عنده مشكلة بس دايرك انت...
الجد قاطعها:-دايرني انا ابادر بالاعتذار...د سعد و عمره م بتغير🤦🏻‍♂️
سارة:-طيب و انت ليه م بتقدر تعتذر؟؟على فكرة الاعتذار د م حاجه غلط و لا عيب...
الجد:-بس برضو هو م ينتظر مني اعتذار حتى يسامحني....المفروض لو عايز نرجع زي اول يبادر هو بالاعتذار
سارة:-و انا ناوية برضو ارجع لاحمد
الجد:-هو انتي مف طريقة ترجعي ليو الا كان اتصالحنا انا و سعد
سارة:-يخ م تتصالحوا ياخ هو اصلا فضل من عمركم كم😖😩🤦🏻‍♀️
سارة طلعت طوالي و حافظ بقى يفكر ف الموضوع...اخد قرار بانه يقابل سعد...
ريم،
صحيت و مشيت لغرفة امي و لقيتها مافي....طلعت برا و قلت اشم هوا و ممكن الاقيها برا لكن م لقيتا....و انا قاعدة برا فجاة اتذكرت انه عندي جامعه🤦🏻‍♀️...جريت طوالي جوا و اتجهزت ف تلت ساعة بس و طلعت حتى من غير م اشوف امي🤦🏻‍♀️....
                  .................................

مكالمة...
سعد:-الو منو معاي
حافظ:-اا معاك حافظ انا حافظ
سعد باستغراب:-و داير شنو
حافظ:-نتقابل
سعد:-م فاضي ليك انا
حافظ:-داير اتكلم معاك ف الموضوع الناقشتك فيو ريم
سعد و قايل حافظ داير يعتذر:-طيب وين
حافظ:-حديقة _________
سعد:-تمام متين؟
حافظ:-هسه
سعد:-خلاص شوية و بصل....
بعد قريب النص ساعة وصل سعد و لقى حافظ....لا سلم عليو و لا اتشاكل معاو قعد جمبو بس ف الكرسي و هو ساكت..
حافظ:-هاا م عندك حاجه عاوز تقولها؟
سعد:-انت القلت داير تتكلم معاي م انا
حافظ:-م انا وريتك داير نتكلم ف الموضوع حق ريم
سعد:-اي و انت اكيد عرفت اني دايرك تعتذر مني عشان نرجع زي اول...بس انت عارف؟اساسا م كنت مصدق انك بتعمل كدا و كنت واثق فيك...بس بعداك الزن الكتير من مصطفى و احمد خلاني ارجع افكر بالموضوع و افهمه و استوعبه...و حاولت اطلع لنفسي بالغصب انك غلطان..و مع الزمن مع شكلنا الكتير اتعودت انك تكون عدوي...بس هسه مع اني كنت منتظرك تقول لي اسف لكن داير اعتذر انا✋🏻لانه انت م غلطت في شي عشان تعتذر
حافظ:-كلنا غلطنا و الله كلنا
سعد:-طب مف طريقة؟؟؟🤝🏻❤بعدا موتي قريب زاتو و م داير اتم حياتي كدا وحيد
حافظ ببرود:-مفي مشكلة
م عرفو شنو يقولوا لبعض فاا اتصافحوا بس🤝🏻🤷🏻‍♀️
بعداك اتمشو ف الحديقة و فجاة سعد بداها ونسة مع حافظ و حافظ بدا يضحك معاو لا اراديا و سعد برضو بقى يضحك و فجاة وعو ع بعض
حافظ:-هيي م اتغيرت و الله😂❤
سعد:-انت برضو😂❤
كملو طريقهم و بعداك رجعو الاتنين ع بيت سعد
دخلو و شافوهم نفيسة و اسراء(جو زيارة من بيت رجالهم) و نفيسة مصدومة للاخر طبعا
نفيسة:-د شنو د يابوي الزول د جاي هنا ليه؟؟؟؟
اسراء:-كانه ف حاجه حاصلة؟؟😂
سعد:-حاجااات....اتصالحنا و كدا
نفيسة:-فجاة😐
حافظ:-و الله الموضوع اخد وقت لكن م وقت طويل
احمد جا نازل من فوق:-في شنو ....لقى سعد و حافظ واقفين و بيضحكوا
احمد:-د شنو د🤨
سعد:-ذكروني اجيب مايكروفون عشان م اعيد لاي زول كلامي🙂اتصالحناااو
ف نفس الوقت جو زياد و حسن و اشرف و بدر و عمر داخلين و شافو المنظر
كلهم:-wt is this؟!
سعد:-لا حولااا....د حافظ و انا سعد عرفتونا؟؟؟؟
اشرف:-لا لا دقيقة في مجال نتعرف؟🌚
سعد:-يولد اسكت😂...م حاعيد تانييي....انا و حافظ اتصالحنا و خلاص...
حافظ:-يلا استاذن هسي مرتك بتجي ناطه كمان😂
سعد:-يلا مع السلامة😂
بدر:-انا م حقول د شنو د لكن كيف يعني اتصالحتوا🤨...فجاة كدا نسيت كل العملوهو فينا؟🤨
نفيسة:-نفسسسس السؤال
سعد:-لا م نسيت لكن كان سوء تفاهم و حليناهو....
جا سعد داير يطلع فوق و لاقته مرته
الجدة:-في شنو مالك مبسوط كدا
الجد:-لا و لا شي بحكي ليك بعدين...الجد كمل طريقه فوق. ..و الجدة نزلت تحت تقول لبدر و حسن انه عرسهم من روان و سلمى يوم الخميس الجاي....
الجدة:-يا بدر...يا حسن...العرس اتحدد يوم الخميس تمام
الاتنين:-جد😃
اشرف:-خال😚
بدر:-اششششش......هاا طيب بمشي اكلم روان🌚
حسن:-ماشي معاك اكلم سلمى
اشرف:-سرررررعة سرررعة قوام
بدر:-اششش ....بدر مشى يكلم روان و عمر و زياد و اشرف طلعو برا البيت....
                    ................................

في الجامعه...
قررت ريم تدق على امها لانها م اتكلمت معاها من الصباح...دقت لكن م ردت....و بعداك دق احمد
ريم:-صباح الخير يابوي...
احمد بفرحة:-صباح النوور
ريم:-مالك مبسوط كدا في شنو؟؟
احمد:-سببين....اقول ليك السمح اول و لا الاسمح😂
ريم:-السمح اول🌚
احمد:-عرس روان و بدر و حسن و سلمى يوم الخميييس.
ريم:-جدد...الف مبرووك😂❤❤❤...اها يربي ف خبر احلى من كدا؟؟؟
احمد:-يب يب حلو شديد...
ريم:-اها سريع حرقت اعصابي
احمد:-ابوي و جدك ..
ريم قاطعته:-مالم مالم؟!!
احمد:-خليني اتم كلامي طيب😂😀...اتصالحوا يريم اتصالحو😂❤❤❤❤❤
ريم:-😳😳 م جادييييي
احمد:-و الله...مالك كانك م فرحتي
ريم:-يخ كيف م فرحت يخ انا الفرحة بلعتنيييي🙆‍♀️🔥🔥🔥😭💛💛💛💛
احمد:-😂😂❤اها متين راجعه البيت انا جايييكم😂❤
ريم:-جاينا ليه؟
احمد:-جاي اشوفك
ريم:-انا مالي
احمد:-يبت ساي بس جاي اها بترجعي متين
ريم:-باقي لي محاضرة و برجع..بكون ف البيت قريب الساعة ٥ كدا
احمد:-خلاص تمام بجي قبل الوقت داك...و بالمناسبة ف مفاجاة💛💛💛
ريم:-ليه ف شنو الليلة ياخ
احمد:-بس ترجعي بتشوفييي
ريم:-تمااام....كنت دايرة اسالك اتكلمت مع امي الليلة؟؟
احمد:-اي ليه
ريم:-بدق عليا و م قعد ترد
احمد:-كان مشينا مشوار الصباح انا و هي و امكن م فضيت ترد
ريم:-مشوارر؟؟ على وين ياا🌚
احمد:-جزء من المفاجأة يلا باي
ريم بفضول كبير شديد:-بببباي
يتبع#....